سنعات19،، ناجحات متفائلات متفاعلات

##خــوخــه##;15724452:
ملاك النرجس ،،،

الله يشفيك ياوخيتي ، طهور بإذن الله ،،

،،،،،،،،،،،،،

فيني النوووووم وعظامي متكسره ،،،

،،،،،

سلام عليكم
حبيباتي انا من المغرب والعيد بعدكم بيوم عندنا وناسة يومياتكم ممكن انضم لكم او لا

israe;15724892:
سلام عليكم
حبيباتي انا من المغرب والعيد بعدكم بيوم عندنا وناسة يومياتكم ممكن انضم لكم او لا

صبااااح الخيرات
اليوم ننمت بعد الصلاه صحيت الظهر وكنست البيت مره تانيه
وطلعت الزباله قبلها بالليل ولما شالها زوجي سربت على المدخل
ورجعت غسلت المدخل :hysterical:
وبخرت البيت وجهزة قهوه أتقهوينا وطلع زوجي مع أخوانه يذبحو الأضاحي
بالمسلخ وأنا سشورت شعراتي ولبست فستان نعوووم قصير
وحطيت مكياج خفيف
ووزعت التمر والحلاوة ورجع زوجي ومعاه لحم الأضحيه ووزعناها وأنا أخذت
الكبده وحاجه تانيه نسيت أسمها وقلقلتهم وأتغدينا وزوجي الله يسعده نظف الكرش
والي معاها وقطعها وكيسها
وأنا نظفت حوستنا وركبت عالقهوه ولبست وغيرت مكياجي وبخرت مره تانيه
وبعد صلاة العشاء أجو أهل زوجي الي همه عمو وزوجته وبنته وسلفتي وبناتها
وبعدها أهلي وخالتي وعريستنا
وبدأ الكرف الي على أصوله ههههه
على فكره لما أطفش أدخل غرفتي وأروق شوي
وطلعو الساعه 2 وعليها وأنا أخذت قهوتي وحلاوه وروقنا عليها أنا وزوجي
وشطفت الحمامات بكلور بعد الناس ولميت الزبايل وخلاااااص
مقدر أكمل بكره أن شاء الله أكنس البيت
ولا تزعلي ياشذاوي رغم التعب الي فيني
كتبت يوميات

صباحكم ورد

بعد اخر رد ليا جا اخوي لبس وطلعنا للاستراحة

انبسطنا وغيرنا جو وما شاء الله الجو بدأ يبرد

طبعا ملمني اخويا ع 2 ونص قال شويا ونمشي

وافتكرت شي الا وهو ...

















انو اختي اخذت كيس جبتو لها في اغراض وجواتو عبايتي

دقيت ع اخوي قلت روح جيبها واشوا انو بيتها مو بعيد ع الاستراحة

راح جابها ومشينا

ومن نص ساعة تقريبا وصلنا

دودي ايوا يونسونا ياعسل هما وبنات خالو عبد الرحمن جوو

وفقطووون

ودي للجميع

اسراء هلا بيك معانا

عرفينا عليكي

اسراء ،،،

حياك معنا اخت عزيزه ،

بس فهميني كيف العيد عندكم يوم ١١

يعني الوقوف بعرفه يوم السبت ٩

العيد يوم ١٠ كيف انتوا ١١ ،؟؟؟؟؟!!!!!!

الله يعينك تحملي فضولي :)

مها ياقلبي لاتنظرين لعيدنا

حنا العوايل الصغيره ، في بيت اهلي

يصير نفس اللي عندكم ، بس هالسنه

قال عمي لابوي مادام فيه عمال بإستراحتي

تعال اذبحها عندي وريحوا من حوستها ،

وامس في بيت خالي كان عندنا مثلكم ،

الرجال ذبحوا الاضاحي وجابوها اجزاءها

لامي وزوجة خالي وجلسوا يقطعونها ،

وصلحنا منها حميس يفتح النفس ( يقطعون لحم

صغار ويطبخونه مع بصل وثوم وعصير طماط وصلصه وفلفل اسود

وبهارات وناكله بالخبز )

