« تجهيزات عرائس ' ليبيا ' لشهر ذو القعدة 1432 - 2011 م / الجزء : 23 »

مساكم فل وورد بنات
هنوووووو انا الحق كشمير نسمع بيه الحق يشكروا فيه بس انا تعاملت مع الطراز نتاشا الحق درت هلبه حاجات عندها اخرهم الفيلو امتعي الحق يسلموا يديها حلوة ونظيفة خياطتها هللللللللللللللللللبه
نجاة النجار شن رايكم فيها ؟ وبليز نبي زمزامات ناشطات بليز اللي عندها تبعتلي ع الخاص ؟؟؟؟

رد مخالف لاختي مرج حمام
بالنسبة للحاجات اللي طلبتي تعرفي سعرهم عندي راجل خالتي دهاب ويخدم فيهم خدمة نظيفة وهادي الاسعار
بالنسبة للحاجات اللي طلبتيهم سعرهم مع بعض ب2000 دينار أو أقل شوية حسب حجم وطول الخناق اللي تبيه لأن الخناقات احجام واسعار ولو تبي خناق قنين وكبير يعني البضاعه كلها تطلع ب2000 جنيه ولو تبيه صغير تطلع بأقل من هكي ولو تحبي تشوفي خدمته هو قدام عينك انا ممكن نعطيك رقمه وتمشيله للمحل وتشوفي بروحك احسن واسفه كترت عليك الدوة

مساء الخير


سؤال مخالف:اختي روزة اكرم بالله عليك كم كلفك الفيلو من ناحية الخياطة والقماش

بكم كلفك الفيلو بالتقريب وشكرا

ملكة في مملكته;15610727:

سؤال مخالفة ..
فيه حد عنده اي فكرة وين نقدر نحفر دبل سناستيل ؟؟ وبكم ؟؟

اغلب محلات الذهب تحفر و في سوق الثلاث كان في واحد يحفر على اي معدن حفرلي اني و عزو اسمائنا على مداليات و كل واحد علق فيها مفاتيح سيارته لكن ما نعرفش توة مازال موجود و لا لا .

ملكة في مملكته;15611006:

سؤال للمخالفة
بنات لما المزينة اتحط سبراي وتوكات وغير هكي الرش والي تنفخ ووو الخ !!! كيف اتنحوه بسهولة بعدين ..

بالنسبة ليا اني رفعت معاي بلسم و مزيل مكياج خشينا للجناح هو توضى و غير لبس بيجامة و طلب العشي اني خشيت مسحت المكياج اصلا عزو ما يحبش الميك اب القوي و نحيت تسريحتي و خشيت للدوش درت البلسم على شعري قبل حتى الشامبو و غسلت بعدها بالشامبو و غسلت حتى البودرة و الكريمة متاع الجسم بايخة تلصق و طلعت لبست روبي و حطيت جلوس و كحل و درت توكة في شعري بيضاء زي الروب و خليته مفتوح هكي عادي صلينا مع بعض ركعتين و اتعشينا و نصيحة مني ما تفكريش هلبة في التفاصيل و قولة كيف شعري يقعد من غير سشوار و كيف و كيف لانك لاحقة على الحركات كلها و قدامك الايام و اتديري و تاني حاجة الرجالة مش زينا ييركزو على التفصيل المهم طلتك حلوة و نظيفة و ريحتك حلوة و بس احني اللي نعقدو في الامور اني شبشب الدخول قلبت عليه الدنيا نبي حاجة سبشل و مش النوع المتداول خديت 3 و في الاخير لقيت واحد يهبل زدت خديته و استقريت بعد عناء و مشاورات اني نلبسه هو و قسما بالله عزو ما شافه نهائيا و لما لقيته ملوح تاني يوم قعدت نضحك على روحي ههههههههه يعني نصيحتي يا عرايس ما تشغلوش بالكم هلبة بالتفاصيل

ملكة في مملكته;15612442:

سؤال مخالفة
صباحية شنو تلبس العروسة ؟؟؟
انا ركبت بدلة بنك قلت نمشي بيها للمزين بش نوتي روحي للمحضر ... بس توا قعدت انفكر شنو بنلبس الصبح ؟ مش معقولة بنقعد بقفطان النوم ؟؟!!! انا عندي قفطان طويل وروب ونفس الشي عندي قفطان قصير ومعاه بنطلون ستان وتوب ابيض ... وشبشبهم ... هما زي السيت انا رفعته كله للاستحياط ههههههه ...
Help :D

اني رفعت قفطان قصير و مداسه و اكسسواره لكن في الليل قبل ما نرقد غيرت قفطان النوم و لبست بيجامة حرير نضنا ماخر و جتني المزينة ما لحقتش نبدل قعدت بالبيجامة كملت مكياجي و شعري و انتي نحس نفس الوضع بتنوضي ادوشي و البسي بدلتك البنك و بري للمزين الا في حالة كان بتمشي ماخر ممكن تاخدي قفطان ناعم تلبسيه في الهوتيل زي هكي

ديموند منورة ياحبوبة ع نصائح ديمة اكتبيلنا

سالنا ع شنطة متاع الكوافير ؟



...................................


كيف تحصن العروس نفسها ليله زفافها

الحصن الأول

أكل التمر

أكل 7 تمرات عجوة على الريق إن استطعت أن يكون من تمر المدينة المنورة فهذا هو المطلوب وان لم تستطع فأي تمر توفر لديك


لقول النبي صـلى الله عليه وسلم (( من اصطبح بسبع تمرات عجوة لم يضره ذلك اليوم سم ولا سحر ))

رواه البخاري


الحصن الثاني

الوضوء


فأن السحر لا يؤثر في المسلم المتوضئ ، وان المسلم المتوضئ محروس بملائكة مـــن قبل الرحمن جل وعلا فعن ابن عباس رضي الله عنهما إن

رسول الله صلى الله عليه وسلم قال :

(( طهروا هذه الأجساد طهركم الله ، فانه ليس من عبد يبيت طاهرا، إلا بات معه في شعاره ملك ، لا ينقلب ساعة من الليل إلا قال : اللهم اغفر لعبدك فانه بات طاهراً ))


13رواه الطبراني في الاوسط بإسناد جيد، قاله المنذري في الترغيب (2/)



الحصن الثالث

المحافظة على صلاة الجماعة

المحافظة على صلاة الجماعة تجعل المسلم في مأمن من الشيطان والتهاون فيها يجعل الشيطان يستحوذ على الإنسان وإذا استحوذ عليه أصابه بالمس او السحر او غيره من الأشياء التي يقدر عليها الشيطان

فعن أبي الدرداء رضي الله عنه قال سمعت رسول الله صلى الله عليه وسلم يقول :


(( ما من ثلاثة في قرية ولا بدو لا تقام فيهم الصلاة إلا استحوذ عليهم الشيطان فعليك بالجماعة فإنما يأكل الذئب من الغنم القاصية )) .

اميرة ليبية;15615946:
مساء الخير


سؤال مخالف:اختي روزة اكرم بالله عليك كم كلفك الفيلو من ناحية الخياطة والقماش

بكم كلفك الفيلو بالتقريب وشكرا

مساك فل حبيبتي اميرة ليبية

بالنسبة للفيلو انا الحق عاجبني فيلو ماما مووووت ههههه:D من زمان فاإخديته ورفعته وغيرت فيه الجزء الفوقي واللوطي قاعد حلو فكلفني 600 دينار والقماش اللي اشريته 250 فالحق خدمتها كانت نظيفة هلبه ودرت طرحة معاه فننصحك بيها لو بديري حاجة نازكة انا الحق الفيلو بسيط من لوطة منفوخ هلبه هاده باش عاجبني ومن غير سته قونه غيرتله التول درت واحد تاني باش يكون واقف والجزء الفوقي اخديت قماش مطرز
وربي يهنيك :thumbs_up:اوخيتي

سؤال مخالف:يابنات من تعرف هل فتحو محلات الذهب او مازال وبكم سعرة هاليومين

اميرة ليبية;15618595:
يابنات من تعرف هل فتحو محلات الذهب او مازال وبكم سعرة هاليومين

HaNoOoOo;15613678:

سؤال مخالف

يابنات عندي فيلو نبي نأجره لو حد يبي يقولي هههههههههههههه

هنو ,, قداش مقاسه وبقداش ,,, وحلو ولا لا من الاخير ههههه والله بجديات ندور فى فيلو مقاس 44 ويكون حلو ومش غالي ,, زي ما قالت ملوكة حمرة وجراية ومتاكلش فى الشعير هههه

=============


بنات شن صار فى الزمزامات .........؟؟؟؟؟؟؟؟؟؟؟؟؟؟؟

معقولة محد يعرف ,,, باللهي عليكم على الاقل لحد 600 دينار ... !!! ؟؟؟

سؤال مخالف
يا بنات وين نلقى كاميرا ديجيتل كويسة وشن اسعارهم توا زعما؟؟؟؟؟؟؟؟؟؟

رد مخالف
اختي هايلة شوفي زمزامات نويرة انا خديت رقمهم من الاخت اروجا وقالت اسعارهم من 650 لل 750

بسبوسة والنبى ابعتي الرقم ,,


وبالنسبة للكاميرات سوني ممتازة والوكيل فى شارع ابن بطوطة واسعاره اقل من المحلات لانه الوكيل والرسمي وانى خديت منه وممتازة والحق انى خديت ارخص وحدة ههههه ب 225 على ما ادكر لان ليها فوق السنة ,,,

Hayela;15618862:
هنو ,, قداش مقاسه وبقداش ,,, وحلو ولا لا من الاخير ههههه والله بجديات ندور فى فيلو مقاس 44 ويكون حلو ومش غالي ,, زي ما قالت ملوكة حمرة وجراية ومتاكلش فى الشعير هههه

=============


بنات شن صار فى الزمزامات .........؟؟؟؟؟؟؟؟؟؟؟؟؟؟؟

معقولة محد يعرف ,,, باللهي عليكم على الاقل لحد 600 دينار ... !!! ؟؟؟

يعني كم ايجار ؟؟ من الاخير هههه

بسبوسة غزالها;15618903:
رد مخالف
اختي هايلة شوفي زمزامات نويرة انا خديت رقمهم من الاخت اروجا وقالت اسعارهم من 650 لل 750

سؤال مخالف :
اختي بسبوسة غزالها ممكن بليييييز تبعتيلي رقمهم ؟؟ وشكرا

سؤال مخالف : هنوو بتعرضين صورة للفستان زواجك
ممكن اعرف من المصمم

بنات انا بعد تكفون ابي رقم الزمزمات

بنات الزمزمات متي احلي
يوم الكسوة ... او ... النجمة

مع العلم ان تقاليد اهل خطيبي ° زوجي ° ان شاء الله
يجيبو في الكسوة يوم التلاتاء