الرئيسية ركن الشات والمواضيع الترفيهية والألعاب شات عروس البيت الثامن عشر.. لربات البيوت السنعات..لشهر ذي القعدة

البيت الثامن عشر.. لربات البيوت السنعات..لشهر ذي القعدة

انثى ذوق 27-09-2011 1,053 رد 90,386 مشاهدة
A
ARO0OMA
عروس رائعة
09-10-2011 | 02:53 PM
شذى الله يفرج همك ويسهل امرك ياعسل

روحي الله يعينك يارب ... بس هااا كيف النوم معاكِ؟؟
.
..R O S E..
عروس مشرقة
09-10-2011 | 05:03 PM
خلود.. من قال ان طبخ اللحم و هو مثلج يحافظ على فوائده؟!!!!

الله يصلحك بس.. سوي بحث بقوقل عن اضرار طبخ اللحم وهو مثلج..

الله يكفيكم الشر..

___________________

يومياتي..

قبل امس قلت لكم ان فيه احتمال يمسي عندنا واحد..

وفعلا.. راح زوجي يستقبله بمحطة القطار وجابه..

فرشت فراش بالمجلس وسكرت الستاير.. و لعت الابجورة..

وجهزنا الفاكهة وجيك ماء..

و في صباح اليوم التالي.. قمت ثمان ونص من لولو جايه معنا يالسرير..

قمت عالتسع نزلت ركبت عالقهوة وجهزت الصينية..

وخذت كوبي وعالكونسيرفتي.. انتظرهم يقومون..الملك وضيفه..

اتلا مالي رقيت للملك اقومه..

ما تقهوو الا عشر!!!!!!!!!

جهزت الفطور فول وكبدة بالمشروم.. ونواشف .. وشاي منعنع..

وما افطور الا وحدة!!!!!!!!!!!!!!!!!!!!!

الله يصلحهم بس..

جهزت لبس بناتي معزومين على حفلة..

لبستهم ومشطت شعورهم.. وحتى روفه الغير مدعوة لبستها لا تغار..

ثلاث طلع زوجي يودي ضيفه للسنتر.. ثم رجع لنا..

بهالوقت انا قعدت اكوي كم قطعة..

ثم لبست عباتي وطلعنا.. نزلنا جودي و لولو عند صديقاتهم اللي عازمينهم..

وروفه تفلت تبي تنزل ياقلبي وتشوف البلالين عالباب وتقول: بارتي.. بارتي..

عطيناها كيندر سبرايز يسكتها..

وطلعنا نتسوق شوي.. جبت رفوف للمطبخ بتشوفونها ان كاني نزلت صور..

ثم رجعنا للبيت سويت عشانا ورقيت الفراش.. وزوجي جاب الاميرات..

مبسوطات وكل وحدة عندها سالفة..

و روفة فرحانه فيهم وغايره من اللي معهم..

بدلو ملابسهم وتعشينا..ظفيت السفرة وغسلت المواعين..

ونمت ما اشوف الدرب..

واليوم.. طاولة الكوي تقول لي صباح الشغل اللي ما تم..

والمطبخ يقول انتِ ناويه علي يالله وريني شغلك..

والبنات يبي لهم ترويش.. و روفه يبي من يقص قصتها..

و الملك جيوبه الانفيه متعبته وقاعد بالمملكة..

والمراييل غسلت الغامق وبقى الابيض..

ويااااارب تعيني وما انام الا والمملكة وسكانه يلقون..
#
##خــوخــه##
عروس مبدعة
09-10-2011 | 06:26 PM
روز ،،،

والله مدري يااوخيتي

مرت خالي تقوله !!!

قلت اجل عندها علم ،،

الله يستر علينا ،،،

،،،،،،،،،،،

الحمد لله انجزت ثلاث ارباع الشغل

غسلت جدار الدرج ، والصاله ،

وغرفتي وغرفة عيالي مسحت

جدرانها وغسلت ارضيتها ،

ومسحت الدواليب والسراير ،

ورصيت مواعيني في الغساله

وطبقت غسيل امس ،

باقي دفعه ابيض بنشرها ان شاء الله ،

طفييييت قبل المغرب ،

وسلقت بيض وحشيته في توست

مع جبن وتعشيت انا وبناتي ،،

والحين منسدحه ابي استرخي شوي

وعقب اذاكر لفطوم واحفظ اللي علي بكره

علي حفظ كثير متراكم ،،،،،
ا
انثى ذوق
عروس مشرقة
09-10-2011 | 08:28 PM
مسائكم خير

يومياتي
امس بعد ردى كنت نعسانه
والا جوجو قامت :hysterical:
اكلتها رز وزبادى ومارضت تنام
وفروسي يبكى طلعتهم وجلست
اتصفح الين 11 الا ربع
وناموا على 12 وانا نمت من التعب
قمت 5 صليت وادور رهف مالقيتها
طلعت الفجر جات ونامت بسرير فارس
صحيتها وفطرتهم ولبستهم وراحوا
وقامت جوجو فطرتها وخليتها تتفرج
على توم وجيري في الصاله
وغطيتها وشغلت لها المكيف
ونمت نوم مقطع كل شوى اروح اتطمن
عليها قمت 11 ونص الاخ فارس
مروق وخليته يلعب وحاس الدنيا
غيرت له وجبت لى كابتشينو
وساندويش جبن وافطرت
وجبت لرهف واخوها الكبير
جاء من المدرسه جبت لهم
حليب وساندويشات جبن
وجلست اقرا شوى بالنت
نومت فارس وفرزت الشرابات
والقبعات الشتويه
واشغلتنى ام زوجى كل شوى
طالعه تكلمنى وعلى 1ونص
جات رهف بلوزتها كلها دم
طعموها وماحطوا لصق
الله يقلعهم غيرت لها
ودخلت جوجو الحمام
وغيرت لها ولبست اصفر
برمودا وبلوزه بنى وفيها
بطه صفرا خخخخ
وبطنى مغص فظيع وطبخت على 2
بخارى لحم وجاء زوجى ونام 3
بعد ماتهاوشت معه
فقع مراراتى يبغا عصير ليمون
بالنعناع ويوم سويته قال لا
ابغا ليمون ساده بغيت انهبل
وسويت له بعد ماهاوشت مليون هواش
ونام وانا رميت الرز وكويت ثوب زوجى
وبديت اغسل الغسيل
وغسلت مواعينى وكلمت
بالتليفون شوى
على 4 ونص حطينا غدانا
وغديتهم وجلست اسولف مع زوجى
خخخخ ماكنى متهاوشه معه
تحمم ولبس وراح
انا غسلت مواعينى نومت
فارس جلست اذاكر لهم
عبيت الثلاجه العصير والمشروبات
ومكمله الغسيل جبت قهوتى
واتصفح مره خرمانه على التصفح
ماشبعت منه واشيك على الغسيل
ومره ازعجنى البغبغاء
بس يتكلم ويتكلم ويتكلم
وصوته يجيب الضغط حااااد
صدع راسي والحين بنومهم
.
..R O S E..
عروس مشرقة
09-10-2011 | 08:43 PM
سلام..

عقبكم.. قعدت احوم كالنحلة..

القط هذا واشيل هذاك..

وجمعت كل اللي مكانه فوق عند الدرج.. وشفت سلة الغسيل اللي ما فيها الا جلابية ومنشفة..

طلعت المنشفه وعالغسالة.. وكنت متروشه ومنشفتي على راسي وقالبه من الحنا..

فسختها وعالغسالة مع خويتها..

يوم ما بقى الا الكنس ناداني بعلولي..

وقال: ريضة؟!! سوي لنا قهوة نتقهوا..

عاد انا ما صدقت خبر تركت اللي معي و نقزت وركبت عالقهوة ورتبت شوي بالمطبخ..

تقهوينا .. ثم قمت احط عشانا بالفرن عشان امخمخ عالقهوة..

ودق جوال الملك.. واحد جاي من لندن وبيجينا لأن له سيارة عند بابنا..

قمت اشيل البطانية اللي توني مرتبتها عالكنب حق المجلس..

وكنسته وفركت موكيته ومسحته عالسريع..لأنه نظيف من امس..

وطحنت قهوة وركبت عليها هي والشاي.. وبخرت المجلس والسيب بمعمول..

ورقيت سلة الغسيل حقتناو المناشف المطبقة ونزلت سلة بناتي.. وحطيت دفعة بيضاء..

والحين احدثكم من الكنسيرفتي والرجال بالمجلس.. ومدري عن هالكريم يمكن يلزم عليه عالعشى!!!!!!!!

