التجمع الثالث لامهات شهر يونيو(6) 2011

السلام عليكم
شخباركم جميعا
زخت مطر عطي ولدك تمر بالعكس حييييل زين له وهذا مايعتبر اكل لانك بتشربينه ماي التمر فقط
انا اعطي عيالي من فترة الاربعين الى الان
بس طريقتي غير عن بنت الروضه بس اخذ ٣تمرات واحطهم في ماي دافي اخليه فترة بعدين اصفي الماي عن التمر
يكون لون الماي مايل للبني احطه في رضاعه وارضعهم
زين ويعتبر كعلاج للامساك ويقوي عظام الطفل

متأكدين التمر حلو لهم احسه قوي عليهم

زيه زي العسل مو العسل المفروض مانعطي عيالنا قبل سنه صح

واحس مافي فرق بين التمر والعسل

هلو بنات اليوم سويت التمر لحسين واشوفه شربه
سويته مثل ماقلتو حطيت 3 تمرات في ماي مغلي وبعدين قمت اصفيه ويوم فتر حطيته في الرضاعه وعطيته

وانشاالله باجر بعد بسوي له

عليه بصحه وعافيه
انا عيالي يحبووونه ويريحهم لصار لهم امساك
انا يوميا اعطيهم ماي التمر رقمين (٦٠مل)
برلينت لا ماي التمر مايضر البيبي جدتي نصحتني وامي وكل خالاتي يسوون لعيالهم

نوارة طريقتي مثل طريقتج بس انا اخذ 5 تمرات واصفيه واشربه ماي التمر
انا ولدي كان كله امساك ومن عطيته التمر صار وايد احسن الحمدالله
كل صبح اعطيه 120مل بالتدريج اعتبره ريوقه

والعصر اعطيه بسكوته مع الحليب

وبالليل اعطيه كستر اسويه من حليبه بس اكيد مخفف
بس اخلي شوي كستر كطعم له ومعاه نباته

الحمدالله يشرب

ومع رضعات الطبيعي خلال اليوم

بتقولون وايد مستعجله على اكله
انا بديت معاه هل الخفايف من كمل 3 اشهر لانه اشوفه مايشبع مع حليبي وبعد كله معاه امساك

الحين اشوفه وايد احسن يشبع ويلاعب ومزاجه يكون عال العال
ونومته بعد تحسنت يواصل لي ساعه نوم مايقعد واحيانا يكمل ساعتين نايم متواصل

هذه كله نصايح الوالده الله يخليها لي وعمتي( ام زوجي) بعد تنصحني بهل الاشياء

برلينت التمر وايد غير عن العسل
التمر شئ طبيعي والسكر اللي فيه مكون طبيعي
غير عن العسل ماتضمنين انه طبيعي او لا
تعرفين فيه وايد عسل مغشوش فما يستحمله الطفل

بنت الروضه ممكن حبيبتي تعلميني طريقه الكستر ودي اسوس لعيالي
انا مابديت معاهم في الاكل الا بعد ماكملوا ٤شهور بس يوم كان عمرهم ٣شهور ونص بديت معاهم بعصير البرتقال المخفف بالماي
وتدرجت لهم اول شي ٣٠مل بعدها ٦٠ مل
طبعا قبل ماابدا اوكلهم استشرت دكتورهم ونصحني اعمل لهم خضار مسلوقه ابدا كل اسبوع بصنف
بدات معاهم بالكوسا ولا عجبتهم وخلاص قلت بغير وعطيتهم بالسكويت بالحليب وبيبي سيريال هذا يشبه السيريلاك بس خاص للاربع شهور والحمدالله تقبلوا
وودي اجرب معاهم الزبادي والكستر بس ماعرف شنو طريقته للاطفال وشنو الكميه والمهلبييه هم زينه لطفل بس اللي تسوي لطفلها تعطيني الطريقه

خيو نوارة انا اخلي مع الحليب ملعقة صغيره كستر واقلل كمية الحليب لانه مع الكستر يمكن يصير ثقيل على الطفل
تعرفين الكستر يصير غليط وممكن يرجع الطفل
انا على حسب الحليب اللي استخدمه رضاعه 150 مل لازم اخلي فيه 5 ملاعق
بس انا مع الكستر اخلي بس 3 ملاعق واضيف معاها الملعقه الصغيره كستر
وخليها عى النار لين شوي تصير غليطه
ولا تنسين تضيفين نباته علشان يكون شوي حلو ويشربه الطفل
والحمدالله يكون خفيف وولدي يتقبله

انا لحين مابتديت مع ولدي السيريلاك ولا خضار انشاالله ببتدي معاه اذا كمل 4 اشهر

خيو انا امي تقول بس يكمل ولدي 4اشهر بتستخدم معاه الكازو اهيه نوعيه من المكسرات
تقول تخليه في الرضاعه مع الحليب وهل النوعيه تنمي الذكاء عند الطفل
امي مستخدمتنه مع خواتي

صباح الخير أمهات
شخبار بيبياتكم؟
اليوم بنتي اتكمل 4 أشهر

بنت الروضه اشلون اتخلين الكازو تطحنينه يعني؟

بناااات

انا ولدي كمل 3 شهور
وللحين ما اعطيه شي ثاني غير الحليب

متى ابدأ اعطيه
وف شو ابدأ اول شي وكم المقدر وكل شي:lol:
اريد تفاصيل:D

اهلين امهات
اشتقت لكم كثير

انا الحمد لله بخير وزنوبة بخير وتسلم عليكم

الحين هي كملت 3 اشهر ونص بس للحين ما اكلتها شيء
ومطفشني معها نفسها احسها ماتقدر ترضع ولاتتنفس عدل

