البيت السعيد.. جعل الحزن عنه بعيد..بيتنا السابع عشر..لربات البيوت النشيطات.لشهر شوال

مساء الخير للحلوين

خلود \
مشكورة ع الطريقة شكلها حلو تسلم اياديك يا رب


انوثه \
الحمد لله اللي طمنكم على فارس الله يخليهم لك


جداويا \
المشخول لذيذ ماشاء الله بس الصورة مكبره الصفحة مرره


يومياتي أمس \
ما فرشنا الموكيت =( والغرفة مخلبطة مرره
و بالعصا الريش مريت ع الأبواب كلها
والشاشة والرف حقها
جوني عماني أهل زوجي ع السريع حطيت عصير وقهوة
وراحو ونمنا على 12 ونص تقريباً
بس من التفكير ما جاني النوم إلا 2 الله يعين


أشوفكم على خير

مساءكم سوووكر

امس بعد ملرجعت مت الدوام اتغدينا وغسلت المواعين

جلست للعصر وصليت وتمت ساعتين تقريبا وصحيت

كتت لازم اتصل ع المدرسة اذكرهم باشياء يوفروها

اذن المغرب صليا وماما قالتلي تعالي نطلع لجارتنا

طلعنا والنوم مالي عنوني

جالسة معاهم متنننننننحة

بس ابغى الوقت يعدي ويأذن العشا

اذن ونزلت ع طول

صليت وعملت كم مكالمة

ورتبت اوضاعي ونمت

صحيت الفجر صليت وكويت ملابسي

واتجهزت وطلعت ع 6 وربع

طبعا بعد مارجعت غيرت وصليت الظهر

واستنيتا بابا يجيب الغدا

كان سمك

حا واتغدينا وغسلت المواعين ورتبت المطبخ

والحين جالسة ع النت استنى يأذن واخذلي غطة

وبعد المغرب بروح الخياطة

وبببسسس

انثى الحمد لله اطمنتو ع الكتكوت الله يخليه لكم

جوجو عوافي ياعسل

ودي لكم جميعا

روما انتي موضفه ولا تدرسين

سلام..

مشغوووووووووووووووولة حدي..

ما اتوقع دخولي من اليوم ورايح بيكون زي اول..

هالاسبوع عندي ثلاث اختبارات.. وبعدها بننشغل بالشوبينق..

والحملة اذا فيه احد يقدر يستلمها بدالي فاليتفضل..

سلامي للجميع..

مساكم سعيد ،،،

اليوم بعد روتين الصبح نمت الين ١١

قامت سوسو وحمود فطرتهم ،

وطلعت دجاجه ، وصلحت ايدام كوسه وباميا ،

وجاب زوجي خبز حار ، حطيت غداهم ،

ورتبت شنطة عيالي ورحت لاهلي ،

امي جايينها حريم الجيران بقهوتهم ،

المغرب افطرنا وجو الحريم بعد المغرب ،

انبسطت معهم ، والحين داااايخه وفيني

النوم ، عسى ابو محمد يجينا بدري ،

صباحكم روووقان يارب وراحة بال هيوني هونيها وانا اختك كلنا احيانا تجينا حالات الله يعلم بها ماعلينا شرهه كرف وبيت وعيال ومذاكره الله يعطينا طولة البال يارب ويبلغنا فيهم اليوم زوجي طلع من الصباح راح حقل الله يحفظه مجنون بحر وانا نمت من 9 الصباح الى 11 ونص وقمت كنت مذوبه الحم عشان اغدي الاولاد لاجو من مدارسهم طبخت لحمتي وجهزتها 12 ونص الا هي جاهزه صليت وتغدينا وبندر اسم الله عليه عنده طاقه مافرغها في المدرسه رجني من دخل وانا مابغى اهاوشه لانه اول ولا ابغى اخرب عليه تغدينا واخذت مخدتي وانسدحت عندهم في الصاله مابغاهم يقيلون خليتهم يلعبون بلاستيشن بالبلازما عشان يتنشطون نمت من 2 الى 4 نومه غثى الارض كسرت ظهري وسارونه كملت الناقص قمت صليت ورتبت شوي بالبيت
وجلست ع التي في والعيال ع المغربيه جهزت لهم العشاء وتعشوا وناموا الله يحفظهم وقمت ع دولابي مليان ملابس جديده توي شاريتها ولا قد قستها اجلس اقيس واكتشف ان الجسم زااااايد وزنه انا مره مطيحه هالايام كل مالبست بلوزه ولا تنوره تنكدت استغفر الله عزيمتي هبطت ولا عاد عجبتني لا الملابس ولا شي ابغى انحف من غير شر لبست بلوزه بيضاء ساده وطلعت ام الفضايح بخليها محبوسه بالدولاب لين اخفف ع الاقل المشكله معي واحد مايداني المتن خخخخ
وانا بعد ماحب اكون دوبه ابي جسمي سمبتيك هههههه تحلم المهم خليت الملابس ورحت اخذت مكياجي وجلست اتمكيج واتكشخ مروقه لوحدي غسلت وجهي وجلست اعشي سارونه
والحمد لله ماعندي اليوم الاتطبيق ملابس وترتيب عااادي بما انه سي السيد ماراح يرجع الا قبل الظهر باذن الله

فرحانه الحمد لله
ركبنا التلفون والDSL يا ربي لك الحمد


وما يزال الموكيت مطوي في وسط الغرفة
ينتظر الأفغاني يضبطه :hysterical:
قلت لزوجي ع الأقل نحاول نفرشها بس ما رضي ظهرة تعباان مره
وانا ما شديت معه لأن فعلاً ظهرة يوجعه وأنا كمان

