✿... اللمة الثانية لبنات ليبيا الحرة ...✿

هي ادلعي يا حبوبة
جت في قصب مافيش مسهل منه




صوته شوفي اني المذكرة مقسمتها
كل حاجة في قسم وبالالوان مش يبانو

القسم الاول المطبببببببببببخ
طبعا من الاول خذيت كتبت كل شئ نبي نشريه
وكل ما نشري حاجة ندير عليها من الجنب اكس

والمطبخ فيه الماعين متاع كل يوم والضيوف
الاجهزة الكهربائية
حاجات تزين وهكي
سلات وحركات
حافظات وسكريات
والحمد لله المطبخ تميته مازال عندي شوية حاجات بسيطة بس

الصفحة الثانية للحمام اكرمكم الله
المناشف حاجات خاصة وللضيوف
روب الحمام الزوجي
ستار البانيو بالسكة متاعه وستار الروشن
فرشات الحمام
سوابيت الحمام
شموع وتحف وحركات وحتى غرس حلو كله للحمام

الصفحة الثالثة تبع الحمام اللي هيا مواد التظيف الشخصية
وشدي عنديكل ما في بالك موجود فيها من حاجات تنظيف شخصية ليا وللعريس

بعدها كل ما يتعلق بالشعر
ابتداء من الاستشوار والفير للفرشات وماكينة نزع الشعر خخخخخخ
التوكات وكل اكسسوار الشعر

بعدين نبدو في الحوايج

الاول النوم
بعدين الداخلية
حوايج الحوش
حوايج عملية
حوايج طلعات خفيفة
حوايج طلعات رزينة خخخخخ
حوايج خلجية
جبب عملية
عبايات فاخرة
سواريهات
الدجاكات والكبابيط
حوايج الصلاة والصلايات والسبح
متفرقات يصعب كتابتها

وكل مقسماته شتي صيف

بعدين الكنادر
عملي وطلعات وسواريه
كل كندرة جنبها شنطتها

شباشب الحوش صيفي وشتوي

الاوشحة عملي وسواريه سواء شتوي او صيفي

المكياج والبرفانات

مفروشات غرفة النوم
تحف للبوفي (فتيرنا)

حوايج العريسس
هدايا اهل العريس

شنطة المزين
شنطة العسل
حوايج الحنة (البدلة البودرا)

وبـــــــــــــــــس

طبعا الاكسسسوار والذهب والحاجات هكي كلها مش كاتبها بكل
مش عارفة علاش هكي مجتش في بالي بكل

لا حول ولا قوة الا بالله
عريس في الجنة ان شا ءالله
هو ماشي لمكان احسن من اللي كان فيه
الله يرحم شهدائنا ويجمعنا بيهم يااااااااااارب

وهذا شكل التقسيم في المذكرة

امس في سوق الجمعة شيعو اربعة شهداء من بني وليد
سبحان الله من كثر ما البلاد انسقت بالدم بدت موردة وزاهية وفرحانة
والله الواحد يعشق النظر للسمي وشمان التراب
واضح هذا كله من بركة دم الشهيد

الله يبارك في هالبلاد




عروسة حبوبة اني عن راي ومن الاخير فكيك من جو الماكلة والعشي
الا لو انتي متزيدة
يعني اديري هدية تقعد ليها زي ذهب او حاجة في الحوش دديما قدامها وتتفكرك بيها
واديري معاها حاجة في العشي او الحلو او اي شئ ثاني

اني عن نفسي ننصحك في فود بروسسر من مونيلكس او كنيود
رهيب على الاخر لقطة من الاخير

المونيلكس هذا حلو على الاخر حاليا بـ 270 كامل فيه كل شئ للمطبخ واللي يسميه فمك



وهذا الكينود فظيع بكل نمووووووووت فيه توة ناقص في ليبيا بس لقيته في محل اسمه عبد الله في غوط الشعال بـ 1200 مع العلم ان قبل الازمة كان بـ 900 بس الحق يستاهل اي قرش ينحط فيه وعلى فكرة فيه حتى ماكينة رشته



وشوفي روحك
لو العروسة تهتم بالذهب اكثر من حاجات الحوش فخوذي ذهب
ولو احترتي بكل اعطيها ما تقدري عليه من فلوس وهيا تاخذ اللي خاطرها فيه
بس لو تبي تعطيها فلوس اعطيهملها يوم العرس
يعني العروسة والعريس يبدو مفلسين خلاص
ولما يجي العرس يبدو منفضين
الفلوس لما تجيهم في يوم العرس يفرحو بيها وتجيهم رحمة من السمي

والف مبروك مقدما