اللمــــــــــــــة الاولى لبنات ليبيا الحــــــــــــــــــرة

حاضر ياروز والله تو ندورلك اغاني حلوات من عيوني
شوفي الصور اللي فاللنك قبل لاتطلعي

انا عني علامات استفهمات علي العلمانين !!!!

وبعدين كيف ماله علاقة ! اي شخص في البلاد له علاقة كيف بلاده سياسيتها وقراراتها.. ليش يجيبو الناس تنتخب !!! اذا ماليهمش علاقة !

الرسول كان نبي وكان داخل في السياسية واكثرهم يفهم في السياسية .. فصل الدين عن السياسية اشوفه غلط

لو كان الدين ماله داخل مكان ربي انزل كيف يعاملو الاسري وكيف تمشي امور بلاد المسلمين !!!

بنت ليبيا الحرة;15550945:
يسلم فمك يا ليبيا حرة
كلامك منطقي

لاحول ولا قوة الا بالله
بصراحة صور مقرفة
بس هذا مصيرهم

بعدين كيف ليبيا تبي تريح ماتبيش تخش في ثيارات !!!

في عهد القدافي دار هو الثيار الوحيد ومافي غيره

توا وقت ليبيا الثيارات و الاحزاب .. مش توا بنسكرو

توا وقت الديمقراطية والحرية واللي عنده ثيار اوكي واللي بيدير حزب اوكي واللي يبي سلطة اوكي لكن يكون الشعب منتخبينه

اما يكون مش وقت الثيارات ف اعتقد انولو في عهد القدافي لان ماكان في ثيارات ولا احزاب بس هو يحكم !

الشعب دار ثورة حتي يتكلم عن ثياره حتي يدير حزب .. حتي يعيش بحرية مش يسكتوه ! ويقلوله نبو نرتاحو توا !

لا حول ولا قوة الا بالله

غير فهمونى هذا منتدى عروس

والا منتدى الاراء والنقاشات السياسية

نبى نفهم

هو حلو الواحد يفهم السياسة ويكون ليه رأى لكن هذا مش مكان النقاش

على العموم هادى اخر مرة حنقول فيها مش لازم كلام السياسة امشوا للفيس هدروزا

المرة الجاية حتتسكر اللمة ومش حيفتحوها ثانى كونوا متأكدين

لا حول ولا قوة الا بالله

توا وينه معمر اللي يحاربو ع خاطره اش فادهم !!

عليك نهاية انتهو بيها !

الشهيد حتي يموت ويبدا مجروح ودم بس تشوفي ميت حتي اشكالهم تحسهم جملين ونور ع وجهم كانهم بس راقدين ..

بس هدوما استغفر الله

بيكاتشو;15550963:
غير فهمونى هذا منتدى عروس

والا منتدى الاراء والنقاشات السياسية

نبى نفهم

هو حلو الواحد يفهم السياسة ويكون ليه رأى لكن هذا مش مكان النقاش

على العموم هادى اخر مرة حنقول فيها مش لازم كلام السياسة امشوا للفيس هدروزا

المرة الجاية حتتسكر اللمة ومش حيفتحوها ثانى كونوا متأكدين

!!!!!!

ممكن تعطينا اسامي الموضيع اللي اوكي نتكلمو فيها ؟؟!!

تخايلو يابنات والله عيشنا في رعب هالراجل
معروفين اصلا هما عيله معروفه في سوق الجمعه كلها لجان توريه
تعرفو صبح 21 رمضان اتصلت بخوي وانا نسمع فالضوب
خفت عليه الحق ضرب لا يوووصف
ودخان لفوق نشبح فيه قلته شن فيه ؟
قالو ولد زوزو جابلنا 8 سيارات مرتزقه وقوه كبيره من 14 ونص وقاعدين يقاومو بس الحمد لله ماطقتش ساعه الا كلهم طربقوهم الثوار عيني ماتضرهم وربي يحفظهم

هدرزه عادديه يابيكا راه مش عركه
هما علاش مايبوش دوة هكي لان تصير فيها عراك بس وانتي زيدي اساليهم
لان بصراحه والله ماعندنا فاش ندوو او بالاحري نمشو نمشو ونجو في نفس الموضوع

من انا : كل شئ الا المواضيع اللى ممكن تختلفوا فيها واكيد كل شئ سياسى فيه هلبه اراء

وشوية نبوا وقت نحترموا رأى كل حد

والموقع مش لينا احنى ضيوف لازم نلتزموا بالقوانين

يا ريت نكون فهمتك

بيكاتشو;15550973:
من انا : كل شئ الا المواضيع اللى ممكن تختلفوا فيها واكيد كل شئ سياسى فيه هلبه اراء

وشوية نبوا وقت نحترموا رأى كل حد

والموقع مش لينا احنى ضيوف لازم نلتزموا بالقوانين

يا ريت نكون فهمتك

اعتقد كل المواضيع فيها اختلاف الرأي ..
حتي هدا القفطان حلو او مش حلو حيختلفو فيها

بس المهم يكون الاختلاف بي اسلوب وكل شخص يعرف حدوده !!

