اللمــــــــــــــة الاولى لبنات ليبيا الحــــــــــــــــــرة

هااااااااااااااااااااي بنات
من منكم صايمة ..؟؟

بالنسبة لموضوع هالة
لكلكم تعرفوا ان سوق الجمعة دفعوا اكبر ثمن في طرابلس
وعندهم شهدااااء هلبة ومستحيل بيسامحوها بهالشكل
اكيد فيه وجهة نظر في الموضوع...مرات علي خاطر الناس المؤيدة
يبوهم يشوفوا بالاخص بعدما تسكرت قنواتهم الرسمية
وتطلع هالة وتتكلم هادي نقطة لصالحنا
لا لشي الا حقن للدماء ... لكن مش عبطاء بيش نسامحوها بعد اللي داراته كله
فماتخاااافووووووش دماء الشهداء مش حتمشي هباء باذن الله


هنووووووو
وين التيشرت متاعي دبريلي واحد هههههههه

قهيوة انتي سبهاوية ؟؟
كيف تتواصلي مع ناسك غادي
عندي صاحبتي تقرا معاي سبهاوية ولما تحررت طرابلس مشت لسبها (مؤيدة)
عيلة الفاخري اكيدة تعرفيهم

ليبية 2010 عظم الله لكم الاجر وتقبل شهدائكم بواسع رحمته
بلسم المجروح سلامة راسكم

حياة حلوة الف حمدلله علي سلامتكم

الله يسلمك راجحية
الدنيا والدوام لله

ارفع راسك فوق انت ليبي حررررررررررررررررررررررررررررررر

اجمل ما قيل في الليبيين
قال الحجاج بن يوسف الثقفى حين قال عن الليبيين فى وصيته لطارق بن عمرو حين صنف العرب فقال عن الليبيين :-
لايغرنك صبرهم ولا تستضعف قوتهم
فهم إن قاموا لنصرة رجل ما تركوه إلا والتاج على رأسه
وإن قاموا على رجل ما تركوه إلا وقد قطعوا رأسه
فانتصر بهم فهم خير أجناد الارض وأتقى فيهم ثلاثاً
...............
1- نسائهم فلا تقربهم بسوء وإلا أكلوك كما تأكل الأسود فرائسها
2- أرضهم وإلا حاربتك صخور جبالهم
3- دينهم وإلا أحرقوا عليك دنياك
وهم صخرة فى جبل كبرياء الله تتحطم عليها أحلام أعدائهم وأعداء

مش بس نرفعوا راسنا قتلهم لا الله الا الله خشمنا حيلصق في القمر خخخخخ

مبروك حبوبة ع اشرافك ع اللمة

تحكمني قناعاتـي;15522952:
مش بس نرفعوا راسنا قتلهم لا الله الا الله خشمنا حيلصق في القمر خخخخخ

مبروك حبوبة ع اشرافك ع اللمة

هههههههههههههههههههه صح

اهلا حبيتى وشكرا بس الاشراف ليك انت وانا مساعدة بس ههههههههههههههههه

بارك الله فيك حبوبة تسلمي كلك ذوق والله انا وعروسة نبوا اللمة تنفتح لما تحرر ليبيا الغالية
والحمد الله سبقتوني وفتحتوها ونحن فرحانين بردتها ان شاء الله عروسة بس مازال النت متاعها
حتي انا يقهر الخط بس الحمد الله ماكنيش نحلموا ان في نت اصلا خخخ الحمد الله
الحمد الله ع كل شيء كل يوم في حاجة سمحة تفرحنا وانتصارات تعلينا فوق الحمد الله يارب العالمين
الله اكبـر الله اكبـر الله اكبر ع من طغي وتجـبر الله اكبـر ربي ينتقم منه وينصرنا عليه ويفرح قلوب الشهداء يارب

ان شاء الله حبيبتى ترجع اللمة بكل البنات زى قبل

ونرجعوا لهدرزتنا الاولى عيينا من السياسة والهم هذا كله

اه ع قولكم عييييييييينا قالك عييينا الحمد الله ع كل شيئ الحمد الله

ربي يصبرنا ع فراق اغلي الناس ويتقبلهم ربي من شهداء

الله اكبر كل عام وانتم بالف خير ومبروك النصر والعيد والفوز وعقبال التحرير الكامل قولو امين

خفايا الزمن;15522743:
كيف حالك حبوبه وحال صقرك والكتاكيت وشن جو الليبات في بريطانيا بعد النصر
ويارب ان شاء الله ربي يطمنكم ع سبها ونفرحو بتحريرها تعرفي نكلمل في هبه تليفونها مسكر تعرفي اخر مره كلمتها قاتلي وادي الحياه ملخبطه يمكن الكلام هذا كان في شهر6

الحمد لله يا خفايا كلنا بخير والليبيات هانا مكسدات مادارن شي اصلا انا منعرفش واجد والي نعرفهن وحده من سرت وحده من سبها مزال مش حاسين بالنصر لان مناطقنا مازالت تعاااني :'(
بالنسبه للتلفون انسي انا اهلي من يوم تحررت طرابلس قصوا عليهم التلفونات الجنوب كله واحد طاغيه ظرب الكابل متاع التلفونات بصاروخ بيش مايعرفوش شن صار في طرابلس والضي طبعا قاص قريب شهر او اكتر يجيهم بعد كم يوم مريره ممكن نص ساعه او ساعه بس .

بلسم المجروح;15522834:
قهيوة انتي سبهاوية ؟؟
كيف تتواصلي مع ناسك غادي
عندي صاحبتي تقرا معاي سبهاوية ولما تحررت طرابلس مشت لسبها (مؤيدة)
عيلة الفاخري اكيدة تعرفيهم

ايه سبهاويه سبهاويه والدمنقل عالي :D مافيش كيف نتواصل معاهم تخيلي والله من يوم تحررت طرابلس انقطعن اخبارهم .. وصح كل الموءيدين بعد طاحت طرابلس مشوا لسبها حاله وخلاص بيت الفاخري ايه نسمع بيهم .. ربي يهدي الجميع

ماما اووزا;15523020:
الله اكبر كل عام وانتم بالف خير ومبروك النصر والعيد والفوز وعقبال التحرير الكامل قولو امين

هلا والله ياغاليه امييييييييين يارب شخبارك نورتي اللمه :adore:

قدرك كبير بقلبي استاحشتك شن اخبارك

راجحيه كيف حالك من انت ؟ معليش راني مودره انت مغيره اسمك ؟

قهوه الصباح;15523045:
قدرك كبير بقلبي استاحشتك شن اخبارك

راجحيه كيف حالك من انت ؟ معليش راني مودره انت مغيره اسمك ؟

الله يسلمك قهوة الصباح وان شاء الله عقبال ما نفرحوا بتحرير سبها وتتطمني علي اهلك ,وباقي المناطق المحاصرة يارب ويعجل بالنصر وبالفرج يارب
كان اسمي ميماس بس هبلت ولعبت بيه نبي نرده قالولي بعدسته شهور عليك عملة وخلاص:hysterical:

امين يارب العالمين تتحرر ليبيا بالكـــــــــــــــــــــــــــامل يارب عاجل غير أجــل