شات منتظرات الحمل وامهات المستقبل القريب باذن الله(بنات مصر)لشهر شوال/سبتمبر

لحظةحب;15533536:
يا بنات مانيا بتوصيكي تدعوا لابوها لانه بالعنايه المركزه وادعوا لمامتها ربنا يعافيهم من كل سوء

ربنا يشفي باباها ويفك كربهم يارب , ويخفف الالم عن مامتها
يارب

ربنا يشفى بباكى يا مانيا يارب ويعافيه ان شاء الله

@ green apple @;15533035:
صباح الخير يا ولاد
اصلى لسة صاحية

ودعه انتى قدرتي ازاى تصحى بدرى كدا

دانا صاحية الساعة 2

آه والله صحيت الساعة 10 مصحصحة علي غير العادة حتي جوزي استغرب قال يابنتي انتي مش نايمة الصبح؟؟؟؟؟؟
عادي:cool:

لحظةحب;15533536:
يا بنات مانيا بتوصيكي تدعوا لابوها لانه بالعنايه المركزه وادعوا لمامتها ربنا يعافيهم من كل سوء

ربنا يشفيهم ويرجعلهم لاولادهم بالسلامة

دارينيتا;15531674:
والله يابنتي انا تقريبا جتتي نحست من كتر الموافف دي


ياهههههههههههههه ياقلبك القاسي ولسه فاكره اللقب ده انا قلت نسيتوه خلاص انا الحمد لله تمام وانتي عامله ايه ياقمر
هه هو انا اقدر انسى اللقب بتاعك يييييييييييييييياه افتكرت الايام الماضية اول مروة اتعرفنا عليكي وكنا كلنا مجمعين كدا كانت احلى ايام:adore:

الله يسلمك ياحبيبتي وبعمل كده والله بس كله بامر الله وان شاء الله فتره وتعدي

mooney608;15532439:
السلام عليكم و رحمة الله و بركاته

ازيكو يا بناتيت يا رب تكونو بخير يا رب

عيوش بمناسبة الخطوبة الطويله بصى هى بصراحة أحلى أيام هى أيام الخطوبة دلع و خروج و حب عذري :) و مفيش مسئوليه أوى فكرتينى من كام يوم كنت انا و جوزى ماشيين و بنعدى الشارع فمسكت فى إيده و اول ما عدينا ساب إيدى قلتله الله يرحم لما كنت بتلكك علشان تمسك إيدى و تلزق دلوقتى ما صدقت عدينا بتسيب إيدى كأنها شبهه كان هيموت من الضحك و مسك إيدى و قالى ليه بس هو انا اطول
انتى استمتعى بكل لحظة حلوة و عيشى كل لحظة حب و ربنا يفرح قلبك يا رب و يجمع بينكو على خير عاجلا غير أجل
امين يا رب.ربنا مايحرمني من دعواتك الحلوةF:
دارين يا بنتى ما تروحى لدكتور تشوفى سنانك دى الموضوع دة من زمان بتقولى عليه متسكتيش على نفسك دة وجع السناد دة ربنا ما يوريه لحد

سارة و ودعة المواقف اللى بتحصل دى عادى جدا و ياما الواحد شاف و هيشوف انا بابا الله يرحمه كان دايما يقولنا أصحابك هم أخواتك و بس الأصحاب دول مبقوش موجودين خلاص خالتى و خالتك و اتفرقوا الخالات و الله الكلمة دى كل ما يحصل موقف كدة اقتكر بابا الله يرحمك يا بويا

ريري ربنا يوفقك فى الخطوات بس المهم حاولى تحافظى جدا على مواعيد الدوا حتى اعملى alarm على الموبايل و اكتبى فيه اسامى الأدوية علشان متتلخبطيش انا كنت بعمل كدة و حاولى فعلا الدوية متكنش كلها فى وقت واحد و معلش فترة و هتعدى على خير إن شاء الله

د\امونة;15533637:
هههههههههههههههههه عسل مامتك يالولي :lol::lol::lol:



فكرتيني بفوزية في مسرحية سك على بناتك بس انتي عايزاه بمسك ايدك ههههههههههههههههههههههههه:lol::lol:

بس والله يا موني مش كل الخطوبات حلوة , انا خطوبتي كانت زي الزفت لاخروج ولا فسح ولا حتى مكالمات لوش الفجر والزيارة مرة في الشهر زي المساجين و كان عندي حرمان عاطفي هههههههههههههههه
:lol::lol:حلوة زي المجانين دي:lol::lol:
لكن الجواز هو الجنة والله , حاجة تانية خالص ,عشان كده تلاقيني دايما في كل صلاة ادعي لبنات المسلمين يدوقو نعمة الجواز لانها بجد من اعظم نعم ربنا علينا
متنسنييييييييييييييييش في دعائك انا وخطيبو:oربنا يرزقك اخواتك ازواج صالحين يا رب


وعندك كيلو لبن وصلحه ههههههههههههه:D

ربنا يعنك ويوفقك في الشغل يا شوشو و ويقدرك على صحيان الصبح

بس هو انتي هتشتغلي ايه ؟ وشغلك بعيد عن البيت ؟



ازيك يا لواحظ

هو انتي كنتي مجمدة كام جنين ؟ والدكتور مقالش ايه سبب ان الحمل اللي فات يسقط رغم انه المفروض عامل احتياطاته؟

ربنا يرجعك مجبورة الخاطر من عند الدكتور




ربنا يشفي باباها ويفك كربهم يارب , ويخفف الالم عن مامتها لانها اكيد بتتالم من الكسر وبتتالم بسبب وجود جوزها في العناية المركزة :(

لحظةحب;15533297:
يا عيال تعبت من كتر القرايه ولما خلصت نسيت انا عايزه ارد علي مين

ساره وودعه ودارين يا رغاين طيب كلكسه الواحد يدخل يرغي معاكم شويه

امونه فجر
انا الحمد لله كويسه المغض بيروح ويجي والنهارده ميعادي عند الدكتور وهشوف امتي ممكن ارجع الاجنه
ربنا يرجعك من عند الدكتور مجبورة الخاطر يا رب
ريري
حمد الله علي سلامتك وخاولي تحافظي علي موتعيد الادويه لانها كتير وفيه ادويه مينفعش تتاخد مع ادويه تانيهويارب نفرح بيكي

شوشو
مبرررروك الشغل ربنا يكملك علي خيرر واناي اخبار التتشيط معاكي ايه

ميوي
اخبار الحمل معاكي ايه يا كتكرته وبتروحي الشغل

ماجده
وحشاني ارتاحي وخلي بالك من صحتك
كل البنات وحشتوني عاملين ايه

L O L Y;15530635:
السلام عليكم ورحمة الله وبركاتة ودعة وريرى عاملين اية والله ياريرى انتى كنت فى بالى النهاردة وعمال اقول عملت اية فى تحاليل جوزها والعملية ربنا معاكى يااااااااااااارب

الحمدلله يالولي بدء خطوات الحقن المجهري
وعملت يوم الاتنين اللي فاتت منظار رحمي ويوم الخميس اللي جي هاروح اعمل تحليل وسونار
ادعيلي ومستنية البريود تيجي عشان هبدء تنشيط ان شاء الله

د\امونة;15530862:



ريري هو المنظار ده اللي هو الحقن و ولا عمليه سحب البويضات ؟

ربنا يسهل عليكي كل صعب يا ريري ويرزقك يارب بالذرية الصالحة

بالنسبة لحكاية الدوا مش قادرة افيدك , بس حافظي على مواعيد الدوا من هنا ورايح

لا ياامونة الالمنظار ده الخطوة اللي قبل السحب البويضات والتنشيط عشان يطمنوا علي الرحم من جوة وكده
ادعيلي ياامونة بقي

لحظةحب;15533297:

ريري
حمد الله علي سلامتك وخاولي تحافظي علي موتعيد الادويه لانها كتير وفيه ادويه مينفعش تتاخد مع ادويه تانيهويارب نفرح بيكي

ياسمين ازيك عاملة ايه الادوية اتلغبط فيها بس الحمدلله ماشية مطبوط دلوقتي
بس كنت عايزة اعرف
حقن لوكرين دي ليه
وفي برشام تاني كده اسمه ديكسازون قالتي مطبتلوش حتي في الحمل بتاع ايه ده برضوا

وانتي عاملتي ايه في موضوع الدم اللي بينزل عليكي؟

لحظةحب;15533536:
يا بنات مانيا بتوصيكي تدعوا لابوها لانه بالعنايه المركزه وادعوا لمامتها ربنا يعافيهم من كل سوء

