سنعات19،، ناجحات متفائلات متفاعلات

بنات حدي متضااااايقه طبعا انتم عارفين البزارين ياكثر مايتناقرون
ولدي سلومي وولد اختي (نايمه عندنا زوجها مسافر)حياتهم
منااااااقر واذا تناقرو ولدها يغلب ولدي بس ولدي
ماعنده الا الحكي وولدها ماشاء الله
يكفرباللي قدامه
من شوي تهاوشو على شي تااااافه
وهي راحت وخلتهم ضامنه ولدها اللي بيغلب
جيت على صوت هواشهم لين ولدها ماسك ولدي
مع رقبته وشاله بشكل استغفرالله ورمى ولدي
بكل قوته على راسه جيت ولين عبودي يتفرج
وسلومي يصيح وقام يستفرغ
جيت قلت لعبود انت ماتشوف اخوك وتفزع معه
جت تركض انهبلت وراك تقولين افزع معه؟؟؟؟
مااعتذرت ولا بينت لولدها خطاه!!!
اسمعها تقول هو ماغلط فكيه احسبها تقصدولدي
ماغلط واثر ولدها تناشب مع عبود وامي تفكهم
وتقول فكيهم ولدي ماغلط؟؟؟!!!
ياالله رفعت ضغطي بجد وجت ترفع صوتها علي
وتقول خلينا صريحين ليش تقولين لولدك ورى مافزعت
مع اخوك قلت اقصري صوتك ولا تناقشين
قدام هالبزران ناقشيني بدون مايسمعونك
سبحان الله تكااابر
قلت ترانا خوات لا يفرقونا بزرانا
وراحت ولا عادشفتها
تلقينها الحين حقدت وزعلت
استغفر الله
وعقبها بدقايق قامو يلعبون مع بعض
اطفال بس اللي يقهرك لا تدخلو الكبار!
وجاني ولدي عبوديقول ماما خلاص تسامحنا
ياالله مايعرفون يراعون مشاعر نفاس ولا غيرها
احس اني متنرفززززه
بالله غلطت بأي شي من اللي قلته؟
لا تجاملوني عطوني رأيكم بصراحه .

مساكم خير ،،،

يومياتي ،،،

اليوم قمت ١٢ ونص على صوت عيال الجيران

قومت عيالي وعطيتهم عصير وبسكوت ،

صلحت قهيوتي وتقهويتها مع شوكولاته وبسكوت ،

وتلحلحت من مكاني ٢ ونص ، جبت سطل فيه

فيري وكلور ، وكببت على موكيت الصاله ،

وناديت الشغاله عشان تفركه ، وكببت مره ثانيه

مويه وكومفورت ، وفركته بالفرشه ، وصار يلق ،

وغسلت المراكي ومسحت بقع في المساند ،

وشغلت المكيف الحار عشان ينشف ،

العصر صلحت صينية مكرونه بالصلصه البيضاء

وخلصت كل دفعات ملابس الشتاء، وكوت ثلاث ارباعها ،

ومروني اهلي &#1633;&#1633; وربع عشان ياخذونها <<ماسافروا

كنست غرفتي ورتبتها ، وفرزت من ملابس الشتاء للجمعيه ،

بكره بإذن الله بيجوني حمولتي ، الله يسهل ويعين ،،،

تصبحون على خير ،،،:l:

؛شذى ،،،

الله يعينك ، وجعني قلبي تخيلت بكره

اذا جاء لخواتي عيال بيصير بيننا حزازات ،،

مدري وش اقول ، مابعد جربت ،

بس اختك لازم تفهم انه مافي شي في الدنيا

يفرق بينك وبينها ،الله يهديها ويولف بين قلوبكم ،،،،

للمعلوميه أختي اصغرمني
وولدها اكبر من ولدي
خوخه مابعدجربتي بس هالشي
يرجع للأخت نفسها انا واختي اللي اكبر
نتغاضى ولو اشوفهم يسوون اي شي
هي ماتزعل وانا ماازعل
بس هذي غير حاطه عيا لها مايغلطون ابد
الحين هي جالسه عندي وش رايكم ابين لها غلطها
والا اسكت لين اتوحد معها
الحين فيه امي واختي

