اللمــــــــــــــة الاولى لبنات ليبيا الحــــــــــــــــــرة

خبر طازج
ثوار مصراته بيدخلوا سرت الفجر ان شاء الله
راجل صاحبتي توه طلع مع اسعاف
ولد خالتي طلع توه وامي ( حنتي ام ماما) متغششه وخايفه عليه))
وقال ولد خالتي كان نراجوا في الشرق يقدموا لكن مطولين مزالوا
واهلي مصراته في سرت ومن اصل مصراتي خناق زايد عليهم



الله اكبر الله اكبر الله اكبر ولله الحمد

صح كلامك ياانجل
تى والله حتى تسافري برا تخافي تدوي عليه لاننا معندنا ثقه في حد نهااائي
وتخشي في معمعه وتبهديل وماتلقيش حد ينقدك من هالورطه فلذلك نسكتو لين ربنا ايفرج وربي لما اراد بليبيا ان تتحرر جابها هالساعه الحمد لله

حياة،،،،،،،،،،،،، ربي ينصرهم يا رب العالمين ويحميهم ويحفظهم من كل شر
ويرجعهم لي اهاليهم سالميييييييين

ان شااااااء الله يكون صح ياحيو لان حسب ماسمعنا فالفيس ان سرت متحركه وصاير فيها القتل والاعتقال
ربي يفرج علينا وعليهم يااااااارب

ربي يحفظ ولد خالتك ياحيو وايفرج علي بني وليد فالقريب ياارب
والله خوي قال وضع صعب والامور معقده ربي يفرج

اللهم امين

بس خايفين من نيتوا يقول بنقصف ويمنعهم

اللهم اني استودعتك هؤلاء الشبان يامن لا تضيع عنده الودائع يااااااااااارب احفظهم بحفظك التام وارعاهم بعينك التي لا تنام ياااارب انصرهم نصرا مؤزرا علي الطاغيه واعوانه اللهم صوب مدافعهم وتبت اقدامهم

حياة،،،،،،،،،توا كيف شفت توقيعك
ياربي ان شاء الله يشفيها ويعافيها امك ويحفظهالك ويطول في عمرها يارب العالمين

قصدك النيتو معنداش علم؟
وقاعد هذه كله ماكملش هو؟
لالا ان شاء الله ربي ينصرهم
تى هما خشو طرابلس وصواريخ كانت موجهه بس ربي حمانا ومعانا الحمد لله لانهم كان بيراجو نيتو حتى سنه مش ح يقدمو

نستأذن اني توا

نتلاقوا علي خير مرة جاية وعلي نصر بتحرير ليبيا كامل

تعرفو يوم تحركت طرابلس نضت الصبح نحساب روحي بنلقي الدنيا مقلوبه لانهم من الليل اعلنو ان العمليه متع تحرير بدت قلت لماما مهم نضت مافيش اي بوادر الحرب او هجوم
مهم
فالعشيه نتفرجو علي برنامج الشيخ الصادق قلت لماما انا مانحسش باي علامه من علامات النصر اليوم قتلي ماما تو ربي يفرج
مهم بعدها كيييف حطينا الفطور وصار فيها ماصار هههه فجاءه صارت
تو حتى هما ربي يبعتلهم ساعتهم
تى والله ماكان متوقع بكل هداكا اليوم خاصه انهم مستعدين كتائب لاكن ربي فشلهم الحمد لله

