تجمع امهات وحوامل قطر لشهر شوال من عام 1432ه؛ الموافق لشهر سبتمبر من عام 2011م

ماميز عندي سؤال عن تحليل السكر للحامل هو نفسه الي يعطونا شي نشربه مثل البيبسي و السفن اب ؟ لان سمعت انه طعمهم مب شي
وان ف واحد منهم اهون ... بليييز الي تعرف تقولي :)

$دموع الورد$;15535338:
مرحبااا

اممم وحده تييني البيت ابي اصبغ شعري;) اذكر البنات مدحو وحده اسمها مي او اي احد تعاملتوا مهاها :thumbs_up:

انتظركم :o

دموع الورد :
مي حلو شغلها


كاوكاوي :
فيتامين سي الفوار بس تاكدي اذا يصير تاخذينه
و بخاخ اليهال ماي وملح ممتاز للزكام
شاي احمر وليمون


كيوت نوني :
كاني سمعت انهم غيروا المحلول والله اعلم
بس عموما المحلول الشفاف كانه سفن اب اهون

كاوكاوي
مشكوره هذا كان من افضل خيار بس انا حاليا ابي في البيت لان زوجي مسافر وماعندي سياره


دحدوحه
عندج رقمهاا بليز عطيني

كاكاوي + كيوت نوني
الرمان وااااايد زين
بس للحامل يسبب لها نزيف
بس اسالوا الدكاتره احسن تعرفون الطب كل يوم له راي خخخخخخخ

دموع
وايد يمدحون مي غلاتي

كيوت
التحليل العادي تشربين 50 مل ساءل نفس التانج او البيبسي على حسب وتاخذ منج دم عقب ساعه
وفي تحليل ب 4 ساعات تشربين 100 مل وياخذون منج بعد ساعه وبعدين مره ثانيه بعد ساعه وجذي لمده 4 ساعات ورا بعض
_ بنات انا ناسيه هالتحاليل شوي اذا قلت شي غلط صححولي _

مرحبااا ماميز
كامي مشكوره فديتج


اللي عندها رقم مي ترسله على الخاص ومشكورييين :L:

دوحانية;15538783:


كاوكاوي :
فيتامين سي الفوار بس تاكدي اذا يصير تاخذينه
و بخاخ اليهال ماي وملح ممتاز للزكام
شاي احمر وليمون

ثانكس دير :sick:F:

camellia;15539168:
كاكاوي + كيوت نوني
الرمان وااااايد زين
بس للحامل يسبب لها نزيف
بس اسالوا الدكاتره احسن تعرفون الطب كل يوم له راي خخخخخخخ

O_O""

مساء الفل

كامي
اول ش يأخذون دم عقب تشربين عقب كل ساعة يردون يأخذون لمدة ثلاث ساعات
يبيلج تحملين عشان تتذكرين 

كاوكاوي
تغرغري بعصير ليمون وشاي ورق وماعليج شر حبيبتي


دموع الورد
انا بعد سمعت عن ماريا الفلبينية
وعن مي ما عندي رقمها سوري

باقي الصبايا كيفكن؟

مسائكم ورد ..

بغيت اسألكم .. شنو أحسن محل حق الدايت؟؟؟ وحد منكم جرب محل بيرفكت ويت.اظن هاي اخر واحد فتح صح؟
وحد يعرف اذا سليم ان لايت فاتح ولا؟

وبخصوص المشد حق بعد الولادة .. انا عندي مشد شريته من أم راجح .. عادي البسه ولا لازم اشتري واحد معين من عندها ؟ ولا اي واحد عادي؟ انا اللي عندي نفس الشورت ..

ام الغالين الثلاث مشكووووره فيدتج :L:

كاوكاوي
ولكم هني

كامي
اشوفج تحت
رجعتي من العرس 

صباح الخير ‏↳‏

شخباركم

ليش محد جاوب على اسئلتي؟

انزين..
عادي احف فالاربعين حواجبي والاندر ارم؟؟؟

مريم*;15539991:
مسائكم ورد ..

بغيت اسألكم .. شنو أحسن محل حق الدايت؟؟؟ وحد منكم جرب محل بيرفكت ويت.اظن هاي اخر واحد فتح صح؟
وحد يعرف اذا سليم ان لايت فاتح ولا؟

وبخصوص المشد حق بعد الولادة .. انا عندي مشد شريته من أم راجح .. عادي البسه ولا لازم اشتري واحد معين من عندها ؟ ولا اي واحد عادي؟ انا اللي عندي نفس الشورت ..

انا عن نفسي جربت سليم وكان ممتاز وهو فاتح اعتقد في فريج بن محمود

المشد اللي خذتيه حق الاستعمال اليومي ولا المناسبات؟
اذا يومي البسيه

بالنسبة للحف حفي يامج النظافة زينة ليش ما تحفين يعني؟

ام الغاليين
يس وكان خاطري اشوفج

هل هناك فعلا ما يسمى بخراب الارحام طبيا؟؟ وما هو سببه ان وجد؟؟


- الاجابه : نعم . واسبابه :
1- تكرر الولادات وتوسع عنق الرحم وتمدده.
2-بقاء بعض الدم المتجلط والاوساخ عند الولاده لم تضغط الدكتوره والممرضات جيدا على بطنج ليخرج بقايا المشيمه او الدم او الاوساخ بعد ولادتج. او تناول الممنوعات من الاطعمه التي( ساذكرها لاحقا )
-بعد ما عرفنا ان هناك فعلا خراب للارحام وعرفنا الاسباب راح ابدي اقولكم البرنامج الطبي للنفاس الروعه وهو :
- اهم نقطة انج تعرفين الممنوعات( الماء البارد والعصائر البارده والايس كريم لانها بارده وانتي نفاس تصابين بالمغص فيزيد وكذلك حتى لا يحبس الدم داخل الرحم فكلنا يعرف ان الماء يتمدد بالحراره وينكمش بالبروده والدم بالرحم ما نبيه يتجلط ويقعد نبي نتخلص منه ( ولذللك ينصح بعمل كمادات دافيه توضع على البطن مرتان يوميا لمده عشر ايام)
- المردود ( لانه خطر خطر وقد قام الدكتور جابر القحطاني بفحص اعشاب المردود فوجدها لا قيمة لها وانها تضر ولا تنفع وكذلك قام بفحصها دكتور مصري في اكبر معامل القاهره واثبت سميته على المدى البعيد وانه يقدم الشيخوخه لان الاعشاب اللي فيه تتفاعل مع بعضها فتساعد على قتل الخلايا وعدم تجددها ( عشان جذي اشوف احنا نعجز قبل هالاجانب) ( ترى الاعشاب مثل ما تنفع تضر وخطأ مقولة ان الاعشاب اذا ما نفعتك ما ضرتك)
- ابتعدي عن البيبسي وانواعه لانه بطنج وقت النفاس فارغ والرحم لا زال متوسع واذا شربتي غازيات بيتجمع الغاز والهواء ويطلع لج اصوات ونغمات اثناء الجماع وكذلك يكبر وينتفخ كرشج.
- لا تقعدين باي مغطس كان ولا تقعدين بالبانيو ولا تبخرين المنطقة باي اعشاب ( الكبو) ( خطر والمره اذا سويتيها بمغطس راح تضرج اكثر ما تنفعج لانه كثرتها ( واقول كثرتها) اثبت علميا داخل انها ضاره وتسبب قرحة الرحم وكذلك حذر منها المعالج بو احمد دكتور بالطب البديل والاعشاب وهو كويتي في مجلة الصحه والناس.. كذلك استخدام ما هو اخطر ( الجفد) اللي يخلي المنطقه الحساسه سوداء ورجاء لا تطولين بالحمام وتصبصبين ماي وتقعدين بمغطس كل هالاشياء بدل ما تنشف رحمج تقوم ترطبه وتجمع السوائل داخله وكذلك الكبو او البخور دخان الكبو يسبب رطوبه ( اليكي تجربه من دكتوره نساء وولاده تقول: الرحم خفيف وبسرعه يتاثر وهو نشبهه بالقطنه لانه كل شي يمتصه وانتي اخذي القطنه وحطيها على المبخر وخلي البخور يتصاعد شنو راح تشوفين , راح تشوفين القطنه رطبه ولو عصرتيها بينزل الماء وتجمع فيها الكربون وهو خطر وصارت سوداء وفوق هذا الريحه خايسه بالله عليكم من يتبخر الحين بقشر بصل هاهاهااي ( واحنا بهالبرنامج ندور ان ننظف الرحم وننشفه مو نزيده) وينصك ويرد الرحم مكانه على هالرطوبه فيصير الخراب.
- لبسي دلاغات وسروال طويل خوفا من المغص وكذلك عدم دخول الهواء الى الرحم المتوسع الفارغ .
** انا اعرف شكثر بنات ما عجبهم هالكلام او ما يوافقوني الراي لانهم تربو على هالشغلات واللي يكبر وهو متمسك بعادات صعب تقدرين تغيرينه
واللي يقهرج انهم حريم مثقفات ويقرون ويسمعون هالخرابيط ( لا تقولون المردود ينفع او العشبه الفلانيه تنفع عطوني ليش تنفع ومن شنو تتكون؟ بعدها اقرر انا اذا باخذها او لا )

- الان ابشركم هذه الاشياء هي فقط الممنوعه علميا ومن خلال دكتورات نساء وولادة كويتيات وسعوديات ( يعني عارفين البير وغطاه وعندهم بنات ومشو على هالبرنامج فقط وما تغيرو ولا خربو)
- انا سالت دكتوره عن فوائد بعض الاعشاب وقت النفاس:
فردت تضحك وتقول : بصراحه ما يضحكني الا القصص اللي ينشرونها العجايز ( ان في وحده سافرت برا وولدت ولما خلصت نفاسها راحت مراجعه بعدها انصدمت الدكتوره من رحمها وشلون صار عجيييييب وقامت الدكتوره الانجليزيه تترجاها تعرف شنو سر الخلطه) والقصص كثيره وتموت ضحك يبا انا دكتوره وانا اولد الحريم وانا اشوف الكويتيه والسعوديه والسودانيه والاجنبيه والمصريه يبا اكثر اللي يوني بفترة النفاس عشان اشيك عالخياط( واكون عارفه انهم يهتمون بالاعشاب وانا ما راح اذكر جناسي اخاف تزعلون )( واسعين وريحت الرحم تلوع الجبد وواسعين ورطبين. والله الاجانب ارحامهم نظيفه ومشدوده وما يسوون هالخرابيط ( اسفه)
وفي حريم كبار اذا قلتي لها ماراح اكل هالاعشاب تقوم تصارخ تقولج بتخربين ولما تلتزم فيها الوحده بحذافيرها وخرابيطها وتنصدم انها خربانه.. وعقدونا لا تجوعين ولا تنبشمين يعني عندهم عذر الحين اذا جعتي وخربتي السبب جوعج واذا كليتي السبب فجعتج على الاكل واذا ما كليتي ادويه واعشاب وخربتي يقولون عشان ما خذيتي الاعشاب واذا مشيتي على اعشابهم وجداولهم وادويتهم وخربتي قامو يرقعون بقولتهم السبب ان اعشاب فلان مو شي واعشاب فلانه هم موشي ... يطلعون نفسهم يطلعون.... وانا اقولكم اكلو مثل ما تبون بشي معقول بس بعدي عن العجين الله يخليج ويسلمج.:48_48:
عموما البرنامج كالتالي وينقسم الى برنامج اعشاب وبرنامج طبي :
1- التزمي بقائمة الممنوعات فقط التي ذكرت سابقا وكلي كل اللي نفسج فيه خضروات وباميا ورقي ومانجا وكل الفواكه انتي وحده نفاس فقدتي كميات كبيره من الدم لاوم تعوضينها وفاقدة فيتامينات وفوق هذا قاعده ترضعين طفلج وخلي بشرتج وشعرج يرجعون لنضارتهم وخلي العجين والمرقوق واكل النفاس اللي يكبر الكرش ويمتن بدون فايده اخذي الفوائد من الفواكه والخضروات جميعها واكلي اللي تشتهينه ولا تلزمين نفسج باكلات معينه كانج بسجن ابو زعبل والله والله ثم والله عمرها الخضروات والفواكه تخرب يبا لكل وحده فايدتها
وكذلك اشربي ماي بس يكون فاتر مو بارد وذكرنا الاسباب وكثري منه لان جسمج فقد سوائل وانتي ترضعين البيبي وياخذ الحليب كل الماي واذا قللتي شرب الماء راح يقل حليبج او ما ينزل منج حليب يبا لا تخافون ماراح يتجمع بالرحم صيرو عقلانين كلنا نعرف الجهاز الهضمي راح ينزل الماء طوالي من المرئ للمعده لل... وتبولينه ما راح يدخل الرحم بس احنا ما نبيه بارد لانه اذا شربتيه ونزل وهو بارد بيبرد معدتج ويصير البطن بارد والرحم ينكمش ويتجلط الدم اللي فيه وما ينزل الدم.
