ام ساجد;15737477:
انا لسه باقيلي حوالي 10 ايام واخلص التامن ادعولي الامور تمشي على خير
احسن انا والشيطان دلوقت مش بنفارق بعض على طول مش سايب وداني رغي رغي رغي
واعوذ بالله
يااااااا انتي كمان ... هههههه دا انا والشيطان اصحاب اوي اليومين دول .... اعوذ بالله من الشيطان الرجيم
اللهم باعد بيننا وبين الشيطان كما باعدت بين المشرق والمغرب
يارب تخلصي التامن على خير وتدخلي التاسع بالسلامة وتولدي ولادة سهلة وميسرة وتقومي انتي والنونو بالف صحة وعافية F:
بس لو مافيهاش تطفل يعني ... هي ايه الظروف الي بتقولي عليها دي الي هتخليكي تولدي قبل ميعادك (عندك ضغط او سكر حمل) طمنينا عليكي بس
ام ساجد;15737497:
ام مشمش انا كان عندي التهابات واتعالجت منها اخيرا في نوع كريم هوا اللي نفع معايا اسمه جينو تروسيد كريم مهبلي بس حلو
الحمدلله انها اتعالجت يا حبيبتي والله لا يرجعها ...
ام ساجد;15737511:
وما حدش يسالني مين ساجد دا لاني شخصيا ما اعرفش هوا مين هههههههههههه
دا اسم عجبني لما سمعته ولما جيت اشترك في المنتدى سجلت بام ساجد
شكلك حامل في ولد زي ما دكتورة سمسمة قالت علشان بتقولي انك حامل في وحش هههههه
خلاص يا ستي ربنا يباركلك في حملك ويجي النونو بالسلامة وتسميه ساجد باذن الله وربنا يبارك فيه هو واخوه
DR.smsema;15738468:
يا بناااااااااااااااات ايه رأيكم في اسم (أسلم ) يعنى زي اكمل واجمل وافضل
اسم غريب بس عاجب زوجي
طبعا هنا اخوانى بيقولوا هو زوجك فيه عرق هندي ولا باكستانى
واهله يقولوا يعنى كان يهودي
بس والله محتااارين في الاسم
مالكيش دعوة بحد لو الاسم عاجبكم اتكلوا على الله وبعد كدة الطفل الي بيحلي اسمه ... بس بيني وبينك هو موسيقته لذيذة ونطقه حلو بس معناه مش اد كدة (يعني ايه اسلم) طب اكمل جاية من الكمال وأكمل واحد او اكمل شخص وبرده مش حلو لان الكمال لله وحده
لكن اسلم (مش عايزة اقول نفس رد اهل جوزك)
بس لو انتم مقتنعين بيه اتكلوا على الله ومالكوش دعوة بحد
دلوعة س;15738670:
مرحبا صبايا
كيفكووووون ع اخر الشهور وشو عاملين وكيف البيبيز:D
مرحب بيكي يا دلوعة انتي يا سكر ... اهه زي ما انتي عاملة كلنا عاملين وعلى رأي ام سلمى ربنا يهونها ههههههههه
بس غلاوتهم بتيجي من التعب فيهم ... يجوا البيبيز بالسلامة ان شاء الله
******
أم سلمى انتي ودكتورة سمسمة ... متشكرة على ردودكم علي
بس والله زي ما قالت أم ساجد الحمل الصعب بيكون غالي اوي والهسهس لازم يكون موجود
خصوصا لما نفقد قبله حمل واتنين
وانا بالنسبة لي ده اول حمل بعد انتظار وتوقف نبض بيبي بعد حق مجهري وطلاق وزواج جديد والتصاقات رحم وانسداد انابيب وعمليات مناظير واشعة صبغة وحالة نفسية زفت :thumbs_down: وتلقيح صناعي وشوق وانتظار والحمد لله رب العالمين من عليا بالاستاذ مشمش بيه ربي يتمهالي على خير ويجي بالسلامة بصحة وعافية سليم معافى ومعاذ من كل الشرور ومن الشيطان ومن اي مرض قولوا امين
فمعلش انا اسفة اذا كنت بضايقكم بأسئلتي الكتيرة المهسهسة والي مليانة قلق ومعظمها في رأيكم اسئلة هبلة بس اعذروني حبايبي هانت ... كلها اربعين يوم واغير نوع الهسهس واقولكم الحقوني مشمش بيعيط ... مشمش خربش وشه بضوافره ... مشمش زعلان ... مشمش زهقان ... الحقونييي البامبرز بتاع مشمش بيسرب :lol:
ربنا يخليلكم ولادكم ويباركلكم فيهم ويقومكم بالسلامة حبايبي
*****
ياسوووو وحشتينا اوي اوي اوي ويارب ترجعيلنا بكامل نشاطك زي الاول وتونسينا بلامك الحلو