اللمــــــــــــــة الاولى لبنات ليبيا الحــــــــــــــــــرة

لا درت تجاهل هههه خايفه نلعب ونقعد ندمنه وانا مش ناقصه ياسر مواقع الاخبار الي ادمنت عليهن

ان شاء الله ياقهيوه
ربي يحفظ كل الثوار ويردهم لينا سالمين غانمين وفرحانين بالنصر يااااااااارب

قهوه هما طلعوا للسبها او مزال علي حسب قريت امس انه بيطلعوا الفجر اليوم

حياه حلوه اعجنى الدعاء لى امك ان شألله ربى يعطيه الصحه والعافيه يااااااااااااااااااااارب
وخديته منك لان حتى انى راجلى تعبان اليومين هادوا

طلعوا اليوم ياحيو

مصراته الحرة: خاص : عدد من الجرحى من ثوار مصراتة يفترشون الأرض في مطار تونس قرطاج لعدة أيام دون أموال ولا طعام، كما يتواجد في المطار ومنذ أيام أيضاً جثامين لسبعة ممن استشهدوا متأثرين بجراحهم,,,, الله اكبر على من طغى وتجبر
هذو الفايده فيهم الصراحه مفروض يهتمو بهم قبل كل شئ
او يجمعولهم تبرعات حتى من الناس اللي غادي ورجال الاعمال
حرام شباب زي الورد يضيعو والله حرااااااااااااام

مرة فى واحد شايل في سيارة نقل (طماطم) للثوار فوقفوه جماعه القذافى قالوله؛ وين ماشى ,....قاللهم؛ نبى نشيل الطماطم للثوار...., فقالوله؛ باهى قمعز كوله كله,,, فتما ياكل ويقول يانا عليا يا خالد .... (وتم ايكرر فيها يا عليا يا خالد) فسالوه: ليش اتقول هكى ومن خالد أصلا..؟؟؟ فقاللهم؛ هذا صاحبى لاحقنى بالفلفل

حلا كله كله راهو
مافيش لا طياره منتظمه ولا باخره
اقل حل انه واحده من طيارات موجوده في مطار طرابلس يعطوها لي للمطار مصراته

هههههههه قويه بكل ياحيو

فجر عروس البحر;15551389:
حياه حلوه اعجنى الدعاء لى امك ان شألله ربى يعطيه الصحه والعافيه يااااااااااااااااااااارب
وخديته منك لان حتى انى راجلى تعبان اليومين هادوا

ان شاء الله يارب

وان شاء الله لاباس علي راجلك وبي يشفيه

تى والله هادو مايستاهلو الا يركبو في طياره معمر يجي
بجديات وجعني حالهم معقوله هكي لهالدرجه ؟
اياجرولهم حتى ايجار عالاقل

حلا 2011;15551420:
تى والله هادو مايستاهلو الا يركبو في طياره معمر يجي
بجديات وجعني حالهم معقوله هكي لهالدرجه ؟
اياجرولهم حتى ايجار عالاقل

باخره تقريبا مرتين ياجورا فيها راجل اعمال مصراته واجار منهم
لكن انتي عارفه فلوس مافيش بيكون اجارها مجرد ايام

واليوم محمود جبريل كان في مصراته وقال في اقرب فرصه يوفر ليهم موصلات

يا ساعدي يا بنيه قول ل بابا هيا لولولولوييييييييييييييي
شدوا السااعدي

اه فرحت به الخبر ياراجحيه
لاكن ياريتهم شدو المجاريم التانين دمويين بشكل لا يوصف

الله اكبر ولله الحمد ما شاء الله ميدان الشهداء يفرح

حلا هدا اللي كنت تتكلمي عليه يوسف زوزو تقريبا هدا في بداية الثورة كانوا الثوار مدايريين قوائم ومن ضمنها اسمه وواحد تاني من نفس عايلة زوزو مدايرين جنب اسمه تصفية كان مبهدل الناس ربي ياخد فيهم الحق
ومرة قلتي علي واحد اسمه شعيب هدا يكون عديل بوشفشوفة هدا ياحنة لما اتصلت بيه بنته محاصرينها الثوار في حوشها جاها لحوشهابكتيبة لكن ربي رد كيده في نحره وقتلوه

قال المستشار عبدالجلبل في كل اجنماع مع القدافي :
خمس مدن كان يخاف منها القذافي :بنغازي -درنه -اجدابيا -الزنتان- الزاوية وهنا اللي هدن عرشه الله اكبر

بنات ولد جيراننا استشهد اليوم في جبهة بني وليد ربي يرحمه ويرحم كل شهدائنا ويشفي جرحانا ويمسح علي قلوب امهاتهم ويصبرهم يارب

الله يرحمه ويغفر له ويجعل مثواه الجنة ويحفظ ثوارنا يارب

حلا 2011;15551420:
تى والله هادو مايستاهلو الا يركبو في طياره معمر يجي
بجديات وجعني حالهم معقوله هكي لهالدرجه ؟
اياجرولهم حتى ايجار عالاقل

والله مهما دارولهم ما يوفوهم حقهم ,في اللي ضحي بحياته ,في اللي بايده في اللي برجله وفي وفي
يا سبحان الله دفعوا حياتهم حتي علاج مقصريين فيه معاهم والله اليوم جابوهم في مداخلات من مستشفيات في تونس ومالطا تقريبا ,واحد منهم قاله المديع انتم مفروض يكرموكم قاله احنا ما نبوش تكريم نبو ابسط شي علاج والله تحسيهم محبطين جدا