انثى الحمد لله ع سلامه فارس
هيونه كأنك زودتيها مع زوجك سويتي الشوربه خلاص قدميها له
يعني تعبتي كملي جميلك :) والله كسر خاطري زوجك وتذكرت
زوجي مسكين له يومين ما يفطر بالبيت لأني صايمه وقمت سمعت
عطاسه الصباح كسر خاطري اكثر وصلحت له فطور
خخخخخخخخخ يعني اجتهدت ،
الحمد لله باقي لي 3 ايام واخلص شوال

لمعه من هو كيمو اللي مآخذ لقبي خخخخخخخخخخخ

كوامن الله يعينك ويعيني صبرك شوي شوي ما تضيق الا وع ربك فرجها
خلك مروقه ع الآخر في التأثيث
اول ما تزوجت كنت ابي كل شيء بسرررررررررعه
واحنا نأثث الشقة وبعد فتره الاقي شغلي مو مرتب وينقصه شيء
الحين في البيت باروووووووووووووووووووووووق ع الآخر
وباخلي مشترياتي مع الوقت
بابدأ بالنواقص الضرورية فقط
والباقي الكماليات ع الرااااااااااااااااااااااحة
ومبروك عليك الدي اس ال
لايكون انتوا اللي ملخبطينكم ابنا الاتصالات
اتفقت مع زوجي ما نبي دي اس ال
نبي برودباند موبايلي
ومن سكنا طلبنا نقل خط التلفون
وهم كل يوم يرسلون لنا موظف
نقلوا الخط خلاص ما عاد نبي شيء
وهم يقولون نركب لكم دي اس ال
ثلاث ايام نقول لهم مو احنا
وهم مصممين انا احنا خخخخخخخخخخخخ
بالغصب ما نبيكم مو من زين آفاق شامل
هههههههههههههههههههههههههههههههههههههه


وتر ولد اختك ذكرني بولد جيراننا
كل يوم ابوه وسواق الباص يشقلونه
ويركبونه الباص وصراااااخه مغطي الحارة
صاير فلم مضحك لزوجي وهو رايح الدوام
خخخخخخخخخ مثلي يوم كنت بأول ابتدائي
كل يوم صياح ابي اختي اللي بسادس
ويوم ابي امي هههههههه
ذكريااااااااااااااااااااااااااات

الا صدق دانه وينها لا يكون فيها شيء
الله يحفظها ويستر عليها
احس ان باقي احد ما رديت عليه وببالي رد له
وذاكرتي ماااااااااش تعبت ابي اناااااااام اعوض الايام اللي راحت

خلود سؤال لقافه
وش تسوين بالدار ؟؟

همس عندي لك فكره
دامك حابه تروحين زواج بنت اختك
خليهم يرسلون لك احد يآخذك ويرجعك
احم احم مجرد فكره فقط

اروما
وش تخصصك ؟
كأنك رياضيات صح ؟؟
وبشري عساك توفقتي ولا ما زلتي قيد التجربه ؟؟

صباح الروقان ،،،،،

ام هيوني ،،،

تعوذي من ابليس وانا اختك ،

ولاتنسين انك مأجوره على غثاهم وشغل البيت

انا أحيانا تطق كبدي بس أتعوذ من ابليس ،،،،

ياحبي لك فضفضي ، الله يسخرهم لك ،

بس رحمت ابو حمود اللي نام وماشرب الشوربه ،،،


هموس ،،،

انا بعد مجنونة بحر ومشتهيه املج وحقل وضبا من سنة

جدي ، عسى الله ييسر لي واسافر لها ،،،

جوجو ،،،

حتى انا فاقده دانه من يومين ،

بس اتوقع ان النت مفصول ،،

ومها وايرث انجل ،

،،،،،،،،،،،،،،،،،،،،،،،،،،،،،،،،،،

أحبكم :)

امول ،،،

الدار اسجل فيها انا وبناتي

نحفظ قرآن ، الله ييسر لنا ويجعله شاهد لنا ،

والترم اللي راح طلبوني أدرّس سادس

لانهم محتاجين معلمه ، وبصراحه تجربه

ممتعه عسى الله لايحرمني الاجر ،

وقبل يومين دقت علي المديره تبيني أدرّس

أمهات بس رفضت لاني أستحي منهم

ومسؤوليه احسها اكبر مني ، لان بعضهم اجنبيات

مايقرون فلازم تلقنينهم ، واعتذرت منها ،

مواصلة مع زوجي المصون من البارح ركبنا النت
وكل واحد على جهااز
(كل شي له فوائد ومضاار )

--------------

ما أدري وش اخبار مها ماعاد طلت علينا هي وبناتي زهرة حياتي
يا رب يكون بخير

ووفاء آآآآآه يا وفاء كم اشتقنالك

صباحكم قشدة حبيباتي
كيفكم كلكم
انابخير ولله الحمد بس من يوم قلت لكم ان فيه معارك في مدينة وفاء وانا عقلي ما عاد استوعب شئ
اغلب وقتي مسنترة على الاخبار بين التي ف وبين النت
ادخل هنا احاول اقرا الردود بس سبحان الله ما تفوت دقيقتين الا وارجع افتح الاخبار ثاني لعل ولعسى اشوف اخبار تطمن
ودي ادردش وودي ارد عليكم وودي اكتب يومياتي لعل هالشئ يكون دافع لي عشن انجز بس ربي يعين وتعدي هالايام على خير
واللي سالوا عن اخي مشكورين حبيباتي وهو بخير والحمد لله

بنات ايش اخبار وجونة ما عاد شفت لها رد

مها طمنينا عن مدينه سرت ان شاء الله فتحوها ؟؟