الله يعين وتكبر ويروح منها هالضيقة

انا انشغلت عنكم لاني السنة توظفت
بس اوظيفة عن جد بهدلة مع العيال ماتلقين وقت ترتاحين فيه

يادوب تنامين بالليل بس

يارب يعين الجميع ويوفقهم ويسلم لي امي والله متعبتها مع عيالي

هلااااا ياغالييين


انا بنتي صادها امساك ولا فاد معاها شي

ورحت لدكتور مرة شاااااطر

شاف عندها جرح مكان الاخراج علشان كذا تمنع نفسها تسوي شي لان يالمها وتقعد تصييييييح


ياقلبي عليها


صف لي مطهر للمعدة و مرهم للجرح

والحمد لله اليوم احسها احسن

وبعد وصف لي لاكتوز اللي هو ماي وسكر من الصيدلية جاهز قالي هذا بدل التمر علشان ماياخذ منك وقت وانت تسويه

وعندي موعد بعد ٣اسابيع وبساله عن الاكل


مرة ارتحت للدكتور

حبوبة زماااني

مبروووووك الوظيفة

تتعودين ان شاء مع الوقت بس لازم تنظمين وقتج

اهلين روز ان شاء الله نتعودنا

ونقدر نصيطر على الوضع

وماتشوف شر سارونة

هلا حبيباتي شخباركم
مشكوورة بنت الروضه على الطريقه بس الكستر احط ملعقه وسط ولا ملعقه الشاي؟
والماي١٥٠مل مو كأن بيطلع الكستر نفس الماااي

حاليا مابعطيه كستر لين يطيب من الاسهال
حبيبي له ٣ايااام كلا سهااال ومغص معاه فيروس وقال لي الدكتور اوقف عنه الاكل لمن يطيب عشان ماتتعب معدته
وهالفترة كلا عطشاااان
قد مااقدر اكثر له سوائل ومحلول واليوم الدكتور بيسوي له تحليل لانه لاحظت انه زاد مع العلاج بدال مايخف

هلا روز وماتشوف شر سارونه الحلوة
حبوبه مبروووك الوظيفه بس ماقلتي شنو وظيفتج»»خخخ لقافه
والله يعينج صج صعبه بيت وعيال ودوام
قمر شخبار فصوولي
بما ان ولدك كمل ٣شهور الدكتور قال لي نبدا بعصير البرتقال المخفف اول مرة ربع فنجان عصير وربع ماي ولا تحطين سكر
اذا ماسهل وتقبله المرة الثانيه تزيدين الكميه الى نص فنجان عصير ونص ماي
بعدها فنجان كامل عصير وفنجان ماي
اما الاكل ماتبداين معاه الا اذا خلص الشهر الرابع
هذا على حسب نصايح الدكتور
بس بعضهم من ٣شهور ونص يضيفون على الحليب اللي في الرضاعه بسكويت مخصص للاطفال
انا انتظرت لمن خلصوا الرابع وانتي براحتك
بس كل مابديتي بالاكل مبكر احسن عشان الطفل يتقبل ولا يعذبك لكبر

وبقيه الامهااات وينكم !!

اهلين نوارة

مايشوف شر رضا

الوظيفة معلمة بمدرسة اهلية

ومافيه لقافة كلنا خوات

وش اخباركم اليوم؟؟؟

هلو بنات شخباركم؟؟

انا محبطه بدرجه كبيييييييييييييييييييره باجر اول يوم دوام في الجامعه بيوحشني حسييين واااجد ما ادري شلون بخليه :( الي مهون عليي ان بكون عند اختي وهو يرتاح ادا معاها بس بعد بيوحشني :(

الحمدلله دوامي بكون الى ال 1 يعني برجع من وقت البيت والله يصبرني واخلص هالفصل على خير ماباقي شي دعواتكم يا امهات

ماقرييت شي سامحوني بس نفسيتي تحت انشاالله باجر بعلق عليكم

حبوبة زماني. . مبروك على الوظيفه والله يعينك على التعب لا تختفي مرة ثانيه توحشينا
روز.. ماعليها شر سارونه

بقيه الأمهات شخباركم?

مريمتي;15574503:

سلاااااااااااااااااام يا حلوووووين وحشتونا وينكم يا قاطعين

كلكم وحشتوني ( ام فاطمه . ابتهال الروح . unlimited . نوارة الحياه . روز . نسمة حب . زخت مطر . جعفريه . تومااا . ويييييييييييييييييي كل البنات عن جد وحشتوني وينكم وين اختفيتووو لهدرجه الامومه متعبه هع

هلا وغلا ياقلبي ........الامومة حلوه بس تاااااااااااخذ وقتك بس مع التعود تبداء الوحده ترتب وضعها........انا اختفيت من شهر 8 وتوي رجعت ذحين الي بديت ارتب وقتي ....بس ارهاااق:(حتى انتي ياعسل لا تقطعينا:D ولا تختفين:struggle:

xxRosexx;15570567:
جعفرية

ايوة حتى انا بنت دايم تدفع روحها لورا

انلميتد

هلا فيك

برلينت

انا كنت استخد بيبي جوي
والحين بامبرز

حطي فاااازلين

نسمة حب

وانت وحشتينا

هلا وغلا وسلة حلا........كيفك يارررررروزF: