✿... اللمة الثانية لبنات ليبيا الحرة ...✿

نبعث قلبي وعيوني وكل ما في مكنوني
شنو جت على زميطة وبسيسة

اسمعو ما تحطوش الذنب عليا كله
انتو تتوحمو وتقولو خاطري واني نجي نلبي خواطركم
وخلاص معاش نحط حاجة
اني اسفة
أهئ أهئ أهئ أهئ

فيرونا على فكرة اغلب صحابي في مصر توة يقولو حلوة وامورها ماشية كويس
غر في شوية غلاء وصعب تطلعي في الليل
اني لان عندي صاحبي غادي عادي ما عنديش مانع نبي نمشي وبنهبل عليهااااااا

الاردن هلبة غالية وماما تقول مش حلوة مش عارفة مافيش حد قال حلوة هههه
وسوريا ملخبطة
والخليج مش متاع ادهوير نحسهم يعني كله مصنوع مش طبيعة حقانية
لكن المغرب حلووووووة وفيها ما تبي
خصوصا توة الطبيعة تهبل في الجباااااال

مرج ابدا ابدا ابدا ما ننصحكش ترفعي بنتك معاك

وزي ما قلت هيا منادية
ومدام نادت خلي بنتك لناس معرفة وامشي
وبنقولك قصتين وحدة لعمتي ووحدة لمرت عمي

عمتي زمانات كل ما راجلها يقول ليها نحجو تقوله صغاري
ويوم خلاص حجز وبيمشي هيا تقوله لا
هذاك اليوم صار ليه موقف في الشغل وطاح مسكين
جاته جلطة يا لطيف على الدماغ
وعمتي سيبت صغارها وقعدت مع راجلها سته شهور في سويسرا وثلاثة شهور في تونس
يعني تسعة شهور بعيدة على صغارها وما تندريش عليهم

ومرت عمي حتى هو شاد فيها عمي
تقوله لا يعني لا صغاري لمنو بنسيبهم
سبحان الله في رمشة عين ولد عمي طلع عنده مشكلة في عموده الفقري
وطلعو بيه المانيا دار عملية وقعد شهرين

الخلاصة وربي يسلم كل عويلتك
هذا ربي ناداك يا غزالة
معقولة ترفضي دعوته ليك

اني السنة اللي فاتت لما ربي سخر لينا موضوع الحج
جتنا دعوة من جمعية علماء غادي في السعودية
دعوة لبابا وكل العيلة
يعني الستة نفار وحتى اختي الصغيرة مواليد 95
المهم هذي الدعوة جت يوم 1 ذو الحجة
يعني خلاص موسم الحج خش
ومش موتين روحنا واحني سته وحوش بيتسر ونخلو حالنا ومالنا
وبعدين الجمعية قالت كل الرحلة على حساب الملك خادم الحرمين ما عدا تذاكر السفر
وتوة توة لازم نحجزو
بابا وماما حاجين قبل بس طبعا احني حتى عمرة لا
مشي ماما قالت خلاص مش لازم منين بنجيبو توة 9000 للتذاكر
تي وين المصرف اللي بتسحبي منه في عقاب الليل
مشي احني نضنا ليها قلنا بنمشيو يعني بنمشو
وعمي بارك الله فيه مشي حجز ودفع الفلوس تصوري الساعة 12 الليل مش قدر يحجز في اخر رحلة كانت يوم 3 ذو الحجة
شوفي الاقدار سبحان الله
وكانت رحلة حلوة على الاخر
اني واختي وبابا كلنا مشينا من غير اجازة جو هروووووووب لان مافيش وقت
ومع هذا مافيش حد ركز معانا ولا دارو لا لفت نظر ولا شئ
والحوش زي ما خليناه لقيناه لا جاه حد لا صار فيه حاجة
والفلوس اول ما صولنى عطيناهم لعمي والحمد لله كل شئ زي العسل

ايه ايه واخر شئ في طواف الوداع
بابا يطوف ويدعي على معمر
واهو الحمد لله تخلصنا من معمر هههههههههه

بالله امشي وادعيلنا مدام بتمشي من الاردن

واستودعي بنتك ونفسك وزوجك وبيتك لله عز وجل

بسم الله ما شاء الله على بنيتك

المشكلة موسم الحج زحمة افارقة وهنود وبكستان
والحق هلبة هلبة هلبة خمر حاشاكم
غيررررررررررررر العمرة

يعني عادي وحدة حاشاكم خامرة تصلي في حجرك
اني ديما نصلي في الحرم بين مخاريق الافريقات والبكستانيات والهنود
وراه نبدا جاية من الفجر ومرات بايته غادي
بس لما يجي وقت الصلاة تخش بعضها الحاكية
واللي زعميتك كانو يطفو او يشربو امية يجو قدامك وفوق صلايته ويصلو عليك ولا معدلين
مرة ماما دارت عركة مع هندية
ماهي دفة بابا دفة قوية بكل لين حطاته في تركينة ثانية
وهو ما يشوفش ومعاش يعرف منو جنبه ويلخبط الدنيا كلها
مشي قعدت الهندية تكشخ على تقول ليها الله اسلام الرسول
جو تعلم فينا في التسامح وحرام ماما تجادلها في الحج
يلا اهو كله جو مشي بمتعته والحمد لله
بس المهم ا ترفعيش بنتك
اني نعرف بنات هلبة خلوها لجيرانهم
عندي صاحبتي عندها ثلاثة صغار
وجوها بعد عشرة سنين علاج
مشت للحج وخلتهم عند جيران مش ليبيين هههههه
وجت لقتهم بسم الله ما شا ءالله عليهم
هو كله اسبوعين
لولو هذي بسيسة بزار شاركت فيه
وعلى فكرة البسيسة مش عادية بكل ومع هذا الناس ما عدلتش عليها