اللمــــــــــــــة الاولى لبنات ليبيا الحــــــــــــــــــرة

وينكم علاش على وجهى كلكم تختوفوا

نجيها ياربي صحيتي


عروري وخلاص:-#

هلا اميرة العرائس كيف حالك نتفرجوا علي ولد عم القردافي خشي اللينك وشوفيه

بالنسبة لقصه فروخ الخويلدي هما ماتو صح باهي مش تفبريك
ربي جزاهم وقطع قلوبهم
ربي فالوجود الحمد لله
بس راهو مش شهدااااااااء حتى ولو اطفال لان الشيخ الصادق قال حتى اللي مؤيد للقذافي مثلا بالكلام بس بس ومش من الكتائب ومات بالنيتو مايعتبرش شهيد نهااااائي يعتبر بانه مات في سبيل الطاغوت مش في سبيل الله
اللهم احسن لنا خاتمتنا باحسن الافعال

حيو بالنسبه لسرت وبني وليد بسلووووووووووووها والله من رايئيضربو البلوات وياسر
اصلا معروفه سرت منها العقداء وبني وليد والجنوب منهم الكتائب فمستحيل ايسلموووو ابدا ال2

شن الجوووووووووووووووووووووووووووو يا عسولات؟

حتى اني ريتهم الصور امتع قذاف الدم (أعوذ بالله من اسمه)
ههههههههههههههههههههههه جو كحيلاااااات

حلا نحسهم ماقدروش يخشوا التوار لان الدفاع قووي مش لانهم يتفاوضوا زي مايقولوا

قصدي كان قدروا يخشوا راهو خشوا من زمان

شكرا لك اخت اترحمت على خوى الغالى
وبالنسبه لى احفاد الخويلدى هما ماتو صح والخويلدى عارف ان الناتو ابيقصف هداك المكان بدات اللى هو حوش خالد وهو اللى جاب حد اعطا الاحداتيات وضحى بى اولاد ولده واخت مرتها الحاجه ناجيه وصفاء وبى بعض من الشغالات والحراس باش ايبيض وجه قدام معمر لان هده امر من سيف ومعمر باش ايبينو لناس حتى راجل الدول الكبار عندهم شهداء وعلى فكره كان خالد الكلب حشاكم مخطط مع بوه على كل شى

يديروها يافجر عيله واطيييييييييييييه مانستغرب منهم شي

وهدا القصه فعلا اترت في ناس واجده وغيرت ناس واجده وتعاطفوا معاهم حسبي الله ونعم الوكيل

ويا بنات انى صح كنت مغشوشه فى الطاغيه وكنت مؤيده لانى عمرى ماكنت نعرف اى حاجه فى السياسه ومانعرف حقيقته شى
وبعد ما زادت الاحدات وشوفت الموت والدمار وجاء الناتو لى ليبيا واعرفت ان اللى يرضا ان شعبه ايموت بشكل زى هدا واللى يرضا ان يدخل للبلاد الناتو باش هو يقعد على الكرسى يستحق الموت
واخرها ياكبتى خوى الغالى اللى لليوم ناره قاعده فى قلبى كله على خاطر ماعدش امشى للعمل لانهم يبو يرفعوه لى مصراته

فجر،،،،،عظم الله أجرك،،،،وربي يرحمه ويتقبله من شهداء بإذن الله

بالنسبة ليا ما تعاطفتش معاهم وقاعدة بين مصدقة ومش مصدقة

يابنات انى عندى الواى مكس ضعيف هلبه حتى انتو هكى والا شنو

لالالا هما صح ماتو الف على ميه لان هما حتى سكنهم قريب من حوش اماليا والناس كله امشيت وشافت

عارفه علاش تعاطفو معاهم ياقهوه لان الليبيين طيبيين مش زيهم هما قلوبهم حجر مرررض

عادي فجر فيه هلبة ناس كانت ماتعرفش السياسة وماتعرفش جرائمه وكل بسبب حااااااااااااااااااااااااجز خوف المرعب
راهو ليبيا جايبة ترتيب تاني في عهد بوشفشوفة من ناحية جدار تغطية على ما يحدث وصمت وخوف بعد كوريا شمالية ترتيبها
وكنا كلنا نكرهوه لكن تخاف وتخنس حتى من جارك،،،،،،،،،،،،،،،الحمد لله علي كسر الحاجز وحياة دروس ونتعلموا منها

عارفه علاش توا دفاعهم قوي ياقهيوه
لانه غلطه اللي عطوهم مهله فوحدو فيها صفوفهم وقوو نفسهم بس ربي ح يهدهم ان شاااااااءالله
المهل لاتنفع مع الطواغيت واكلي لحوم البشر لانهم كلاب ومايفهموش ومايعرفوش ان سيدهم الجرد هارب هو وفروخه وتمتله

حلا ههههههههه باهي اني ما تعاطفتش معاهم شنو قلبي حجر؟ ههههه
بجد لانه دمهم مش اغلى من دم الشعب الليبي وهما عارفين مستهدف مقر
ويبوا هكي فا علاش نسخف عليهم اكيد وراها حاجة حركتهم هادي

تى كنا حتى مواقع المعارضه تخشلها عالنت
تبدا في سين وجيم وقصه ليها اول وماليهاش اخر

حلا شن اخيار احبابك اللى فى سرت