ربنا يشفلها بابا يارب ومامتها

ازيكو يابنات

انا مش عارفه والله من امبارح البرد زايد معايا اوي للأسف ومغص واسهال والعطسه من دول بتطلع من بطني بحس انها بتشد بطني اوووووي والرشح واييه متظبطه انا ع الاخر

عيوش ,,,,,,,,,,, ربنا يجمعك انتي وخطيبك يارب على خير , بجد متسمعيش اي كلام وحش عن الجواز ,الجواز ده نعمة واستقرار , بس المهم يكون مع الزوج الصالح , وربنا يجعل خطيبك من الصالحين يارب


ريري.......... انا قلت برده البت عملت العملية من ورانا ولا ايه :)

ربنا يسهل عليكي اللي جاي , بس امتى هتبداي التنشيط؟


هبه ...........الف سلامة عليكي , بيقولو برد الصيف احد من السيف
ارتاحي يا هبة واهم حاجة تاكلي كويس لان بجد لما الواحد بياكل كويس وهو عنده برد بيخف بسرعة ودي عن تجربة , اديها فراخ وشوربة يا بنتي عشان تخفي بسرعة :)

ومتنسيش كل يوم الصبح تاخدي معلقة عسل ابيض على الريق , او لو بتحبي العسل الاسود فوايده فظيييييييييييييعة بجد وهيخلي مناعتك احسن والبرد يروح بسرعة

ياسمين
ان شاء الله خير و نتطمن عليكى بس انت مش تسالى الدكتور عن سبب اللى حصل ده ايه و ليه حصل عشان لو فى حاجة ممكن تتعمل تعملوها
انا حاليا مش بنزل الشغل بس انا شغلى اصلا مش بنزله كل يوم لانى زى ما تقولى بشتغل بارت تايم فمش لازم انزل كل يوم
بس انا عندى حالة هسهس عالية شوية اليومين دول ربنا يسترها ان شاء الله


ريهام
ان شاء الله خير و الحقن ينجح من اول مرة

د.ودعه;15532625:
ياريت ياشوشو
كانت السهرة تحلي
بس اديكي خلاص يابطة حتبقي مش فاضية للعاواطلية اللي زينا
ربنا يعينك ان شاء الله وتنبسطي في الشغل
كفاية انه حينظملك يومك وميكونش فاضل وقت للزهق

ليه بس كده انا مدرش استغني عنكم والله هكبس علي نفسكم برضه كل يووم

هههههههههههه

لحظةحب;15533536:
يا بنات مانيا بتوصيكي تدعوا لابوها لانه بالعنايه المركزه وادعوا لمامتها ربنا يعافيهم من كل سوء

ربنا يشفيهم يارب ويعافيهم

اااااااااامين

ياسمين

ربنا يرزقك قريب يارب وترجيع اجنه يكون تمام يارب


امونه

الشغل ياستي سكرتيرة تنفيذيه في مدرسه خاصه والحمدلله مش بعيد اوي من البيت يعني تاكسي 10 دقايق كده وربنا يسهل

شوشو عيوش
عاملين ايه؟

ازيك يا ودعه عامله ايه

shoshet*himo;15534196:
ازيك يا ودعه عامله ايه

كويسة ياشوشو
النهاردة بالذات كويسة الحمد لله:D
من يوم العيد والواحد متنشن خالص
ربنا يهون علينا غربتنا يارب

الحمد لله يا شوشو انا كويسة

فى حد هنا

اللووووووووووووووووز

صباح الفل

صباح العسل على عيونك يا جيمل

ازيك يا ياسمين عاملة اية يا حبيبتى

طمنيني عليكي عملتى اية ؟

ريري
كنتي بتسالي علي حقن اللوكرين ديه حقن التثبيط هتقضلي تاخديها لغاية قبل السحب وديه بتعمل تثبيط للمبيض..والزكسازون ده كرتيزون كويسه علشان لو فيه اجسام مضاده ةربنا يكملك علي خير يارب..الدكتور طمنك بعد المنظار
اما بقا بما انك مش متابعه الاخبار الاخيره الدم الحمد لله وقف لاني عملت تنظيف الكيس طلع مفيهوش جنين والحمد لله علي كل حال

انا الحمد لله يا ساره تمام روحت للدكتور النهارده اطمن علي ان الرحم تمام واتفقنا اني هنزل مصر اجازه ولما ارجع اروحله نحدد ميعاد التريجيع للاجنه المجمده