M!ss CoLoRz;15569473:
صباح الخير
في وااايد بنات مختفيات ما يندرى شفيهم
جنه صاير هدوء؟؟؟!!!! محد ناوي يعرس شكله :|
عاد انا فيني نشاط تجهيز استغلوا هالنشاط وسألوا
"بحرينية" وينج ؟؟ شخبار تطوراتج؟؟
لك عيني ... بنت خالة ترجية عاد إنتي واسطتج قوووووووووييييييييييية من طرف تراجي .. سألينا ..قولي لنا شسويتي شنو ما سويتي ... ترى احنا فضوليات هني :D
اخت القمر ... وينج؟؟؟ من رمضان ما بينتي؟؟؟ متى العرس؟؟:cool:
بنت التاجر... قلتي بتعرسين وسكتي !!!!!!!! شاركينا صيري كريمة ههههههههه:lol:
فطومي ... تدشين يوم وتختفين شهر :!!:
دهن العود الله يذكرها بالخير وينج بعد؟؟؟؟ ما بتعرسين الجازي :worn_out:
مين بعد بتعرس وما ندري عنها ... ذكروني
يلا همتكم بلا كسل :clock:
============
انيي حق اسئلتج تراجي
الجلوة والله إحنا مو متعوجين نسوي فيعني ما أقدر أفيدج من هالناحية
الباقة ترى مو مشكلة وين تسوون ... انتوا روحوا حق محل عنده خدمة توصيل وحطوا ريلكم في ماي بارد
وترى للأسف الباقة مثل الجحة ههههههههههه حظج نصيبج
اهوه طبعا التوب معروفين ... نوال فلاورز وعليا فلاورز ولامركيز وريفيرا
لما تختارون الورد لازم المحل بعد ينبهكم إذا يصلح للجو ولا .... إذا ما يصلح ومو متوفر بالأحرى بيسوون لكم أوردر من بره عاد إنتوا خلوا وقت استلامكم لها آخر شي عشان ما تذبل
أو جفتي الثلاجات الصغيرة اللي تنشال اللي مبطنة بألمنيوم ... يحطونها لكم داخله وكل شي تمام
أنصحج ب لامركيز ... ذيك المرة رحت أغلف هدي وتلاقيت ويا صاحبة المحل شحليلاتها ... أول مرة اجوفها وقعدت تسولف لي وتنصحني عن الورد اللي يناسب جونا وهلوون والباقات وانواعها
شنو بعد سألتي ... ايي الألبوم ... طبعا أنا البوم خطوبتي تعرفين من عند أم فارس إذا تبون تجوفونه تاخذون نظرة ما عندي مانع تعرفين طريجي
إهيه جم حاطة ميزانية حق الألبوم؟؟؟؟ وتحب تصوير استديوهات ( أوقفي وتخصري) ولا تحب اوروبي؟؟
لأنه عندي أرقام جم اجنبية واسعارهم متفاوتة ... عطوني خبر إذا تبون
في استديو في الرفاع اسمه اكسبوجر حلو تصويرهم
وبعد في كذا مصورة بحرينية إذا راجعت الملف وجيكت الروابط بتجوف
انيي لج انتي ... عندج فستان ولا ؟؟؟؟؟؟؟؟؟؟؟
هههههههههه:lol::lol::lol:ههههههههه
الله يقطع بليسج
اعرس الجازي مرة وحده
الله يبلغني خير ان شاء الله وأجوفها عروووس يارب
تراجي ام الزين كله;15569522:
مونزي
فديتج هاي الحجي اللي قالته امس لي وتاكدي منها بعد
حنانو
مشكوره حبوبه
حاله فرح
مشكوره يالغلا
بخصوص ام جاسم جم ساعه تحضر؟؟
الزنبقه اهو فبالها وراحت لهم جنه وقت الخطوبه بس مادري شبدل رايها!!راحت دان برجع اقولها اهو الزين فيه انه عندهم توصيل عن الاذيه واللويه
الحنايه ام ابراهيم ان شاءلله راح اراويها صور نقشها وتقرر من تبي
فيديو ام فارس للاسف ماشفت لحين لان رفيجتي فديتها للحين مارحت ابارك لها بس اذا رحت هاليومين طيبي خاطرج
مس كلووووره
فديتج انه يالغاليه عساني مانحرم منج
راح اقولها باللي كتبتيه معنه اتمنى تدش البطه
ميزانيه التصوير مادري للحين لان تبي ليلتين جلوه والعرس
الجلوه اعتقد بتييب الاستيديو اللي كان بخطوبتها سعره زين وتصويره حلوو الصراحه مافيه خرابيط
والعرس اهي محتاره نتاكد منها
باقي الاسئله خلها اهي ان شاءلله ترد عليج:)
بالنسبه لي هههههههه ماتشوفيني مكيفه لان ماوراي شي اي فستاني جاهز اموري بالروب الحمدلله
بس باقي لي احجز ميكب وشعر متى احجز عشان ادفع العربون؟؟شهر 11 او عادي الحين؟؟
ونبي حنايه تيينه هذهني اقولبها براسي وان شاءلله استقر على وحده
خل اقولج لستت متطلباتي ههههه الله يعين
انه حطيت اسعار تقريبيه وقولي لي اذا يبي شي تعديل...
