اللمــــــــــــــة الاولى لبنات ليبيا الحــــــــــــــــــرة

المسيره تضامنا مع المجلس الانتقالي والمكتب التنفيدي وضد كلام الصلابي زي مافهت هكي مكتوب في كل الصفحات
اسمعي ترا سميلي من هما الاخوان اللي من بكري شاديتهملي يعني مش هلبه ممكن4 او 5 انا مانعرف حد منهم علي فكره راه

لاكن كلمه المستشار فيها كلام موجه للصلابي علي فكرة وكلهم فهمووه الا هما ممكن مايبوش يفهمو

المجلس فيه 60 شخص ! مش كلهم اخوان .. بس اقولك ان المجلس كبير واكيد مش سامعين بيهم كلهم بس انا اللي اعرفه داخلين فيه المجلس اخوان حتي ولو كان شخص واحد !

امتع الافتاء سالم الشيخي اللي تكلم اخوان مسلمين !

اللي امقعمزين ع المسرح 3 منهم اخوان كانو !!! واحد اسمه رمضان خالد واحد عبدالرزاق نسيت اسمه

واعرف هلبا غيرهم

لحضة !

كلمته عجبت الناس كلها والاخوان عجبتهم والاخوان راضين ! شفتي مسيرة اخوان مسلمين ضد المجلس !!! ماشفت اخوان كجماعة طلعو ضد المجلس ...

انتي شفتي مسؤول الاخوان تكلم ضد المجلس ؟! ماتكلموش

لما يتكلم المسؤل جماعة معينة ف هدا يعني ان هادي الجامعة قالت لان هو يمثل الجماعة

الصلابي يمثل نفسه وماكنش يتكلم بصفته من الاخوان !!!!!!!!!!!!!!! اذا شخص تكلم يعني الجماعة كلها زيه !!!!

ماعرف ليش تفكرو بهالطريقة ..

خلاص مالا مسيره ضد ال الصلابي شن رايك؟؟؟؟؟؟
لا للفتنه معا لدعم المجلس الوطني

حلا 2011;15552073:
خلاص مالا مسيره ضد ال الصلابي شن رايك؟؟؟؟؟؟
لا للفتنه معا لدعم المجلس الوطني

اي هكي اوكي ..

اما ادخلو جماعة كاملة لان فرد قال شيء مايصيرش !!

بس ضد ال صلابي اوكي شدو لافتات لا لي ال الصلابي ههه

فتحو محالات الدهب في طرابلس ؟؟

لا والله مانعرف بالنسبه للمدينه سوق الذهب مش عارفه
بس تقريبا في محلات متفرقه فتحو
راهو هما كانو مسكرين تقريبا وحتى ذهبهم قايمينه ههه خايفين من الكتائب

اه نكتبو
عذرا ال الصلابي ليبيا لليبين ليس لكم وحدكم ههه
شن رايك؟

حلا شن جو طرابلس اليووم سعدووووودكم الصراحه
الله غالب ماعشناش معاكم الهم والتبهديل وماعشناش الفرح
انشالله كان فتحو الطيران نجو نع عطللة الكرسمسس ادعيلي واللهي نبي نروح:(

حلا 2011;15552089:
لا والله مانعرف بالنسبه للمدينه سوق الذهب مش عارفه
بس تقريبا في محلات متفرقه فتحو
راهو هما كانو مسكرين تقريبا وحتى ذهبهم قايمينه ههه خايفين من الكتائب

هههه اكييييد اول واحدين بيقيمو امتع الذهب ههه

هدا امتع طرابلس المحلي اللي لقبه بو حجر

هو صاحب محلات بوحجر ؟؟ هكي سمعت

حلا 2011;15552095:
اه نكتبو
عذرا ال الصلابي ليبيا لليبين ليس لكم وحدكم ههه
شن رايك؟

ههه هيا امتي المضاهرة ههه؟؟

جهزيلك كم وحدة ههه وشديهم باش نعرفك اما وحدة انتي اذا جابوها ع التلفزيون ههه

مانعرفش بس هلبه عيله بوحجر في طرابلس يعني عيله كبيره ومتع الذهب تقريبا اصله من مصراته علي مااعتقد

الجمعه تقريبا المظاهره هكي اعلنو عليها فالصفحات فالفيس

ان شاء الله ياام ميمي
اللي جايات خير من الرايحات
تعيشي في ليبيا الحره خاليه من الشوائب ههههههههه

:(

نبي نمشي ساحة !!! :( :( :( :( :(

اسمعي ياروز
زعما هالصلابي مايكونش متكنطي لانه ماحصلش منصب فالمجلس؟
هذا علاش فاش غله فيهم هههههههه*_^

أرجوا من المجلس الوطني أعطي الامر باأقصي السرعة لانقاد أخوتهم في قرية سمنو من المرتزقة القردافي و عددهم 2500 مرتزق من أفريقيا و هم الان متمركزون في محطة الكهرباء في سمنو الواقعة علي بعد 60 كم من سبها و 350 من الجفره
ربي يحفظ سبها من هالاشرار

لا بس ماهو اصلا اللي ناوين الحكم ماتبيش تخش المجلس

لان اي حد يخش المجلس يوقع ان ماينتخبش روحه لي اي منصب حتي الناس ماتقول متسلقين امتع المجلس ويبو الحكم

ف اول ماتخش المجلس لازم توقع ان ماتنتخبش روحك في السنوات الاولة لي اي منصب

ف هو لما بيخيش المجلس يعني مش حينتخب روحه ! وانتم قلتو يبي منصب ف اكيد مايبي يخش المجلس توا

هههههههه انشالله يا حلا
حلوه شوايب ههه فكرتيني في صاحبتي نكلم فيه امس قلتلها ممكن نروح ادعيلي قاتلي ما تنسيش تجيبي بودره معاك قلتلها علاش قتلي ماهو ليبيا متحرره هههههههههههه قتلتني بالضح:lol:ك