سنعات19،، ناجحات متفائلات متفاعلات

صباح الخير

يالله هاليومين برد غيييير طبيعي

امس الصباح كان اخر رد لي كنت بكنس غرفتي بالمكنسه الكهربائيه

لكن مع البرد تنحت ماادري وش جاها عيت تشتغل افطرت ساندوتش مرتديلا دجاج

مع خيار وكاسة شاهي خلصت اخر دفعه من الملابس الملونه الي بالمجفف

رتبت اغراض هيوني وطلعت بيت اهلي عند اختي وبنتها وكان الجو جمده

بس يجنن غييييم الله يجيب المطر والخير راحت بنت اختي تنام ومسكت بنتها

واختي راحت تسوي غداء بنتها لاني بطلع الظهر لبيتي وحفيدتها بتصير معها

وجلست بين هيونه وجوان ترضيع وشيل وحط ومروقه على شاهي

وفاتحه موقع الجامعه من 9 الى 1 الا تغديت على السريع من غداء النفاس

ههههه ورحت بيتي سويت غداي رز بالدجاج والخضار مضغوط تغدينا ونمت

وخليت عيالي عاثوا في البيت فسادا يوم صحيت لقيت علبة الكليجا بدون

غطاء ومفتتينها والمجلس مقلوب فوق تحت فيه العاب لهم

وماخذين حقت التنظيف ام ريش وريشها بكل مكان كأن دجاج

متهاوشين بالبيت هههه وملابس مرميه وحاله صعبه الله يصلحهم

ماقدرت اسوي شي خليتها على حالها ولبست ولبست بنتي

ونزلت تحت سلفتي جايه وطالبيني انزل

تعشينا مرقوق ولا اكلت ماكان لي نفس واخذت عشاء لرجلي منه

ذاكرت لحمودي على السريع وطلعت فوق 11 صليت

العشاء ونومت الشيخ محمد وسويت لي ساندوتش مرتديلا مع فلفل بارد

وشاهي طايحه فيها هالفتره جبناها بالصدفه وجازت لي

وتابعت كم مقطع من مسلسل علمني كيف انساك شادني مره قصته

طبعا زوجي صاف مع الاخ الي في المسلسل يخون زوجته وبالاخير تزوجها

يقول شوفي زوجته وش تسوي له منكده عليه وتدقق وراه قلت

ياحبيبي شربها المر من خياناته وش تنتظر منها تسوي بعد

الله لايحطنا بموقف زي كذا يارب طبعا مااتابع مسلسلات

بس هذا قهرررني مره وانتظر نهايته ابي الزوج يتحسف ههههه

نمت 1 وعليها وصحيت 6 لقيت حمودي زي الربيانه من البرد

ويالله صحى الله يصلح قلبه فطرته ولبسته وقريت عليه وتسهل الله

يحفظه كلمت اختي وبنتها ابي اشوف اذا يحتاجون لي رحت لهم

قالوا لا ارتاحي اليوم اربعاء وجمعتنا ان شاء الله بالليل مانبي

تتاخرين في الجيه حاولت اكنس غرفتي بالكهربائيه وبرضووه متنحه

مااشتغلت جبت المكنسه اليدويه مااحبها تقص الظهر كنست

ورتبت البيت بشكل عام وسريع

نومت قمراي صاارت تعصب وتبكي قبل تنام

قريت يومياتكم وعورني قلبي على شذى

:L:شذى:L:

يابعد قلبي انتي جعل ماجاك تكفير ذتوب ان شاء الله

والله يجعل هالحسام يشيلك من على الارض شيل من بره فيك

ترى يقولون احب واحد لك وابرهم فيك ويصير حنون الي يطلع روحك

ويتعبك والله اعلم

ذكرتيني بماساتي في ولادتي بقمراي جعلها تبر فيني واخوانها يارب

انا مو تعب ولاده قد ماهو ظروف سيئه ولدت فيها حسبي الله ونعم الوكيل

المستشفى العسكري ماراجعت عندهم يوم جيت تفلتوا علي معصبين مني

ليش ماراجعت ولا كشفت وبميشو كنت نفس النظام ومشى الحال

لكن هالمره كانوا مشددين المهم يوم طلعوني فوق بعد الكشف تحت

كان الرحم مفتوح 3 سم قالوا بنحطك بغرفه عاديه الين تجيك ولاده وننقلك

اذا فضت غرفه طبعا كانوا قبل يطلعوني فوق المكيفات عطلانه

وكانوا يسوون لها صيانه تخيلوا كانت تكشف علي من تحت والهنود

يشتغلون بيني وبينهم ستاره فجاه طلع غباااااااار غير طبيعي من المكيفات

ووزعوا علينا كمامات طبعا بعد الطلب منهم انا مااخذت لفيت طرحتي

وقبل اطلع فوق بعد ولدت وحده قدامنا تخيلوا الرعب وهم غارقين في عملهم

الي تكتب في ملفات والي في سبوره فوق الجدار والي تكشف وحااااااله صعبه

وتصارخ مااحد عطاها وجه طلعت فوق السرير وطلع بزرها يوم تجمعوا عليها

ياقلبي رحمتهاااا وجلست اصيح بانهيار وبصوت عااالي اسمي عليها

وعلى ولدها

المهم فوق الطاااامه الكبرى طلعت امشي في الاسياب ابي تتسهل الامور

قالت الممرضه لاتمشين مافيه غرفه فاضيه لك يحسبون الولاده بضغطة زر

تجي او توقف حسبي الله ونعم الوكيل

قالت بنت اختي الي والده الحين اسفهيهم وامشي وفعلا مشيت

يوم اذن المغرب ماعاد قدرت اوقف من قوة الالم انسدحت على السرير

وبنت اختي تهف علي وتقرا علي والممرضه تهاوش مافيه ولاده

يااااااااااااويلي وشلون مافيه ولاده البنت تدفع والطلق زاااد مره

بديت افقد الوعي من انخفاض الضغط ونفص الاكسجين كل هذا

ولافيه غرفة ولاده فاضيه قلت للمرضه هاتي اغراض الولاده اقصد

المقصات والخرابيط حقتهم ابي اضمن اذا طلعت بنتي فيه استعداد

لها لاني حسيت اني بولد في مكاني والي جنبي تقول لاتكفين امس ولدت

جنبي وحده واليوم انتي كانت منومه وهي في الشهر السابع المشيمه نازله

المهم خلاااااص حمي الوطيس والممرضه رايحه جايه على التلفون تكلمهم

وانا عطوني كيس انفخ فيه عشان الاكسجين وجاني تشنج باطرافي من هبوط

الضغط وبنت اختي تقرا وتهف علي حررررررر موت وااشر لها على يديني مافيها

حركه شصبت واسمعها تقول لها وهي تهاوش ومتوتره تقول انا هنا حراره وسكر بس

ولاده مافيه وتسكر رجولي وتحطني على جنب عشان مااولد وانا مطاوعتها ياحبي لي

وصرت كاني اودع الحياة واحس كاني تحت مويه الثقل صار براسي

وخلااااااص بديت اتشهد واستودع نفسي وبنتي ربي وقلت ياااااارب لاتخليني

اموت ضحية اهمالهم شوي ماعاد حسيت الا وانا على ظهري واصرخ باعلى صوتي

البنت طلع راسها والهوانم شرفوا بعربيتهم بيشيلوني وبنت اختي تصيح يوم

شافت البنت طلع راسها والي جنبي كان عندها زياره هجت مع الحرمه الي عندها

والي بالغرف كلهم طلعوا بالاسياب يشوفون وش الي صايركل هذا من صرختي

الي مدري كيف طلعت الى اليوم لاني ماشاء الله مااصارخ بس الشكوى لله

حدوني على اقصاي حسبي الله عليهم

طلعت البنت مختنقه ولونها كحلي وعطوها اكسجين ماعاد اهتميت وقتها

الا فيها نسيت كل شي لحد ماتطمنت عليها الحمد لله وشفتها يرجع لونها

طبيعي ياااااااااااااااااارب لاتحرمنا الاجر ماعليش تاثرت من قصة شذى

وجادت القريحه بقصتي ادري تقولون ليتها ماجادت ههههه بس اسفه

سامحوني وطولت عليكم بعد

:L:روز ياقلبي الله يجيبكم بالسلامه يارب وتنورون السعوديه

:L:انثى الف سلامه عليك وماتشوفين شر ان شاء الله

:L:وتوره واروما الله يوفقكم يارب وييسر اموركم ويجعلكم احب واجمل زوجات

لازواجكم ويسخر لكم ازواجكم اللهم اميييييييين

اروما انا ماكان فيه استعداد اصلا لملكتي كانت عائليه بحته ولافيه

اي شي يدل على فرح لا لبس ولارقص ولا اي شي والحمد لله اهم شي التوفيق

وانتي اهم شي نفسيتك ياقمر لانها تعكس على شكلك وتصرفاتك

حاولي قد ماتقدرين تسترخييييييييين على الاخر واذا استرخيتي

ركزتي اكثر واذا ركزتي مشت الامور تمام باذن الله

:L:امل ابشري من عيوني انا ماعندي مانع اشوف لك العلاج هذا بس

وش اسمه ؟ارسلي لي رقمك على الخاص وابشري اذا ماعندك مانع طبعا

او ايميلك عشان نتواصل