البيت السعيد.. جعل الحزن عنه بعيد..بيتنا السابع عشر..لربات البيوت النشيطات.لشهر شوال

هههههههههها ا ا ا ا ا ا ا ا ا ي

الله يسعدك يا مها

بنات امس جاني هدية طباخ الارز الكهربائي في احد منكم استخدمه ؟؟

مها ،،،

حللللللللوه ماحبيتها ، بليس شاف شغله ،،

اخبار سرت وش الجديد ، ماعاد اثق في الاعلام

ربي يحقن دماء المسلمين ويرد لنا وفاء وهي بخير وكل اهل ليبيا يااارب ،

وبشري عن اخوك عساه بخير وتعرفون اخباره ، كل ماشفت شباب الثوره

تذكرته ، الله يخليه لكم ويرده سالم وغانم ،

صباح الخييييير.. صباح المطر.. والشمس المحرجة خلف الغيوم..

يومياتي..

امس.. بعدكم طلعت سمك من الثلاجة جايبه صديق لزوجي بالصباح فرش توه طالع من البحر..

نظفته :badly: بس اشوا كان تنظيفه جدا سهل الحمدلله..

وتبلته وعالثلاجة..

وقعدت بين بناتي والكروشيه.. لين سبع ونص..

دخلت المطبخ قطعت سلطة.. وقطعت خضار وشوحتها بالمقلا..

ثم شويت السمك بالمقلا مع مسحة زيت..

جا زوجي وجهزت الطاولة على بال ما بدل ملابسة وتعشينا..

ظفيت السفرة وغسلت المواعين.. وقعدت عالنت شوي..

ثم نامو بناتي وتفرغت لدروسي..

لين ثنعش.. ورقيت انام..:075:

اليوم.. بعد الروتين الصباحي خذت لي دوش منعش..

وسويت بشعري تسريحة توني شايفة وحدة مسويتها واعجبتني.. خخخخخ:049:

بسيطة جدا.. فرقة زقزاق وابرم جوانب شعري واجمعه ببكله من الخلف وباقي الشعر مفلول..

حطيت كحلة وشدو وتعطرت ونزلت اجهز قهوة وفطور..

تقهوينا برواااق واكلت شكولاته غامقة وتويكس على الصبح وعورني بطني خخخخخخ:worn_out:

عالحدعش طلع زوجي يجيب روفة..

حطيت الفطور وافطرنا بعد ما غيرت لبنتي وغسلت لها..

وظفيت السفرة بسرعة على اساس موعد التيتشر..

بس تباطيتها:058: وشيكت على جوالي لقيتها مرسلة تعتذر ما تقدر تجي..

جعلها للمنيب قايلة.. مرة متأخرين بالمنهج.. عاد تقول بتجي بكرة..

مع انه ويك اند..يالله العوض ولا القطيعة..

والحين جالسة بالكونسيرفتري مروقة.. زوجي على وشك يخلص من الرسالة..

عسى الله يوفقه..

عاد متى نرجع يا رايقة اذكر سألتيني هالسؤال..

احتمال احتمال.. عالكريسمس بديسمبر..

للان ماجانا رد من الملحقية لاننا طالبين تمديد عشان البنات ودراستهم..

وقطو..

السلام عليكم
شخباركم عساكم بخير يارب
لكم وحشه يالغاليين
ااتبع اخباركم واخذ من نشاطكم وشطارتكم
الله لايحرمني منكم
جمعه مباركم عليكم جميع يارب
لي عوده بانجازاتي

مساءكم عسل


اخباركم صبايا اخبار اولادكم وبيبيهاتكم اخباركم ياحوامل والله يرزق كل من تمنى بالذريه الى تعينها في هالدينا ويصلح لنا ولكم


حبيتكم تسمعوا للدكتور طارق السويدان وانتبهوا معه كثير لان كلامه بجد مقنع ويرح وعن تجربه

http://go.3roos.com/rj3ppdeemgu


استودعكم الله التى لاتضيع ودائعه

مسائكم خير وبركه

اليومين هذي تعبانة انفلونزا وعيالي كمان تعبانين
حبيت ادخل اشوف اخباركم

اليوم جبت وحده رتبت لي المطبخ والصالات ما فيني اتحرك الحرارة ذابحتني

اشوفكم على خير

والله يطمنا على وفاء
وعلى اهل ليبيا كلهم

دانه تسمعين اصوات الدفاع المدني برا ؟؟
يقول اخوي حريق بمطعم الفال
الله يدفع البلاء

[BACKGROUND="100 http://mylays.net/myspace-layouts/thumbs/myspace_layout_pink-umbrella.gif"]

انتهت المهلة المخصصة لغرف النوم..

ومن السبت تبدأ المهمة الثانية..

غرفة المعيشة..



المطلوب.. فك الشبابيك اذا امكن.. وغسلها وتلميعها..

وتنظيف حلق الشباك وتلميع شبك الحرامي ان وجد..

تنظيف وجه المكيف.. وذلك بفكه وغسله بدورة المياه.. وتركه ينشف..

وبالمكنسة الكهربائية يكنس ما تبقى من المكيف..

واذا كان فيه غبار متكتل من الرطوبة متجمع على الحديد اللي كأنه شرايح.. يفرك بلطف بفرشة خشنة..

مسح الجدران وخصوصا حول الشباك والمكيف وعند الافياش..

تنظيف فوق المروحة ان وجدت..

تنظيف تحت الجلسه وخلفها..

غسل الستاره ان كان مظمون انها ما تشمر..ولا تخرب..

او الاكتفاء بكنسها بالكهرب ثم مسحها على خفيف بممسحة مبلولة بكومفرت..

كنس خلف وتحت طاولة الـTV تلميع الشاشة.. وبراويز اللوحات ان وجد..

فرك السجاد لزالة الشعر وتنظيف البقع..

3.2.1 GO
[/BACKGROUND]

صباحكم سعاده ورضا
امس قمت وصليت وشنيت هجوم رائع ع البيت غسلت الاواني الي بالمجلى وكنست البيت ونشرت الغسيل وطبقته ورتبت غرفتي ومشط شعراتي ولبست بنطلون اسود وبلوزه ملونه ع اساس بروح المشغل اقص واصبغ
صبغت بالعيد وبانت الجذور فاتحه مره يفشل
طلع زوجي والاولاد وسحبوعلي خخخ
كملت شغلي وبخرت البيت وجلست ابرد اظافري والمعها
خصوصا ان سارونه نايمه استغليتها فرصه وع المغربيه جوا العيال وجهزت لنا كبسه غداعشا وكملت ترتيب المطبخ وبعدها نمنا وقمت الفجريه جلدت لبندر كتبه وجهزت لهم ساندوتشات وتيسروا الله يحفظهم

[BACKGROUND="70 #FFFFFF"]

هيوني ’’
ياهلا والله ومرحبا نورتي يالغاليه اخيرا طليتي :adore:
دندونه ’’
شخبارك ياقلبي وينك مالك حس حاولي تشغلين
نفسك بمنتديات مفيده وبرامج بالتي في والا محاضرات وعنايه بنفسك وهيك.


امل مشرق ’’
استخدام القدر مثل القدر العادي ميزته انه
لاخلص وتنشف الرز يطفي نفسه ويصير الرز دافي ولايحترق.
مهاوي’’
الله ينصركم ويعجل بالفرج ويكفيكم الشر ويحفظكم
صباح النسكافيه
يومياااااااااااااااااتي
الثلاثاء
.....
بعد ردي رتبت البيت خفييييييف وتذكرت ان الدورة
علي وحطيت مناكير ولبست
ولبست عيالي ورحت لاهلي ..تعشينا ورجعنا نام

الكبير بالسياره من الفجر صاحي
نومت العيال ودهنت ايديني ورجليني ونمت3 وقمت4ونص

على صياح الصغير رضعته وغيرتله
وسويت قهوة لزوجي ولبست الكبير وجهزته

وفطرتهم ونزلنا دقوا الجيران وراح معهم.

