الرئيسية ركن العروس تجهيزات و استفسارات العروس « تجهيزات عرائس ' مملكة البحرين ' لشهر شوال 1432 - 2011 م / الجزء :81»

« تجهيزات عرائس ' مملكة البحرين ' لشهر شوال 1432 - 2011 م / الجزء :81»

άĻяά7έέĻ άĻмoя 03-09-2011 570 رد 19,470 مشاهدة
ل
لك عيني
عروس جديدة
18-09-2011 | 10:46 AM
M!ss CoLoRz;15569473:
صباح الخير




في وااايد بنات مختفيات ما يندرى شفيهم


جنه صاير هدوء؟؟؟!!!! محد ناوي يعرس شكله :|


عاد انا فيني نشاط تجهيز استغلوا هالنشاط وسألوا


"بحرينية" وينج ؟؟ شخبار تطوراتج؟؟


لك عيني ... بنت خالة ترجية عاد إنتي واسطتج قوووووووووييييييييييية من طرف تراجي .. سألينا ..قولي لنا شسويتي شنو ما سويتي ... ترى احنا فضوليات هني :D


اخت القمر ... وينج؟؟؟ من رمضان ما بينتي؟؟؟ متى العرس؟؟:cool:


بنت التاجر... قلتي بتعرسين وسكتي !!!!!!!! شاركينا صيري كريمة ههههههههه:lol:


فطومي ... تدشين يوم وتختفين شهر :!!:


دهن العود الله يذكرها بالخير وينج بعد؟؟؟؟ ما بتعرسين الجازي :worn_out:


مين بعد بتعرس وما ندري عنها ... ذكروني
يلا همتكم بلا كسل :clock:


============


انيي حق اسئلتج تراجي


الجلوة والله إحنا مو متعوجين نسوي فيعني ما أقدر أفيدج من هالناحية


الباقة ترى مو مشكلة وين تسوون ... انتوا روحوا حق محل عنده خدمة توصيل وحطوا ريلكم في ماي بارد


وترى للأسف الباقة مثل الجحة ههههههههههه حظج نصيبج


اهوه طبعا التوب معروفين ... نوال فلاورز وعليا فلاورز ولامركيز وريفيرا


لما تختارون الورد لازم المحل بعد ينبهكم إذا يصلح للجو ولا .... إذا ما يصلح ومو متوفر بالأحرى بيسوون لكم أوردر من بره عاد إنتوا خلوا وقت استلامكم لها آخر شي عشان ما تذبل


أو جفتي الثلاجات الصغيرة اللي تنشال اللي مبطنة بألمنيوم ... يحطونها لكم داخله وكل شي تمام


أنصحج ب لامركيز ... ذيك المرة رحت أغلف هدي وتلاقيت ويا صاحبة المحل شحليلاتها ... أول مرة اجوفها وقعدت تسولف لي وتنصحني عن الورد اللي يناسب جونا وهلوون والباقات وانواعها


شنو بعد سألتي ... ايي الألبوم ... طبعا أنا البوم خطوبتي تعرفين من عند أم فارس إذا تبون تجوفونه تاخذون نظرة ما عندي مانع تعرفين طريجي


إهيه جم حاطة ميزانية حق الألبوم؟؟؟؟ وتحب تصوير استديوهات ( أوقفي وتخصري) ولا تحب اوروبي؟؟


لأنه عندي أرقام جم اجنبية واسعارهم متفاوتة ... عطوني خبر إذا تبون


في استديو في الرفاع اسمه اكسبوجر حلو تصويرهم
وبعد في كذا مصورة بحرينية إذا راجعت الملف وجيكت الروابط بتجوف



انيي لج انتي ... عندج فستان ولا ؟؟؟؟؟؟؟؟؟؟؟




مشكوره حبيبتي وماقصرتي :o
واذا في اي شي راح ارجعلكم لا تحاتين
خبرج للحين ماسووويت ولا شي :-# اكيد ترجيه قالت لج اني بطه هههههه
ح
حالة فرح
عروس نشيطة
18-09-2011 | 10:58 AM
M!ss CoLoRz;15569473:
. ايي الألبوم ... طبعا أنا البوم خطوبتي تعرفين من عند أم فارس إذا تبون تجوفونه تاخذون نظرة ما عندي مانع تعرفين طريجي


