تجمع أمهات مايو لشهر شوال 1432 هـ

صباح الخير شخباركم

من زمان ما دخلت كله ضايق خلقي ومتمللة
ولدي ما زال على صياحة ..واذا بيتبرز مسكين واجد يعص على روحه وما ينزل شي الة قليل وش الحل وياه

بسالكم الي يرضعون طبيعي كم رضعة ترضعون وهل من يقعد ترضعونه ؟

ساعات اقول يمكن من كثر ما اخليه يمص صدري تعود و الحين كل وقت يبغي صدري حتى لو شبعان وبعدين يرجع الاولي بالتالي

سلام امهات وحشتوني من مدة ادخل واطلع ما ارد زوزي بعد ما تعب وحوسة على الدكاترة لين الحمدلله بدا يتحسن رحت طعمتو حق 4 شهور والحين لو يومين وهو مسخن وبس يبكي


عطورة حلوي ثياب البيبي يتهنى فيهم يارب


ودي ارد عالباقين بس عموما الكل وحشني وبفكر فيكم دعواتكم لي للحين في بيت اهلي

السلااام

بنات الحين انتوا خلاص مستمرين في اطعام أولادكم والا للحين ما بديتوا بشكل جدي

أني للحين ما أكلتها بالمرة ومادري أبدأ وياها والا أنتظرها لين تدش الشهر السادس

تكسر خاطري اذا تطالعنا وحنا ناكل أحسها خاطرها تاكل هههه

هلا بنات

بقايا وديه المستشفى يعطونه شي عن الامساك اذا مافادت وياه الادوية الشعبيه
وعن الرضاعة
ساعات زنوب تقعد من النوم ماارضعها دايركت
ارضعها وقت الي تصيح تبي ترضع
لان اذا شبعانة احط لها صدري ماترضع او ترضع ثواني وتترك اعرف انها ماتبي


كنكوشة هلا والله
ماعليه شر البيبي ان شاء الله يتشافى

حلم الامومة

مابتديت وياها بشكل جدي بس اوقات احس انها جوعانة بقووة واي شي تحصل في ايدها تبي تاكله
العاب او لين تمسك ايدي تسحبها في بوزها
تكسر خاطري
اهرس لها موز
او افوح لها شي من الخضار واخلطه في الخلاط واعطيها اياه
اليوم سويت لها جزر وكوسا مع بعض
احس ان مايجيها حليب عدل وماتشبع


بنات تخلون اولادكم يقعدون بروحهم شوي؟؟
لازم الحين يتعودون
اقعدها بس ايدي حوالينها لو طاحت امسكها

احبك هلا والله

وانتي وحشتيناا

انه لحين مانزلت عليي
؟؟

بقايا

أنا الدكتوره قالتلي اعطيه جزر وكوسا وتفاح وكمثرى وسيرلاك بالرز

انا للحين ما اكلت ولدي ولا مره..

بانتظر الى مايصير عمره 6 شهور..

انا بعد جربت ااكله وصار عنده فطريات والتهاب في المعدة والامعاء سلامة اولادكم
احسن برد انتظر يكمل 6 شهور

توني منتبه ان بنتي بقي يوم واحد وتكمله 5 شهور وتدخل السادس
ماشاء الله لااله الا الله
ربي يحفظها لي من كل شر ويحفظ لكم عيالكم

احبك تخلينه لما يدخل السادس وتأكلينه؟؟ او من يكمل السادس

احين اذا زنوب دخلت السادس اشتري لها الاشياء الي في البرادة نفس السيريلاك وبسكوت فارليز الي من عمر 6 شهور
او لما تكمل ال6 ؟؟؟
مسكينة ماتشبع من صدرري عدل لازم ااكلها

هلا حبايبي

انا الصراحة بديت اكل حمود اشياء خفيفة مثل كمثرى مهروس لانه احسه مايشبع من الحليب واذا ااكله يسكت

سلام شخباركم

انا قررت خلاص ما ااكل ولدي الا اذا بدأ السادس وهذا كلام الدكتورة

ويوم سالتها قالت في بعض الامهات ما يقتنعون بهالكلام وياكلون ولادهم قبل السادس ..
بيت ابوي كلة يقولون لي اكليه لانة ما يشبع
واني بخلي التاكيل للسادس وبيكون بالتدريج طبعا مو كلة مره وحدة

الحين اذا على الوجبات نقعد كلة يصيح كأن احد ضاربنة او اذا يشوفني اكل شي فبس اذوقه من الشي اذا كان يناسبه بس تذويق

محد رد على سؤالي للحين تاخدون الفيتامين والكاليسيوم الي ناخدة وقت الحمل لو وقفتونه

وشنو طريقتكم في نومه البيبي ..اني للحين ولدي يحب القماط وتعود اذا بنام يبغا يرضع وهو مقمط وساعات اهزهز فيه واني ارضعة ..فتعود على هالطريقة حتى و شبعان لازم يبي يمص..يتراولي بلاقي صعوبة عدل في تنويمة بدون القماط

اشوف بنات واجد ما يدخلون التجمع ..!!

انغام زنوب بعد بديت اكلها شوي بس مو بشكل جدي
وبعد بكرة تكمل الخامس وتدخل السادس على ماعتقد يصير ااكلها فارليز وسيريلاك لي من عمر 6

بقايا فجر

من قبل كانوا ياكلون الاطفال من الرابع
والحين الدكاترة كله يقولون من السادس

وعن القيتامينات انه وقفتهم من قبل مااطلع من الاربعين يلوعون الجبد ريحتهم كريهة جنه سمج زفر ههههههههه

احاول بنومات النهار انومها بدون اللفة
بس في الليل الفها
حاولي تعودينه من الحين اتنومينه بدون شوي شوي
عشان ماتتأذين فيه بعدين

السلام عليكم


شلونكم شخباركم..

السر الصامت..

اذا دخل السادس باكله ان شاء الله

بقايا

انا وقفت ماكل ادويه او كالسيوم او فيتامينات,,

و ولدي ارقد بدون مهاد,,عقب مايرضع اعطيه المصاصه ويرقد

مرحباا
شخبااركم

وحشتووني ..

بالنسبه للاكل / اني ااكل ولدي وجبتين باليوم فقط ملعقه والا ملعقتين اكل كمثرى موز الو
وولدي حضرته مايرغب للسيريلاك ولا البسكوت فارليز مدري وش اعطيه ..
اي صح عصرت له برتقاله وخففتها بماي وشربتها ايااه الحمدلله عجبــه ..


بخصوص اللفه ماالفه الا بالليل وبعد مو داك الزود نص مفلل خخخ

سلام شخباركم امهاات
اني بديت ااكل فطووم كمثرى وتره قبل اناكلهم في الرابع والحين طلع قانون السادس عشان السمنه (سمنة الاطفال) اما الاكل الخفيف مايضر الجاهل ..واني بعد ابي اعودها اتنام بدون لف بس متخايبه لانها ماتعرف اتنام الا ملفوفه
عطر الزهور احليوين بدلات ولدش ملبوس العافية
الا بسأل شجن وأم شهوده مايدخلون ؟ خاطري فيهم

عطر الزهور جربي الكمثرى وفارليز المغذي الا على خضروات مشكله وفواكهه حتى فطووم ماتحب البسكوت ولا السيريلاك فساعات ااكلها المغذي الا على خضره تابع لشركه فارليز

هلا

اني للحين ما اكلت ولدي بعد يومين بيدخل ببدي يمكن ااكله شوي شوي

وعن الحبوب من ولدت كلش ما اخذتهم
اصلا يوم كنت حامل ما كنت اخذهم
اخذتهم بس قليل

عطر الزهور
كلش عجبوني ثياب ولدش
من وين اخذتينهم؟