اذا فقد الجسم الماء صار فيه جفاف يعني شعرج راح يخرب ويتقصف وبشرتج بتولي وتخرب وتصيبج الشيخوخه مبجر تدرين ليش لان الماء من مكوناته الاكسجين والخلايا بالجسم محتاجه هالاكسجين واذا فقدته الخلية تموت واذا ماتت الخليه ما تتجدد اذا انتي فوف الثلاثين فتبدا التجاعيد... كثرو من الماي نفاس وغير نفاس عشان تطلعين من نفاسج تهبلين ووجهج وشعرج نضر وصحي مو كانج طالعه من التعذيب.
2-نامي وقعدي ومتى ما تريقتي تريقي وشربي سوائل دافيه ومتى ما تشتهين اكلي ولا تقيدين نفسج بجدول وروتين ويقعدونج هالعجايز من صباح الله خير وانتي تقومين عيونج تعورج سهرانه مع البيبي حتى ما لج نفس تاكلين لما يجيبون لج غصب اكتئاب النفاس الله يكافينا شره ترى ضروري تكون حالتج النفسيه ممتازه وقت النفاس ترى النفسيه تلعب دور بفتح الشهية والوجه والشعر والنضاره ... يبا خلو الوحده تشبع نوم وترتاح ومتى ما قعدت كلت ما هو طاير الاكل ( النوم نص العافية مثل ما قال المثل)
3- اتسبحي من يوم تطلعين من الولاده لا تقولين راح يدخلني هواء لا حبيبتي اتسبحي من دم الولاده وشعرج كله عرق من الولاده اتسبحي ونظفي نفسج واذا خايفه من الهواء حطي المجفف بالحمام وجففي شعرج وجسمج ولا تطلعين الا ناشفه ولبسي دلاغج قبل تطلعين( بس في شرط اذا بغيتي تتسبحين لازم تتسبحين وانتي واقفة بالدش ( فقط الدش) او قاعده على كرسي اذا تعبانه.بس لا تتسبحين ببانيو ليما تطلعين من النفاس عشان الماي ما يدخل الرحم
4- الحين نشوف شنو تحتاجين ادويه مهمه ( وانا ذكرتها في موضوع سابق لكن ساعيد كتابتها للافاده وبعد ذلك ساذكر برنامج الاعشاب):
1- مضاد حيوي ( اقمنتين) تاخذينه من تولدين لاسبوعين 14 يوم _ مرتين يوميا- عشان ما يشم خياطج بدل المره.
2-حبوب الحلبة ( فيتولات)-مرتين يوميا- لانها تدر الحليب وتعوضج عن الحلبة العادية وطعمها وريحتها فتاخذين فايدتها لحليبج وزيادة ادراره وعشان يقوي جسمج وعظامج.
3- حبوب( اولفين) المسكنه 100 مرتين باليوم اسبوعين-عشان ما تحسين بالمغص والالام والخياط ابد تقومين وتقعدين ولا كانج والدة
4- حبوب الفحم النباتي- 3 مرات يوميا بعد كل وجبه- عشان تلين بطنج وما يحوشج امساك وتتجمع الغازات والانتفاخات والهواء اللي يكبر كرشج اذا اهملتيه - وعشان بعد ما يتاثر خياطج.
5- حبوب (هير فيت) مره يوميا بعد ما تقطعين المضاد والمسكن عشان ما تكثرين ادوية على معدتج وهي ممتازه عشان ما يتساقط شعرج وتتطلعين من نفاسج شعرج لمعه ويهبل وكثيف وطويل بس استمري عليها بعد لمدة 3 شهور.
بالنسبة للخياط :
1- استخدمي غسول البابونج الطبي على المنطقةالحساسة كلها كل ما تدشين الحمام تكرمين لما تطلعين من نفاسج.
2- استخدمي كريم activun tube :ممتاز للخياط لمدة عشر ايام 3 مرات يوميا وبتلاحظين 4 او 5 ايام بدون مبالغة ان الجرح ما عاد يعورج. ( احسن واقوى من ميبو و افودي***ن)
( واهم شي طول عمرج طالما انتي حملتي وولدتي سوي تمارين كيجل عن الهوا والماي مو بس بالنفاس)
