✿... اللمة الثانية لبنات ليبيا الحرة ...✿

ميلا تعرفي اني نشغل في روحي بموضوع الماكلة
احسن ما نفكر في العرس والراجل
أهي أهي أهي

الكفتة يا حبوبة
ندير في طريقة اميمة الله يرحمها
ناخذ لحم هبرة ونبشر او نفرم عليه لية خروف
معليشي الدهون حلوة وكويسة ادفي في هالصقع
ونحط عليها بصلة مفرومة ورويحة معدنوس مفروم
وناخذ انقع وسط خبزة وبعدين نعصره كويس ونحطه عليهم
تبي البنة تجيك احلى نقعي الوسط في حليب يطلع احلى وابن
رشي شوية فلفل احمر وبزار وملح
وبعدين حطي عليهم دحية

خلطي كويس وكركبي وفطحي وحطي في الدقيق واقلي

اني نحبها هلببببببببببببببة
والطرابلسية السوقية اللي يديرو فيها في العيد الصغيرة
ينحو البزار ويحطو كمون وثومة
وبعد ما يقلوها يديرو ليها بصلة طايبة بشوية امية وزايده عليها من زيت قلي الكفته
وتتبل بشوية كمون وملح وثومة ورويحة طماطم حكة

وصحتين يا حلووو

نعرفك يا ميلا بطنك كبيرة

بالله امورة العروسة وينها

ليبية شوفي حتى الفليفلة حلوة



والله اسن حاجة الماكلة

فكرتوني بالذي مضى

شوفي هذي كفتة بياني بالدجاج
بس غيرت شكلها بالمناسبة يعني
وبعدين حطيت عليها شريحتين زيتون على اساس خاشات في بعض زي الدبل
ورشيت عليها جبنة
وحطيتها في ورق بلسيه
لكن ما عنديش الصور النهائية

ياااااااااااااااااااااااااااااااااارب

نجمتين في طريق المطار مسكينة ما عندهاش نت
صوته مش عارفة وينها معاش مبينة
اكيد تهيج في ميدان الشهداء

وكل البنات ربي يعينهم ويحفظهم كل واحد اكيد في مشغولاته
وربي يسمعنا عليهم كل الخير

ميلا اهو نحتفلو مع بعض
والاحتفال يبي لوازمه
انتي عليك الخفيف والثقيل
واني عليا الرفايع

ان شا ءالله ما فيكم غير الخير

ننس حبوبة والله حتى اني هكي
نحس روحي مرة هايجة ومرة مهبية ومرة نعيط ومرة نبكي ومرة نضحك
مش عارفة والله شن بنقول

الحمد لله وخلاص

حتى اني نتفرج على الشبوب اللي يتكلم كيف شدو القذافي في الجزيرة مباشر

الله اكبر ولله الحمد


منو سال اني من وين
؟؟؟؟

حسيت شفت السؤال بس مش عارفة منو سالني

اني خمسية
وماما سرتاوية

بابا و ماما وجدودي كلهم مولودين وعايشين في طرابلس
ولهذا ما نعرف حد في الخمس ولا نعرف طريقها
بس اكيد اني خمسية وافتخر بذلك
وساكنة في سوق الجمعة