إهيه جم حاطة ميزانية حق الألبوم؟؟؟؟ وتحب تصوير استديوهات ( أوقفي وتخصري) ولا تحب اوروبي؟؟


لأنه عندي أرقام جم اجنبية واسعارهم متفاوتة ... عطوني خبر إذا تبون


في استديو في الرفاع اسمه اكسبوجر حلو تصويرهم
وبعد في كذا مصورة بحرينية إذا راجعت الملف وجيكت الروابط بتجوف





يصير أحشرها !:lol: .. أبي أرقام هالأجنبيات وجم أسعارهم ؟! متوهقة في تصوير الجلوة و العرس وللحين مارسيت :( وما أبي ميزانيتي تتخلخل في نفس الوقت :(
أبي شيئ بستايل اوروبي طبعا .. أوقفي وتخصري مو صوبي :lol:
A
Alhanoona
عروس نشيطة
18-09-2011 | 11:36 AM
السلام عليكم

ميروك لكل الصبايا

نهايه الاسبوع بيجوني ناس حق المبارك و قلت بسوي غدا بس محتارة في السويت .. اي اقتراحات ؟
.
.: نقطة :.
عروس مشاركة
18-09-2011 | 11:42 AM
تراجي ام الزين كله;15568613:
حبوبات باقولكم اليوم شسوينه عشان بعد تساعدونه

اتصلت لام فاضل قالت تاخذ 240 حسيت ماتناسب لان المكسيموم 150

اتصلت في ام نور قالت 150 بس من غير سماعات ولا ايي احد معاها مجرد سعر التوصيل

باقي ام نادر وام صادق

ام نادر اخر مره حضرت لجلوه اللي تصير لي كانت حلوه الجلوه بس ماحس ان شجعتني نفس كل مره وماخذت وقتها كامل واللي اعرفه ب 100 زيدت والا لا؟؟

ام صادق جم تاخذ؟؟
وايهم من بينهم ترشحونها اكثر؟؟


شغله ثانيه
اتصلت في زينب مدينه حمد اسئلها عن العادي قالت ماحني سئلتها مره وحده حق بنت خالتي العروس قالت تاخذ 45 من غير نقش القاعه وبالقاعه 50 وماتقدر تييها الا الصبح او الظهر فهالشي قيد التفكير واذا مو اهي من ترشحون بنفس المستوى بعد لان ام شهد جربتها بخطوبتها وودها تغير

اتصلت في ام فارس قالت للالبوم العادي كانه 45 صوره ب 85د
البوم مجله متوسط من 60 لي 70 صوره ب 250 دينار
البوم مجله كبير 150 صوره ب 300د
فيديو بمونتاج ب 80 د

شرايكم؟؟

او من ترشحون الصراحه رفيجتي اللي من فتره معرسه وايد تمدح صورها حتى من غير فلتر بس بعد نبي رايكم عشان بنت خالتي تحتكر الخيارات وتقرر بعدها


البوكيه وين برايكم تسويه جربت دان اهم ضبطوا الشكل بس الورد كان ذابل ومانبي محلات بعيده مابين محرق لي المنامه بس احد جرب بوكيهات الياس؟؟

ومن ترشحون محلات او اشخاص لكوشات الحنه وسفره العجم والاسعار التقريبيه اذا عندكم خبر

هاي الاسئله اللي ببالي ليما تدش الغاليه وتسئل اللي بخاطرها


بالنسبة للجلايات آنا آخر جلوة راحيتها
كانت الجلاية أم صادق
واااايد حلوة والأهل ما قصورا معاها في الردحة واايد حبيتها
بس ما آعرف اسعارها والله

الحناية آنا آحب حنة أم ابراهيم واايد حلوة حناها
وزينب بعد حلو حناها

بالنسبة لسفر العيم ما عندي خبرة فيهم
اما الحنة فجندل واايد حلوة سفره للحنة
ويسوي حسب الميزانية
آنا بت عمي قالت له ميزانيتها وسوا لها
شغل حلو ومرتب وراقي :thumbs_up:

الباقات حنا ما نتعامل الا مع لا ماركيز
اهوا يصي على شارع الشيخ دعيج القضيبية
واااااايد حلوين وفرش ما يذبلون بسرعة
واسعاره روووعة :thumbs_up:
ولا ماركيز بعد يسوي كوشات وديكور أعراس حلو شغله :thumbs_up:


