اللمــــــــــــــة الاولى لبنات ليبيا الحــــــــــــــــــرة

بعدين اوكي عادي حتي اذا رشحوهم واشتغلو صح في الاول وبعدين غلط قالولهم غلط عادي !
يعني اذا اشتغلو صح في الاول وناس قالت اوكي وسمعو كلامهم معاش حد يتكلم ! يقول ليش جبتوني من الاول !
اوكي اتفقو معاه بي اشياء في الاول ولما دار شي غلط تكلمو
مايعني انهم بي وقت الضيق سكتو وبعدين توا يبو يحكمو .. بس هو غلط في شيء وتكلمو !
ولا تبو حتي بعد الثورة اللي يشد منصب يدير شن يبي ومش من حق اي حد يقوله انت غلطت او يقوله شيء

بمااني انا اللي قلت يبو يوصلو للحكم باسم الدين (واسمي ام ميمي علي فكره)ما فيش حد مانعهم يديرو حزب بس كل حاجه ليها وقت مناسب وضرف مناسب ما تجيش وانتت عارف بلادك ما عالم بوضعها الا ربي وتجي تبين ان في خلافات ومشاكل يا ستي يتفاهمو بينهم مفيش داعي قدام الناس واحني العلم كله عينه علينا ويستني في غلطه
بعدين في فرق بين انتقاد واتهام ويطب منهم يستقيلو هدا مش انتقاد هادي فتنه نعتبرها وهدا مش كلامي بس خشي عالفيس وشوفي كيف الناس كلها متضايقه من كلامه ومش عاجبها

وبعدين اكيد مش جبريل اللي جاب الاعترافات بس كان ليهع دور كبيييير بحكم العلم يعرفه وبحكم طريقته الدبلوماسيه وحنكته بس الللا جاب الاعترافات هو دماء الشهداء الي ليهم فضل كبييراكيدبعد ربي

حتي اني يا حلا نشوف في الاخبار من الفيس قلو وصلو للمنطقه السكنيه التالته

معليشي حرف الالف رايح مني اليوم ههههههه متعفلقه ماهو
حلا انشالله اتطمنتو علي خوك ربي يحفضهولكم ويحمي توارنا كلهم

om memy;15550823:
بمااني انا اللي قلت يبو يوصلو للحكم باسم الدين (واسمي ام ميمي علي فكره)ما فيش حد مانعهم يديرو حزب بس كل حاجه ليها وقت مناسب وضرف مناسب ما تجيش وانتت عارف بلادك ما عالم بوضعها الا ربي وتجي تبين ان في خلافات ومشاكل يا ستي يتفاهمو بينهم مفيش داعي قدام الناس واحني العلم كله عينه علينا ويستني في غلطه
بعدين في فرق بين انتقاد واتهام ويطب منهم يستقيلو هدا مش انتقاد هادي فتنه نعتبرها وهدا مش كلامي بس خشي عالفيس وشوفي كيف الناس كلها متضايقه من كلامه ومش عاجبها

وبعدين اكيد مش جبريل اللي جاب الاعترافات بس كان ليهع دور كبيييير بحكم العلم يعرفه وبحكم طريقته الدبلوماسيه وحنكته بس الللا جاب الاعترافات هو دماء الشهداء الي ليهم فضل كبييراكيدبعد ربي

كيف تبي يتفاهمو بينهم هي مش مشكلة جبريل و صلابي بروحهم حتي يقعمزو ويحلوها
اذا مصراته امطلعة بيان مايبوش جبريل ومش عاجبهم اذا اشبح شنو طايرتله هي مش قصة صلابي فقط حتي يتفاهمو عليها بروحهم ..