فيشل 20 غصون
تشقير حواجب2د
حنا حواجب 2 د
حفاف وجه 2.5 د بس ابي احد يفيدني بصالون يدهم خفيفه لان ويهي مايطلع لي من بدايه حرار يطلع لي بيطلع الشعر واذا ماختلت الميزانيه بسوي ليزر
حفاف جسم صالون باربي 5 د
منيكير وبديكير صالون باربي 6د
حنا بس ابي بيداتي اذا متروس زين 15 ؟؟والا يبي له تغير؟؟
تسريحه 35 د عند تيجي هاي اللي مومتاكده منه باودي الاكستنشن وياي بس هل اغير السعر لي 40 او اخليه نفس الشي؟؟
ميكب 30 د صفاء او شمه المريسي للحين ماستقريت
طقم اكسسوارات جم احط له ماعرف وين اروح بالسعوديه ممكن تشورين علي او حتى باقي البنات ابي شي حلو وسعره مناسب؟؟
صبغ الشعر حاطه 30 لان ماعرف الاسعار زين والا اغير؟؟
اكسسوارات الشعر بعد جم احط لها وابي من السعوديه وين تنصحيني؟؟ماحب التيجان مادري ماقط جربت بس احس ويهي شبه دائري ولو دش التاج بيعرض ويهي الله العالم ههههه
بس خلصت متطلباتي واذا في شي ماذكرته خبريني واي شي يبي له تعديل هم خبريني
اي بس نسيت التوزيعات اسوي اكل لو تذكار؟؟
انه في بالي اسوي اكل للجلوه وتذكار للعرس بس هالتذكار شراح يكون؟؟شفتي من قبل صح شغل ام طلال اسوي عندها؟؟
او اذا شفتي شي حلو وسعره زين خبريني بعد
سوبر قروصه
مشكوره حبوبه اللهم آمين
ترجيو
ايه عليج شكلج ناويه على تسريحه
أختي اللي راويتج اياها
:D;)
بالنسبه لي تي جي اختيار موفق :thumbs_up:
ووأكيد ودي معاج الأكستنشن
اختي لأنها ما ودت معاها تحسفت
حطت لها وحده طويله
وآخر شي لمتها لها بالتسريحه :hysterical:
والأكستنشن الطويله
رفع
سعر التسريحه فووق
صارت تسريتحها 45 دينار
شي بهالحدود
بس مثل ما قلت لج بالأربعينات
بس صراحه شغلها مضبوط وحلو
ومع اني يوم قالت لي بالتيلفون ان تسريحتها بهالقيمه
زفيتها قلت لها من صجج قصت عليكم وقعدت اتحلطم عليها
:-#
بس يوم جفتها على الطبيعه
حسيت انها تستاهل هالقيمه صراحه
:adore:
يالله ان شاء الله تسوي لج تسريحه احلى منها
بعد
وتصيرين حديث الكل بعرس بنت خالتج
بالنسبه للأكسسوارات
بالسعوديه حبيبتي كل مكان في السعوديه
اكسسواراتهم بالنسبه لي حلوة
بس أكثر شي عندج فينيسيا
في أكشاك يبيعون شغلات حلوة
وفي بعد صفه محلات فووق كلهم يم بعض كلهم
اكسسواراتهم روعه
:thumbs_up:
وياربي مادري من سألت
اذا يحتاج فيديو والا لأ
كأن
بنت التاجر
صح ؟؟ المهم أكيد بتحتاجين تصوير الفيديو ووايد ضروري بعد
عقب ما تستلمينه
بتقعدين تجوفينه وتتطمشين هذي ليله عرسج مو اي كلالام
حلاته تجوفين روحج بوقت الزفه وتجوفين كل اللحظات الحلوة اللي مرت عليج
وأهم نقطه بالفيديو وبتعيدينه جمن مرة بعد بس عشان تجوفين
من يه العرس ومن ما يه
من رقص :rolleyes:ومن مبوز وما قام من مكانه 8o|
من كاشخ ومن يه وحالته حاله جنه مغصوب على الييه
:-#
وااااااايد شغلات
ولا تعتمدين ان أهلج راح يقولون لج هالتفاااصيل
لا تحلمين أهلج راح يكون داير راسهم
ولا يدرون حتى من يه ومن ما يه
أتذكر في استقبال أختي
أمي تتشره على الناس تقول لهم ما جفناكم ما ييتو العرس
شفيكم عسى ما شر
ردوا عليها وووه :woo::!!:
كا أنتي مسلمه علينا وسولفتي معانا بعد عند الباب
ووقت العشا قلتي لنا تفضلو
وصج يوم بطلنا الفيديو الا نجووف امي واقفه معاهم أول ما دشو وطاقتها سالفه بعد
:worn_out::worn_out:
يعني كلش لا تعتمدين على ذاكرة أهلج
هذي ليله بالعمر
ومفروض ولالا شي يفوتونه بالتصوير
انا بعرسي كانت في كيمرتين فيديو
وبعد تحسفت لأن التصوير ما كان ذاك الزود
بس اختي تعلمت من الدرس ويابت لها 3 كيمرات
والتصوير كان ستيديو المستقبل
كاان رووعه وكل شي مسجلينه
بالنسبه لي عجبني تصوير المستقبل كتصوير عادي وفيديو
:thumbs_up: