التجمع الثالث لامهات شهر يونيو(6) 2011

السلام عليكم
وكل عااااام وانتم بخير
وينعاد عليكم
شخباركم وشخبار الكتاكيت الحلوين

انا الحمدالله بخير وتوامي الجميل يسلمون عليكم
بس معذبيني في رضاعتهم لهم فترة مايرضعون الا بالغصب وساعات ماقدر عليهم الا اذا ناموا ارضعهم
وديت رضا لدكتور عشان هالموضوع قال معاه احتقان وكتب له فيفادول وقال لي بعد اسبوع لو بعدة مايرضع غيري الحليب
وكتب له حليب بيوميل وغيرته بس بعدة للحين مايرضع الا بالغصب والا اذا نام
مادري شالحل معاااااه
في وحده منكم صادفتها هالمشكله وعندكم حل لها ؟

برليينت شخبارك وشخبار الحلوة رسوول
هااااا حملتي؟

هلا بنوارتي انا ورسول تمام ياقلبي

وصراحه مو عارفه اش اقولك عشان الحلوين ليش مايرضعو لانه ماعندي خلفيه


لا ياشيخه فال الله ولا فالك اش حامل

والله شاكه بها الموضوع لانه الدوره بعدها ماجات

وفي شي غريب يصير معاي انا كملت 3 شهور من ولدت وبين فتره والثانيه ينزل علي دم زي دم النفاس مع الم بالرحم بس الم خفيف عندكم خلفيه عن هذا الموضوع معقوله مايكونو نظفوني زين والله خافيه يقولون لي الرحم مو نظيف ويسوون لي عملية تنظيف

اشب شريط حملي العزيز رجع الا الشهر الاول شكله عشان كذا يانواره سألتيني حملت ولالا

افا صبايا وينكم مختفيات لي 3 ايام فاتحه التجمع

وحشتوني بسرعه ابغى اشوفكم هنا ولا ترا اخر تجمع افتحه


انا تمام جعفريه انتي اش علومك وكيف الصغيرونه الحلوه

هلا يبنات شخباركم وشخبار الكتاكييت

برلينت انا كنت جدي بس حطيت التحامييل ونزلت كل الوصخ الي داخل والحين اشوف الحمدلله تمام اعتقد خيو ان الدم مانزل كله من جدي من فتره للثانيه تنزل البقايا

اما من جهة الالم انا بعد يجيني الم

نوارة
هلابش وبالكتاكييت الحلويين
انا ولدي بعد صار لما يرضع يصييح ومايرضى يشرب وديته المستشفى وقالوا لي احتقان وعطوني له قطرات والحين الحمدلله تمام


بنات انا اليوم وديت حسين والحمدلله طعمناه شهريين بس الي مطير عقلي قالت لي الدكتوره احتمال فيه ثلاسيميا مع العلم لا انا ولا ابوه فينا شلون جه؟؟؟
سألت عن تاريخ عائلتهم محد فيه وانا بعد سألت عن عائلتنا بعد محد فيه وهالمرضع يجي من الوراثه وبس يعني مافي طرق غيررر قلبي عورني علييه ادعو له وادعو انشاالله التحليل يكون غلط :(

برلينت اي شكيت انك حامل من شريط الحمل
وماعليك شر يمكن للحين الرحم فيه بقايا روحي الدكتورة افضل يمكن تكتب لك تحاميل

جعفريه اهلين يالغلا
انا عيالي اسبوع الجاي يكملون٤شهووور واخيراااا بس احاتي تطعيمهم الله يعين قلبي
اي معاهم احتقان بس ماااصارت اكيد طاب عطيتهم علاج وللحين نفس الحاله مايرضعون الا بالغصب يرفعووون ضغطي لجات وقت رضاعتهم
اشوفهم يمصون اصابعهم وملابسهم والرضاعه مايبونها مادري لييييش
انا ولدي متعلق في اللهايه امي تقول بسببها كره الحليب
اصلا مااااصدق اشوووفه نام بسررعه ارضعه قبل مايجلس ويسوي منااااحه
انا اعوذهم واشب لهم شبه بين فترة وفترة بس ماتغير شي يوم عن يوم يزيدون
هذا احاتي اسبوع الجاي ببدا اوكلهم عسى يتقبلون
وابي نصايحكم شنو ابدا اوكلهم وشكثر الكميه

زخت مطر ان شاء الله يكونون غلطانين في النتايج وماعليه شر

زخه ياقلبي ان شاء الله يكون التحليك غلط

يا الله يالدنيا تتذكو العام زي هذا الوقت كنا تونا ببداية حملنا وفيه البعض منا لسى ماحملو