في بيت اهلي يوم جاب ابوي الاضحيه

طلعت امي الكرشه والكوارع والراس وقطع ثانيه

ووزعناها صدقه ، الله يقبلها منا ومنكم ومن كل مسلم

،،،،،،،،،،،،،،،،،،،،،،،

صباحكم عيد
كيفكم ياحلوات
قريت يومياتكم رووووعه بس فيه كثييييير مختفين الله يسعدهم شكلهم انشغلوا مع الجمعات
المهم
يومياتي امس
صحيت الفجر صليت ولبست وصحت ييونه ولبستها وحطيت لها بخار ورحنا نصلي
اووووول مره اصلي بعد ماجبتها وللاسف ماحصلت ولا عيديه من المسجد خخخخخ بس ريال ويوم اخذته رمته بوجه اللي عطتها
قالت العجوز اشتري فيه حلاو يابنيتي جت طالعتها واسكتت ماتفهم لسى ههههههه
المهم رجعنا وعلى طول ع بيت اهل زوجي
دخلت وعايدت عمي وخالتي والبنات ورحت للمجلس حصلت سلفتي هناك وجاب زوجي بنتي ونطت سلفتي بوجهي وقالت عايدتي زوجك ومارديت عليها
قالت قومي ضميه وعايديه وهو يسمعها
انا هنا تنرفزت وقلت اعرف وين اعايده ماتشوفي البيت مليان شباب وارسل لي زوجي ع طول اسفهيها ولاتردي عليها اصلا هي تبغى تنرفزك
وفعلا داااااايم طبعها كذا الله يهديها اما تستلمني او تستلم بنتي
ويوم جو الناس وعبيت صحني حلا اتصل زوجي وقال بسررررعه اطلعي اوصلك لبيت خالتي اللي هي امي عشان بنطلع للمزرعه نذبح الضحايا
ماشاء الله يذبحون ٢٠ ضحيه وعيالهم وعيال عمهم كلللهم يتساعدون بتقطيعها وتنظيفها ووووالخ
وكنت مجهزه له شورت وتي شيرت قديمات وشبشب وفوطه وشامبو وقلت اذا خلصت تحمم وألبس ثوبك وارمي هالشورت لايطب علي خخخخخ
يقول عاد الشباب استلموني تعليق يقولون شكل المدام بتذبحك لو ماتروشت هههههاااااي اهم شي جانا نظيف
وانا طبعا بعد مارحت بيت مامي لقيتهم جايبين عامل يذبح لهم ويقطعهن
طبعا اهلي كان عندهم ٤ ضحايا وفيه مكان مخصص بالحوش للذبح
وانا وخواتي ع المطبخ نستلم وحده وحده ونقسم ونوزع والشغاله قطعت الكبد وشوي لحم وسوينا حميس
يوم خلصنا كنا ميتين جوع وتعب
افطرنا وتسدحنا الى العصر وبعدها تفرقوا كل وحده لبيتها الا انا جلست الى العشاء ورجعت بعدها لشقتي
وتوته توته خلصت الحتوته
وهذا عيدنا الاضحى
طبعا اليوم فيه استراحه بس ماقدر اطلع معهم عشان صدر بنتي تعبان واكيد العالم عطور وبخور وانا مالي خلق تتعب زياده
ابجلس بشقتي ويمكن اروح شويات لخالتي ام زوجي
وبثثثثثثثث

وكل عيد والضحايا تزيد خخخخخخخ 

صباحكم سعيد..

ومبارك عليكم العيد..

مهاوي..اذكر العام علقتي نفس التعليق..

ان عيدنا دلع وكشخة.. زي ما قالت لك خوخة..

حنا عوائل صغيرة..اما اهلنا فيسوون مثلكم..

حنا ابوي وعماني وعيال عم ابوي.. يجتمعون في مزرعتهم اللي بالديرة..

وكل واحد ينحر ظحيته والعامل يصلخها<< من زمان كانوا هم اللي يسوون كل شي..بس الكبر شين..

والراس بعد يصلخ.. كنا نحسحسه..

و كل واحد يخلص من ظحيته يرسلها للبيت.. وتستلمها زوجته وتكمل مهمة تقطيع اللحم وتوزيعها..

_________________

يومياتي..

ليلة العيد..

سويت صينية مكرونه وقهوة وخذها زوجي للفطور الجماعي..

وانا كنت عاجنه وخبزت لنا سينابون وبيزا وزعتر..وافطرنا عليها مع فيمتو..

و روشت بناتي واستشورتهن..

وحفيت ثلاثة ارباع جسمي بالمكينة..وبقيت ربع بحفه بالشمع..

وطبخت عشانا خضار بالدجاج..ولأن صينية الفرن مع زوجي.. طبختها بقدر الضغط..

وانهرست الخضار ماعاد لها اثر!!!!

وجاني نووووم فظيع فظيع.. وبرد..

قمت اسحب نفسي غصب ..رفعت لزوجي عشاه وحطيت عشانا..

لولو ورهف نامن.. وجود تجاملني يا حبي لها..

تعشينا جنب الدفاية..راحت جود تنام.. وانا نمت جالسة!!!!!!!!!

متخدرة مرررررررة.. وكل ما اذكر اني ما بعد تروشت..ودي ابكي..

قمت تلحلحت حطيت الصينية بالمطبخ ورقيت بناتي..

وتروشت ولففت شعري ونمت بالفافات..

قمت سبع ونص..واسأل زوجي: متى صلاة العيد؟

قال: تسع..

قمت وروقت على كبتشينو.. كويت تنورتي وبلوزة لبنتي..

فطرت بناتي.. يوم جت ثمان ونص.. قومت زوجي..

قال انه تعبان وما بيروح.. وكنت متردده اروح ما اروح..

خاطري لو مرة اصلي العيد..بس اذا ذكرت اني بسحب بناتي والزحمة.. استصعبها..

ركبت على قهوة وشغلت تكبيرات العيد..

وكشخت وفككت اللفافات اللي كل من شافني انهبل منها!!!!

وجلسنا بالكونسيرفتري نتقهوى ونكلم اهلنا واحبابنا ونعايدهم..

انا اكلم امي وهو يكل ابوه.. يعطيني جواله واعطيه جوالي..

هو يعايد امي وانا اعايد ابوه.. وهكذا..

بعدين قام زوجي حلق بعد ما هقا ان ظحيته ذبحت..

و كشخ بالبدلة.. وربطت له الكرفتة<<احس اني مصرية ههههههههههه

وطخيته بكم صورة وطلع الساعة وحدة..

سويت لي وبناتي بيض مقلقل..

ورقيت احف الربع الباقي من جسمي..

وولبست بنطلون جينز ذبحني البرد<< كنت لابسة تنورة حد الركبة..

رتبت البيت وكنست وشغلت اناشيد العيد وقعدت ارقص مع اميراتي..

جا زوجي وجلسنا نسولف.. وعالاربع لبست بناتي جينز..

وطلعنا للملاهي المحجوزة لنا..

لعبو البنات وانبسطو.. وعالسبع رجعنا للبيت..

كشختهم وركبت على قهوة وشاي..

وانا مريحة ما افصخ عبايتي.. بس مكياج..

وطلعنا عالثمان..وصلنا الصالة وسوالف وصجة ولجة..

حطو عشاهم عشيت بناتي..

ونامت رهوفة وهي جالسة.. دقيت على زوجي عشان نمشي..

رجعنا للبيت والبنات دايخات..

لبستهم بجاماتهم ونووووم..

واليوم تدق الساعة ولا فيني اقوم لها..

ودي اغيب بناتي .. بس عند جود رحلة من قبل الاجازة وهي تهذري فيها..

قمت متأخرة ولبستهم وطلعنا للمدرسة..

رجعت للبيت وجيتكم..

قطو..

بنات..عطوني رد مناسب..

اقوله للي كل ما شافتني قالت: وراك ناحفة!! وجهك مسود..عسى ماشر؟

حامت كبدي مليت طقيت طفشت..كرهت الجمعات بسبب هالاسطوانة اللي دايم اسمعها..

يحسسوني اني مسكينة!!!!!!!!!! من نظراتهم اللي تبين اني كاسرة خاطرهم!!!!!


اكره شي عندي اني اكسر خاطر احد.. لا اشتكيت ولا شي!!!!

بالعكس مبسوطة ومتشققة بعد..ماشاء الله علي..

بس بالله وش اقول لهالاشكال!!!!؟

واذا قلت: الرشاقة زينة..

لوت زقمها!!!!<<< تراها العجوز اللي قبصتني ذاك اليوم..

كانت مسافرة قبل رمضان وتوها راجعة..

من تجي هي وبنتها ماعاد احب اروح للجمعات!!!!!!! يالله السخرة يالله..

