البيت الثامن عشر.. لربات البيوت السنعات..لشهر ذي القعدة

مساكم الله بالخير ،،،

دانه ،،،

بالعافيه المراصيع ،،

هذا وقتها مع بداية البرد ،،،

،،،،،،،،،،،،،

الساعه 12 الاخمس

قمت مثل المقروصه

ذكرت جية بنتي واطمر افتح

الباب ، وجلست نص ساعه

وجت متشرهه تقول ليه مافتحتوا

لي ، !!!!! ضاق صدري على

بنيتي ،،، والسواق مامعه رصيد

وزوجته نفس الشي ، راح يودي

بنات ورجع ، ،،،،،،،،،،،،

ابومحمد عنده اجازه يعني

فكه من الطبخ اليوم ، مجهزه قهوه

وتمر سكري ومعمول ، وانتظره يجي

من الصلاة ،،

مساااكم خيروبركه ،،،

رايقه _همس_خلود
نسميهاا مراصيع مثلكم
همس انا رفلا وماعرف اضبط شي لازم يكون كبير
زين طلعت رقيقه يعتبر انجاااز عندي
جداويه
قرص غير وقرصان غير
والغداء عادي زوجي يموت على الكبسه
واتوقع انها اخذت وقت طويل ساعه كامله من11الى 12

روز
صباح عندنا مساء الحين
سبحان من خلق الكون
كوامن
يعطيك الف عااافيه

دانة بقلبه كانت هنااااا

مساء الخييير
دانــه
تسلم الأيادي أحنا نسميهاقرصاااان

عند اهل نجد القرصان غير والقرص والمصابيب غير
القرصان مثل كذا
قبل


وبعد



القرص



الحين اعرفتو نجتمع في بلد واحد واختلفنا في اسماء الاكل
سبحان الله

دانة بقلبه كانت هنا

ظهر الخير عالغوالي
يارب لا تحرمني من رؤيتهم في الفردوس الاعلى
على سرر متقابلين
عذرا لو ضايقتكم
وفعلا هذي ايام متعبه امر فيها
تكفون طلبتكم معطيني موعد للطلق الصناعي
واحس اني كارهته من قلبي
ابي طلق طبيعي ادعو لي بسجودكم بصلاتكم اذا ذكرتوني
ان ربي يهون علي ويرزقني الطلق الطبيعي
الحمد لله دعيت ربي كثير بس اطمع بدعواتكم
يمكن فيكم اللي دعواتها مستجابه
كثير يقولون الطلق الصناعي يلعب بالاعصاب
وانا مو بناقصه
واللي مأزمني اكثر زوجي يقول ياليتهم يحددونه هالاسبوع
>>>فيس يبكي
يبي الفكه وبس

عاد هاليومين كل ماتذكرت بس دموعي تصب وجهي صاير
شاااااااااااااحب وباين التعب بعيوني
حبيت افضفض لكم لعلني ارتااااح
......................

شذى ياقلبي انتي ،،،

الطلق الصناعي معطينه

اكبر من حجمه ، انا أولد بالطلق

الصناعي في كل عيالي الثلاثه

يمكن يكون احر شوي من الطبيعي

بس بإذن الله يكون سريع في فتح الرحم

ومن قال انه يلعب في الاعصاب ،

الحمد لله ماقد شفت شر ،،،،

ياحبي لك ياخوخه
انا كل ولاداتي طلق صناعي
بس اجلس كم يوم بالمستشفى
هالمره مدري وش فيني صايبني خوووووف
اكره شي لي وقت التحميله ودي اولد واطلق
وكل شي بس الا التحاميل رعب خوف هم غم
عاد اقول للدكتوره مافيها تطورات غير الكشف
والتحاميل من تحت وجلست تضحك علي
قالت مافيه ولا تطور
الله يسهل علي وكل الحوامل يارب
...........................

دندونه
حنا نسميها مراصيع
شهيتيني ياحلوه
عاد مافيه امل اسويها
فيني كسل وخمول
................................