ليبيا الحرة;15550974:

ايه نبو نرتاحو الفترة الموقته هذي الي ان تتنظم الصفوف لان مازالنا امام عدو لما نقضي علية بالكامل
فالازم اتكون في حكومة موقتة يلتف حولها الجميع مازال وقت النقد والاحزاب بدري عليه
بالعربي مازلنا في حالة حرب وناس اتموت في الجبهات وهما يطلعو ينقدو ويركبو في الموجه
ولا الناس اللي على الجبهات ويحربو من اجل حرية ليبيا مش ليبيين ولهم الصوت قبل كل حد في دولة ليبيا الجديدة ..........

نفس كلام قلناه امبكري لو تقري حتشوفي

ان احنا انقول فترة مؤقتة اوكي نكونو معاهم ومحد يتكلم

بس لما هالفترة المؤقت اللي محد انتخب حد وفترة مؤقتة فقط مفروض مايخدوش اي قرار يكون في مستقبل ليبيا لانهم بس فترة مؤقتة !

بس هدا مش صاير

اللي صاير ان اللي في الفترة المؤقتة ابدو ياخدو في قرارات ليها علاقة بي مستقبل ليبيا ! وهالشيء غلط

اما يشتغلو كفترة انتقالية واشغالهم يكونو بس في الفترة انتقالية لين ننتخبو حد اوكي محد تكلم !!

وانا اشرح في نقطة الناس المخالفة وامعصبة مايعني اني انا منهم ... بس قدرت افهم وجهة نضرهم واحس فيها شوي من الصحة !

مايجيش واحد مؤقت يحددلنا اشياء ..يبي يشتغل كمؤقت لين ننتخبو اوكي ..

كلامك متناقض .. هو اصلا ينادي بي الانتخبات حتي الناس في الجبهات يكون لهم دور مش بس مكتب تنفيدي او مجلس انتقالي محد انتخبه هو يقرر مصيرنا كلنا !!!!

هو مايبيش اي قرار في مستقبل ليبيا لان يبي الشعب كله ينتخب حكومته يبي اللي في الجبهة يروحو وينتخبو مش يديرو قرارات له علاقة في مستقبل ليبيا والباقي في الجبهة !!!

من انـــا؟;15550981:
اعتقد كل المواضيع فيها اختلاف الرأي ..
حتي هدا القفطان حلو او مش حلو حيختلفو فيها

بس المهم يكون الاختلاف بي اسلوب وكل شخص يعرف حدوده !!

صح كلامك لكن المشكلة كل ما تهدرزوا على حاجة تتعاركوا فى الاخر

يعنى توا قصة اخوان وسلفين وعلمانين

كل وحدة بتقول رأيها وممكن تجرح الثانية

وتعرفوا الباقى

نقوللكم حاجة خلاص هدرزوا براحتكم هههههههههههه وانا معاكم ولو سكروها عاااااااااادى

نكملوا على الفيس :D

بيكاتشو;15550988:
صح كلامك لكن المشكلة كل ما تهدرزوا على حاجة تتعاركوا فى الاخر

يعنى توا قصة اخوان وسلفين وعلمانين

كل وحدة بتقول رأيها وممكن تجرح الثانية

وتعرفوا الباقى

نقوللكم حاجة خلاص هدرزوا براحتكم هههههههههههه وانا معاكم ولو سكروها عاااااااااادى

نكملوا على الفيس :D

هدا اللي كنت اقوله

ان المهم كل واحد يعرف اش يناقش وكيف يناقش وكيف يقول رأيه ومايجرح احد ومابتصير عركة

لان لو ماعرف يناقش وبيقول رأيه غصب ولازم يسمعوه ومايسمع لي احد تاني .. واللي مش زي رأيه يطيح فيه .. ف حتي ع قفطان بتصير عركة .. يعني مش لانها سياسية !!!

من الفيس

أخبــار مؤكدة ياأحرار ليبيا تكبيـــر الله أكبر سرت تنتفض بالكامل ....
تكبيــــــر ...

من انا : ووووووووووووووووو منك هههههههههههه خلاص هما قالولى اى حاجة سياسة ممنوع

مش هنى النقاش فيها

لانهم فاهمين اننا فى مرحلة البناء واختلاف الاراء

بس يلاااااااااااااااااااااا عادى المهم ما تتعاركوش

الله اكبر

اللهم انصر اهلنا يااااااااااااااااااااااااااااااااااااااارب