✿... اللمة الثانية لبنات ليبيا الحرة ...✿

هو اخر الليل اخر الليل

هذي كيكة درتها في رمضان من احد ابداعاتي
لكن للاسف الوحيدة صورتها لان كان التلفون مشحون ويصور
في ازمة الضئ طبعا
سايحة مسكينة من غير ثلاجة






في ناس هلبة سمنت في الازمة
لان يفشو في غلهم في الماكلة
وفي ناس كسدو في الحوش ما عندهم ما يديرو
وحطو راسهم في المطبخ
نتفكر في اول الاحداث طول الوقت مقعمزين على التلفزيون وناكلو وخلاص

لا عاد مدام الحوش محصل ضربات ما عندك ما تتكلمي
ادعي ربي يتم على خير وباقل الخسائر

الحبوب ما يمشوش معاي
اني اصلا ديما سكري في النازل والضغط عندي اقل من النورمل
واغلب الوقت ندوخ ونطيح
واصلا السكريات ما عنديش عليها ونشرب شاهي وقهوة من غير سكر بكل

ستار اني جديدة هني

صبحكم بالخير يا حبايب

ستار عرفتهم الحبوب اللي تتكلمي عليهم
عندي صاحبتي تاخذ فيهم
وصاحبة اختي دكتورة تاخذ فيهم وعندها مشكلة مبايض
بس للاسف ما يمشوش معاي بكل على كلام اختي لانها دكتورة حتى هيا
لان سكري في النازل ديما
وما عنديش مشكلة في الدهون ابدا
لا عندي كرسترول ولا دهون ثلاثية والحمد لله


حياة حلوة يا حلوة
شنو قصة الرسميات توة ركزت فيها
اني ديما نسمع في صاحباتي وبنات العيلة لما يهدرزو مع خطيبهم
متاع جو كلام حلو وغيرة وتدخلات في كل شئ
مش عارفة اني هذا كله مش مارة بيه مع انه ليا سنة نهدرز معاه وكل يوم
بس ما عمره سالني وين كنتي وعلاش مشيتي
وما عمره كلمني من غير ما يبعث ليا مسج ويستاذن ههههههههه
هو هذي الرسميات اللي تتكلمي عليها؟؟؟؟

حيو حيو حيو = حيـــــــــــــــاة حلوة يا رب

انتي مصراتــــــــــــــــــــية
بالجودة يا غزالة

ان شاء الله تنبنى مصراته من اول وجديد
اصلا هيا كانت مش مبنية في عهد معمر
دمرها الله يدمر حياته من زماااااااان
ودمر تاريخها وثراثها
بس ما قدرش يدمر قلوب ناسها
ان شاء الله زي ما كانت مدينة المعجزات في الثورة
حتورينا معجزات في البناء
وتكون مدينة المستقبل


اني مش مصراتيه
بس الحق حاسة ان مصراته هيا اللي خلتنا نتماسكو
وكان طاحت مصراته الله لا يقدر راه طاحت الثورة كلها
الحمد لله

ايه عارفة انهم ما ينزلوش في الكرسترول

وانتي من اهل الخير