في امان الله انجل
وان شاءالله ربي يسمع منك

راجحية هذه ليك*_^
ان شاءالله قسميتك ياحرة .... من الثوار وقارئ برا

Angel Heart 89;15556053:
ممكن لانك مش عايشة في ليبيا فا ماتعرفيش الواقع هدا علاش تسألي في أسئلة هكي
يا روز الشعب طبقات وانواع ،،، فيه ناس متعلمة وتسافر وشبحت العالم مش عاجبها اللي صاير،،،،فيه ناس بسيطة غير تونس ماشفتش وسهل ينضحك عليها بكلام،،،فيه ناس تخاف
هلبة ،،،، اني كنت نقرا في جامعة وطلبة اللي فيها اغلبهم حالتهم مادية ممتازة واغلب
اهاليهم داروا فلوس بروحهم يعني مش مع دولة ،،، مجرد ما نفتحوا في فصل موضوع ليبيا
ماتنفعش وواحد فيه ناس تنوض تقول لا اني مانتكلمش في سياسة،،،،عارفة انه اللي يفرمط
في حد يقول تكلم علي سياسة يجوا يعتقلوه بدون دليل حتى انه مذنب او غير مذنب!!!!! كم مسجون سياسي بدون محاكمة؟؟!!! فيه جارنا زمان لما اولاده كبروا جي ينصح فيهم قالهم نعطيكم قلة سماح في حاجتين مخدرات وسياسة؟؟!!! شوفي رعب سياسة في ليبيا كيف!!!!! مع انه رجل اعمال ومتعلمين الموضوع هلبة حساسة وحاجز خوف عظيم بخصوصه
وبالنسبة ناس اللي تأيد في معمر بالكلام بس هي حرة وهادي هي حرية اللي طالبنا بيها
يحب معمر والا غيره هو حر مايجيش حد يفرض رأيه اعليه

انجل ! اني عشت برا لان ابوي معارض .. وعارفة اللي يتكلم ع السياسية شنو يصيرله وماقلتش ليش الناس ماتتكلمش .. اني شايفة مش بس سامعة اللي في السياسية شنو يديرله واللي يجي ضده شنو يديرله ..

اني مش جاية انقول خيركم ولا شنو يديرلكم .. عارفة وضح اي معارض في ليبيا لان ابوي معارض وتبهدلنا بسبب هالشيء .. وحتي ابوي طلع تبهدلو عمامي لان ابوي معارض ..

انا اتكلم عن الناس اللي تقول مكناش نعرفو ف اقولهم في سبابين هل كنتو خايفين يعني عارفينه عحقيقته بس لان السياسية وهكي في ليبيا ممنوعة ف ساكتين

ولا كان عندكم عادي ومصدقينه بس الثورة هي اللي غيرتلكم تفكيركم

ماتكلم عن السياسية والمعارضة في ليبيا وليش الناس ساكته انا اعرف هالشيء .. واعرف الحالة كيف في ليبيا وماتوقع من اي شخص في ليبيا في عهد معمر يتكلم او شيء ضده ..

لهدا اسال بينك وبين نفسك اش .. الثورة غيرتلك تفكيرك عن معمر ولا بس عطاتك الحرية في الكلام وقنعاتك نفسها من زمان عن معمر وماتغير شيء !!!!

اعرف ان محد يقدر يقول شيء او يدخل لهدا سالت بينك وبين نفسك من اي نوع ناس كنت !

عن نفسي انا هلبه حاجات توا عرفتها عليه
كنا نعرفو قصه سجناء بوسليم ونسمع بها صح بس مانعرفش تفاصيلها
الايدز سامعين بها صح
بس هما فالكدب ماااشاء الله طبعا ايشككوك حتى في نفسك وقلنا ممكن صح ان البلغاريات هما سبب
ممكن لاننا معنداش حد فيهم متع الايدز ف منعرفوش تفاصيل القضيه
بس سجن بوسليم عندنا 2 من جيرانا توفو فيه واحد منهم قريبنا ومافيش حد يقدر يتكلم وماليهم كانو يحسابوهم ماتو من تعديب وخلاص مش اعدام يعني او يحسابوهم من الامراض ماتو

هيا تصبحو علي الف خير
ان شاء الله ياحيو نوضو علي اخبار حلوة

لن نعود للقيود ,, قد تحررنا وحررنا الوطن ,,, ليبيا ليبيا ليبيا

هههههه


يا ناس عندي عرس غدوة تخايلوا فى صالة لبدة ,,, بدت الناس خلاص معاش خايفة


بيكو شن الجو هههه

اهلا ااااااااااااااااااااااااااااااااا وينك يا بنت

ليك وحشة

لازم تحكيلنا عليه مش تهربى هههههههههههههه

شن الجو بيكو

والله يومها كلمت جولي سالتها عليك لان رقمك راح مع الموبايل الاول ومعاش حصلتك حتا قبل ما نسافر ديما رقمك مقفل

اكيد تو نحكيلكم على الشطيح على المجردوة ,,, وحي عليك من التوار هههههه

عاد عرس زنتان هههه