XXXXXXXXXXXXX


M!ss CoLoRz

انا بعد آبي رقم الاجنبيات
انتي جفتي شغل وحدة منهم ؟!
.
.: نقطة :.
عروس مشاركة
18-09-2011 | 11:43 AM
Alhanoona;15569748:
السلام عليكم

ميروك لكل الصبايا

نهايه الاسبوع بيجوني ناس حق المبارك و قلت بسوي غدا بس محتارة في السويت .. اي اقتراحات ؟


وعليكم السلام
تبين محلات ولا انتي بتطبخن الحلو؟
ح
حصاصي
عروس ماسية
18-09-2011 | 12:16 PM
بنات من فيكم صورت عند ام فاطمه ؟؟؟؟
M
Moonzy
عروس مبدعة
18-09-2011 | 12:27 PM
حالة فرح;15569655:
يصير أحشرها !:lol: .. أبي أرقام هالأجنبيات وجم أسعارهم ؟! متوهقة في تصوير الجلوة و العرس وللحين مارسيت :( وما أبي ميزانيتي تتخلخل في نفس الوقت :(
أبي شيئ بستايل اوروبي طبعا .. أوقفي وتخصري مو صوبي :lol:


كلور انا بعد ابي ارقامهم للحين ماحجزت ولا شي و لا مكان F: حالتي صعبة واايد.... زين سويت لي دراعة و عرسي عنهاية اكتوبر شسوي :(

حصاصي;15569864:
بنات من فيكم صورت عند ام فاطمه ؟؟؟؟

اذا تقصدين دلال ام فاطمة انا جربتها زين تصويرها مو سيء بس الالبوم لج عليه
م
مدينة المرح
عروس جديدة
18-09-2011 | 12:33 PM
بنات اذا ما عليكم امر بغيت ملف التجهيزات ضروري
ت
تراجي ام الزين كله
عروس ماسية
18-09-2011 | 12:36 PM
لك عيني
احيييييي بس حدج بطه
تعالي امي سئلت هذيج تقول جنتها ماجرته من البحرين مو السعوديه
اليوم بتروحين المزيونه والا؟؟


نقطه
مشكوره ياقلبي
بجيك وباسئل عنها وان شاءلله نتوفق بوحده اوكي

الحين حصلنه كذا تاييد حق ام ابراهيم تعرفون جم تاخذ؟؟

جندل جم يبدي اسعاره في السفر تقريبا؟؟


لامركيز صك محله وكلوره تقول فتحوا صوب الابراج اللي بالعدليه بس رحت وماشفته شنو يمه بالضبط ممكن كلوره تقولين لي هل يعني بصفه الابراج او من اي صوب؟؟

مشكورين كلكم اللي ساعدتونه نخدمكم بالافراح ياربي
M
M!ss CoLoRz
عروس ماسية
18-09-2011 | 12:57 PM
تراجي ام الزين كله;15569522:

مس كلووووره
فديتج انه يالغاليه عساني مانحرم منج
راح اقولها باللي كتبتيه معنه اتمنى تدش البطه
ميزانيه التصوير مادري للحين لان تبي ليلتين جلوه والعرس
الجلوه اعتقد بتييب الاستيديو اللي كان بخطوبتها سعره زين وتصويره حلوو الصراحه مافيه خرابيط
والعرس اهي محتاره نتاكد منها

باقي الاسئله خلها اهي ان شاءلله ترد عليج:)

بالنسبه لي هههههههه ماتشوفيني مكيفه لان ماوراي شي اي فستاني جاهز اموري بالروب الحمدلله

بس باقي لي احجز ميكب وشعر متى احجز عشان ادفع العربون؟؟شهر 11 او عادي الحين؟؟

ونبي حنايه تيينه هذهني اقولبها براسي وان شاءلله استقر على وحده

خل اقولج لستت متطلباتي ههههه الله يعين

انه حطيت اسعار تقريبيه وقولي لي اذا يبي شي تعديل...
فيشل 20 غصون
تشقير حواجب2د
حنا حواجب 2 د
حفاف وجه 2.5 د بس ابي احد يفيدني بصالون يدهم خفيفه لان ويهي مايطلع لي من بدايه حرار يطلع لي بيطلع الشعر واذا ماختلت الميزانيه بسوي ليزر
حفاف جسم صالون باربي 5 د
منيكير وبديكير صالون باربي 6د
حنا بس ابي بيداتي اذا متروس زين 15 ؟؟والا يبي له تغير؟؟
تسريحه 35 د عند تيجي هاي اللي مومتاكده منه باودي الاكستنشن وياي بس هل اغير السعر لي 40 او اخليه نفس الشي؟؟
ميكب 30 د صفاء او شمه المريسي للحين ماستقريت
طقم اكسسوارات جم احط له ماعرف وين اروح بالسعوديه ممكن تشورين علي او حتى باقي البنات ابي شي حلو وسعره مناسب؟؟
صبغ الشعر حاطه 30 لان ماعرف الاسعار زين والا اغير؟؟
اكسسوارات الشعر بعد جم احط لها وابي من السعوديه وين تنصحيني؟؟ماحب التيجان مادري ماقط جربت بس احس ويهي شبه دائري ولو دش التاج بيعرض ويهي الله العالم ههههه

بس خلصت متطلباتي واذا في شي ماذكرته خبريني واي شي يبي له تعديل هم خبريني

اي بس نسيت التوزيعات اسوي اكل لو تذكار؟؟
انه في بالي اسوي اكل للجلوه وتذكار للعرس بس هالتذكار شراح يكون؟؟شفتي من قبل صح شغل ام طلال اسوي عندها؟؟
او اذا شفتي شي حلو وسعره زين خبريني بعد








سوبر قروصه
مشكوره حبوبه اللهم آمين


اشوه خلصتي هم الفستان ... باقي التناتيش تهون

اهوه متى العرس وفي وين :| يعني فندق ولا قاعة ولا بيت؟؟

بس إنتي حجزي المكياج قبل بشهر او ثلاثة أسابيع أحسن لج وقبل العرس بأسبوع اتصلي ذكريهم وأكدي على الوقت ونفس الشي قبل بيوم اتصلي

الشعر مو جنه وايد 35 حق عادي !!!!!!!!!! إنتي قولي لها ميزانيتي 25 جوفي ترضى ولا ... إذا ما رضت توكلي وسوي ب 35

صبغ الشعر يختج ما أصبغ انا ما عندي فكرة

باقي الأشية اوكي تمام بس بسألج ... عاد تحنين وتشقرين الحواجب؟؟ ما يصير فيهم شي يعني.. احس وايد كيماويات عليهم مساكين :confused:

اي وبقول لج فكرة .... إنتي ما تشترين مكياج ولا عطورات ولا كريمات من سيفورا أو Faces ؟؟

إذا أي من حقج يسوون لج فيشل ببلاش عندهم ... عندي رقم فلبينية مالت سيفورا قالت لي اتصلي لي عشان أحجز لج أي وقت تبين ... بدوره لج جان ما قطيته ... عادي أنا احب المصرف ما أستغل البلوشي :thumbs_down:

اي تعالي الحين يمكن تروحين المدينة حق صفاء وبعدين الزنج حق الشعر وبعدين بتردين المحرق

اشوله العباله ذي كلها .. ليش ما تتمكيجين في المحرق او تسوين شعرج في المحرق أو يعني كيفج ... قولبي السالفة ومخطط ذاك اليوم في مخج عدل ...

الحنة اي واايد زين السعر لا يقصون عليج وياخذون أزيد ... ويمكن حتى أقل يسوون لج

ما فكرتي اتيبون لكم الهندية شهناز مادري شهرزاد مادري شسمها ... إنتي تحبين الستايل الهندي ومحد بيضبط لج قدها

على طاري الهنود أخبر قبل كان كله في حنايات هنود يروحون البيوت وسعرهم رخيص ... ما في الحين؟؟ والله كانوا مفيدين حزة الحزة ويسوون لج كل شي

الاكسسوارات .. هاي صج يوهقون ...مؤخرا قمت أرقع من الذهب اللي عندي وقام الشوط ... وإذا ما يناسب افتريت في هالسيتي وهالسيف وهالبوكوارة وسوق الرفاع

نفس الشي اكسسوار الشعر .. حق ملجتي ماخذة من مدهش وتلقين بعد ساعات صدفة جذي في H&M او Forever21 مشابيص يفون بالغرض فيهم فصوص أو حتى اكسسوارات شعر

تسأليني عن السعودية واللي ما تدل طريجها :hysterical:

التوزيعات ... مافي أحسن ولا أفضل ولا أضمن من الأكل

والله الناس إذا عطيتيهم تذكار يقطونه في نفس الحزة او حتى يهدونه في القاعة ويمشونه ... حرام الفلوس

عكس الاكل ههههههههه

حق الجلوة تقدرين تسوين عصارات حنة صغار او مثلا ماي لقاح صغار او ميني خبز رقاق جنه عندها لولي كيك تسوي التوزيعة ب 400 فلس او يعني من هالأشية الشعبية ... حتى تمر مجيس مثلا اللي اييج ملبس أو داخل بيذان او جوكليت ... وفي عليا فلاورز جفت عندهم حلاوة اللوز مجيسة (حلاوة تونسية) الكيلو ب 18 دينار وفيه تقريبا 50 حبة .. عاد متروووووس شكر وحلويات جناحي عنده حلاوة الفستق مجيسة ما جربتها بس بيتنا يموتون عليها

او او او لقيت لج شي حلو حق الجلوة ... بخور صغار او عود او مخمريات او كريمات او حتى صبغ أظافر يصير حلو

او ما قلتي مرة بتسوين من عند أم جابر شاي ...

جيكي الخاص بطرش لج شي

توزيعات العرس بعد أكل ... يا جوكليت يا ميني جيز كيك وحتى إذا رحتي بسكوتو عندهم فناتق غريبة وامبرس عندهم فناتق وحتى في محل في ام الحصم يم سفريات كانو اسمه شيلاز كيك حلوياتها غريبة وعجيبة حتى حق العيد كانت منزلة حلاوة الزعتر ... كل هالاشية طبعا موجودة في الملف

ولا والله ام طلال ولا جفت لها شي غير حق اليهال ومن زمان للأسف


لك عيني;15569629:
مشكوره حبيبتي وماقصرتي :o
واذا في اي شي راح ارجعلكم لا تحاتين
خبرج للحين ماسووويت ولا شي :-# اكيد ترجيه قالت لج اني بطه هههههه


حالة فرح;15569655:
يصير أحشرها !:lol: .. أبي أرقام هالأجنبيات وجم أسعارهم ؟! متوهقة في تصوير الجلوة و العرس وللحين مارسيت :( وما أبي ميزانيتي تتخلخل في نفس الوقت :(
أبي شيئ بستايل اوروبي طبعا .. أوقفي وتخصري مو صوبي :lol:


أسعارهم طبعا مو رخيصة للأسف يعني 400 دينار أقل شي يمكن

بس صج حلووووووووو :adore:

في كذا وحدة جيكي الخاص بطرش لج التفاصيل


.: نقطة :.;15569776:
ا آ


XXXXXXXXXXXXX


M!ss CoLoRz

انا بعد آبي رقم الاجنبيات
انتي جفتي شغل وحدة منهم ؟!


إن شا الله
جيكي الخاص

جفت شغلهم على النت فقط



حصاصي;15569864:
بنات من فيكم صورت عند ام فاطمه ؟؟؟؟


رفيجتي صورت حق ملجتها
زين تصويرها حلو

بسسسسسسسسسسس

لا تخلونها تعدل لكم الألبوم بس تصوير لانه تسوي لج أعمال يدوية ولصاقات
M
M!ss CoLoRz
عروس ماسية
18-09-2011 | 01:03 PM
Moonzy;15569891:


كلور انا بعد ابي ارقامهم للحين ماحجزت ولا شي و لا مكان F: حالتي صعبة واايد.... زين سويت لي دراعة و عرسي عنهاية اكتوبر شسوي :(


اذا تقصدين دلال ام فاطمة انا جربتها زين تصويرها مو سيء بس الالبوم لج عليه


إن شاالله

جيكي الخاص

مدينة المرح;15569900:
بنات اذا ما عليكم امر بغيت ملف التجهيزات ضروري


إ
ن شا الله جيكي الخاص

تراجي ام الزين كله;15569908:
لك عيني
احيييييي بس حدج بطه
تعالي امي سئلت هذيج تقول جنتها ماجرته من البحرين مو السعوديه
اليوم بتروحين المزيونه والا؟؟


نقطه
مشكوره ياقلبي
بجيك وباسئل عنها وان شاءلله نتوفق بوحده اوكي

الحين حصلنه كذا تاييد حق ام ابراهيم تعرفون جم تاخذ؟؟

جندل جم يبدي اسعاره في السفر تقريبا؟؟


لامركيز صك محله وكلوره تقول فتحوا صوب الابراج اللي بالعدليه بس رحت وماشفته شنو يمه بالضبط ممكن كلوره تقولين لي هل يعني بصفه الابراج او من اي صوب؟؟

مشكورين كلكم اللي ساعدتونه نخدمكم بالافراح ياربي


ويييييي تراجي لا يكون رحتي صوب الأبراج اللي مجابل برادات الجزيرة؟؟؟

لاااااااااااا انا قصدي الثاني :o:o:o:o:o:o:o:o

جنه اسمه مشاوي الأبراج يم البنديرة

تعرفين وين السفارة الهندية ... هناك على طول تلقين المحل على يسار السفارة

حتى في مطعم ايرلندي صوبهم

دليتي ؟؟
M
Moonzy
عروس مبدعة
18-09-2011 | 01:07 PM
بناات النجدة :(

ما بقى وايد على عرسي انا بس بسوي جلوة

حجزت او نور لا ولا حجزت مكان بعد و لا ادري وين اسوي كنت افكر في خيمة طيران الخليج بس واايد كريهه ماحبيتها و جفت كذا محل بس لحين ماادري:( وين تقترحون علي ؟

شي ثاني وين المحلات اللي ياجرون ذهب و شنو اخذ غير القبقب ؟

شعري قلت بسويه ستايل اول ابي في عجفات و احط فيه مشموم قولكم تي جي تظبطها ؟ و شكلي بحجز لعادي

شسوي توزيعات اكل؟ ابي كله مال اول اقتراحاتكم و من وين

و البوفيه من وين اسويه هاي اذا سويت الجلوه في بيت

و احد يعرف جم اسعار لخيام؟

ذكروني بعد اذا نسيت شي :oF:
ب
بحرانية2009
عروس مشاركة
18-09-2011 | 02:38 PM
تراجي ام الزين كله;15568613:

ومن ترشحون محلات او اشخاص لكوشات الحنه وسفره العجم والاسعار التقريبيه اذا عندكم خبر

هاي الاسئله اللي ببالي ليما تدش الغاليه وتسئل اللي بخاطرها



شوفي هني شغل وحدة في سفر العجم جدا رووعه

http://go.3roos.com/hahv88gfjw2

*
**بحرينيهـ**
عروس مشرقة
18-09-2011 | 03:59 PM
M!ss CoLoRz;15569473:
صباح الخير






"بحرينية" وينج ؟؟ شخبار تطوراتج؟؟








فديت من يطريني والله .. وحشتوني فديتكم

:sick: حددددددددددي مريضة بنات اول امس حرارتي 40 :'( والكحة والزكام لاعبين في حسبتي :sick:

خطوبتي عقب جم يوم كلش كلش مب وقت مرض استغفر الله :'(

امس بالغصب رحت بروفه فستاني .. الحمدلله مبدئيا حلو بس عقب باجر يجهز يارب يكون مثل ما تمنيته ..



ويوم الارربعاء ان شاء الله بنتحنى .. انا بحني يدي للكوع .. وريلي بس جف الريل مب كلها مع اني ما كنت بتحنى في ريلي بس خطيبي عيز وهو ينغز لي انه يبيني اتحنى في ريلي جنه الا بيجوف :o .. بس امي قالت عن خاطره حني ريلج شوي خخخخ

امممم

وباجر ان شاء الله بروح اسوي حمام مغربي في صالون رحمة وبنروح نتحفحف ونسوي البديكير والمنيكير .


اممممم

جنه بس ولا في شي وانا ناسيته . :rolleyes: ذكروني بنات :lol:
*
**ام حسن**
عروس جديدة
18-09-2011 | 04:12 PM
مرحبا ..

بنات وين صالون يحفون عريض و مايل الى الاستريت ؟!!

