التجمع الخامس لحوامل شهر يناير 2012

امس بنات رحت السعوديه الظهران
اول شي رحت كارترز
عشان اجوف السبال ومثل ماقلت ماخذته
طبعا انه من متابعين كارترز كنت ابي جم شغله منه وشالوهم من الموقع فالي شالوهم رحت اخذتهم بضعف المبلغ
كانو على 3 وانه اخذتهم على 7 بس يلا الحمدلله
واستخفيت على فستان روعه اذا حصلته في الموقع باخذه بس استغليته لان كلش عادي ومامعاه الا جوراب واهو حفره
وبتكون مقمطه اهو ب 13 وشي واحين تحسفت زوجي يقول اخذيه اذا تبينه من الموقع بس مادري حسيته مايسوى سعره
اخذت لها قميص ولقنز مع بعض ب 7 و2 افرول ب 7 وفستان مع توب ب 8 ونص عاد تقريبا طلع علي 31 دينار في النهايه يعني
طلعت رحت اج اند ام
عجبوني مال الصبيان اكثر (( كالعاده اختي تسحبني سحاب صوب البنات هههه حتى تقولي مو خوفي تنقلب صبي ))
شسوي يشدوني ثياب ولادكم ههه
حصلت قبعه بيضه وجفت افرول من 0-1 حسيته صغير لعمر ال3 اشهر
وجفت من 2-6 حسيته كبير يعني يلبس 5 اشهر ولا 6 اشهر مع ان سعره حلو لكن بخلص الشتا
ومشيت وانه بيدي القبعه من القهر قلت مابوقف في الكيو وانه ماعندي الا قبعه متنحه فيها
قطيتها ومشيت
المهم قعدت امشي وبدت الم الريول يبان شوي
دخلت بي اج اس مافيه شي عجبني
دخلت ماذركير جفت الفراش الي خذتيه بيرشيان حلو ماشاء الله
وافتريت جفت افرولات كل على 11 مخفضين
قلت ب 11 وبينخش مايسوى مو بتطلع فيه
جفت فستان صيفي لكن املح صاير ب دينارين ونص رجعته
كنت باخذ شامبو مال ماذركير
سألت من قبل وحده في ماذركير السيف قلت لها شنو افضل شي هذا ولا بيجون قامت تضحك
تسوي اغلب المستشفيات يستخدمون بيجون ولا جونسون
فلايخترب شعر البيبي اول تاخذين شي واهم شي ثاني اول شي استخدمي واحد من هالنوعيتين لان انسب شي لبشره الياهل
وعقب لمن يكبر وتحسينه ماناسب بدليه
وتقول السمل مال بيجون طفولي ومثل الشي مال سنتربوينت الفلبينيه قالت حقي مال بيجون افضل
ويمكن شعر البيبي او بشرته حساسه ولا ندري لحين ماخذت دورت شنو في ماحصلت شي مشيت
رحت دبنهامز طبعا اوردي اختي ماخذه لي من هناك واكثر الافرولات امهات ريول فتغاضيت ومشيت لان مابي ام ريول
قلت بروح سنتربوينت يمكن جلجز نزلوا شي
رحت جفت افرول واحد حلو عجبني توه منزل ب 7 وشي وكنت ابي فوطه حق بيت ابوي واخذتها
واخذت حلمات ماركه بيجون للمرضعه الصغيره
وجوراب بنات ههه لان فيه شلش الي يلبسونه على الفستان وايد احبهم
واخذت بجامتين امهات قطعتين وبس
يعني كل هالفراره في المجمع وشلاخ الريول على محلين حصلت

اي ورحت جيمبوري الي جفته في الموقع اقل من نص القيمه في المحل وماعندهم تخفيضات بعد
فاستغليته يمكن لو مو جايفه الموقع جان باخذ عادي
بس لان جايفه الموقع هههه

عقب طلعت ورحت فينيسيا جفت محل يبيع اسره يهال
وكنت ابي سرير في بالي طريقته يعني لاهو سله واخسره بسرعه ولا ابي سرير كبير لان بفصل حقه مثل مابي
فاخذت واحد يعني يكفيه لين عمر 6 اشهر تقريبا ب 65 دينار ووياه بعد كفر مو ذاك الكفر الواو يعني زين حلو ينقال عنه هههه
لان غير اذا بتنقين شي من مخج
واوردي السرير هذا محد بجوفه بكون فوق والناس بيون حقي تحت بكونون مع امي واحنا مانزل الياهل حق احد يجوفه الا الي قراااب كلش بيركبون لي فوق

وفي محل كل جوارب
وكنت ابي جوارب طوال حق حور وحصلت عنده مثل مابي على دينار ونص لان قلت اذا ماحصلت بروح اكسسوريز بضطر اخذهم حتى لو على 7
بس حصلت هناك مثل النوعيه الي ابيها اخذت بيج وابيض
ايننون فن الواحد صغااار ب دينار ونص هههه فرق صح عشان ذاك ماركه وهذا عادي واهما مثل الشي
وبس هذا الي اخذته كامل
ييت متكسره حد حد حدي
حتى وانه بالسعوديه صار خاطري في كنتاكي الزيله وكنت خايفه نفس البحرين وزوجي مايرضى اخذ من كنتاكي عشان دجاجه برازيلي مو زين
بس يوم قلت خاطري هناك شرى لي فسكت وانه مستغربه
يوم يه سألته يقول لان مجربه وصج مال السعوديه احلى من البحرين وحتى الالو مو مجلود ولذيذ بصراحه ذكرني بكنتاكي مصر لذييييييييذ
بس مصر احلى طبعا
وبس سلامتكم ههههه هذرت وايد

اي وعن سالفه الشفاطه انه ماباخذها احين
عقب لين ولدت وحسيت اني بحتاجها باخذها

بووو هذرت وايد

هههه انزين بنات عندي اقتراح ياريت اذا خلصنا ولدنا مانبي نتفارق تجمعنا وايد حلووو
صح بننشغل بس اكيد بنحتاج لاستشارات بعض ونطمن على بعض
شرايكم نخلي لنا تجمع عقب؟؟

سؤال ثاني الكل يعرف اكتئاب الولاده الله لا ييبه لنا
من صادها هالشي من الي جربوا الولاده قبل
والي ماجربوا ولاده قبل احد من معارفها او اهلها صادها وشنو اللعلاج الي مشت عليه وشنو كانت تحس من هالسوالف يعني

هلا

قلبو انه ان كنت المفروض اليوم اروح السعودية بس زوجي قال بيوديني باجر اليوم السبت والجسر اكيد زحمة وين تنصحيني اروح لاني اول مرة بروح ويى زوجي وطبعا بالنافيجيتر.

عن اكتئاب الولادة اتوقع كل وحدة يصيدها هذا الشي خصوصا اول بيبي انه بعد ماولدت كانت دبتي كاني للحين حامل وكنت اتضايق انه رشاقتي كلها راحت هذا غير السيم والالم والسهر ويى البيبي وصياحه من الغازات انه كل ما اشوف بنتي اتصيح وماتسكت انه بعد اصيح وماتعرفين ترضعين وكل هالسوالف تتجمع عليج وخلصت الاربعين ولين الشهرين ماوقف الدم عليي فكل صلاة اغتسل وحالة وكان شهر رمضان صدق عذاب بس شوفتهم تسوى الدنيا.

قلبو بس تولدين ويى هالسوالف كلها بتقولين بس مابي اولاد هههههه وبعدين الوحدة تنسى خلاص,,

انه مابولد الا وبنتي عمرها 3 سنوات و5شهور احس الفترة زينه لاهي بعيدة ولاهي قريبة..

بنات اللي عندهم اطفال صغار الله يعينكم بصراحة

زوزو زينه اول تجربة لج وواصلي اكيد بتنجحين ما شاء الله عليج اذا هذا اول شغل لج ناعم وزين.

انه افكر في روحي اقول كلش مافلحت في شي لاموهبه ولا شي خخخ بس احب امكيج واحف والحين هملت السالفة من تزوجت ماعرف حتى احط كحل فوق عيوني مثل قبل.