✿... اللمة الثانية لبنات ليبيا الحرة ...✿

هلا حبوبات

شن الاغنية اللي تتكلمو عليها
ما تكونش اغنية اطلعي من حوش بوك
اني نمووووت فيها
فيها نكهة واحساس مش طبيعي بكل
عرررررررروس وعليكم السلام
ميلا اني قاعدة نفركس في ملفك
ما نعرفش علاش خخخخخ
على فكرة اني نموووت في لبس السوار الليبي متاعنا
بس ماما ما تبينيش نلبسه على اساس عيب مش متزوجة
ولهذا نشري في سوارات اكسسوار يعني كانه حديدة عريضة خصوصا النحاسيات
وخاطري نتزوج مش نلبس سوار طبعا في ايد وحدة بس مع السواريه

ميلا شنو العريس ما يحبش الحنة

ميلا سبحان الله كل شئ ليه متعة خاصة
اني من يوم يومي نقول علاش هذا كله
وما نبيش فضان ولا بيان ولا شئ
حفلة وصلي وارفع صباتك
المهم
جي سيدي لبابا واتفقو على كل شئ وقالو بيديرو فضان وهكي
واني انقرز ونقرز ونقرز
سبحان الله بدت الاحداث ومعاشصار من الفضان
سيدي كلم بابا وقاله خلاص اعتبر جيتي قبل فضان والف مبروك
وبعدين قبل رمضان الاي شدت وتبي تجيب دبلة
اني نقرزت نقرزت نقرزت
ما نبيش بيان ولا شئ
اصلا شنو هيا الدبلة كان خاطري فيها نشريها بروحي وفكوني من هذا كله
بس الحق الاي شدت في القصة وقالت نبي نفرح بولدي
وجت وجابت موسمها

حاليا اني كل ما نقعمز يجي في بالي الفضان
ونتفكر عماتي لما يفرحو مع بنات العيلة
والحوش لما يخشو ليه الزغاريط
والبيان لما عماتي يقعدو يتكلمو ديري هكي ما اديريش هكي اضحكي اسكتي تكلمي
الحق الحق الحق لين نحس روحي ننخنق
توة جي خاطري في كل شئ سبحان الله
خصوصا الفرحة ولمة العيلة

ايه نسيت وقبل اني ما نبيش اي شئ
يعني يوم واحد بس عرس
بس بعد اللي صار ليا قبل
توة نبي ندير سهرية ونحني ونعزم العيلة كلها ويتلقطو عليا ويحنوني وندير زمزامات

المهم الواحد يفرح

وانتي افرحي وهيجي مش ما يقعد شئ في خاطرك
يعني مش ضروري نكبر بكل شئ
يعني عادي سهرية تكون كلها تقليدي في تقليدي

عشي كسكسي بالعصبان
شاهي بمقروض وغريبة وكعكة حلوة وكعكة مالحة
والطاسة الاخيرة باللوز
وحنة ونلودو مع بعض ونكركبوها ونعطوها للبنات
ونغنو ونشوفو نجمتنا
ناخذو جونا
وفي اخر الليل نختموها بنفاص بالتن
خخخخخخخخخخخخخخ

جو يا ميلااااااااااااااااا