فرصه دام الشبكه مفتوحه
اسولف واهذر عليكم
فاتحه اللاب وقناة بدايه
احاول كل يوم اخلص غسيل ومسيطره على بيتي
يعني تنظيف عالخفيف
ومذاكره لعيالي ولدي اللي باروضه
اليوم جاي زعلان عشانهم عطوهم الكتب
واخوه يقول له احسن عشان تكتب واجبات مثلي هههه
يحسب الروضه لعب وبس.

مساكم ورد
كيفكم وكيف يومياتكم ؟؟

شذى
هونيها يابنت الحلال
انا يوم بنتي ولدت بطلق صناعي وكان عندي ضيق بالحوض ومادريت :(
وجلست يوم كامل تقريبا بغرفة الولاده لكن الحمد لله اهم شي الوحده تقوم بالسلامه هي والبيبي
يله ياعسل استرخي وتنفسي بعمق ولاتفكري كثير راح ترتاحين

دانه
ماشاء الله فطور رايق
بكره ابسوي فطوري انا وماما كذا بإذن الله

روز
اخبار اميراتك ؟
وكيف الجو عندكم؟
اختي بأوروبا رحلة عمل لزوجها تقول بررررررد مره

جداويا
اخبارك ياعسل؟
احب يومياتك ماشاء الله

خلود
اخبار الدار والحفظ
نفسي ادخل دار اضيع وقتي شوي ذبحني التفكير

وتوره ورايقه واروما وهموسه وكوامن
عطر كوكو ومهاوي والبقيه
يارب تكونو بأحسن حال

جالسه اكتب بالجوال وقرفني متعبه الكتابه فيه

لاشي جديد
للحين عند اهلي الله يفرجها يااااارب

جوجو

السالفه مو زعل
الحمدلله قبل فتره تراضينا لكن احنا متشتتين للحين زوجي بالقريه الكريهه ورافض قطعا اننا نروح معه
والرياض بعيد عليه فما يجي دايم.

ياحبي لك والله :)

بنات
اذا تبغون وجبه خفيفه مع الشاي وقت العصريه
جيبوا خبز مفرود وافتحوه من فوق فتحه بسيطه وحشوه كله جبن شرايح
وبعدين ادهنوه من برا طبعا من فوق ومن تحت بالجبن السائل
وجيبوا صاج ادهنوه بزيت زيتون واذا صار حار مرررره حطي الخبزه وراح يتحمر لك الجبن السايل
واقلبيه ع الجهه الثانيه وحمريه بنفس الطريقه
وقطعيه بعجلة البيتزا وحطي عليها عسل
طعمها وهي ساخنه اممممممم
الجبن اللي داخل ذايب واللي برا صاير اشقر ومتقرمش

ع فكره انا ادهنها من جهه واحطها ع الصاج ويصير اللي فوق الجهه اللي مو مدهونه وادهنها وهي ع الصاج بسرعه لان ماتقدري تدهنيها من كل الجهتين وهي برا تنعفس اتمنى فهمتوا شرحي خخخخخ

وبالعافيه ع قلوبكم
لو سويتها هاليومين راح اصورها لكم

شذى الله يهون عليك يااااااااااااااارب وتولدين وانتي والبيبي بصحة وسلامه
بنت نجد الله يسهل اموركم ويفرجها عليكم يااااااااارب ويشافي بنتك ويخليها لك

مسسساء النشاط والحيويه
صحيت اليوم الفجر صليت ورجعت نمت وصحيت الظهر
صليت وأفطرت وجلسة عالنت وتعوذت من أبليس
جمعت الزبايل الي في السلات وغسلت دفعتين غسسيل
ومسكت ملمع الزجاج ومريت عالطاولات والتي في والاب
أذن العصر صليت وبخرت البيت بجاوني وحسيت بعدها بأنتعاش
ونشاط وكنست البيت كله
وعملت بان كيك فكرتني بيه جوجو وعالحافظ وبعد أشوي بصلح القهوه وأجهز نفسي زوجي على وصووول

