✿... اللمة الثانية لبنات ليبيا الحرة ...✿

قصدى كيف هالاحداث غيرت الناس على بعضها
كله منه باعد بين الناس
الله يباعد بينه و بين ريييييييييحة الجنة على قد ما زرع فتن بين الناس و انتلف

رقية شرعية لكل المقبلين على الزواج
خصوصا الليبيات المصفحات
ويا ريت المصفحة ما تنحيش التصفيح بالسحر نفسه
لان مش حيتنحى التصفيح حيخش اكثر للجسم

بسم الله الرحمن الرحيم

الرجاء التقيد بترتيب السور
ناخذ برميل ماء ونفتحه من فوق ونبدا نقرا عليه ونحن على طهارة وفي مكان طهور

سورة ياسمين
سورة الدخان
سورة الرحمن
اخر سورة الحشر ( لو انزلنا هذا القران ... الى الاخر)
اول سورة الجن ... الى ( ولا يخاف بخسا ولا رهقا)
سور الشرح - الزلزلة - الكافرون - النصر - الاخلاص - المعوذتين - الفاتحة (3 مرات)
اول سورة البقرة ... الى ( اولئك هم المفلحون)
اية الكرسي 3 مرات
خواتيم البقرة ... (لله ما في السموات والارض ... الى الاخر)
ثم نقول الدعاء
(اللهم صلي على سيدنا محمد الفاتح لما اغلق الخاتم لما سبق ناصر الحق بالحق والهادي الى صرات مستقيم ... 33 مرة
ثم نقول اخر التشاهد
اللهم صلي على سيدنا محمد وعلى ال سيدنا محمد
كما صليت على سيدنا ابراهيم وعلى ال سيدنا ابراهيم
في العالمين انك حميد مجيد

وبعد ذلك يقسم الماء الى ثلاثة اقسام

قسم للشرب ويمكن اضافة ماء على ماء الرقية لزيادته
قسم نضع فيه ورق السدر ويستخدم للغسل خارج الحمام
القسم الثالث يرش بيه بيت العروس ويستخدم للوضوء ليلة العرس من قبل العروسين

الرقية مجربة من بنات العيلة كلهم
مصفحات ومش مصفحات
عارفين زمان جداتنا كانو يصفحو البنات يعني على اساس بيحموهم
بس للاسف هذا سحر ويقعد في الجسم
وفي العرس يديرو شغل ثاني على اساس بيفكو التصفيح بس هو سحر يخلي السحر الاول يثبت في الجسم اكثر

المهم هذي مجربة وكل البنات شكروها
واني عن نفسي كل ما نحس روحي مضايفة او في موضوع متعرقل نديرها وكل شئ سبحان الله يتبدل

على فكرة للعرايس المصفحات مكن بس يدهنو بمية الرقية على بطنهم مش لازم يديروها

وربي يهني الجميع


ولو تبو نحها في المنتدى قولو ليا وين نحطها
اني جديدة ومش فاهمة القوانين :o:o

يتصفح الموضوع حالياً: 9 (9 من الأعضاء و 0 من الزوار)
‏*الننس*, ‏عروس البحر., ‏om memy, ‏من انـــا؟, ‏اموره2062011, ‏اميرة عرائس ليبيا, ‏بيكاتشو, ‏ماما الاء


ماشاء الله اهو الدويرة بدت تعمر ان شاء الله ملتمين على الخير ديما

معقولة يعني تبدي فرحانة و مشمتة في موتت حد ليك عمك متلا ؟؟؟؟
العيب اللي درناه انه ما نبوش بو شفشوفة؟؟؟؟؟
خلوني انفضفض شوي

اهم شئ تخلصنا من المنافقين
يعني لو ناس يحبونا وصحابنا وفي الاخر طلعو متاع مصالح ودم شنو بنديرو فيهم
كل واحد بان على حقيقته والحمد لله

تخلصنا من معمر وولاده اللي كنا نحلمو من زماااان انهم يحلو من علينا
ومش قادرين نقولو في وجوهم حتى بخ

اني عن نفسي تعلمت التقشف على اصوله
كانت ايدي مبعزقة هلبة
حسيت بقيمة القرش
المصيبة يكون عندك فلوس بس في المصرف ويستحيل اطلعيهم
تحسي فعلا بالذل الحقيقي ولازم عليك تعيشي في كل الظروف
ويهون عليك ان في ناس تموت في الجبهات
في ناس تموت من الجوع
في ناس عايشة بالسبحاني من زمان مش في لاحداث بس

فعلا حسستني بقيمة الاشياء اولهم البنزينة خخخخخخخخخ

الاحداث قربتنا من بعد
نستنا الاحقاد
نحكي على الناس المعارضة
مش المؤيد والمعارض
يعني مش اخضر ومخطط
تلقي روحك ناس ناسيتهم من زمان تكلمي فيهم بس لانك سمعتي ان جيهتم فيها حاجة

الازمة قربتني من بابا وماما وخوتي
طول الوقت مع بعض
والناقش يقرب الناس مع الاحتكاك

ونسيت ان الاحداث عرفتنا كل انواع السلاح

يعني نعرفو هذا ضرب ناتو او كتايب معمر
نعرفو صوت مضاد الطيران او رصاص او جلاطينا او دوشنة او او او

فهمنا كل ضربة شنو ادير في الناس
يعني لما يجيبو لينا ناس عادية مضروبة في مظاهرة ويقولو ميتين نتيجة قصف نعرفو انه كذب

بدينا نفهمو في كلام معمر واعموانه المبطن
عرفنا تاريخ ليبيا قبل معمر
تاريخ الجهاد من غير تاريخ معمر
تاريخ جرائم معمر
تاريخ اسرنا وعائلاتنا اللي محاه معمر من الذاكرة

واهم شئ اهم شئ اهم شئ بديت خبيرة في خبزة الطاجين خخخخخخخخ


الخلاصة

الشعب الليبي تحول من شعب جاهل سادج
الى شعب مثقف فاهم كل كلمة تنقال
وعارف كل شئ
ولا شئ يمر عليه
عارف كيف يتكلم عن نفسه ويعبر بكل ما يبي
ولا حيرضى من ثاني انه حد يتكلم على لسانه


ويا رب يرحم شهدائنا
ويجمعنا بمفقودينا
ويرجع ثورنا الى بيوتهم
ويشفى كل المصابين
ونبنو بلادنا
ليبيا الجديدة

الله يبارك فيك
قوليلينا انتي جديدة ولا من القروب الاول
لكن شكلك من القروب الاول صح؟

الننس لازم تبي دكتورة مش دكتووووور
اني نتعامل مع دكتور طارق رمضان في عيادة عصام ساسي سابقا
الحق كويس على الاخر