تجمع أمهات مايو لشهر شوال 1432 هـ

سهرانة باقي شوي ويغمى عليي ولا اوتعي من النوم ...

كيفكم

اني بعد لحين سهرانة

شخبااركم ..

السر الصامت
ان شاءالله زوجش في العيد وياكم ..

يالله اتفقوا على الاثنين عشان اشوفش ههه



انغاام

هلا بيش

تدرون اني عودت ولدي ينام 11 الليل وساعات يمصخها وامس تعبت وياه عدل

اني وابووه دايخين وهو حضرته يناغي ويلعب ههه

بنات ترى الجو قاعد يعتدل
امس خفت على ولدي ولبسته بيجامه صروال وفانيله لانه المكيف بسرعه يبرد هالايااام ..

هلا بنات واني قاعدة ادور في النت شفت انة اذا البيبي فيه غازات لازم تكون فترات الرضاعة الطبيعية متباعدة يعني كل ساعتين او 3 ساعات ..وش رايكم بالكلام؟؟ لان احس ان مو معقول بتقدرين تخلين البيبي يصيح لين ما يجي الوقت الي تبينة

وشيء ثاني شنو هي الاعشاب الي تعطونها البيبي حاليا وكم مرة باليوم واي كثر كميتها

اني حاليا اعطي ولدي قطرات عن الغازات لمدة 5 ايام و اذا شفت مو قادر اعطيه ماء الينسون 1 ملي الي يجي في الغراش الجاهز

وبالنسبة للغفوات الصبح والظهر والعصر اي كثر لازم نخلي البيبي ينام على اساس ما يجننا في الليل وينام بهدوء ونوم متواصل مو متقطع

ولدي ما ينام عدل ما ادري الخلل وين اخليه ينام تقريبا 11 الليل ويقعد 4 وبعدها يقعد 7 وبعدين 10 وشي وما ينام الى الساعة 12 او 1 وشي ينام ليه ساعة ويرد يقعد يبي يرضع ونفس الشي للساعة 2ونص او 3 كل ساعة يقعد يصيح

وبعدها ينام 5 او اربع ونصف العصر ياخد ساعة تقريبا او اقل

وبعدين المغرب ينام في السيارة الساعة 7 الى 8 او اقل و ادا قعد كلة متنرفز ويصيح ما ادري من شنو يمكن بطنه بس اني اقعد اللاعبة شوي يسهي ويرد يصيح

على طاري اللعاب كل وحدة تصور اللعاب الي تستعملهم حاليا للبيبي وتخبرنا من وين اخدتهم لان اللعاب ليها دور كبير في تنمية افكار البيبي

اني ما اقدر انزل صور خخ لان مشاركاتي صفر

عطر الزهور
اي ان شاء الله
فكرت فيها تصدقين ان نروح الاثنين عشان اشوفش
بشوف اختي وش تقول لان نبي بنيه بعد تجي ويانا ان شاء الله يناسبنا هاليوم

بقايا فجر ماعندي فكرة عن الرضاعة بسس يتراوا لي ان الاطفال يجوعون كل 3 ساعات
عن الادويه مااعطيها يوميا الا اذا حسيت ان بطنها يالمها
والادوية الي استخدمها مرقدوش ماء الحلوة الي في الغراش واليانسون الحب الي اني اغليه
وطبعا الي في الغراش اخففه بماي واعطيها اياه
احس 1 مل مو شويه ؟؟ تعطينها اياه بدون ماتخففينه بماي ؟؟ لان الادويه يمكن تكون ثقيلة عليهم مباشرة

احيانا بتخفيف احيانا لا على حسب

اي المرقدوش ذقته طلع قوي

مرحبا بنات من زمان ما دخلت عشان ارد ما استفقدتوني

اعرف اعرف تحبوني وانا بعد احبكم

من يومين وديت زوزي للطبيب وقااااااااااااااااااااااااال
زوزي عندو التهاب وفطريات في المعدة والامعاء تخيلو يابنات هذا الي كان عامللو امساك وعطاه ادوية وقال المراجعة بعد اسبوع وقالي لو بعطيه موية حتى لو صحة لالالالالالالازم اغليها او من موية الاطفال الي بالصيدلية ولا زمزم ولا عسل ولا شي

والحمد لله على كل حال بفضى وانزل صور ملابس زوزي الجديدة ان شاء الله

كنكوشة هلا شخبارش
ماعليه شر ان شاء الله
بس خوفتيني لان حتى زنوب هالايام وياها امساك اولمس عطيتها حلوة وسوتها مرة وحدة
واكي لحين ماشفت شي من شوي امي عطتها بعد حلوة وبشوف وش يصير وياها
ودايما اعطيها ماي الاطفال
بس هالايام صرت اعطيها من ماي الي احنا نشربه التحلية