حاولت بالعيال ينامون مافي اااااامل رتبت البيت وطلعت سراير العيال القديمه

وفككتها بالصاله
لان العمال مواعدينا11وفرزت الالعاب وخليت كل واحد يختار 5فقط

ورتبت الغرفه وطلعت التي في والمكتبه والكمبيوتر ومسحت

الارض بكلور الملون وانتعشت الغرفه خلصت دق الجرس جابو الغرفه اخيرااا

طلعوا وجبت منشفه وملمع الزجاج ومسحت السراير

والدواليب والتسريحه والكمودينه

طلعت قلت ستووووب بنام تعبت لكن هيهات

قلت بسوي غداء عالسريع وعقب اقيل,

سويت مضغوط دجاج احمر وسلطه تغدينا وغسلتلهم وغيرتلهم ونمنا

وقمت 5ونص كنست الاسياب والصاله والمجلس وجمعت الزباله ومسحت

السيراميك بمطهر وبخرت وكنس الدرج والحوش ومسحت البقع اللي بالدرج ورقيت

الغسيل فووق ورتبت غرفه الغسيل وغسلت المغاسل ولمعت المرايا ..

وفرشنا بالسطح للصغارين وسويت قهوة وشاهي وجهزت البيالات والفناجيل والسفره وتوابعها
وغيرت للصغير ولبسته ولبست وتكشخت وصحيت العيال ولبستهم

وكنست غرفتي ومسحتها وبخرتها وعطيت زوجي ملابس الجمعيه وشرفوا ضيوفي

طلبت العشاء من براء مندي دجاج وكنافه وقرصان وسليق والسلطه سويتها بالبيت

تعشينا وانبسطنا وماقصرت خدامه جدتي الله يعطيها العافيه وبنت خالتو كنست

وسهرنا وتشهوينا واخر من طلع س3ناموا عيالي

وغسلت الحمام بالعملاق ونظفت سطل المسح

وطلعت الزبايل وتدهنت ونمت
الخميس
قامواعيالي 7 مامداني انام واتهنى الله يصلحهم

وازعاج العمال تحت بدينا نعمر ملحق

وياربيه مع كل جهه فطرتهم وناموا12

وقمنا المغرب كان اجتماع حمولتي غسلت شعري واستشورت

وتمكيجت وكويت لبسهم وجهزت الشنطه وطلعنا

بدون ماافطر من العجله زوجي فوق راسي

رجعنا12ونص ورحنا هايبر بنده تقضينا مخللات واجبان وشريت كم كتاب وروايه

وجينزات وتي شرتات للعيال ولبسه قطنيه للصغير والعاب

ورجعنا 2غسلت للعيال ولبستهم بجايم ونومتهم وقبل الفجر
اغتسلت من الشهريه
وصليت وقريت الكهف ودهنت دياتي بجليسوليد ورجليني بكريم للقدم

ولفيت شعري بمنشفه وجلدت نص كتب ولدي وتعبت ونمت 8..
الجمعه

قمت من ازعاج العمال11

شبيت عالقهوة وجهزتها مع حليب شوكلت وشابورة

وتمروقشطه وكويت ثياب عيالي ..

وتقهوينا ولبستهم وراحوا لصلاه الجمعه والغداء سويت

كبسه دجاج ومرقه خضار ودقوس وكراميل..

صليت وكملت امي ورضعت صغيري وغيرتله تغدينا وجمعت المواعين

وربصتها ورتبت المطبخ وطلعت الزباله وحاله لين نامو3ونص

نمت وصحيت 7 رااااااحت على نومه ماحسيت بالمنبه صليت

وغيرت للعيال وشبيت عالقهوة

وتقهوينا مع بقلاوة وتمر وغسلت دفعه ملابس من ضمنها اللي شريت امس

وغسلت المواعين ومسحت الفرن ورتبت المطبخ وطلعت الزباله ..وجهزت العشاء

خفايف مكدوس وطماط ولبنه وبيض وشاهي

تعشينا وغسلت الصينيه ونقعت الاكواب وغيرت للعيال ورضعت صغيري

وكملت تجليد كتب سوسي وتحممت وتدهنت ونمت12

قمت3 من ااحلام الزعجه ورجعت وصحاني الصغير 4 رضعته وغيرتله البامبرز وملابسه
وجيت اسوي قهوة لقيت الغاز مخلص جاب زوجي الدافور.. وراح يصلي

قصرت عليها ورحت كويت شماغ زوجي وبنطلون ولدي

وراح زوجي الله يحفظه وقومت الكبير وروشته ..وفطرتهم حليب

وشابورة ولبسته ونزلنا ..
من7ونص وانا احاول بالعيال ينامون ..لين 9ونص نام الصغير

والوسطي ماعنده نيه
طلعت انا وياه وسويت لي وله فطور

ونسكافيه وغيرتله وبس.
[/BACKGROUND]

