روحي وروحكـ;15635389:
العمر كلووو يارب
صج بنات شلون اكتشفتوا انكمـ حوامل أدري سؤال أثري بس بما انهـ صرنا ربع ونمون على بعض خل نسولف هههههـ
صج قبل مانسى عقب مانولد بالسلامة ضروري نسويلنا تجمع مو ننقطع عن بعضنا ترى مو فن أحبكمـ تعودت عليكمـ
انه ماشاء الله الصلاة على النبي حملت من اول شهر
وكنت متلهفه على الحمل لاني اموت بشي اسمه يهال غرامي
فشنو الي صار قريب الدوره بيومين رحت حللت دم حنيت على زوجي وعفست الا احلل وطلعت مو حامل
وقمت اصيح وخفت ان فيني شي او اتأخر بالحمل (( ادري بتقولون طبيعي بس في اشياء خلتني اخاف))
المهم عاد تميت اصيح وكل ما اتذكر احظن زوجي واصيح جم يوم نفسيتي كانت تعبانه وهذا حالي
بعدها حلمت حلم خلاني اشك اني حامل
بس كلام بنت خالتي وحماتي والي في النت سألتهم كانوا يقولون ان الدم لو تسوينه قبل اسبوع الدوره يطلع عكس البول وانتوا بكرامه لازم عقب الدوره بجم يوم
وقالت لي حماتي لاتخافين ولا تتوترين مو هالشهر الياي بس انه مو مقتنعه الا ابي احمل واكيد فيني شي ياني ابو الوسواس هههه
وقلت ابي اروح مراخه جان مو رحمي على برد ياي
وقالت لي حماتي يمكن تتأخر عليج الدوره سبوع لان اول مره يدخل فيج شي غريب لان هالشي اهي صادها
بس الي مرفع من معنوياتي زوجي فديته لمن ايي له اصيح كان يقولي تصدقين اني حاس بانج حامل
قلت له حللت دم وتقولي حامل مو حامل خلاص
قالي نطري صدقيني حامل ولو تصدقون سويت كل الطرق الي يبين حامل او لا البول الي تخلينه جم ساعه ومن هالسوالف
(( بقولون مينونه))
وكل ما اسوي شي ايي اصيح عندج زوجي يطلع مو حامل
صرت مثل المينونه بعدها اتذكر يوم الخميس كنا متيمعين اهلي نقرى سوره الانعام نذر وكنت قاعده ومتضايقه حدي
بعدها دخلت الحمام وكنت اخرج اكتشفت ان الخروج لونه اصفر تخيلوا خفت قلت اول مره يصير جذي كلمت مرت اخوي وقلت لها قالت لي شكله حامل قلت لها اي حامل لا مو حامل
بعدها المغرب اتصلت حق زوجي اييني وطحنت وصحت الا ابي احلل
قالي نطري بعد يومين قلت له مابي احين احين ابي
قالي بشرط قلت له شنو قالي نروح ياخذون منج دم واطلع من المستشفى تاخذين لج عشى تاكلينه كامل عقب استلم النتيجه لانج لو الله ماكتب مابتتعشين ووافقت
ورحت اخذت دم وخلصت ووداني تعشيت من جان برجر احين ماحبه ولا احب حتى اسمع اسم المطعم هههه
وتعشيت ورحنا للنتيجه الا يقولي زوجي ماتنزلين انه بروح اخذها قلت له لا ابي اروح قالي لا اخاف يدور راسج وتطيحين قعدي
راح وانه انتظر فتره ويه اجوف عينه واهو ياي السياره فيها شي حلووو لكن يأشر يقولي ماعليه وويهه يازعم يقول مو حامل
بس مو قادره اصدق اجوف عيونه غيييير تقولي
يوم دخل قالي مبروك عمري انتي حامل
قمت اناقز واصيح وحظنته في السياره وسويت مناحه هههه
(( قلت قصتي كامل ))
اما عن سالفه التجمع انه اقترحت هالشي قبل في ناس ايدوا بس لا انتي ولا بيرشيان مارديتوا على المقترح هههه
persian_moi;15635453:
فديت اللي يسألون عني وهذي لج يا قلبووو F:
امس كنت مشغولة خطوبة رفيجتي
واليوم كان عندي جم شغلة اخلصها انا و زوجي من جذي ماقدرت ادخل
ويوم روحو قالت لي دخلي الا حظي النت مو راضي يشبك توه من شوي اشتغل عندي
اجوف قمتو تسولفون بالغزير جرح وتطهير
احس روحي مابي اتكلم في هالسالفة الحين وايد خايفة واحاتي :sick: من الشهر الثامن بتكلم معاكم يزعم اتهرب ههههه
طالعت لستة اغراض البيبي باقي شغلات بسيطة يعني طلعة ولا طلعتين انا مخلصتهم
تبقى علي اغراضي تقريبا نفس اللي ذكرتهم روحي و روحكـ
واهم شي فراش المستشفى انا افكر اخذه سايز سريري اللي في شقتي حق استفيد منه بعدين تهقون بيطلع مبهدل ؟
ادري مافي الا انا هني الحين بس حبيت اسلم عليكم واسأل عن اخباركم
انه اقول باخذ بو 2 بس ارد اقول شلون عن الشرشف بصير وايد طويل ويمكن يتبهدل
مافي نفر ونص ههه؟؟ على الاقل اهون بصير لان وااايد
ماء الكافور;15636076:
صباح الخير بنات
شخباركم وحشتوني صراحة
تمللت من المستشفى وتعبت نفسيتي
متى اترخص واطلع اكمل اغراضي احس باقي علي أشياء واجد ما سويتها والوقت يمر
الله يعين
يلا ماعليه حبيبتي راح الوايد وبقى القليل اهم شي سلامتج وسلامه حيدووور
persian_moi;15636409:
عليكم السلام ام سلمى
انا اساسا وايد خايفة من موضوع الولادة لدرجة انه مأرقني في الليل :(
محتاجة رفع معنويات أدري انه فيه ألم ومعاناة بس ماتحمل احد يقولي الموضوع بطريقة سلبية عن جد أكتأب واقعد طول اليوم افكر
ماتخيل شلون بيبي بحجم البطيخة بيطلع من مكان ضيق لهدرجة
وشي ثاني اخاف لما اجوف كل هذي المعاناة اكره البيبي لا سمح الله
غير طبعا وسواس اني ماراح اتحمل الالم واحتمال مارجع للحياة
الاملاح اللي يمدحونها البنات في باقي التجمعات اسمها زارا وياخذونها من الصيدلية
بس يقولون تحرق يبي لها الوحدة تتحمل شوي
فوق الم الجرح الملح يحرق هذا العذاب بعينه
لاتفكرين حبيبتي كل مافكرتي تعسرت الولاده وعن تجربه
مرت اخوي كانت تقولي في حملي الاول مافكرت ولاشي المفروض اكون هبله ولا اعرف شي لكن ولادتي كانت جدا سهله والحمدلله
لكن هالمره جربت الطلق وخفت وخوفت روحي وكل يوم تفكييير والنتيجه تعسرت ولادتي
وكل وحده تختلف عن الثانيه ترى القران كلام رب العباد يسوي العجايب
واهم شي نصيحه مني لكم لمن ايي الطلق حتى لو بدايه خفيف تاخذون صينيه وتحطون فيها شربت زعفران وتاخذون عود اذن وتكتبون فيها سوره مريم كااااامل
صج صج تسوي العجايب
والي مايحب الزعفران يسوي في ماي يكتبها وكل شوي تشربه
سويتها حق اختي من شربته بدت تتوسع عدل وتسهلت ولادتها مع انها طلق صناعي المفروض اخس بس الحمدلله
الأم الحنون العطوف;15637728:
توني داخلة السابع اي اسبوع ينتهي ؟ كله مستعيلة خخخخ ولا يبان علي حامل
ان شاء الله اسبوع 31 ويومين جنه
عقبال التاسع خيوو