هلا بالحلوات اللي سبعانات لحم وشحم شواء ومقلقل

كوامن الحلى تحفة هاتي الطريقة

وجونتي الغالية متى ترجعين زي قبل احسك كئيبة ومتضايقة هلبة
ربي يفرح قلبك ويزيل همك وترجعي زي زمان تنعنشي الملف بكلامك الرائق

شوشو هههههه ضحكني ابنك وتعليقه
ربي يحفظه

ملاك سلامتك وطهورا يارب

بسومة الله يعيينك على التعب والكرف
بس ما شاء الله عليك بيضتيها اكيد

دودي فعلا يامحلى جمعات الاهل والعيلة

اسراء يامية مرحبا بيك
نورتي والبيت بيتك
اعطينا معلومات عنك
يعني متزوجة او لا
ولو متزوجة عندك عيال او لا ووين ساكنة لحالك او مع العيلة
تدرسي او تشتغلي او ربة منزل
وكدا يعني

خوخة تقريبا الحميس تبعكم زي القلاية عندنا او الكمونية والله على طعمهم

بنت نجد احسن ما قال لك زوجك
فعلا هالنوعية من الناس لازم تسفهيهم

روز الله يعينك بس دامك انت مقتنعة بنفسك ووزنك ما تسالي في احد
واكيد دام ابوكم راضي ولا يهمك من العجوزة
وتذكري ارضاء الناس غاية لاتدرك

يومياتي
امس بعد ردي عجزت وانا احاول انيم لوجي
بس تبكي وتزن وما تبي تنام
وحتى لما تنام شوي وتفز مفزوعة عطيتها ماء غريب وما جاب فائدة
وبعد حرب طويلة وصارع عنيف قدرت تغمض عيونها وتنام بس ماكانت مرتاحة بنومتها المسكينة

فقت اليوم زي العادة ( ياترى لسه حافظين يومياتي او لا والسؤال بالذات لخوخة )
دخلت المطبخ اكلت تمر وبسيسة وجهزت الشاي وما كان عندي بن عربي وحطيت الشاي في الترمس وحطيت الغذاء على النار وغسلت المواعين اللي طلعت
بعدها لفيت سريع في البيت وفركت وشطفت الحمام وتمكيجت وغيرت ملابسي ولبست شرت فضي لماع وبدي اسود ( تي شيرت لاصق )
وجبت كوب شاي بحليب وجلست على النت شفت يومياتكم وقام زوجي يبي يفطر
جهزت فطورنا وسمعت ميورة فاقت
طلعتها من سريرها ودخلتها الحمام وجلسنا نفطروا
وهذه صورة فطورنا
قبل الاكل

وبعد الاكل


بعدها غيرت لميورة وكانت لوجي فاقت فطرتها وغيرت لها وغسلت مواعين الفطور
وعملت حليب وكاكاو لميورة وانا عملت قهوة حبيباتي السعوديات ومعاها حبة شيكولاتة
وجيتكم

وبثثثثثثثثث بثبوثة

روووز ،،،

لااله الا الله نفس الكلام اللي اسمعه

في كل جَمعه في كل عزيمه ، طقققت كبدي

مثلك ،ودي اقولهم مسوين رقابه على جسمي

يعني لازم اصير اخض مع كل جهه في جسمي

عشان يحسون اني مبسوطه ، الله يصبرني ويصبرك ،،، 

يومياتي ،،،

امس نمت &#1634; الليل كنت تعبااااانه عقب ارهاق العيد

وقمت اليوم &#1633;&#1634; الظهر صليت وتقهويت مع اهلي

حطوا الفطور فول ونواشف ، افطرت وضفيت شناطي

وحطني اخوي في بيتي ، محتاجه ملابس من بيتي

لاننا بنجتمع في بيت خالي والبنات مسوين حفل صغير

جمعنا مبلغ وراحوا خواتي يشترون اغراضها الظهر ،،،

وانا وصلت بيتي ورتبت شنطة عيالي وحممتهم ولبستهم

وتحممت وتبخرت بعود ولبست واستشورت شعري وتمكيجت ،،،

أنتظر اهلي بيجوني بعد المغرب ،،، زهقت من الانتظار ،،،

وسلامتكم ،،،،

اللي كتبو يومياتهم انبسطت وانا اقراها
الله يسعدكم ننتظرالبقيه ساهر ترى متوزي (متخبي)
مهاوي
شهيتيني بالمكدوس بالعافيه اشتهيت
فطور نواشف اتتي اللي سويتي المكدوس؟
............
ندى

بس حطي براسك براسك
( وإذا خاطبهم الجاهلون قالو سلاما)
اكتفي بردك اللي قلتيه
وحاولي تتجنبين السوالف معها اكتفي بالسلام
عقليتها تختلف عن عقليتك
دايم الكبار بالسن احسهم يغارون مناللي اصغرمنهم!