هلا السر سلامة زنوب ما تشوف شر
بس انتبهي والله ذول الاطفال عالبركة قاعدين ويقولوا لو تعودوا عالملينات ما يوصخون الا بها الله يستر عليهم بس

زوزي من تعب معد اخد اي مرضعة لا يانسون ولا نعناع ولا شي كلللللللللللش ما يحطها بفمه

ينات شسوي الدكتور كتب لزوزي على حليب بس زوزي رافض يحط مرضعة بفمه ايش اسوي حتى يقبل

ماعليهم شر عيالكــم ..

اووف ولدي مقعدني من 4 الفجر ..

سلام شخباركم امهااات
الله ايعينكم صدق تعب التربيه واني وااجد تعبانه ويه فطووم نفس الشي مااتنااام وااجد متعبه وولحين الفها متخايبه اقطعها وافكر اجيب لي شغاله بس زوجي ايغاور لاني اطلع من الصبح للشغل وارجع وادرس اولادي وفطوم اتصيح وحالتي حاااله صدق تعب

كنكوشة
ليش مايبيها
جربي اخدي له حلمات غير الي عنده تكون لينة ومناسبة له

عطوور مقعدنش للصلاة له هههههه
الله يعينش
اني جم يوم في بيت اهلي مادري عن زنوب قعدت او نامت امي الي منتبه لها
وامس من فتحت عيوني الصبح واني واختي قاضينها مشاوير الى العصر عاد في راحةمابين كل فترة والثانيه يعني نرجع شوي البيت تغدينا ورضعت زنينب وطلعنا

بنوتااات البارحة حطيت لزنوب حنه في رجولها ههههههه جننتنا امي من صوب تحني واني ماسكة رجولها
وطول الوقت ضلينا ماسكينها عشان ماتحرك تمللت وقامت تصيح تبي تلاعب برجولها ههههه
بس شوي وغسلناها جننتنا بس اشوى الحنا زين بسرعة يغمق

السلام عليكم
شخباركم بنات وشخبار أولادكم
ان شاء الله كلكم تمام

بكرة تطعيم البنوتة والله يستر لا تصخن

كيفكم يا امهات

السر بالعافية على زنوب الحنة لو زوزي بنت كان حنيته


بنات انا جدا خايفة الدورة جاتني في اخر شعبان وخذت 3 ايام من رمضان وعليها للحين انا عاملة عزل طبيعي يعني المفروض ان شاء الله ما كو شي بس ليش الدورة ما نزلت الحين انا بتطلق من هالرجال ولا احمل ثاني فاضية ادعولي حتى لو اتصالحنا في يوم ما ما احمل قريب لين الله يهدي هالرجال والله مو قادرة استحمل اتصورو قدام عيني

ام حموود
الله يعطيش العافيــه خيوو ..


السر الصامت

اللاي حنــه .. عليها بالعافيه البنوته ..
اهم شي صورتينها للذكرى ..


كنكوشه

ان شاءالله مو حامل .. بس الدوره بعد الولاده تتخربط ..

حلم الامومة
جنون بيبي
اهلييين شخباركم

كنكوشة الله يفرج همش ان شاء الله واكيييد متلخبطة لش

عطر قايلة بصورها ونسيت اشوى انش ذكرتيني

بنااات وش رايكم بالملابس الاطفال لي يبيعونهم التاجرات في مركز البيع التجاري ؟
شريتون من عندهم ؟
واذا تشترون ترضيكم البضاعه قبل ماتشوفونهم بعيونكم ؟؟

اني احب اني اشوف القطعه قبل ماشتريها يعني الشكل ونوعية القماش على الطبيعه
وفي اشياء تعجبني من عندهم بس مادري من نوعياتهم

مرحبااا يا امهاتنا الحلوووووووووين

وحشتوووووووووووووووووني وااااااااااايد

نجد ... انا الشوق ... السر الصامت .... حلم الامومة ... عطر الزهور ... وجميع البنات من غير استثنااااااااااااااااء


شخباركم ... وشخبار بيباااااتكم عساكم طيبين ؟؟!!

هلا السر الصامت الحمد لله بخير الله يسلمش

هلااا عباتي شخبارش ان شاء الله بخير انتين والولد

الحمد لله طعمت بنتي اليوم وكل شي تمام