A
ARO0OMA
عروس رائعة
09-10-2011 | 10:57 PM
مساءكم ورد

بعد ردي جلست ع المسن الين العصر

قمت صليت وكلمت جارتي وروحنا الممشى

رجعنا بعد المغرب

مريت بيتنا ووصيت اخواتي باغراض يطلبوها من البقالة وطلعت لجارتي اللي ولدت

جلست عندها الين 9ونص ونزلت

صليت العشا

وكلمت اختي

عندي كم صحن بالمجلى اكل فيها بابا الفاكهه

شوي واقوم اغسلها ان شاء الله

واروح انااام

تصبحو ع خير

ودي للجميع
د
دانة قلبه
عروس ماسية
10-10-2011 | 12:04 AM
مساء الخيير
كيف حالكم
يومياتي
صحيت ساعه4الفجر صليت وتصفحت النت
ساعه 5حسيت بنشاط وحيويه
اخذت شور دافي ولبست فستان قصير وتعطرت بعطر
وسويت تسريحه لشعري
ساعه6صحيت زوجي وانا مافي كلمة صباح خير ماقلتها له
صباح الخير صباح الحب صباح.....
طول الوقت طالع فيني بنظره ومسك جواله ويتصفح النت ساعه6ونص
طلع
ماكان عندي شي رتبتب غرفه النوم
ومسحت السراميك وكتبت رد لكم ساعه7
ساعه9فتحت شبابيك البيت كلهاا علشان تدخل الشمس
ساعه10جاء زوجي متضايق من دوام
صار مشكله عندهم وتحقيق وووو
وطول الوقت عقله مو معهاا بس يتصل ويشوف وش بيحصل
طلع من عندي صلحت الغداء ساعه10:50
وكان الغداء جاهزساعه12
تغدينا بعد مارجع ساعه12ونص
جمعت المواعين
وحطيت راسي ونمت صحيت ساعه6المغرب
صليت وجهزت ملابس لزوجي اخذ شور وطلع
انسدحت وتابعت محاضره ساعه 8خلصت 9
جاني نوم سولفت شوي في المسن
وطلعت من النت بكبره خلصت المواعين
ورتبت البيت وغسلت الحمام الله يكرمكم
نظفت المطبخ وغسلت ملابس لزوجي
وفيني نوووم
وبيتي فاضي مابعد شريت شي
اشوفكم بكره
ودي اشوف ردوكم
اعذروني
دانة بقلبه كااانت هناا
ج
جداويا يا ابويا
عروس مبدعة
10-10-2011 | 12:51 AM
مساء الفل

جالسه بالمقلط اتعشى على نور خفييييف من الصاله
و حاطه التي في عالجزيره و كاتمه الصوت ابغى
اشوف اخبار مصر


اليوم العصر نمت على 3 و صحيت 4 عملت فشار

و كوب شاي و اكلت مع بناتي و حطيت قهوه عالنار

و ذاكرت لجوجو و تقهوينا و حطيت شراشف بالغساله

و بعد المغرب غسلت النحاس و عملت بان كيك اعطيت


البنات يتعشوا و زوجي رفع خشبة السرير يصلحها

و قلت فرصه كنست اللي تحت السرير و مسحته بديتول


و مويه و صليت العشاء و جلست عالمحاضره و خلصت

غيرت لسوسو و رتبت البيت و كنست البيت ثاني مره اكنسه

اليوم و غسلت النحاس و الساعه 11 وقّت الجوال بعد نص


ساعه و حطيت عالجوال تفسير الشعراوي لسورة البقره

و خلصت النص ساعه و عاجبني كلامه كملت كوي لما


خلص على 12 الا ربع



و سولفت مع زوجي ربع ساعه و جيت عالمطبخ رتبته و عملت عشايه


و غيرت لدودي و اخذت عشايه و جلست



خلصت عشايه و انا اكتب ردي و صبيت لي كوب قهوه و بس
.
..R O S E..
عروس مشرقة
10-10-2011 | 02:13 AM
سلام مربع لربيعاتي..

شحالكم..

بعد اخر رد.. كويت ملابس زوجي كلها.. وبقا ملابس بناتي..

طلع الرجال.. ورقيت الملابس ورتبتها بالدولاب..

ونزلت سخنت عشانا وتعشينا وشغلت الغسالة عالمواعين..

ونشبت لي جود تبي بان كيك!!!!!!!

وما عندي الا بيضة وحدة.. والوصفة فيها ثلاث بيضات<<وصفتك يا جوجو

وافتح الالة الحاسبة واقعد اقسم المقادير على 3 ..

سويت ثلاث كيكات كبار.. كل وحدة لها حبة..

والحين الاميرات نايمات.. ما روشتهن اجلتها لبكرة..

اهم شي مراييلهم مغسولة و جاهزة..

وتصبحون على خير..
#
##خــوخــه##
عروس مبدعة
10-10-2011 | 06:42 AM
السلام عليكم

اللهم ماأصبح بي من نعمه

او بأحد من خلقك فمنك

وحدك لاشريك لك ،،،

امس عقب ردي قمت حممت عيالي

ورتبت مع فطوم شنطتها

وتدربت ع الإملاء

وراحت تنام ، وجلست

أتصفح مع الثنائي المخترش

وع الساعه 10 نومتهم

وغطست مع حمود

ماحسيت بنفسي الا 11 ونص

ووجعتني اذني وانسدت

وقمت اتحمم بسرعه لا سكراب

ولاطولت وروقت ، طلعت

صليت المغرب والعشاء

رجع زوجي ومعه قرصان تدوووخ

من مرت ابوه ياعليها طعم ماشاء الله

كلتها ونمت ويوم قمت الفجر صليت

واكتشفت عقب اني توني ماطهرت !!!!

اشوى ان الدعوى جت ع الصلاة بس

وماصار شي ثاني ،،

فطرت فطوم ولبستها واستودعتها الله

والحين راسي واذني صايلين علي

وحمودي فارشه له فراش جنبي

ويكحكح ع الصبح ،،،،الله يعين

مع السلامه تمسوا على خير
د
دانة قلبه
عروس ماسية
10-10-2011 | 07:17 AM
خــــــــــلود;15639191:
السلام عليكم
خــــــــــلود;15639191:


خــــــــــلود;15639191:
اللهم ماأصبح بي من نعمه

او بأحد من خلقك فمنك

وحدك لاشريك لك ،،،

امس عقب ردي قمت حممت عيالي

ورتبت مع فطوم شنطتها

وتدربت ع الإملاء

وراحت تنام ، وجلست

أتصفح مع الثنائي المخترش

وع الساعه 10 نومتهم

وغطست مع حمود

ماحسيت بنفسي الا 11 ونص

ووجعتني اذني وانسدت

وقمت اتحمم بسرعه لا سكراب

ولاطولت وروقت ، طلعت

صليت المغرب والعشاء

رجع زوجي ومعه قرصان تدوووخ

من مرت ابوه ياعليها طعم ماشاء الله

كلتها ونمت ويوم قمت الفجر صليت

واكتشفت عقب اني توني ماطهرت !!!!

اشوى ان الدعوى جت ع الصلاة بس

وماصار شي ثاني ،،:worn_out::-#
ذكرتني بسالفه
وشكلك دوختي من القرصان
:lol::lol:
خــــــــــلود;15639191:

خــــــــــلود;15639191:
فطرت فطوم ولبستها واستودعتها الله

والحين راسي واذني صايلين علي

وحمودي فارشه له فراش جنبي

ويكحكح ع الصبح ،،،،الله يعين

مع السلامه تمسوا على خير:hysterical::|


صباحكم حب وسعااده
ساعه12نمت واتصل زوزي
قال خذي العشاء تحت اخذت العشاء واكلت
مريت على البيت سريع كل شي مرتب الحمدالله
نمت12وربع وصحيت ساعه4ونص على دخول زوزي
يتسحب سويت نفسي نايمه علشان الاحراج
بعد10دقايق صحيت وشفته معه الجوال يلعب
قلت له ليش ماصحيتني راحت علي الصلاه:worn_out:
وانا صاحيه بس استهبل عليه
المهم صليت
رحت حق زوزجي وسألته متى بكون صاحي قال الساعه4
وبعد الغداء بنطلع الله يفتح على قلبه ويقوم قبل 4العصر
الساعه5ونص الفجر
دخلت الموقع الي مسجله فيه جوجو وشفت دورات عندهم
وطلبت منهم اسجل في واحده من الغرف اسمهاا الغرفه العامه
وانتظر قبولي
ووووو وبس
بعد الرد هذا بنااام
صباحكم حب وسعاااده

