اروي يقيني;15639799:
سلااام
اليوم رحت عند الدكتوره موعدي في السلمانيه وسوت لي سونار وقالت ان الجنين مافي حوله ماي وقالت لي روحي بيولدونج الحين قيصيري وانا توني داخله السابع
انا ينزل مني ماي بس كميات قليله كلش من فترة صار لي تجاهلت الموضوع لان ماتوقعت في شي وقالو لي عادي
ونزلت للاستشاريه اللي طرشتني عليها واخذت مني عينه من الماي الاينزل وقالت يوم الاربعا اروح
عاد ماصدقتهم وقلت اروح خاص ورحت بسرعه وفعلن قالت لي ماي بالمره مافي حول الجنين ولازم اولد قيصري لانه راسه فوق
رجعت البيت والحين مو عارفه شسوي انتظر يوم الاربعا وان شاءلله خير
والله شسوي مادري
خايفه انتظر للاربعا ويروح مني
يابنات اللي تعرف احد صار له جذي تقولي والله محتاره والله يعلم بحيرتي
اتوكلي على الله وسوي العملية ... عشان صحة البيبي .. مو بزين إذا مافي ماي حواليه
1. أطعمة غنية جداً بالحديد و تشمل /
- الكبد و اللحم الأحمر و الدجاج و الأسماك و البيض و الحليب.
2. أطعمة غنية بالحديد و تشمل /
- الفواكــــــــه مثل التفاح و الأجاص و التمر و العنب و الزبيب و المانجا.
- الخضراوات مثل الملوخية و السبانخ و الملفوف و الجرجيـــــر.
- البقوليـــــات مثل العدس و الفاصوليا و البازيلاء و الحمص.
- الحبــــوب مثل القمح و الشوفان و الذرة و غيرها.
3. أطعمة تساعد على امتصاص الحديد و تشمل/
- فواكــــــــه مثل الجوافة و الحمضيات ( البرتقال، الليمون، الجريبفروت) .
- خضراوات مثل البندورة و الباذنجان و الجزر و الفلفل الأخضر.
4. أطعمة تعيق امتصاص الحديد فهي تشمل /
- تناول بعض الأدوية التي تعيق امتصاص الحديد مثل بعض المضادات الحيوية و مضادات الحموضة .
- الإفراط بتناول الشوكولاته و الأطعمة المحتوية على الكاكاو و القهوة.
- شرب الشاي أو القهوة أو الكولا بعد الأكل مباشرة ، و بذلك ينصح بالإقلال من تناولها و تأجيلها إلى ساعتين بعد تناول الوجبات الرئيسية.
و أخيراً ، قد تستخدم أقراص الحديد لزيادة نسبة الحديد في الدم و ذلك بوصفة طبية ، و ينصح بتناولها على معدة فارغة صباحاً مع كأس من عصير البرتقال
منقول ... يالله كلكم أكلوا الاشياء الزينة حتى يرتفع دمكم قبل الولادة
مشكورة ام الهواشم
وينكم اليوم مافي أحد
زوزا
اهلين فيج بين احبابج البحرين
وعليج بالعافية المشتريات
ويلا خيرها بغيرها ان شاء الله مرة ثانية تزورينا
قلبووو
يالخفاش وانتي ماتجين الا في الليل التجمع
تعالي لنا في النهار طلي شوي مثل قبل
انا صرت اخاف من الظلمة مااطلع ههههه
اروى يقيني
الله يسر امورك يارب مو احنا الي تسالينا عن العملية
الدكتورة اهي الي تحدد وانتي رحتي الخاص اي عيادة ؟؟
برشوونة
كاني انا هني بس مافي احد غيري شكله
يلا قولي شنو غداج ههه
انا غداي جلو كباب من كرامي حده لذيذ
بنات امس رحت المنار ..
شفت عندهم معجنات صغار الدرزن بدينارين ..
و عندهم موالح الكيلو بخمسه و تكون فيه 50 حبه ..
و شفت عندهم كب كيك الميني بـ400 فلس و كلما كبر الحجم زاد السعر ..
بيرشيانه واسى تسلمو حايبي والله يحييكم
اليوم غداي صالونه سمك
مررررررة كان لذيذ
اروى يقيني
روحي خاص شوفي شيقولون لك
وعسى مافي غير العافيه
ومافيها شي اذا اضطريتي للقيصريه
المهم سلامة البيبي غناتي
زوزا
يم يمي عليج بالعافية ماادري ليش كل طيحو سعابيلي على سمك
ماادري اسوي عشاي سمك خخخ
هلا بنات شخباركم عساكم بخير
اني اليوم عذاي بشاور من من محمد نور
بنات باااركولي دخلت السابع هههه
زوزا واسى
شخباركم ؟؟
عليكم بالعافية الكباب والسمك... وعلى بيبياتكم بالعافية
زوزا نورتي البحرين
وانا غداي كان معكرونة
ام الهواشم
ياهلا فيج حبوبة والله يعافيج
انتي شخبارك شمسوية ؟؟ وشخبارك مع الشغل فديتك
ام قسوم
عليج بالعافية المشاور محل مايسري يمري
ومبروووك دخولج السابع انا بكرة ادخل السابع
الله يعاافيج
وناااسه وماابقى شي بس اليوم حدي متضاايقه وافكر ابي اشتغل مو عارف شنو اسوي
شنو تبين تشتغلين؟؟
والله يبعد الضيق عن صدورنا يارب
ماء الكارفور
شخبارك الحين ان شاء الله صرتي احسن؟؟
وطلعتي من المستشفى ولا لسى؟؟
ابي اشتغل اي شي في اي مكان احصل بس راتب مو اقل من250 دينار وقاعد افكر لين ولدت وين اودي البيبي لين بروح ادوام ومحتاره حدي
هلا بنات
انا غداي معكرونة مثل ام الهواشم
الجوهرة
قررتي تاخذين الضيافة من المنار؟
ام قسوم
انشاءالله تحصلين شغل
و البيبي اما تخلينه عند امج او ام زوجج
واذا ماعندج احد ايوده صعبة
انتظري تولدين بالسلامة وتخلصين النفاس وبعدين فكري في الشغل
وخلي ولدج عند امج او اذا عندك اخت مو مزوجة احسن من الحضانات