اللمــــــــــــــة الاولى لبنات ليبيا الحــــــــــــــــــرة

بيكاتشو;15521359:
ليبية : الله يرحمهم ويجعل مثواهم الجنة

السلام عليكم ورحمة الله وبركاته

قد تحررنا وحررنا الوطن جملة تبكي فيا كل مانسمعها
..الحمدلله اللي من علينا بالنصر وفرحنا وعقبال ماتتحرر بقية ليبيا يارب..
كل سنة وانتم طيبين يارب والله ليكم وحشة هلبة هلبة ويارب تكونوا كلكم بخير

ليبية ..الله يرحمهم ويتقبلهم من الشهداء ويصبركم..
الحرية حلوة لكن ثمنها غالي وليبيا دفعت ثمن حريتها غالي هلبة وربي يتقبل شهدائنا برحمته و الحمدلله على كل حال..
اني الصراحة نبي نشكر القذافي وجه الشر على انه حببنا في ليبيا وحببنا في بعض والله اني قبل الازمة ماكان عندي احساس بالوطنية بكل على قد ماحاولت نحب بلادي ماقدرتش نحس فيها كأن مش لينا لكن توا سبحان مغير الاحوال من اول يوم في الثورة واول قطرة دم واني نموت في ليبيا ونبكي على خاطرها ونفرحلها ..ونتمني نشوف علمها مرفوع حتي فوق القمر ..
ربي يكمل علينا فرحتنا ونطمنو على بقية اهلنا ونشوفو ليبيا من احسن دول العالم

ليبية هلبة ناس ماتوا في خشة باب العزيزية والاكثر في تطهير بوسليم
وعندي اثنين من معارفنا شباب من يوم بوسليم معادش لقوهم ومش عارفينهم حيين والا ميتين
اني ساكنة في المنصورة يعني قريبة من القيادة باقل من 250 متر ومنطقتنا صار فيها هلبة
بس الحمد لله فتكينا منه

فيكي النشيد كله على بعض حلو
اني تعجبني كلمة لا نبالي ان سلمت من هلك
مش زي اللي يقول فإذا فنيت فسوف أفنيه معي
حسبنا الله الحسيب فيه وفي كل من معاه
ربي يورينا عجائب قدرته فيه

صباح الخيرات

قبل شوية جايبين خبر عاجل على ليبيا الاحرار ان ثوار ترهونة ووادي الربيع يصلحوا في شبكة المياه باش ترجع لطرابلس
ربي يوفقهم ويحميهم
صح احني عندنا بئر ولما هربت المية شغلناه بس نفسيا ننقعدوا خايفين يهرب الضي وما نلقوش كيف نعبوا الخزان
اول عيد يمر علينا من غير ما انسيقوا الحوش والجنانات ونعزل المطبخ من زيوت رمضان ونضموا دنيتنا باهي
والله ضميت حوشي من فوق الفوق من غير نفس
ومن قبلها خايفين من تبرزيم النيتو في القيادة يتكسر المرش فمخلية الرواشن مفتوحة فتخيلوا الغبرة الل تتجمع عاد

صباح الخيرررررررررررررررررررررررررررررررررررررررررررررر
نترحم على كل الشهداء يلي زكت دمائهم تراب ليبيا ، وهم في الجنة خالدون
وألف ألف مليون مبروك النصر ، وكل عام وانتم بألف خير
والحمد لله رجعنا للمة ، والله يابنات نكتب ونبكي من الفرحة

احبكم احبكم في الله

انـــــــــــاااااااااا جييييت



بنات ليكم وحششششششششه والف مبرووك علينا النصر ( انا مش حنحس بالنصر لين تتحرر سبها :'() سبها يعااانوا مساكين
__________________________________________________________________________________________________

المهم كيف حالكم ؟ بيكا ردي بالك من اللمه يا مشرفتنا الحلوه

والي عندها حد مات الله يرحمه ويغفرله والي عندها حد مفقود يارب يرده سالم غانم
الي تجوزت مبروك والي حاااامل مبروك وهي احكولي شن درتوا في هالسته شهور بالتفصيل هههه
بنات اللمه ناقصه وبايخه جدا بدون عروسه ليبيا ,, ايام اللمه الي فاتت صكرت كانت تقولي بعد التحرير نبي نفتح لمه لليبيات الحرات
ونبيها بقوانين ومنضمه ومفيده مش هكي وخلاص :(ياريت تقدر تخش معانا توا والله مكانها قاعد فاضي
استاحشتكم كلكم واستاحشت التجهيزات ونقعد نشوف فيكن شن شريتن وشن جهززتن ونقلد فيكن هههه

بالنسبه للاعلام عندي صاحبتي هانا اهلها في زناته امها تخيط فيهن وصيتها بتبعتلي واحد تخيلوا من طرابلس لي بريطانيا طلبيه خاصه
جابوهن هانا وباعوهن وماحصلتش كملن وجابوا رشقات علي شكل العلم يهبلنننن والنساوين هانا يلبسوا فيهن ويقهرن في الطحلوبات
تخيلوا الطحلوبات هانا يحنن في ايديهن علي كلمه الله و ...و ليبيا وبس ههههه