ملاك النرجس ،،،

هذا برودكاست وصلني من صديقة قديمه

مررره اعجبني ،،،

لا تعلقي قلبك بشكر الناس ولوعلقتِ لتركتِ كثيراً من المعروف والإحسان , لأن كثيراً من الخلق لا يستحقه .
لكل مهمومة محزونة قدّمت معروفاً ولم تلقَ شكراً عليه , لا تندمي على ما قدمتِ ولا تحزني بل أبشري فاليد العليا أحب إلى الله تعالى من اليد السفلى .
ولو قيل لكِ أن الله ادخر لكِ الشكر في الآخرة ومنعك شكر الناس في الدنيا أيهما تختارين ! فالعبد لا يدري ما الذي يقربه من ربه , قد يحرمك سماع شكر الناس لحفظ قلبك من أدران حظوظ النفس , فلنحسن الظن بالله .
د.ريم الباني/

وخذيها مني قاعده لاتبالغين وتهلكين نفسك عشان الناس

سوي الزين واللي يرضي رب العالمين ثم يرضي ضميرك

لاافراط ولاتفريط ،،، واذا احد قصّر هذا راجع لشخصه هو ،،،

اقول ياشين اللي فاضيه وعزوبيه

ومسويه مصلح اجتماعي خخخخخخخ

شذى.. احس لو انا مكانك..

بدخل امي بالموضوع.. واطلب منها على انفراد تفهم بنتها اللي هي اختي وتعلمها السنع..

وانها ما تحط راسها براس بزران..

لأنها بتسمع من امها اكثر من انها تسمع مني..

ملاك.. مرة ثانية اذا عزمتك اختك تأكدي منها عن الوقت اللي بتستقبلك فيه..

فيه ناس صبحهم الظهر..

وخففي من الحساسية.. انت اللي بتتعبين..

باركو لي بنات..

اخيييرا وبعد تفكير وتمحيص ومقارنات..

تم الاختيار.. و الاهم..تم الشرااااء..


وحصلت على جوال GALAXY S II

كللللليش..

روز ،،،

مبرووووك الجوال ، الله يعطيك خيره

ملاك النرجس ،،،

الفاضي يعمل قاضي خخخخخخ

وشهيتيني بالقهوه وعين الجمل ،،،

##خــوخــه##;15727902:
روز ،،،

مبرووووك الجوال ، الله يعطيك خيره

ملاك النرجس ،،،

الفاضي يعمل قاضي خخخخخخ

وشهيتيني بالقهوه وعين الجمل ،،،

ملاك النرجس
بالعافيه القهوه ووسعي صدرك الدنيا ماتستاهل
نتكدر عشانها وأختك شكلها من النوع المطنش!
............
روز
مبروك الجوال
وامي تكلمت قدامها وبينت لها يوم رقت أختي فوق
بس امي ماردت ولا كلمه لا إلى هؤلاء ولا إلى هؤلاء
عسى الله ييسو بكره وابين لها بنفسها
لا كلمتني ولا حتى ناظرت فيني
الله يهديها بس.
.............

[COLOR="RoyalBlue"]ملاك النرجس
وش دخل الجلابيه بالكبر؟؟؟
بالعكس احب البسها في مناسبات معينه
نقعد حياتنا مضيقين على ارواحنا باللبس
الضيق والميدي أو اللي يسمونها ميني جلابيه
مادخلت مزاجي ماتناسب اي احد
واحس كأنها بنجابي ناقصه
بنطلون والناس أذواق[/COLOR]

*شذى الورد*;15727955:
[COLOR=royalblue]ملاك النرجس
وش دخل الجلابيه بالكبر؟؟؟
بالعكس احب البسها في مناسبات معينه
نقعد حياتنا مضيقين على ارواحنا باللبس
الضيق والميدي أو اللي يسمونها ميني جلابيه
مادخلت مزاجي ماتناسب اي احد
واحس كأنها بنجابي ناقصه
بنطلون والناس أذواق[/COLOR]