يا ليت يكون في شارع البديع

مو تطنشون عاد
*
**بحرينيهـ**
عروس مشرقة
18-09-2011 | 05:20 PM
اي بنات اقترحوا علي زفة حلوة

انا لحد الآن في بالي زفة الجسمي الورد الأبيض .. وايد عاجبتني وحاستها بتكون حلوة على دشتنا ولوكنا خخخخ

اقتراحاتكم فديتكم لان بالكثير باجر لازم اخبر راعية الدي جي عشان تجهزها لي
ا
الزين11
عروس جديدة
18-09-2011 | 07:27 PM
مرحبا
شخباركم عزيزاتي؟
بنات ممكن تطرشون لي ملف التجهيزات ولا عليكم امر
وبعد شغله ثانيه ممكن اعرف اسعار الشبكات تقريبا؟؟
س
سنفورة حبيبي
عروس متألقة
18-09-2011 | 08:31 PM
حالة فرح;15569655:
يصير أحشرها !:lol: .. أبي أرقام هالأجنبيات وجم أسعارهم ؟! متوهقة في تصوير الجلوة و العرس وللحين مارسيت :( وما أبي ميزانيتي تتخلخل في نفس الوقت :(
أبي شيئ بستايل اوروبي طبعا .. أوقفي وتخصري مو صوبي :lol:


مي تووو الله يخليكم ابي ارقامهم
ب
بنت التـــاجر
عروس متألقة
18-09-2011 | 11:10 PM
فتيات

كيف الحال... صفحات الويكند للحين ما قريتهم..باقراهم على سعة..بس على ما اقراهم..

حددت تاريخ حفلتي اخيرا..ربي يتمم للعرايس و لي على خير باذن الله...

بغيت احد يدليني بالتفصيل صالون بنات ماك..ارت اوف ميك اب و لا اسمه ميك اب ارت؟! بلندا طلع سعرها 105 ولا 150؟؟؟

شنو اخر الزفات الحلوين؟؟؟ و هل المفروض انا اطلعها او المفروض الديجي يوفرها؟؟؟

ما اخترت تسريحة الشعر لان للحين ما سويت لي فستان هههههه بس عموما ترشحون وحيدة فالرونق او تي جي ايلاف او عايدة النعيمي؟ بس مابي احد يتضرب علي فالسعر :mad:


اسألتي قوية..لكن معلي من زمان ما صار عندنا اعراس :lol::lol::lol: عساها مو اخر الاعراس يا رب

و الله اييسر على كل العرايس الحلوات... و يكتب النصيب السنع للعزابية فديتهم :L:

الله الله فيني بنات..وقفتكم معاي F: انتو الردي ما تقصرون بس استحملوووني :'(
M
Moonzy
عروس مبدعة
18-09-2011 | 11:39 PM
بنت التـــاجر;15571766:
فتيات

كيف الحال... صفحات الويكند للحين ما قريتهم..باقراهم على سعة..بس على ما اقراهم..

حددت تاريخ حفلتي اخيرا..ربي يتمم للعرايس و لي على خير باذن الله...
[SIZE=5]

بغيت احد يدليني بالتفصيل صالون بنات ماك..ارت اوف ميك اب و لا اسمه ميك اب ارت؟! بلندا طلع سعرها 105 ولا 150؟؟؟

شنو اخر الزفات الحلوين؟؟؟ و هل المفروض انا اطلعها او المفروض الديجي يوفرها؟؟؟

ما اخترت تسريحة الشعر لان للحين ما سويت لي فستان هههههه بس عموما ترشحون وحيدة فالرونق او تي جي ايلاف او عايدة النعيمي؟ بس مابي احد يتضرب علي فالسعر :mad:


اسألتي قوية..لكن معلي من زمان ما صار عندنا اعراس :lol::lol::lol: عساها مو اخر الاعراس يا رب

و الله اييسر على كل العرايس الحلوات... و يكتب النصيب السنع للعزابية فديتهم :L:

الله الله فيني بنات..وقفتكم معاي F: انتو الردي ما تقصرون بس استحملوووني :'(


شكلج بتعرسين معاي :D ياهلا فيج هههه
و بلندا 150 و 6 للرموش
وين بتسوين العرس ؟
انا للحين محتارة :badly:[/SIZE]
X