تجمع امهات وحوامل قطر لشهر شوال من عام 1432ه؛ الموافق لشهر سبتمبر من عام 2011م

هاذي الصور الي لقيتها عن المشد الاندونيسي .. مادري اذا هو نفسه الي في الراشدي او غير إإ

http://www.3roos.com/files/ups/2011/388176/01315257904.gif[/IMG]"]

هيبة ملگه ~;15526096:
Kawkawii

بآلعكككسسس آكيد مآستعملوه عدل لآزم تستعملينه يوميآ وطول آلوقت تقريبآ
آم ريلي تستخدم حق حمآتي آلبلآطه .. وآآآآآآيد نآس مدحوهآ لي .. تحطينهآ مرتين يوميآ على بطنج تسخنينهآ وتلفينهآ بفوطه وتحطينهآ تصيرين سمبتيكآ مآشآء آللّھ حمآتي آم لآربع ؤلآ لهآ كرشه إلآ فآخر بيبي تقول لآن هي آهملت عمرهآ .. وبعد حموآتهآ يستعملونهآ وبطونهم مآشآء آللّھ سيييييده .. هآي آكيد آكيد بستخدمهآ ..

بآلنسبه للقمصآن آنآ حآطه كحد أقصى 4 قمصآن مريحه آقصد وبآخذ كشخه معآهم إن شآء آللّھ

انا سمعت بسالفه البلاطه او الحصاه الي يسخنونها ذي
بس من وين يجيبونها لان يقولون مب اي حصاه او بلاطه تنفع :study:

cute noni;15526354:

عندددي استسفااااارات :)
ابي اجهز لغرفة الولاده من وحتى الى عندكم اسامي محلاات رااااااقية للتجهيز ؟؟
عطوني اسامي بليز

ياختي المفرش واي شئ للكراسي والضيافه انتي جهزيه بروحج وصي اختج او من الي تقدرين تاجلين عليه من ربعج او بنات خالتج الكلوس "تكون هبه ريح اهم شئ مب فاهيه ههههه"
ان تيجي وترتب لج مع الخدامه ... خلي امج ترتاح حق الاستقبال لا تتعبينها احسن واهي يمكن كانت مسكينه واقفه عندج لين ما تربين فخل ترتاح

بيبقى بس الورد .. اهو الي ممكن تسوينه في محل .. شوفي محلات الورد الي انتي عارفتها وضامنه شغلهم احسن ... لا تروحين المناسبات "الخاص بتجهيز الولادات" لان غالي ويرويج الافكار نفسها نفسها الي عنده ولو قلتي تبين شئ يقول ما نقدر .. يعني لازم تستخدمين شئ اول ردي عندهم .. وبيدفعج فيه كم الف للاسف كانه مسويه خصيصا لج !! اما الورد فانا عن تجربه وحده بس .. تاخروا عن موعد التسليم 4 او 5 ساعات تقريبا !! كنت مبتكره الورد بنفسي وراسمته لهم ما سوا نفس طلبي بالضبط .. بس تقريبا 60% نفسه .. وتعذروا في التاخير ان الورد خذ وقت >_>" مع انه مجرد صف <هلي السالفه للعلم من سنه ونص تقريبا !! مادري عنهم الحين .. اسعارهم كانت فوق الـ 4000 بالراحه .. فاحس ما يستاهل .. الافضل في محل ورد ثقه

cute noni;15526999:
هاذي الصور الي لقيتها عن المشد الاندونيسي .. مادري اذا هو نفسه الي في الراشدي او غير إإ

http://www.3roos.com/files/ups/2011/388176/01315257904.gif[/IMG]"]

هاي صورته الي اشوفه عند التاجرات
وينباع في الفنه في سوق واقف
شفته مره في الليل لما ينزلون يبسطون برى عند مصلى النسوان

كاكاوي

ايه حبيبتي اقصد تنسيق الورد هههه اما الباقي مايقصرون خواتي

انا سمعت عن كازا فلورا انه حلوو بس ماجربته ><"

وبالنسبه للمشد انا متردده استخدمه ولا لا >>> في حد جربه ؟

الورد بعد في محل تنسيقاته ملمومه وحلوه مب نافشه نفس الغردينيا .. انا اذا اطرش رد لحد اسوي عندهم حاليا
محلهم في سوق العلي .. جنب الشراع للخدم .. اخر شئ في سوق العلي !! نسيت شسمه الصراحه <خبركم مع الحمال صرت ام سلوم >_<"

مرحبــا ..