فتحت الفيس وشفت معارضين ومؤيدين لي الزوز .. وحتي لو نسبة المؤيدين لي صلابي اقل او اكثر .. تبقي في ناس توافقه الرائ ومن حقه يتكلم .. اني صراحة مانبيش في ليبيا الجديدة اللي ياخد منصب يقلوله سمعا وطاعة وبس ويبدا يدير شن يبي .. لازم يكون في ناس ضد حتي يشتغل صح


واذا ع كلام الفيس بوك بصدقه ف هلبا كلام ع جبريل انه مدعوم من الغرب ويمهدوله حتي هو يحكم ليبيا ويديروله في صورة معينة .. وهلبا قريته ع الفيس بوك هالكلام من اشخاص .. ولان الغرب مايبو الاسلامين يحكمو وهادي شيء اكيد انهم مايبوش ليبيا تكون دولة اسلامية ديمقراطية .. اكيد يبو دولة علمانية ف يملعو في صورة جبريل هدا كلام انا قريته اكثر من مرة واكثر من صفحة ويحاربو في الاسلامين حتي يشوهو صورتهم ومحد يحبهم ! اكيد توافقيني الرأي ان الغرب مايبوش دولة اسلامية ؟؟ لان اصلا ليبيا مكانها مهم ف اكيد يبوها علمانية واكيد هدا مش حيكون في يوم وليلة بس حيشتغلو عليها !

ف ماخد كلام الفيس بوك هو اللي يحددلي ان هدا الشخص صح او لا .. حتي ولو اجمعو انه هالشخص غلط لان مش كل شيء مكتوب .. في ناس تشتغل بالسكيتي بعدين ناس في الفيس بوك مش مدايرة شيء يقولك مني هدا كان امقعمز وتوا طلع !!! ومدار شيء وتوا يتكلم ! كل واحد يعرف اش دار واش مدارش .. لو مطلع التلفزيون وقال اني درت ودرت مايعني انه مدارش

بالله ياروز من قالك ان مصراته ماتبيش جبريل
انا خوي كان في مصراته وقال انهم متكنطيين من غوقه وجماعته مش جبريل بالعكس كل الناس تحترمه وتقدر فيه الا ال الصلابي نازليين فيه

اسمعي هو صلابي من الاخوان تقريبا صح اسلامي بس مايمشيش معانا نهجهم
وفيه شئ تاني انا احنا في حاله حرب والغرب يراجو في غلطه بسيطه واتفه الاسباب باش يحطو رجلهم
علاش مايبنوش للغرب بانهم يد وحده حتى ولو فيه مناقشات بين بعضهم

حلا 2011;15550848:
بالله ياروز من قالك ان مصراته ماتبيش جبريل
انا خوي كان في مصراته وقال انهم متكنطيين من غوقه وجماعته مش جبريل بالعكس كل الناس تحترمه وتقدر فيه الا ال الصلابي نازليين فيه

اني توا تو اندورهولك في وحدة من الصفحات

ان مجلس مصراته نزلو بيان انهم ضد جبريل يشكل حكومة لانه هو محد منتخبه حتي يشكل حكومة ليبيا ! وان هو بس مؤقت ومش ضد جبريل في كل شيء كشخصية ! بس لما صرح ع انه حيشكل حكومة في ناس قالت لا !

اكيد مش مصراته كلها هكي وشارع مصراته كله مايبيشي اكيد في ناس ضده وناس معاه

بس مجلس المحلي هكي قال ..

اني اللي بنقوله ان عادي اذا احد انتقد .. اذا بيسكتو توا لانها فترة انتقالية ويخلو المكتب التنفيدي والمجلس الانتقالي يديرو شن يبو ف هدا غلط لازم اذا غلطو يقولو انهم غلط ويتكلمو الناس مش يسكتو بي حجة فترة انتقالية !

انا مش ضد المجلس ولا مكتب التنفيدي اصلا ابوي عضو في المجلس .. بس اللي بقوله عادي في كل الدول في معارضين وهالشيء يخلي المجلس ياخد الشعب بعين الاعتبار بعدين الصلابي زي ماشفت له معارضين شفت له مؤيدين ونفس الشيء جبريل !

انا مااحب يمجدو شخص وانه هو وبس وبدونه ليبيا تولي خرابة !!! لا مش هكي القصة ..