الحين ماشاء الله خلصنا الاربعين ونواره ماشاء الله بدأتتأكل عيالها

نواره عيالك صارو ينقلبو ولا باقي

انا بنتي تنقلب على جنبها وتحول تنقلب على بطنها بس مو قادره في الاخير تعصب وتبكي

بنات سؤال محرج شوي اش هوه الضعف الجنسي عند الرجال لانه صاحبتي شاكه ان عند زوجها عنده ضعف جنسي فالي تعرف شي تقولي

الضعف الجنسي عند الرجال له عدة عوامل ومن اهمها التهاب في البروستاتا وهو الشائع عند الرجال

وعدم القدرة على انتصاب ..........!!!

برلينت
انا بنتي تنقلب على جنب اما ولدي ماينقلب

هلا مامات

انا ولدي توه يدفع عمره ادا حطيت يدي على رجله

بنات شلون تعرفون ان البيبي شبع من صدركم؟؟ انا احس ان ولدي ما يشبع من صدري لان دايما ادا رضعت ونام 5 دقايق ويقعد يبي حليب واعطيه الحليب الصناعي يشرب وينام؟؟؟

حتى انا مدري كيف اعرف انها شبعت او لا مدري احسها ماتشبع مني

وين باقي الصبايا الامومه لها الدرجه شغلتكم ولا مايدرون انه فتحنا تجمعنا الجديد

السلام عليكم
كيف الحال
كل عام وانتم بخير
والله عبالي مافي تجمع تاني الحمدالله
اش اخباركم مع البيبهات الحلوين وكيف العيد معاهم انا حسيت هذاي سنه بطعم غير
انا ولدي كمل ثلاث شهور وعشره ايام الين دحين ماينقلب
هل هذا طبيعي ولاعشان ارضعو صناعي من يوم ماولد

(؛

هدهد جده
لا عاادي سألت الوالده وقالت ان يختلف من بيبي للثاني بعضهم ماشاالله بسرعه ينقلبون ويحبون ويمشون وبعضهم شوي يطولون لاتخافين عليه

وعلى العيد فعلا هالسنه غيير ويانا البيبيز شغلونا في العيد :)

بنات سؤال سريع
رجعت لكم الدوره مثل قبل لاتحملوون او لا؟؟

انا احس المها يجي اكثر من قبل والحين صار لي يومين يوم ينزل ويوم لا ما ادري شالسالفه مع انه حييض ومتأكده؟

الله يطمن قلبك يازخت مطر..
بالنسبه للدوره من يوم ماخلصت الاربعين ماجاتني غير مره وحده وألمها كان فظيع
رغمنو من انا بنت ودورتي عمرها ماتعبتني ولا تجبلي الام قويه سويت تيست الحمل
الحمدالله مافي شي بس شكلو متخربطه مع الولاده الله يستر بس 

حبيبتي زخت مطر حاولي تشربي قرفه او تاخذي في ملعقه كمون وشوية ملح بأذن الله بتروح 

هلاااااااااااا
ما عندي خبر انكم فاتحين تجمع جديد
وكل يوم اشوف مافي مشاركات جديده ليما حصلت الموضوع

شخبااركم
انا وفصولي الحمد لله بخير
بس متعبني ف الراضاعه
يرضع بالمزاج

هلا هدهد جدة كل عام وانتي والنونو بخير
لا مو كل الاطفال نفس الشي ومالها دخل الرضاعه
انا ولدي رضعته طبيعي تقريبا شهرين ونص بس مو يوميا كل كم يوم اعطيه لان الحليب حيييل قليل يعني اعتمادي على الصناعي اكثر وان شاء الله بكرة بيكمل الاربع شهور وللحين ماينقلب بينما اخته رضت طبيعي اقل منه وتنقلب على جنب ولها يومين تنقلب على بطنها
امس كنت اتروش وهي نايمه وابوها يمها وغفت عينه ولا اجي لبنتي الا منغمرة منقلبه على بطنها ورافعه رااسها تدور النفس
عمررري زين لحقت عليها

يعمري نوارة عورت قلبي حطي بالش عليها خيتي الحمدلله الله حفظها لش

قمور هلا والله خيتي
جعفريه اهلين

الظاهره الدورة تلعب علينا كلنا

هدهد جده مشكورة اختي باجر باخد قرفه انشاالله تنزل عدل لان اليوم بعد ما اغتسلت نزلت انقهههههههههههرت :(