دانة بقلبه كانت هنا
و
وتر الحنينـ
عروس متألقة
10-10-2011 | 08:51 AM
سلام
كيفكم ي حلوات
نظامي منقلب فوق تحت
اليوم بعدله ان شاء الله&#1632;
لي عوده
كاااات
ك
كوامن السعادة
عروس مشرقة
10-10-2011 | 09:11 AM
صباحكم خير وبركه
ورضا من الرحمن
وأحمدو الله على نعمة الدين و الأمن والأمان



أمس اهم شي سويته سويته اني قصيت أطراف شعري
وسويت الغداء خضار بالفرن ورز أبيض وإيدام للعيال

اليوم قمنا على 8 منخرشين زوجي تأخر عن دوامه
جهزت أغراضه بسرعة وتسهل على عمله
سويت رضاعات للتوينز وانا عين مفتحه وعين مصكره
وجلست اشاور نفسي اقوم ولا لا
تذكرت وش وراي من إنجازات لازم اخلصها اليوم >> داخله في تحدي مع نفسي هالأيام
قمت شغلت المجد على قناة القرآن
ولميت الملابس وع الغسالة
وخلطت حنا بحطه في شعري بعد شوي
شيكت ع الغسيل ثم سويت فطوري سندوش بيض وجبن وخيار وطاط ممممم مع كاسة شاي

وتوي فتحت النت وصبحت على أحلى أخوات F:
د
دانة قلبه
عروس ماسية
10-10-2011 | 09:33 AM
هلابكم
هذا فطوري مع امي(ام زوجي)
يختلف الاسم من منطقه الى منطقه
كل وحده تقول وش اسم هذا شي






دانة بقلبه كانت هنا
S
Still Ambtion
عروس مشرقة
10-10-2011 | 09:48 AM
دانه حنا نسميها مصابيب
ه
همس28
عروس متألقة
10-10-2011 | 10:30 AM
دانه احنا نسميها مصابيب او مراصيع بس الدائره اصغر تجي وامممممممممم ياطعمها بالعسل والزبده او السمن وقهوه بالهيل والزعفران ياسلالالالالالالالالالالالالام عوافي عليكم طولتها خخخخخخ
ك
كوامن السعادة
عروس مشرقة
10-10-2011 | 10:41 AM
على قناة المجد العامة
برنامج يوم جديد
يتكلم عن الأطفال
شوفه بتستفيدون إن شاء الله
ج
جداويا يا ابويا
عروس مبدعة
10-10-2011 | 11:49 AM

صباح الانواااار

كوامن
ايش رايك تسويلك شغله قبل ما تجلسي عالنت
لو حاجه وحده كل شغلات البيت تقدري تسويها في الهدوء
هو الكنيس بس خليه لما يصحون التوينز مثلا حطي دفعه بالغساله
و طبقي او اكوي او امسحي الاثاث او السيراميك
و بالنسبه للطبخ مع الايام حتصيري سريعه فيه انا كنت بطيئه
جدا في كل اشغالي بس الآن الحمدلله يدي صارت اسرع مع التعود



دانة قلبه
ماشاء الله لا قوة الا بالله ايش هذا الغدا اللي جهزتيه و استوى في ثلث
ساعه؟


روز
فديت قلبها هالجود تواردت خواطرها معايه
مو بعيد عنها فيها من حروف اسمي



رايقه
الموضوع جدا جدا جدا راااااائع الله يسعدك



خوخه
الله يقطع شرك حلوه اجل عندها علم


انثى ذوق
تذكريني بوحده اعرفها انتي و زوجك تقولين
توم و جيري ما يتفقون!





دانه
نسميها قرص و الجمع قرصان ناكلها مع سمن و عسل
و امووووووت عليها







.
..R O S E..
عروس مشرقة
10-10-2011 | 12:17 PM
صباح الرضى والسعادة..

صباح بعييييييد عن النكادة..

صباح الشبع من الوسادة..

صباح رايق مثل العادة..
S
Still Ambtion
عروس مشرقة
10-10-2011 | 12:36 PM
يتصفح الموضوع حالياً: 5 (5 من الأعضاء و 0 من الزوار)‏رايقه وحولي عصافيري, ‏..R O S E.., ‏خــــــــــلود


احلى ثنتين يحبهم قلبي :L::L:
ولا يهونون الباقين :L::L::L::L::L::L::L::L::L::L::L::L::L::o
X