حلا 2011;15550851:
اسمعي هو صلابي من الاخوان تقريبا صح اسلامي بس مايمشيش معانا نهجهم
وفيه شئ تاني انا احنا في حاله حرب والغرب يراجو في غلطه بسيطه واتفه الاسباب باش يحطو رجلهم
علاش مايبنوش للغرب بانهم يد وحده حتى ولو فيه مناقشات بين بعضهم

اوكي وليش انتي تتكلمي باسم الشعب وتقولي مايمشيش معانا منهجهم ؟!!!! تكلمي كفرد ! مش باسم ليبيا ! لاني انا اولهم اصوت للخوان .. وحتي لو كنت انا الوحيدة في الشعب كله ستل ماتقدري تتكلمي باسم الشعب لان في شخص معاهم ولا اعتقد انا بس لان مجموعة كبيرة من الاخوان في ليبيا وهلبا ماسكين مناصب من بداية الثورة .. في تدريب الثوار في مساعدات في كل شيء

في نسبة كبيرة من الاخوان في ليبيا وفي المجلس نفسه فيه هلبا اعضاء من الاخوان ؟

عن نفسي اعتقد الصلابي مش من الاخوان بس اللي اعرفه اخوه اسامة من الجماعة المقاتلة او الجهاد وحدة منهم بس الصلابي ماعندي معلومة ..

اوكي لو قالو جبريل مايشكل حكومة اش يعني خلاص معاش ولو يد وحدة !! .. انتي اش برائيك لو شخص دار شيء غلط كيف يديرو ؟ ماتقدري تقولي مش علي الهواء لان هادي مشكلة مش بس فرد وفرد هادي هلبا ناس كل حد في مكان مشكلة بلد كامل مش شخص وشخص !

اهو ريتي عارفه انهم ضد حكومه جديده مش ضده هو
يعني صح هما ليهم حق هما وزنتان يشتركو فالحكومه الجديده وحتى زنتان نزلت بيان وعندهم الحق الصراحه
ضحو بالغالي والنفيس وفالنهايه outحتى احنا مانرضوهاش
بس مش حكايه انه مش عاجبهم محمود لا مش متفاهمين علي تشكيل الحكومه وقالو خلوها لين تتحرر البلاد وعندهم الحق في هذه

اسمعي معظم الليبين اللي هنا نهجهم سلفي
وممكن صح فيه نسبه منهم اخوان بس شووووووووويه هلبه

بانسبه ليا اني حنقولك اخر حاجه عندي وعلي فكره حلو انه يكون فيه مره مره نقاش هكي
راهو واللهي مش قصة تمجيد اشخاص او تبجيل هي بس اعطاء لكل دي حق حقه وبالنسبه ليا اني نحكم بطريقة التعامل والتوقيت وصح انه لازم يكون فيه انتقاد لما يكون فيه غلط بس هادي واضحه هو وصهد ليهم فتره انتقادات ومش عاجبهم شي يا ودي اصبرا راهي مرحله انتقاليه لما ننكون دوله رسميه صح انقولك ننتقدو بس توه مزال ما فيش حاجه مزااااااال الوقت عاللعبه السياسيه
واكيد مش حنكمو علي شخص من تعليقات عالفيس بس بس صدقيني اغلب الشارع الليبي وخاصه في طرابلس وهني لما نحكو عاطيين تقه في الحكومه والمجلس كبيره عالاقل في الفتره هادي لين تتكون الدوله الرسميه
اما قصه صراع التيارات هدي موضوع تاني

حلا 2011;15550868:
اهو ريتي عارفه انهم ضد حكومه جديده مش ضده هو
يعني صح هما ليهم حق هما تان يشتركو فالحكومه الجديده وحتى زنتان نزلت بيان وعندهم الحق الصراحه
ضحو بالغالي والنفيس وفالنهايه outحتى احنا مانرضوهاش
بس مش حكايه انه مش عاجبهم محمود لا مش متفاهمين علي تشكيل الحكومه وقالو خلوها لين تتحرر البلاد وعندهم الحق في هذه

وهدا اللي انقول فيه من بكري

انه صح مش من حقه يشكل حكومة زي مايبي لانه هو بروحه محد امرشحه ! وانهم مش ضده كشخص بس لما قال هالقرار قالو له غلط مايصيرش ..