لمعه يومياتك روووووعه حسيت مو انا اركض لحالي انتي تركضين وترقين وتنزلين من السطح خخخخخخخخخخخخخخخخخخخ




مين هيوني قولوا لي بنات ترا حافضه بنات حواء كلهم ؟

امس سافر زوجي ولمى قال انتبهي للعيال واستودعكم الله شغلت الونان وابكي وابكي وابكي قال اسكتي ولا بهون مو مسافر
عاد قال لو اموت وش تسوين استغفر الله تقل وده ابكي زياده قلت عادي اعرس على طول وراحت الدموع
وطلع وكملت مسلسل بنات الثانويه على الجوال ويوم سمر تبكي على زوجها رجعت ابكي معاها احس راسي معبى دموع وزايده الرومانسيه اليوم مدري ايش سالفه اوووومها
خلاص بداء الجد اليوم نزلت اول المحاضارت وزوجي مسافر بستغل الوقت اذاكر واحفظ العيال قران حق الاسبوع الجاي ان شاء الله


ولعني ماتهنيت احترق الاب توب الحين اكتب من الجوال ياربي تصبرني وتعيني
الترم قصيييييييييييييييير يمكن ماقدر اكتب مثل قبل بس بطل عليكم لشوقي ليومياتكم


تناقشت انا وزوجي الاسبوع اللي فات انه ييل عني واحد من العيال بمذاكرته ورفض قال مايعرف لهم الا انتي
واتقنا انه يعفيني من العشاء
واتقفت مع شغاله كل اربعاء تجيني من 10 الصباح ال2 الضهر ب50 ريال وش رايكم زين سعرها ؟



وشكلي بغير اسمي من رايقه لمشغوله دوما

رايقة انتي تدرسين انتساب مطور ؟؟

فرك السجاد لزالة الشعر وتنظيف البقع..
روز اثاري مو بس انا اعاني من تساقط الشعر ع السجاد خخخخخخخخخخخخخخخخخخ
الاقي شعري في كل مكان الا راسي ههههههههههههه

لا اموله تعليم عن بعد

يا ناااااااااااس اشق هدومي:031:

هالحيوانه امس قايله لي انها بتجي اليوم!!!

والحين تقول ما قلته!!!! فهمتيني غلط!!!

المشكله زوجي طلع مع البنات وكنا ناوين على تمشيه بس كنسلناها بسبب هالزفته..

وراح اليوم عالفاضي.. لا درست ولا تمشيت:mad:

روز ،،،

ياقلبي لعلها خيره ، وذالمعلمه شكل فيها

عرق عربي تأجيل ومدري وشو ،

،،،،،،،،

يوم الخميس رحت مع اهلي للعزيمه

ورجعنا 1 ونص ، وزوجي كان قايل لي

انه بيرجع صبح الجمعه ، عشان كذا مانويت

اصوم الجمعه ، واصبحنا ع الجمعه وجاء الظهر

والعصر والمغرب وهو ماجاء ، وتحسفت اني ماصمت

مع اهلي ، جانا بعد صلاة المغرب وكنت متجهزه

ولابسه وملبسه عيالي عشان بنروح لاهله نسلم

على اخته اللي تزوجت العام ، جايبه ولد ،

اخذت معي شوكولاته من هرفي ، وجلسنا عندهم

الين 10 ونص ، ورجعنا البيت ، ناموا الشله ونمت

وكنت مجهزه لي سحور ، لان عشاي خفيف ،

بس راحت علي نومه الين 6 الا ربع ،

قمت صليت وجهزت فطوم ولبستها وطبعا الباص

فاتنا ، قومت ابوها وداها ، ورجعت نمت الين 11 ونص

صلحت الغداء ، وذاكرت لفطوم وحلت واجبها ،

حطيت لزوجي وعيالي الغداء ،

وجلست احوس في البيت شوي ، دااااايخه من الجوع ،

وجهزت لي فطور ، تمر وقشطه وسمبوسه وقهوه وعصير

ودي آكل المطبخ باللي فيه ههههه

وجالسه اتفنجل واحاتسيكم ،

روز اخصمي عليها بس مو الحين اذا جيتي تعطيها فلوسها