بيكا ردي بالك من اللمه مانبووووش مخالفات وكلام في السياسه زي ماقالت المشرفه

بنات خلونا موءدبات وافتحوا صفحه جديده حلوه والي عندها راي تقوله من غير مانعصبوا عليها

او نفرضوا عليها راينا لازم انتعودوا عالديمقراطيه من توا ... وفكونا من الشفشوفه وسيرته راهو يجيب الغم

نبوا نهدرزوا علي حالنا واحوالنا ونغيروا جوووو بلييييييييززززز

مساء الخير عليكم


قهوه ههههههه بالله وين تحصليها عروسه وهي تهيج في بنغازي وباذن الله تمشي لي طرابلس ايام الجايه
ان شاء الله قريبا تتحر سبها والله مابعدهم والحمد الله فيه مره مره تحركات تبشر بخير ان شاء الله


مهما
لا لا اني مصراتيه ايه فيه من اول يوم عيد بس ليبيانا تغطيهتعبانه تمشي وتجي تقولي الو يفصل الخط والمدار اول امس رجع فيه ارقام مفتوحه واراقام لا بس امس الحمد الله التغطيه تمام

لا لا مش كذب فديواتها هاله واحد ساحه غرارات وحتي بعدها نزل بيان يوضح ليش طلعت واليوم منزلين تاني علي قناه ليبيا حره ع اساس مغرر بيها

انا موضوع هاله امررررررررررضني بصراحه

مفروووض مادارولهاش قيمه وعطوها فرصه اتكلم هده مفروض في حبس متر في المتر مع كمشه مرتززقه

بيش تعرف كيف اتكلم علي شرف الليبيات :mad:

حيو انت تكلمي فيها عروووسه ليبيا ؟؟؟

بالله سلمي عليها كان حصلتيها وقوليلها بلاك اللمه مش حلوه .

انا توا نستادن ولي عوده بادن الله

السلام عليكم
كيف حالكم يانوارت ليبيا اليوم أن شاء الله تكونو بخير

حياة حلوة و ليبيا حرة;15522376:
مساء الخير عليكم



لا لا مش كذب فديواتها هاله واحد ساحه غرارات وحتي بعدها نزل بيان يوضح ليش طلعت واليوم منزلين تاني علي قناه ليبيا حره ع اساس مغرر بيها

السلام عليكم ياحراير ليبيا الصمود والعزه والشرف

ايه بكل الانسانه هاذي اكتر وحده تطعنت في شرف الليبيات وخصوصا لما قالت الليبيه بي 10 دينار في تونس وطالعه تقول حشومتونا
الليبيات شريفات من وحده؟؟؟؟؟؟؟؟؟؟؟؟؟؟ زي امتالك
اقسم بالله مش مسامحته ليوم الدين وطالعه تقول الفيديوات اللي في البرنامج والله مانشوف فيهم هما يحطولي فيهم علي غفله هالكذابه
ونتمني محاكمتها تكون في ميدان الشهداء وعلي الهواء مباشر
احسن حاجه فوتها ومعادش ادورها غير نديرولها قي قدر وقيمه لما نتكلمو عليها

هلا هنو كويسين
خفايا صح حتا انا مش مسامحتها والله ياما رقب علي رقبتها والله ناس واجده امشت انضمت للكتايب عشان كلامها وبالنسبه للمقاطع كدابه هي الي تفبرك فيهن
وعندها نت لان صفحتها في الفيس كل يوم تكتب فيها وتنزل في بوستات ايام الاحدات ... وحتا انا زيك معاش نحضرلها في مقاطع بكل اتدرهلي في كبدي

هي بنات حطولنا موضوع قنين نهدرزوا فيه بعيدا عن السياسه طبعا :041:

قهوه الصباح;15522731:
هلا هنو كويسين
خفايا صح حتا انا مش مسامحتها والله ياما رقب علي رقبتها والله ناس واجده امشت انضمت للكتايب عشان كلامها وبالنسبه للمقاطع كدابه هي الي تفبرك فيهن
وعندها نت لان صفحتها في الفيس كل يوم تكتب فيها وتنزل في بوستات ايام الاحدات ... وحتا انا زيك معاش نحضرلها في مقاطع بكل اتدرهلي في كبدي

كيف حالك حبوبه وحال صقرك والكتاكيت وشن جو الليبات في بريطانيا بعد النصر
ويارب ان شاء الله ربي يطمنكم ع سبها ونفرحو بتحريرها تعرفي نكلمل في هبه تليفونها مسكر تعرفي اخر مره كلمتها قاتلي وادي الحياه ملخبطه يمكن الكلام هذا كان في شهر6

فعلا هاله بذااااااااااااات وامثالها لازم يتحاكمو مش يقولو مغرر بيها والله شئ يقهر والناس كلها مضايقه منه الموضوع هذا وأثر علي نفسيتهم

مرحبا بنات وكل عام وانتم بخير والف مبروك رجعتكم ونصركم الله ينصر كل المسلمين يارب