ツ التجمع الخامس لحوامل شهر ديسمبر 12-2011 ツ

ياكارو حرام عليكى

ده إنتى لسه حتى ما وصلتيش لنصف التاسع

مستعجلة على إيه

يابنتى كل ما يكمل جوه بطنك وقت اكتر يبقى أحسن له

وأوفر لكم

ام مشمش ده إنتى اللى عسل ضحكتينى لما قلتى إنى هأحدفك بطوبة

حرام عليكى هو انا مفترية قوى كده:rolleyes:

بس كل الموضوع خايفة عليكى من كتر ما إنتى خايفة على مشمش تحوليه

لمشمشة وده مش هيبقى حلو ياقطقوطة وسى مشمش هيتنمرد عليكى مع

مرور الوقت

ها عايزة كده ولا عايزة تبدأى صح وتمشى صح فى تربيته;)

التربية الصح تبدأ بالتعامل الصح مع الطفل وإنك تعطى المواقف حجمها

الطبيعى وعدم التأثر بالمشاعر الخاصة


معلش أعذرينى طبيعى عملى هنا فى المنتدى بتغلب عليا وألاقى نفسى

أنصح أول ما ألاقى اى مشكلة :lol:

حور تقريبا اى دكتورة مش بتكشف من تحت فى التاسع إلا لو لقت منك

شكوى تخليها تتطمن بالكشف

يعنى مثلا بتشتكى من إفرازات أو بتشتكى من طلق

يعنى تقريبا الحاجات اللى ممكن تخليهم يكشفوا كشف مهبلى قبل الولادة

ايام حملى فى سلمى كشفوا كشف خارجى قبل الولادة بأسبوع علشان كان

عندى إلتهابات وأعطتنى علاج لها

وأول كشف مهبلى حصل لى كان وقت الولادة نفسه

أم مشمش أهه إنتى جبتيها من الآخر

معظم تعبنا كله بيبقى وهم نفسى

وحتى تلاقى فى القصص يجيبوا لك واحد شايف نفسه ضعيف

وييجى واحد حكيم يضحك عليه ويقول له إشرب المشروب السحرى ده

هيخليك قوى ويشربه ويلاقى نفسه بقى قوى وشجاع ومش عارفة إيه وييجى

بعدين الحكيم ويقول له ده كان عصير عادى مش بيعمل حاجة

لكن إنت عندك القوة ولما إقتنعت إنها بقت عندك ظهرت

ولما كنت مقتنع إنك ضعيف كنت ضعيف فعلا

ياريتك بقى تمسكى فى الكلام ده وتطبقيه على كل حاجة

نصف مشاكلنا عبارة عن وهم إحنا اللى بنعيش نفسنا فيه

ولو غيرنا أفكارنا السلبية لأفكار إيجابية هتلاقى الامور ماشية تمام التمام

وعارفة تتعاملى مع كل مشاكلك:)

حور من دلوقتى خايفة من الكشف المهبلى

يابنتى شدى حيلك ده بالنسبة لى أسوأ مافى الولادة كلها

علشان كده ربنا يسهل وما أروحش المستشفى غير فى آخر وقت

لان كل ما الواحدة تروح المستشفى بدرى كل ما هيكون الكشف المهبلى

عليها اكتر لانهم كل شوية هييجوا علشان يقيسوا اتوسعت قد إيه :hysterical:

ربنا يهونها علينا كلنا

حور ابقى تعالى طمنينا عملتى إيه فى موعدك

أم ساجد ههههههههههههه

ياعينى عليكى صعبتى عليا وانتى بتفكرينى بأم مشمش وهى سهرانة

لوحدها وتفضل تكتب فى ردود علشان تسلى نفسها لغاية ما تلاقى حد يدخل

يونسها ياخسارة كانت ياسوو بتدخل تسهر معاها ومن ساعة ما والدها توفى

الله يرحمه وهى ما بقتش تدخل غير على فترات متباعدة ويادوب تسلمى

وتخرج

ياستى غالبا هتلاقينا بندخل على مدار اليوم ومالناش اوقات محددة يعنى إنت

وبختك يا أبو بخيت

ممكن تلاقي النشاط كله فى فترة الظهرية

وممكن تلاقى النشاط كله فى السهرة

ما إحنا كلنا حوامل وياعينى الواحدة مننا على ما تلاقى وقت تعرف تنام

فيه بتكلبش فيه بإيدها وأسنانها او تلاقى عندها طاقة تقوم تخلص شغل بيتها

وفى كمان مننا الموظفات الله يعينهم

وربنا يبارك لك فى محمد وتفرحى بيه وهو فى أحسن حال بس ياستى دارى

على شمعتك تقيد ياحاجة ما يحسد المال إلا اصحابه

واستنى بس هو إنتى أخر دورة لك كانت إمتى

23/3 ولا إيه ياحاجة

أصل انا ميعاد الدورة بتاعى المفروض يوم 28/12

وبعدين هم محددين لك موعد ليه

هو إنتى هتولدى قيصرى^o)

إحكى لنا على سبب الإجهاضات اللى قبل كده وسبب صعوبة الحمل ده معاك

ربنا يتممه لك على خير وتفرحى بجنينك وهو فى اتم صحة وعافية

ام سلمى اطمنى ان شاء الله مش هنقفل التجمع الا لما اخر واحدة تولد

كارو حلوة الصور كتير بس اذا هعمل غرفة منهم انا اللى هنام فيها مش اولادى (ادلع نفسي شوية )
واستريحت لما لقيت السرير شبه اللى عندى قلت الحمد لله ياللا بجيبله لوازمه واهدى

وام مشمش انتى شكلك مشمش عملك هسهس يابنتى قلنا بلاش وهممممم انا حاسة انى اذا قلتلك جسمك ازرق من غير ما اشوفك هتصدقى
((((((بهزززززرررررررر))))))))
واسيرة وحور ورونق ياللا واحدة فيكم تولد


um.3looy ان شاء الله بخير
وام ساجد ربنا يكرمك وتولدى بالسلامة

وبااااااااااااااقي البنات يارب بخير