بعد ردي ساعه7
حاولت في نوم بس ماجاء
صحيت ورحت الى المطبخ وسويت مصابيب
وانا اشتغل حطيت ثوب لزوجي في الغساله
ودخلت غرفه النوم وشفت زوجي تعبان
حطيت عليه مفرش ثاني وطلعت كملت المصابيب
الساعه7:50اسمع صوت زوزي طلع من الغرفه وكان مره تعبانه
وراح للمستشفى وانا كملت المصابيب خلصت منهااا ساعه9وربع انتظرت زوجي
واتصل عليه قال باخذ الابره ربع ساعه وبكون في البيت
انتظرته ونزلت لكم صوره
وتاخر دخل البيت ساعه9:45عطيته فطوره
وطلعت من عنده جلست تحت الى ساعه 11:30
ورجعت للبيت وماجاء نوم اتصلت على امي وسولفت معهااا
وسكرت منهااا وحاولت اني اخذ لو غفوه بس مافي نمت على ساعه1:50
صحيت ساعه5المغرب صليت المغرب وصلحت العشاء
انتظر متى ينتهي علشان احط راسي وبنام الى ساعه8

شذاوي
الله يهون عليك كل ماشفت ردك مغصني بطني
الحاله النفسيه له دور استرخي واستغفري ربك
وصدقيني ماراح ننساك من الدعاء

لكم حبي
دانة بقلبه كانت هنا

السلام عليكم ،،،

اللهم بك أمسينا وبك اصبحنا

وبك نحيا وبك نموت واليك المصير ،،

رايقه ،،،

الله يحبك ويوفقك ويسخر لك

ويصلح عيالك قولي آمين ،،،

بنت نجد ،،،

الحمدلله ، كنت فاهمه مثل

جوجو انكم متزاعلين ،،

الله يسنع امركم ويجمع شملكم ،،،

،،،،،،،،،،،،،،

ابشركم الظهر جانا العامل

وركب قطع غيار الثلاجه

واشتغلت،

وتوني راجعه من الدار

صليت وبريح شوي واذاكر

لبنتي وانومها ،،

،،،،،،،،،،،،،،

عندي من الشغل ،،

تطبيق الغسيل الابيض حق امس

وغسل ارضية المطبخ واشغل الغساله

ع المواعين واغسل الباقي ،،

وغسل حمامي ، ومريول بنتي وبسسسس ،،،

مع السلامه  

ساكم ورد
اليوم حافل
خلصت دواليب المطبخ والافران الكهرب والغاز والمايكرويف

وغسلت اطنان المواعين وانسد المطبخ للمره العاشره البس اكياس وادخل يدي ولا الاقي شي بس اذا نزلت الاكياس يدي مافيها ولا قطره مويه ولا اموت عععع

ذاكرت لولدي وانا ارتب تسريحتي القنه الحفظ والعصريه سوالف مع اختي


وتابعت علياء اموت عليها ذا المره

ودق زوجي قال بيجي اليوم بالييل واخترش اروح اغسل الحمامات واحط قناع بشعري ووجهي

وارتب كلالبيت واطبق الغسيل وغيرت المفرش حطيت مفرش فخم مره ماطلع الا بالمناسبات الاعياد سنوات زواجنا ماي اقول اعياد زواجنا

وروشت العيال ودهنت شعورهم بكريم خفيف واجسامهم بجونسن فازلين وبودره جونسن ونضفت اذانهم وققصت اضافيرهم يضحكون صفين بالكبر وراء بعض وهم جالسين

وباقي انا اترطرط رجلينني اكياس وشراب مربطتهن خخخخ
ووجهي قناع وشعري ينقط من القناع
والبيت لمبه يلمع مشاء الله وريحته ترد الروح وريحتي انا تطلع الروح ههاااااااااااااااااااااااااا ي
بروح اتحمم
مجهزه مجموعه الشاي الاخضر كامله
وجهزه الاستشوار وعده بعد الحمام

بنت نجد ،،

قصدك تستغلين وقتك

في حفظ القران دامك فاضيه

الله ييسر لك ، اللي يدخل الدار

يشتاق له على طول ، الله يجعلنا

ممن يعمل به ،،

شذى ،،

الطلق الصناعي

اللي آخذه عن طريق الوريد

وقولي لهم ماأبي كشف

متى مابان الراس يودونك لغرفة الولاده

وخلصنا ،،،