الرئيسية ركن العروس تجهيزات و استفسارات العروس « تجهيزات عرائس ' ليبيا ' لشهر ذو القعدة 1432 - 2011 م / الجزء : 23 »

« تجهيزات عرائس ' ليبيا ' لشهر ذو القعدة 1432 - 2011 م / الجزء : 23 »

حلمـ ., 29-09-2011 212 رد 4,582 مشاهدة
ا
اميرة عرائس ليبيا
عروس فضية
04-10-2011 | 08:06 AM
سؤال مخالف :بنات بنغازى نبى نسئالكم من جربت الدكتور سليمان الشيخى؟؟ وهل سمعتوا عن علاج فعال للهالات السوداء ونبى احسن صابون مش غسول نبى احسن صابون للوجه من ناحية التنظيف
ت
تحكمني قناعاتـي
مشرفة سابقة
04-10-2011 | 08:32 AM
رد مخالفة : تبي الحق صاحبتي ماشكرتيش نهائيا كانت تبي تحول شعر الي في وجها زاااااااد وانا بعيوني حقيته كان خفيف وقبل عرسها فضيحة قعدت شعرتها غليظة قريب ماتت فهذي تجربتها مع سليمان .... وعندي قريبتي حتي هيا زي القصة بس الحق تشكر فيه يعني في الي هكي وفي الي هكي وقتلك الي نعرفة وحقيته ....

والصابون انا نستعمل في كركم ممتاز بس لازم بعدها تحطي كريمة عشان يجفف البشرة ...
وفي صابون دوف يهبل في حبات لونة زي البرتقالي يهبل واجد يعني يقشر ويرطب وينظف ....
H
HaNoOoOo
عروس مشرقة
04-10-2011 | 01:04 PM
حتي صوته ما انخلق مثله ابد;15619330:
سؤال مخالف : هنوو بتعرضين صورة للفستان زواجك
ممكن اعرف من المصمم

بنات انا بعد تكفون ابي رقم الزمزمات

بنات الزمزمات متي احلي
يوم الكسوة ... او ... النجمة

مع العلم ان تقاليد اهل خطيبي ° زوجي ° ان شاء الله
يجيبو في الكسوة يوم التلاتاء


رد مخالف
مش عند مصمم عند خياطة ليبية
لو تبي تشوفيه ابعتيلي علي الخاص
ر
روزة اكرم
عروس متألقة
04-10-2011 | 01:48 PM
بنات مساكم فل
سؤال المخالفة :
نبي منشطة للسهرية منو تعرف وحدة كويسة وناشطة او حتي وين نقدر نسأل عليهم بليييز
ا
اروجا
عروس نشيطة
04-10-2011 | 06:50 PM
سؤال مخالف
بنات بنسلكم علي اكسوارات فيلو شنى تنصحونى ناخد(تاكم كامل او خراص كبار او شنى رايكم )
انا فيلوي مديل فوطة من فوق
ق
قهوه الصباح
عروس رائعة
04-10-2011 | 07:30 PM
اروجا;15621268:
سؤال مخالف

بنات بنسلكم علي اكسوارات فيلو شنى تنصحونى ناخد(تاكم كامل او خراص كبار او شنى رايكم )
انا فيلوي مديل فوطة من فوق





نحس خراص كبار وحلوات احسن من طقم

وتوا البنات يزيدوا يعطوا رايهم F:
ا
اميرة عرائس ليبيا
عروس فضية
04-10-2011 | 07:55 PM
قدورة اانا احسن صابون عندى الكركم بس فى بنغازى ناقص وحتى فى بشاشة ياريت تقولى لى من وين نشريه ؟؟؟ ودوف هذا شنو فوائده؟؟
ر
روزة اكرم
عروس متألقة
04-10-2011 | 09:32 PM
اروجا;15621268:
سؤال مخالف
بنات بنسلكم علي اكسوارات فيلو شنى تنصحونى ناخد(تاكم كامل او خراص كبار او شنى رايكم )
انا فيلوي مديل فوطة من فوق


مساك فلF:
جواب المخالفة

الحق بالنسبة ليا انا طاقم احلى يعني علي الفيلو
لو بسيط جدا ومافيشي خدمة هلبه يبي تاكم حلو وعريض ويكون باين ولو ان الفيلو معبئ خدمة وشغل حاجة بسيطة جدا يعني حلو لمه تكون فى رقابتك حاجة ويدك وفي نفس الوقت علي حب تصميم الفيلو من فوق يعني بسيور او من غير سيور وهدا راي وربي يهنيك :thumbs_up:ياحلوة
M
Mella2
عروس رائعة
04-10-2011 | 10:28 PM
[QUOTE=اروجا;15621268]
سؤال مخالف
بنات بنسلكم علي اكسوارات فيلو شنى تنصحونى ناخد(تاكم كامل او خراص كبار او شنى رايكم )
انا فيلوي مديل فوطة من فوق


جواب مخالف
اول شي شنو معني فوطة ؟؟؟
وكل حاجة ليها حاجتها الصراحة .. في موديلات تحتاج طقم كبير وفيه موديلات متحتاجشش
ت
تحكمني قناعاتـي
مشرفة سابقة
05-10-2011 | 07:03 AM
السلام عليكم ورحمه الله وبركاته

رد مخالف لامورة : ممكن ليا شهر واخذه منه مجموعة بشاشة ع قوله الحاجة الي قدامك لو ماخذتهيش وتقولي نبي نرد مستحيل نرد نلقي .... المهم باذن الله تلقي عنده في بشاشة الي يجي في صفة مستشفي المروة

بنسة لهالات السوداء علاج مضمون الضمان لله ماضني ي حاجة مضمونة توه صحباتي يستعملن في قارنيل الي زي بطشه من فوق نسبة 60 في المية خف السواء .... ولو استمريتي ع خيار تفرميه وتحطي في قطنة دائرة وتحطيها قبل ماترقدي ممتاز ونزيك بكل بس يبي استمرار مش نقولك ان حيحول لا يخف باذن الله

دوف امس بس كيف خذيته من فواح ... والله بنته تهبل وفي حبيبات يقشرن سمح بكل انا عجبني وخذيت منه وطبعا ينظف ويرد عشان دوف في نسبة واجد حليب ومرطب ... تلقي مرسوم عليه برتقالة
ت
تحكمني قناعاتـي
مشرفة سابقة
05-10-2011 | 07:05 AM
رد مخالف لاروجا :ممكن تقصد الفيلو فوطه الي يقعد زي المربع من فوق من غير سيور

لو هو بسيط ومافيش شغل واجد تبيله طاقم يكون حلو وفخم يبان ... لو فيلوك فخم وفي شغل خراسات بس
ا
اميرة عرائس ليبيا
عروس فضية
05-10-2011 | 07:40 AM
تسلمى يا قدورة الله لايغيبك عننا
سؤال المخالفة من تعرف احسن نوعية واقى شمس؟
ت
تحكمني قناعاتـي
مشرفة سابقة
05-10-2011 | 08:08 AM
رد مخالف / تسلمي عسول .. والله في اسم واحد شكروه ليا صحباتي وناوية ناخذه بس الحق نسيت اليوم حنسال ونقولك
خ
خفايا الزمن
عروس رائعة
05-10-2011 | 12:48 PM
اميرة عرائس ليبيا;15623188:
تسلمى يا قدورة الله لايغيبك عننا
سؤال المخالفة من تعرف احسن نوعية واقى شمس؟

اني نستعمل في هذا ليا قريب 4سنين وماشي معاي صح مش احسن نوعيه لكن الدكتور وصفهولي وماشي مع بشرتي وفي منه نوعين نوع شفاف ويعطي طبقه زي الزيت تقدري تخفيها وتحطي فوقه بودره والنوع التاني زي كريم الاساس فيه لون ويعطي طبقه حلوه لما توزعيه كويس وزي ماتعرفي ضروري تحطي الواقي قبل نص ساعه من الطلوع باش تمصه بشرتك كويس وباش يعطيك نتيجه كويسه مش عكسيه لان لو حطتيه وطلعتي يسمرك وبالنسبه ليا نفضل اللي زي كريم الاساس علي قولت 2 في واحد :D
وطبعا نستعمل فيه حتي ع ايديا
وسعره في متناول الجميع 16 او 17 دينار
وهاذي صورته


وبالنسبه للغسول نستعمل في هذا مش عادي بكل ومنضف عميق الصراحه

ت
تحكمني قناعاتـي
مشرفة سابقة
05-10-2011 | 04:17 PM
رد مخالف : لامورة

منورة ياخفايا امورة هو هذا الي خفايا حاطته يشكرن فيه واجد بس الي زي كريم اساس لما يتوزع زين يقعد تمام بكل
بارك الله فيك ياخفايا
م
ماما الاء
عروس جديدة
05-10-2011 | 05:44 PM
مساء الخير

رد مخالف

في اللي سال على طبيب لازالة الشعر بالليزر
المشكلة مش في الطبيب ونوعية علاجه
المشكلة في نوع الشعر وهرمونات الجسم
اني كانت عندي مشكلة شعر في وجهي متعبتني على الاخر
لما مشيت لطبيب في طرابلس قالي لازم اديري تحليل هرمونات في ثاني يوم الدورة
ولما درت التحاليل قالي ما عندكش مشكلة هرمونات وبدينا في الجلسات
الحق توة مدايرة اربعة جلسات على مدى سته اشهر
والنتيجة روووووووووعة
ونصيحتي لكل من ادير ليزر ما تكتفيش بجلسة او جلستين
لازم تكمل لان لما ادير الجلسة الاولى لازم ينحي الشعر بموس حلاقة
والشعر مع الموس يولي قوي فطبيعي تقولي والله طلع شعر غليظ مش زي قبل
الحق الجلسات روعة والنتيجة مذهلة جدا واني مبسوطة بها على الاخر
وحنتم في الجلسات لين يموت الشعر كله باذن الله

اسفة على الاطالة

رد مخالف: اختي ارواجا احلى شئ تلبسي تاكم مش حلو خراص بس // ويا رب يكمل على خير

رد اميرة عرائس ليبيا
اني نستخدم
Laroche-Posay



بحكم شغلي والتجهيزات نطلع هلبة
والصيف هذا الشمس قوية هلبة
ومع هذا ما تغيرش لون بشرتي ابدا بالعكس زادت توردت
وهذا الواقي ما يديرش في اثار دهنية زي الثانيات
وتمتصه البشرة بسرعة

M
Mella2
عروس رائعة
05-10-2011 | 05:51 PM
سؤال مخالف ..
ماما الاء مع منو متابعة جلسات الليزر !!!
م
ماما الاء
عروس جديدة
05-10-2011 | 06:00 PM
رد: ملكة

نتابع عند المركز الدولي للتجميل والعناية بالبشرة بالليزر
شارع الجرابة بين جزيرة فشلوم وجزيرة زاوية الدهماني
مقابل جامع صفية بالزبط
وهذا التلفون
ممنوع وضع ارقام
نتابع عند طبيب بس نسيت اسمه لكن مافيش غيره ومعاه طبيبة
M
Mella2
عروس رائعة
05-10-2011 | 06:08 PM
سؤال مخالفة ..
المركز هدا حاليا يشتغل !!! وبكم جلسة اديري فيها ؟؟؟
وشنو خدماتهم
م
ماما الاء
عروس جديدة
05-10-2011 | 06:16 PM
رد : ملكة
المركز يخدم توة لاني بديت في الاحداث وهو الدكتور يجي ويفتح بروحه
الاسعار يعني باهية بالنسبة ليا لان وجهي في شعر هلبة والحمد لله
الجلسة الاولى خذي مني 200 دينار
وكشف قبلها خذي 30 دينار
وكريم مش ما يخليش الليزر اثار 15 دينار
وكريم ضد الشمس 25 دينار
وكريم لتقليل من نمو الشعر 25 دينار

هذا كله خذاه في اول جلسة
الجلسة الثانية بـ 190 دينار
الجلسة الثالثة بـ 170 دينار
الجلسة الرابعة بـ 160 دينار

هو يشوف على مقدار نمو الشعر ويحدد في اللفوس
اني درت وجهي كله
مش فاهمة كلمة خدمات كويس بس هو يدير في
تعديل شكل الجسم بالليزر وهذا ادير فيه دكتورة
تكبير الشفاه
علاج حب الشباب
ازالة الشعر والتعرق
تجديد بشرة الوجه بالليزر
حقن الوجه بالبوتوكس
ازالة الوشم بالليزر

الحق جربت الدكتور كلامه كويس وواضح انه شخص فاهم ومسؤول ومعاملته فوق الراااائع
والحمد لله
X