✿... اللمة الثانية لبنات ليبيا الحرة ...✿

ههههههههههههه
فكرتوني باللذي مضى

طبعا قصص سبحان الله
كنت نسحاب روحي لما نتحررو ونقدرو نكلمو بنكتب كتاب قصة خيالية من اللي شفناه
بس سبحان الله نسيت كل شئ
قبل كنت نفكر بنكتب كل شئ يصير بالتاريخ يعني زي المذكرات
بس خفت يخشو علينا الكتايب ويلقوه عندي ونبدا بعدين بسيسة خخخخخخ

قصف عين زارة حاجة بكل
اني على فكرة من اول يوم قصف معاش رقدت
خصوصا يوم حوش عرادة
اللي قاصفه معمر وقالو قصفه ناتو
من هذاك اليوم نقول توة معمر طيح علينا صاروخ ويقول ناتو
الحمد لله مافيش حد يهرب من نصيبه
ويا رب يكمل علينا بالخير

على شنو تتكلمو ؟؟؟
منو اللي انشهر؟؟؟

معليشي قصقصة

ماما ألاء
صحيتي على المساعدة

رموسة توه انتي وين ؟ في سبها ؟ قصدي وين عايشة؟ سؤال عابر ما اتخافي هههههههه
ماما الاء نحكو على اللي مصور فيدو الانفجار اللي في سبها و يقول فيه خزيييه ياربي

حي حي حي واخيرا شفتوني
الحمد لله

يا روحي عليه
تلقيه من الرعايش

عندي اميمة تسكن في طريق السور
يحكو ليا خالاتي لما يجي يقصف الناتو
تبدا تطلع وتشبح لفوق كانها تكلم في الطيارات على اساس يعني
تقول ليهم اهوني امشو لحوشه هالمنجوه اقصفوه هوااااا

والله مسكينة تعذبت هلبة هذيكا الايام خصوصا انه خالي وعيلته في مصراته
وكانو ما يندروش عليه ولا حاجة

الحمد لله

والله مع انها ايام يا لطيف
بس قداش فيها عبر
وقداش قربتنا من الله
وقربتنا من بعض

رموسة الشرف ليا
بلكي تطلعي من أقاربي هههههه

يا لطيف والله شئ حالة

اني اختي طبيبة
كانو يجو ليها المقصوفين

فمرة واحد من الكتايب جايب زعميتك ناس مقصوفة في معسكر 77

مشي ناضت ممرضة تبكي وتسب وتقول الناتو الصليبين وهكي زعميتك قلبها واجعها
مشي طبس عليها متاع الكتايب وقال ليها لا احني نحطو في الجردان في مكان القصف
يعني كل ما يعطونا علم انهم بيقصفو مكان يمشو يحطو معتقلين مش ينضربو تحت القصف ويقولو مدنين
حسبي الله ونعم الوكيل فيهم

بدت اختي كل ما تشد تصير ليها حالة نفسية
ومرة لقت مع واحد ميت من القصف بطاقة شخصية مولود في مصراته
قريب هبلت اختي قالت شوفو لوين وصلت بيهم الجرايم
ولادنا تحت الضرب يبو الليبيين يبادو

ربي ياخذ الحق منهم
والحمد لله

قهيوة ما تعبيش روحك معاهم
اني وحدة شحطت رقبتي معاها
وفي الاخير قالت ليا امشي يا جردة
المصيبة ان الثوار في كل مكان وتقولي يا جردة

مش عارفة من هو الجرد توة