ولما احد بيدير شيء والناس مش عاجبهم خلاص يقلوله يستقيل ! لانه هو مصر ع هالشيء !

om memy;15550871:
بانسبه ليا اني حنقولك اخر حاجه عندي وعلي فكره حلو انه يكون فيه مره مره نقاش هكي
راهو واللهي مش قصة تمجيد اشخاص او تبجيل هي بس اعطاء لكل دي حق حقه وبالنسبه ليا اني نحكم بطريقة التعامل والتوقيت وصح انه لازم يكون فيه انتقاد لما يكون فيه غلط بس هادي واضحه هو وصهد ليهم فتره انتقادات ومش عاجبهم شي يا ودي اصبرا راهي مرحله انتقاليه لما ننكون دوله رسميه صح انقولك ننتقدو بس توه مزال ما فيش حاجه مزااااااال الوقت عاللعبه السياسيه
واكيد مش حنكمو علي شخص من تعليقات عالفيس بس بس صدقيني اغلب الشارع الليبي وخاصه في طرابلس وهني لما نحكو عاطيين تقه في الحكومه والمجلس كبيره عالاقل في الفتره هادي لين تتكون الدوله الرسميه
اما قصه صراع التيارات هدي موضوع تاني

شوفي لما تقولي مرحلة انتقالية صح مش من حق اي حد يتكلم لانها مرحلة انتقالية فقط

بس لما ابدي جريل انه من المرحلة الانتقالية بدي يشكل في حكومة هدا الناس مش عاجبهم

بس لما كان رئيس التنفيدي بس ومش حيشكل شيء خلاص

مش بدي من توا يعطي في اوامر تخص ليبيا في المستقبل مش بس في فترته الانتقالية

زي حيجيبو عمال من مصر يشتغلو في ليبيا واشبح شنو هادي مش بس الفترة الانتقالية تخص مستقبل ليبيا

اما لما بيشتغل في شيء مؤقت فقط هداكا شيء تاني

بس هو ابدي يعطي في اشياء مستقبل ليبيا وهو محد منتخبه !

حلا 2011;15550870:
اسمعي معظم الليبين اللي هنا نهجهم سلفي
وممكن صح فيه نسبه منهم اخوان بس شووووووووويه هلبه

لا بس انا اللي شفته انهم مش سلفين وخصوصا ان السلفين قالو ان خروج عن ولي الامر حرام

ف بعدها الناس حسب ماشوف وهكي مايحبوهم

يقول هو في اول الثورة يقولو انه حرام خروج عن ولي الامر ومادارو شيء ولما نحينا القدافي بيجو يحكمو اكيد لا !

لاكن ياروز هو من كم مره هو وخوه يقولو يجب ان يستقيل محمود جبريل علاااااااش؟
علاش مايفهموش الناس؟
والا هكي راسهم قاللهم
وبعدين هو توا بس كيف اعلن عن تشكيل الحكومه امس بس
وهو من يومين مشي للزنتان واتفق معاهم عبدالجليل مشي لمصراته فاكيد مش ح يصرحو بشئ الا اذا كان فيه اتفاق فيما بينهم

انا اللي نبي انقوله

ان لما بيعطي قرارات بس في فترته المؤقتة محد تكلم .. وان مانبوش انبينو ان مختلفين

بس شنو اتقولي لي شخص بدي يتكلم باسم الناس ويعطي قرارات تخص المستقبل !!!

الحكومة اللي بيشكلها هادي مش بس في فترته المؤقتة هادي لها علاقة بي مستقبل ليبيا ! اللي بيقرر هالاشياء الشعب لازم يكون منتخبه مش شيء مؤقت

لما الناس تنتخبه خلاص خل يشكل ويدير حتي لو كنا معارضين لان اغلب الشعب يديرو

اما توا مش من حق احد

اوكي فترة انتقالية يشتغلو في اشياء انتقالية مش شيء يرسم مستقبل ليبيا وقرارات تهم مستقبل ليبيا

لما طلع الشيخ الصادق ومعروف انه سلفي وكفر القذافي وقال هلبه من المشايخ مكفرينه من هيئه كبار العلماء كلهم طلعو من يوم 25 فبراير
وفيه هلبه شيوخ استشهدو فالانتفاضه الاولي
غير احنا فالاول مكناش نعرفو انه في شيوخ مكفرينه فلما عرفنا قمنا بالواجب والحمد لله مش منه لينا علي بلادنا لا هذا واجبنا

السلالالالالالالالالالالالام علييييييييييييييييييييييييييكم
شن جوكم صبابا و مدمات ؟

نستاءدن توه يا بنات انسحاب تكتيكي لغرض الطهي ههههههه سلالالالالالالالالالالالالام