✿... اللمة الثانية لبنات ليبيا الحرة ...✿

السلام عليكم ورحمة الله وبركاته
كيف حالكم يا بنات ومدامات
ما شا ء الله اللمة لامة مخطوبات ومتزوجات
يا رب يرزق كل بنية بالرجل الصالح
والمخطوبة تتزوج والمتزوجة ربي يهنيها ويرزقها بالذرية الصالحة
ما شاء الله اللمة حلوة وجامعة بين كل بنات ليبيا داخلها وخارجها
النت كان مافيش عندنا ونسحاب العالم واقف زي ما احني وقفنا
لاننا انخطبنا اني واختي وبعدها بشهر بدت الاحداث
وكل شئ وقف معاها وتوة استانفنا النشاط والحمد لله
بس ما حددناش موعد العرس لان الحياش مازال مش واتية
وربي يسخر الاحوال
اني تقريبا جاهزة مازال ما خيطش سواريه المحضر بس
ونبي بلايز عملية متاع كل يوم والباقي كل شئ خذيته حتى هدية ام خطيبي وبوه خخخخخخ
والحمد لله رب العالمين اللي ماما كانت فالحة وتشري من زمان قبل حتى ما ننخطبو
كان هذا ما حصلنا شئ في هالوقت
يا رب يفرج على سرت واهلها
ويفرج على المصابيين في داخل ليبيا وخارجها
ويهني البلاد ويجمع بين الليبيين بالحب ويالف بين قلوبهم
يا رب احقن دماء المسلمين واقذف الرعب في قلوب المرتزقة
يا رب فرج الغمة وارزقنا بالوقت الطيب بجاه هالايام المباركة
وارزقنا بالنصر القررررررريب

يا رب اجمعين
شكرا على ترحيبكم بيااااا

اني شفت في اللي يسال على العشي

الحق عجبتني اللبنانية هلبة اللي في 11 يونيو ولتوة قاعدة تخدم في طلبيات
الباقي نحس فيه يجي العشي وكانه بايت

منورة الاء .. ماشاء الله خاشة بقوة ونشاط !!! ربي يحفظك وشكرا عل ردودك المفصلة .. وربي يهنيك يارب .......

شكرا حبيبة الله يحفظك

ماهو معاش عندي حاجة تشغلني غير الدعاء لليبيا
والتجهيز للعرس اللي مش عارفة موعده خخخخ
وبما اني شارية كل شئ بديت ندور في كماليات الكماليات

من انا ؟؟
اهلا بيك من بكري نقرا في ردودك
واني خاشة على الخط
بس نبي نعرف شنو ناسية
؟؟؟

حيوتة .. تعرفي نفس الشعور !!
مضايقة وحايسة ومحتارة ومش عارفه شي ..

كيف حال ماماتك توا ؟