✿... اللمة الثانية لبنات ليبيا الحرة ...✿

ماما ألاء
نبي منك طريقة بسبوسة سهلة و خفيفة

اني ما ناكلش في البازين راه خخخخخخخخخ

يعني اني مش من عشاق البازين
نطيبه ونرفسه والجماعة تاكله
ماما تقولي راك ما كليتي شئ
ماهو اني ما نحبش ناكل بايدي اصلي بقرف :badly:
حاشاكم طبعا

قولي اللي اطيب فيه من الاعدادي تمشي تهدرز بعيد
شنو هذي تعصد فيه من بطن امها

يلا ما نبيش ناخذ بالعين
ما شاء الله

منو قال بسبوسة
منو جاب سيرة البسبوسة
منا يجيب حد سيرة البسبوسة
:'(:'(:'(

يا ستي من يومين درت بسبوسة جت تحفة
حاجة صقع من الاخير
واني طول الوقت نقول اه محلاها محلاها ونشكر في روحي وهكي
جيت اليوم درت بسبوسة
جت يابسة زي عظااااااااااااامي

طبعا غباء مني نسيت نريحها
مفروض ترتاح نصيب من الوقت
يلا الحمد لله وخلاص شنو بنديرو
توة بابا يقرمشها وخلاص


طريقتي

كوبين سمدينا
كوب دقيق
كوب الا ربع زيت
ملعقة كبيرة زبدة او سمن
نص كوب سكر
كوب زبادي (نستخدم في نكهة العسل ويا سلام لو كان يا غورت اكتفيا على عسل يمي يمي يمي)
نص كوب حليب
مستكة
ظرف بيكنج باودر

اعجني المقادير مع بعض ولو جت يابسة زيدي عليها عطر
بعدين حطيها في طاجينها وخليها ترتاح ليلة مش تجيك قنينة

لو تبي بسبوسة سريعة ديري طريقة البسبس كيك
يعني مقدار سمدينا وزيه دقيق ويكون فيها دحي
اضربيها وحطيها في طاجينها وطيبيها طول
بعدين عسليها

وصحتين

رموسة
سلمها يا ربي و ما اتحشمي اسئلي الي يخطر في بالك

قصدك من بكري تسالي على تصغير الصورة على خاطر السنفور
بعثيهولي راه صغرته وبعثه ليك بعروسته خخخخخخ

ربي يحفظه وتشوفيه عريس ان شاء الله

ماما الاء نبي البسبوسة اللي تطيب طول
و يعدين مش ياسر ظرف بينج باودر كامل

تبيها اطيب على طول
ديري طريقة البسبس كيك

يعني اضربي دحيتين ونص طاسة سكر مع فانيليا
زيدي عليها نص طاسة زبددة او سمن
وبعدين طاسة سمدينا وطاسة دقيق
اضربي كويس وبعدين زيدي طاسة ياغورت

ما تنسيش البكنج باودر

على فكرة الطريقة متاع بكري لازم ترتاح حتى لو فيها طن بكنج باوووووووودر

في طريقة البسبس كيك كم مقدار البيكنج باودر
لانه انحسه هلبة ظرف كامل