صآمدووووووووووووووووون :(


كاكاوي
تقصدين الوافي ..!
وروده وايد حلوه واسعاره حلوه ..


وبنات بخصوص المشد الاندونيسي مايلعوز !! كله يتبطل واحسه مايشد !!
انا لحد الان افكر بالغتره والبلاطه ..:)


دعواتكــم ..

ترهل البطن بعد الولاده السبب والحل ,,











- المشكلة ليست خاصة بالنساء فهي تحدث للرجال عند الزيادة الكبيرة في وزن البطن فتسحب الجاذبية الأرضية البطن للأسفل مسببة انفصال العضلات وتدلي البطن.
- للنساء نصيحة: إذا كنتي في النفاس أو توك طالعة لا تسوين فيها مهتمة و بطنك بيطلع رهيب و تقعدين تتمرنين تمارين البطن حقت" السيت أب" (النوم على الأرض واضعة كفيك تحت الرأس و تثبيت الرجلين ثم محاولة الجلوس و الرجلين ممدودة أو مثنية و مثبتة على الأرض)هذا خطأ فــــــــــــــــــــــــادح فأنت بهذا تشدين عضلتين متباعدتين و تثبتينهما في مكانهما و بذلك تشوهين شكل بطنك و تتعبين بدون أي فائدة.
التشخيص: لا أظن أن الشخص العادي مؤهل لتشخيص الحالة و لكن بشكل عام اختبار الانفصال يتم عن طريق شد العضلات ثم قياس البعد بين العضلات بالأصابع في المنطقة ما فوق السرة مباشرة.

صبااااااح الخيييير

شخباااركم؟؟

كل عااام وانتوو بخييير ولوو انها متأخره اسمحووولي ماعندي وقت للنت في البيت

cute noni
بالنسبه للجهاز اول كتبته عقب قلت باعقمهم بالماي المغلي على الفرن فشطبته
واتوقع هذا هو المشد الاندونسي امبلى هو لونه كان اسود وفيه خط مادري خطيين رصاصي :)
بالنسبه للمشد بنت خالي كانت تستخدمه ووحده من ربعي استخدمته بس لازم حد يربطه لج مب انتي تربطينه لان لازم تضغط على كرشتج الجميله اللي تبينها تروح بس في بعضهم ماايضغط عليهم عدل فعلشان جيه لازم حد يساعدج :thumbs_up:
وبالنسبه لكازا فلورا انا جربته باقه حق عرسي شغلهم حلو اما باقات والله مااعرف روحي لهم طيب وشوفي


kawkawii
أنا ماعمري شفتها بس وايد حماتي وعيوزي يتكلمون عنها
إن شاء الله اول ماشوف امي بسألها وبرد عليج من وين انا حتى ماشفتها بس هي قالت لي باجيبها لج فالانفاس :thumbs_up:بشوفها وبقولج شنهي هي بالضبط


قطريه_H
اييييه عليييييكم الله يهون عليكم يارب
صج في بعضهم مايضغط عليهم .. شنهي الغتره ؟؟؟؟؟

اول مره اقرا هالمعلومات مشكوره عليهم فديت روحج والله يسهل عليج F:


دعاء
اللهم ان كنت كتبت جنيني من الطالحين ، فأكتبه من الصالحين
اللهم ان كنت كتبته من الاشقياء ، فأكتبه من السعداء
اللهم ان كنت كتبت له الرزق القصير ، فأكتب له الرزق الطويل
اللهم ان كنت كتبت له العمر القصير في العمل الصالح ، فاكتب له العمر الطويل في العمل الصالح

هيبة ملگه ~;15524977:


earth angel
مساء النور حبيبتي ..
بالنسبه للغثيان .. انا وصفلي عدنان حبوب بس افضل انج ماتستعمليين اي نوع من الحبوب فبداية حملج مب زين :).. فأحسن ششي انج تآخذين بسكوت مالح حطيه عند راسج لين جاتج اللوعه اكلليه وايد يخفف اللوعه والغثيان
لازم ترتاحين اانتي في بداية حملج حاولي كله تنسدحين على قولة امهاتنا الحامل لها 7 سدحات يعني تنسدحين 7 مرات فاليوم .. اخذي لولدج شي يلهيه يعني سي دي رسوم متحركه اي شي دفتر تلوين هو يرسم وانتي منسدحه احذاه لين يثبت حملج ياقلبي بخصوص العنايه وهو مريض لا تحسسينه بالنقص لكن لا تضغطين على روحج بعد :thumbs_up:

F: ~

هيبة ملكه

يامرحبا بج انا اخبرج في تجهيزات عروس ماشاء الله اذا ماخاب ظني
الله ينقله لتمامه يارب :)

وبخصوص الغتره
الغتره الحمرا بوقي حقت ريلج او اخوج هههههه
وربطي فيها بطنج من تحت تبتدين طبعآ .. هاي وحده علمتني عليها سمبتيكا ماشاء الله عليها ..

قطريه

حيا الله خويتي خخخ .. مشكوره ع النقل

هيبه ملكه

المشد الاندونيسي يلعوووووز خاصه لو بتروحون للحماام عزكم الله _ انا جربته ف نفاسي القبلي ملللني وكانت تربطه لي المساده عقب ماتمسدني بس عقب هوونت عنه خليته يولي وتميت اربط بالشمااغ ..


نور الحلوه

اهلا اهلا ام حماااني

ايررث

انا كنت اخذ حبوب اللوعه اول 3 شهور لان ولا شي فاادني لا بسكوت ولا غيره :( والحمدالله عدت الفتره على خير

قطورر

انا كنت اربط من تحت لين فوق .. ووحده قالت غلط لازم تربطين من نص البطن والي قالت لي هالمعلومه سوريه وماشاءالله ما كانها ام عيال ..

earth angel
نفسي انا من قبل لا احمل ماحب الحبوب ابد لكن عقب ماحملتت عطوني فيتامينات وحديد
فقلت لازم اهوس على نفسي شوي علشان البيبي مب علشاني
زيييين عدلتي رقادج هههههههههه صح النوم
الله يشفيه يارب ويعينج وويعين ابوه تربونه تربيه صالحه ..
طبعا اكيد في اشيا هو يحبها يعني متابعة رسوم متحركه اي شي ..!؟؟

قطريه_H
أقووووول ياربي وين شايفه النك نيم :$ هههههههه استحيت اقول واتفشل
هههههههههههههههه
يعني نفس المششد بس الفرق ان هاي اقصر وانتيي تقدرين تربطينه بروحج ..
بس انا فخوذي احس كبرت عن قبل ماعرف شاسوي :(

المهره
ويييييه عاد مب شي جيه تكونين انتي في حاله تبين الحمام عزكم الله وايد
ومب حلو جيه تتبهدلين
الله يعين سالف الشماغ اللحين دخلت بالي ههههههههههههه

دعاء :

اللهم أعني وأعن والده بتربية ابننا التربية الصالحه
اللهم اني استودعك هذا الجنين فحسن أخلاقه وخلقه يارب العالمين

مهره

نتبادل بالتواريخ !!

خفت والله ههههههههههههه


هيبه
حياج الله حبيبتي بينا ..
ربطي غترتين ويا بعض .. احسن حل ..
وانا نفس مهره استخدمت المشد الاندونيسي ف حملتي الاولى كلش ماينفع

هيبه ملكه

بالضبط يعني اقعدي فججججي وقت الحمااام عزكم الله .. خخخخ

قطور

يعني فرقت تاريخي عن تاريخج هههههههه

الله يهون عليكم يارب ةييسر لكم ان شاء الله

قطريه_H
الله يحييج حبيبة قلبي ..
دامكم جربتوا ولا نفع عيل مب متعبه نفسي واشتري لي مشد اندونيسي ..
أنتوا تآخذون غتر حمرا وإلآ بيضا ؟؟ أحس بيضا احسن لان ماتبين لو لبست قميص ولاده صح !

المهره
ههههههههههههههههههههههههههههه اييييييييييييييييييه عاد انتي مالج بااااارض تفجين المشد وتدخلين الحمام وانتوا بكرامه

earth angel
ايييه الفوليك وايد زيييين انا يوميا الحمدلله من حمللت وانا اخذه هو والحديد ارتفع الدم عندي بسرعه
بنت عمي فيها نقص اكسجين من الولاده ..!
هذا يصير من وشو ؟؟؟؟ يعني تعسر فالولاده ؟؟ وإلا إيش ؟؟
وبنت عمي هي المفروض الحين في الروضه بس طبعاً لان حاله خاصه بس ماشاء الله شاريين لها ايباد وكل شي يسليها بس ماتمشي يعني تندمج فالتلفزيون .. تضحك تصفق نغني لها ترقص الله يخليها لهم ..

دعاء :
اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...