بالنسبه لبرنامج الاعشاب:
( الاعشاب المطلوبه فقط واثبتت فاعليتها هي :
1- الحبة السوداء المجروشه فقط لان ليس لها فائده اذا اخذت بدون جرش لانها مغلفه بغلاف من رب العالمين يحفظ فوائدها بالداخل واذا كسرت ظهرت الفائده . ويطلق عليها حبة البركه تنظف الجسم من السموم بما فيها الارحام وتنزل الدم المتجلط بالرحم ولذلك تسبب الاجهاض وتمنع اثناء الحمل وتساعد بنزول الدوره الشهريه اذا تاخرت وتزيد الطاقه وارغبه الجنسيه.
2- الدارسين:مطهر للبطن والرحم ويمنع عن الحامل ويسبب اجهاض ونزوال الدوره المتاخره ولذلك فهو ينظف الرحم تماما.
3- الزهورات (بهار الغوري): هذه الاعشاب تنظف الرحم والبطن من الهواء وتسكن المغص
4- الرشاد يعفس مع التمر مفيد جدا لان االرشاد يضيق المنطقه ويشد الرحم و ينزل كذلك الاوساخ وبقايا المشيمه والتمر غني عن التعريف لن نستطيع سرد جميع فوائده.
5- الحلبه وهي من اهم الاعشاب ولكننا استعضنا عنها بحبوب الفيتولات اكثر تركيز وانظف من حلبة الحواج وما تحط ريحه بالجسم الا اذا ما تسبحتي 3 ايام يعني ما تنفع اللي تتبع برنامج العجايز للنفاس.
الان نبدي الطريقه :
- من اول يوم للولاده الى اليوم ال20 :
كوب بهار الغوري صباحا وكوب مساء (تناولي فطورج وغداج وعشاج العادي بس حاولي تبعدين عن العيش عشان ما يكبر كرشج)
- كوب دارسين بعد الغداء ( ليش كوب واحد) لانه حار عالمعده واذا شربتبه بكثره وبفتره طويله بيسويلج قرحة معده.
- خلي عندج صحن التمر والرشاد مثل الوجبات الخفيفه يعني حاولي بعد الريوق وبعد العصر ( لا تاخذينه على الريج ديريبالج ترى ياثر على المعده.)
- الحلبه ( عباره عن حبوب فيتولات 3 مرات يوميا)
- الان من اليوم ال 20 ليوم طلعة نفاسج:
- فقط استمري على بهار الغوري والدارسين.واذا امكن لا توقفين الدارسين الا بعد 6 شهور راح تحسين ان بطنج لازق بظهرج احسن من بطنج وانتي بنت ( وهذا ضمان ضمان ضمان اذا التزمتي فيه يوميا) وفوق هذا ريحة عرقج وريحة جسمج وحتى تكرمين بولج بهالريحه ( انا اموت عالريحه ) زوجي يقول انا اعرف انج داشه الحمام شحلات ريحة الدارسين ويقولي حتى وقت الجماع اشم ريحة الدارسين .
-قبل طلعة نفاسج بخمسة ايام حطي تحميلة بيتادين مرتين يوميا لمدة خمس ايام. عشان تنظفج من الماي والوصخ.
بصراحه انا تحسفت اني ما مشيت على هالبرنامج وريحت عمري,, وسمعت كلام العجايز ونظام فيافي بس تعذيب وبالاخر ما كو فايده طلع بلاوي بس خواتي اللي التزمو في هالبرنامج ماشالله 6 عيال وسبعه وما تغيرو) وشكرااااا وادعولي
منقووووووووووووووووووووووووووووووووووووووووول

شخباركـم بنات ..؟

أمس شربت دارسين ومافي شي لحد الآن .. :)

الله يسهل عليج قطريه يارب
وتربين بالسلامه
^_^

ثانكس لكل الي ردوا علي بخصوص تحليل السكر ^ـ^ الله يعيين

قطرية اتش >> ثانكس على المعلومات


لولوة الدوحه اين انتي مختفيه لج وحشه F: