شات منتظرات الحمل وامهات المستقبل القريب باذن الله(بنات مصر)لشهر شوال/سبتمبر

انا جيت تانى

ازيك يالولي
فكرتك نمتي

لا انا روحت دخلت مع جوزى بس قومت تانى الست سما احتكرت التليفزيون بتتفرج علية ياحلولى

انتوا لسة سهراتين ياحليلة السهر ايحلو

L O L Y;15531688:
لا انا روحت دخلت مع جوزى بس قومت تانى الست سما احتكرت التليفزيون بتتفرج علية ياحلولى

وهي ايه اللي مصحيها دلوقتي
كده مش كويس ليكي

L O L Y;15531691:
انتوا لسة سهراتين ياحليلة السهر ايحلو

سارة وعيوش لسة قايمين
انا جوزي فاضله 5 دقايق ويصحي يروح الشغل
فحقوم انا كمان
واشوفك بكرة
وربنا يعينك علي سما وصهللتها دي:)

د.ودعه;15531680:
الف سلامة عليكي ياجميل
تعرفي انا حاساكي ازاي؟
حاسة انك كنتي واخدة الدنيا بالحضن وضارباها صرمة ومرة واحدة اتصدمتي بحاجات وحشة
عشان كده نفسيتك تعبانة بزيادة
قاومي الاحساس ده واشغلي نفسك عنه حتلاقي كل الاوجاع اللي ظهرت دي اختفت ان شاء الله
ربنا يصلح لك الحال يارب

هو ده تقريبا جزء من اللي الواقع بس الموضوع اني من النوع اللي بيتاثر بالحسد مع اني مكنتش عمري بركز في الحكايه دي اوي ولاحاجه بس من يوم مااتجوزت وانا بقيت تقريبا محط انظار كوكب الارض ههههههههههههههههههههههه ال يعني البت مهمه يعني وانا والله بالعكس الدنيا كانت مدياني كام كتف محترمين بس في الاول والاخر الحمد لله

د.ودعه;15531681:
احلي حاجة في المصريين بيشربو الشاي عشان ينامو
ولا علم ولا ابحاااااااااااااث
قال منبهات قال
:lol::lol::lol::lol:

علي فكره انا لما مش بعرف انام بشرب كوبايه قهوه هههههههههههههههههههههههههههه

L O L Y;15531684:
انا جيت تانى

ياويكم باك ياقمر

د.ودعه;15531693:
وهي ايه اللي مصحيها دلوقتي
كده مش كويس ليكي

لا اتعودتي ياقمر الاطفال ملهمش اي علاقه بقصه النوم بمواعيد دي ياقمر اتبرمجي علي كده عشان مش تتفاجيء

السلام عليكم و رحمة الله و بركاته

ازيكو يا بناتيت يا رب تكونو بخير يا رب

عيوش بمناسبة الخطوبة الطويله بصى هى بصراحة أحلى أيام هى أيام الخطوبة دلع و خروج و حب عذري :) و مفيش مسئوليه أوى فكرتينى من كام يوم كنت انا و جوزى ماشيين و بنعدى الشارع فمسكت فى إيده و اول ما عدينا ساب إيدى قلتله الله يرحم لما كنت بتلكك علشان تمسك إيدى و تلزق دلوقتى ما صدقت عدينا بتسيب إيدى كأنها شبهه كان هيموت من الضحك و مسك إيدى و قالى ليه بس هو انا اطول
انتى استمتعى بكل لحظة حلوة و عيشى كل لحظة حب و ربنا يفرح قلبك يا رب و يجمع بينكو على خير عاجلا غير أجل

دارين يا بنتى ما تروحى لدكتور تشوفى سنانك دى الموضوع دة من زمان بتقولى عليه متسكتيش على نفسك دة وجع السناد دة ربنا ما يوريه لحد

سارة و ودعة المواقف اللى بتحصل دى عادى جدا و ياما الواحد شاف و هيشوف انا بابا الله يرحمه كان دايما يقولنا أصحابك هم أخواتك و بس الأصحاب دول مبقوش موجودين خلاص خالتى و خالتك و اتفرقوا الخالات و الله الكلمة دى كل ما يحصل موقف كدة اقتكر بابا الله يرحمك يا بويا

ريري ربنا يوفقك فى الخطوات بس المهم حاولى تحافظى جدا على مواعيد الدوا حتى اعملى alarm على الموبايل و اكتبى فيه اسامى الأدوية علشان متتلخبطيش انا كنت بعمل كدة و حاولى فعلا الدوية متكنش كلها فى وقت واحد و معلش فترة و هتعدى على خير إن شاء الله

يا ولاد الذين


ايه الررررررررررغي ده


بس كويس انكم بقيتوا بترغوا بدل الصحرا الليكنا فيها دي طيب حد يصفرلي كنت جيت جري والله وحكيت انا كمان قصه حياتي هههههههههههههه ودعه والله انا لو حكيت لكم بالتفصيل اللي حصلي بخصوص الحمل وكمان ايه دول 5 سنين مش 3 يعني المصيبه اكبر واطول بس الحمدلله والله ما عايزة افتكر البلاوي اللي حصلتلي هنا وفي مصر ودوخه الدكاتره الحمدلله علي كل حال ربنا يكرمني انا وكل محرومه يارررررررب


انا الحمدلله هستلم الشغل من يوم الاحد ادعولي بقا يا بنات والحمدلله جمعه وسبت اجازة والشغل من 7 ل 3 هصحي بدررررررري ابيع لبن الاول ربنا يقويني واتعود بسرعه

shoshet*himo;15532575:
يا ولاد الذين


ايه الررررررررررغي ده


بس كويس انكم بقيتوا بترغوا بدل الصحرا الليكنا فيها دي طيب حد يصفرلي كنت جيت جري والله وحكيت انا كمان قصه حياتي هههههههههههههه ودعه والله انا لو حكيت لكم بالتفصيل اللي حصلي بخصوص الحمل وكمان ايه دول 5 سنين مش 3 يعني المصيبه اكبر واطول بس الحمدلله والله ما عايزة افتكر البلاوي اللي حصلتلي هنا وفي مصر ودوخه الدكاتره الحمدلله علي كل حال ربنا يكرمني انا وكل محرومه يارررررررب


انا الحمدلله هستلم الشغل من يوم الاحد ادعولي بقا يا بنات والحمدلله جمعه وسبت اجازة والشغل من 7 ل 3 هصحي بدررررررري ابيع لبن الاول ربنا يقويني واتعود بسرعه

ياريت ياشوشو
كانت السهرة تحلي
بس اديكي خلاص يابطة حتبقي مش فاضية للعاواطلية اللي زينا
ربنا يعينك ان شاء الله وتنبسطي في الشغل
كفاية انه حينظملك يومك وميكونش فاضل وقت للزهق

ايه كل الرغى دع يا عيال طب كان حد ينادى عليها :lol:
ربنا معاكى فى الشغل يا شوشو عاوزينك ترفعى راسنا

ودعة
المواقف اللى بتحصل من الناس دى الواحد ممكن يألف بيها كتاب ده الواحد شاف العجب و من ناس مش يتوقع منهم كده خاااالص عارفة انا بحس انهم بيتقسموا 3 انواع
نوع بيخاف و يبعد و يقطع علاقته بيكى تماما خوفا من انك بقى هتحسديهم و تحسدى ولادهم و تديهم العين المحترمة على ايه معرفش
نوع تانى بقى بتقلب معاهم بمنظرة و كان لما جابت حتة عيل جابت الديب من ديله يعنى و انها عمل حاجة خارقة للعادة و يبقى محور كلامها المعجزة العظيمة اللى عملتها على فكرة ممكن النوع الاولانى بعد ما يولد يتحول للتانى ده كانك خلاص مش هتعرفى تحسديها يعنى
النوع التالت بقى مبيقولش ولا كلمة فى وشك بس بعد ما تمشى من ادامه هاتك يا مصمصة شفايف و يا عينى و يا حرام و الجو ده و ده برضه مع اللى ما اتخطبتش و اللى ما اتجوزتش و هكذا انا اعرف واحدة بتجمع بين ال3 ما شاء الله قدرة خارقة يعنى

هههههههههههههههه
حلوة القدرة الخارقة دي يا مي
والله انا ساعات بقول ان ده طبيعي وان حساسيتنا السبب بس لحد دلوقتي الموضوع بيتعبني وبيخليني مش طايقة الناس وعلي فكرة مش حكاية ان حملي اتاخر بس
مرة كنت بتكلم مع صاحبة وبعدين بتشكيلي من صاحبة لينا مش متجوزة وانها لما شافتها مع جوزها عملت مش شايافهم وهيا لليه مازمة الموضوع وهما اللي اتجوزو خدو ايه؟؟؟
لقيتني انفجرت فيه كاني انا اللي مش متجوزة ومبقتش عارفة تسكتني
قلتلها ماهو كلام اللي زيك اللي بيخليها تبعد
والله لو حد لمس جوزك ولا انشغل عنك بس لا تكرهي عيشتك والدنيا والناس وهيا مش ناقصها حاجة غير انه نصيب وابتلاء
مش بشطارة اللي اتجوزو
وجوزو دخل لقاني عمالة ازعق واتشال واتحط معاها عالنت زعقلي
:lol::lol::lol::lol:
عادي شكل الواحد اتهبل

لاء طبعا يا ودعة ده لا يمكن يكون طبيعى اما واحدة تحمل فتقرر انها تقطع علاقتها بالناس لانها متخيلة ان الناس قاعدة مترصدالها و مش وراها حاجة فى الدنيا غيرها و بعدين ده حاجة بايد ربنا و هى ملهاش فيها اى دخل او لو واحدة مصرة انها تضايقك و هى مدركة تماما ان كلامها ده يضايق
يا شيخة دى عالم هم ربنا يبعدهم عننا

د.ودعه;15531346:
لولي
علي فكرة القرع دول يببقي شعرهم حلو وتقيل لما يكبروا
فتفائلي خير ان شاء الله

@ green apple @;15531471:
انا فعلا يا ودعه شكة يكون عندى تكيسات مع ان الدورة بتنزل فى ميعادها باليوم بس جايز

ياااااااااااااااه على التكيسات دى مقرفه بس الدكاتره قالوا انها ممكن تيجى فى شهر وشهر تانى تلاقيها مش موجوده وده حصل معايا

عموما انا مقللة اكلى لان طبعا طول رمضان لا فى رجيم ولا حاجة

انا بجد مش عارفة ازاى اصلا الدكترة بتوع الخليج دول عموما كترة اصلا

بحسهم مش فاهمين اى حاجة بجد

حتى يا عيني تلاقى المريضات الخليجيات محتاسين مش لاقين اى حاجة يعرفوها ولا يقتنعو بيها

وازاى مش بيفهمو فى السونار

عندك حق يا ساره بصراحه من خلال تجربتى لقيت ان الدكاتره الكويسين هنا العراقيين انا الدكتوره اللى متابعه معاها ودايما بروحلها عراقيه ...........كمان عندك الباكستان كمان ماشاء الله عليهم بردوا غير كده مش بخاطر اروح عند حد تانى

دانا دلوقتى بقيت بفهم فى السونار وفى تحاليل الهرمونات ولما كنت حامل لو الدكتورة لسة مش جت اودة السونار كنت بعمل سونار لنفسى

هههههههههههههههه اة والله

وبفهم فى تحاليل جوزي

وانا مشخصة انى دلوقتى فى مرحلة متقدمة شوية من مراحل التكيس

والتحاليل هتثبت دا بالرغم من ان دورتى منتظمة

بجد الله يكون فى عونالناس المريضة الل ىفى الخليج ومفيش امكانيات انهم يسافرو اى بلد تانى علشان يكشفو

@ green apple @;15531562:
ان شاء الله بكرة اول يوم صيام ليا فى الستة البيض

ربنا يسهل بقى اهو يساعد على التخسيس مع السيدوفاج

تقبل الله

ولسة عايزة اجيب نتيجة التحاليل من المعمل علشان اروح للدكتور بيها على اليوم الـ 14 للدورة كدا يعملى سونار واشوف اية النظام

د.ودعه;15531585:
ان شاء الله تتطمني ياسارة
وربنا يسمع منك يارب
الغربة اصلا بتصعب كل حاجة


اسكتي بجملة الرغي بقي انا ماسورة واتفتحت
هههههههههه:lol::lol::lol::lol::lol::lol::lol:

احكيلك علي الموقف اللي نكد عليا يوم الوقفة

واحدة صاحبتي هنا في السعودية في بلد تانية ديما بتكلمني ونطمن علي بعض ونعرف بعض اننا نازلين مصر وجينا وكده
كلمتها وانا نازلة ولما رجعت
وبعدها لا بقت تتصل ولا ترد علي رسايل ولا حاجة
قلت علي رمضان اكلمها
ردت عليا
فينك يابنتي معتش عاوزة تعرفيني ولا ايه؟
قالت لا
اصلي كنت في مصر ولية جاية في رمضان
طب ما قلتيش انك نازلة يعني
قالت ما انا كنت نازلة اولد وربنا عطاني محمد
مبروك وحمد الله علي السلامة ويعاملة ايه و

بس استني استني
اوعي تكوني مكنتيش بتكلميني عشان خايفة اعرف انك حامل وولدتي


اتلجلجت وتنحت وقالتلي اه وايه
بصراحة اه
انا معرفتش افكر غير كده حتي جوزي زعقلي هو يعرفنا انا وجوزي شخصيا
المهم حوار غتت وقفلت وانا بضحك وبهزر وقلتلها اني حامل
بس بعد ما قفلت اتغميت غمممممممممم
حسيت اني كارهو الناس كلها
يعني كده خلاص الناس حيقاطعونا ولا ايه النظام
سبحان الله

@ green apple @;15531602:
دا العادي يا ودعه

طيب اقولك انا بقى على اللى انقح من دا

واحدة صاحبتى هى اللى معرفانى على جوزى اصلا

وحبيبتى وكل حجاة ولعلمك انا وجوزى نعرف بعض من سنة 2000 وهى اللى معرفانا على بعض اصلا

وحبيبتنا احنا الاتنين وخناقتنا وحواراتنا وكل حجاة كل حجاة معاها

المهم هى اكبر منى ومنة واتجوزت قبلنا وفى حملها الاولانى عادي قالتلى ومفيشاى مشكلة كنت لسة مش اتجوزت انا

فى حملها التانى بقى كنت انا اتجوزت ومحملتش وكنت بردو بكلمها عادي وصحبتي وحبيبتى وكدا بقى عشرة عمر بقى

وفى يوم من الايامبكلمها لقيتها بتقولى دانا تعبانة والحمل تاعبنى هو انا مش قولتلك انى حامل فقولتلها لا مش قولتى مع انى يعتبر مش بيعدي اسبوع من غير ما اكلمها وهى تكلمني

وبتقولى اصلى مكنتش اعرف انى حامل اصلى هولد الشهر اللى جاي

انا سمعت الكلمتين دول واتصدمت يعنى بقدرة قادر لقيتي نفسك فى التامن من غير ما تعرفى ؟؟؟؟؟؟؟

يومها عيطت اوى وصعب عليا نفسى واييييييييييية بقى لكن من يومها لحد النهاردة متصلتش بيها بقالها اكتر من سنة كدا وهى متصلتش

اتصلت بيا مرة واحدة امتى بقى

كنت لسة مسقطة قبلها بيوم بالظببببببببببببببط

بتقولى اية انتى فين قولتلها عند ماما بتقولى لية قاعدة هناك بقولها لسة مسقطة امبارح قالتلى كنتى فى الكم وكانت اية يوقتلها فى الخامس وكانت بنوتة

سلمتك وكدا وهتصل بيكي تانى اطمن عليكي

لحد النهاردة ولا رفعت السماعه تقولى انتى فين

عادي يعنى

ومواقف زى دى كتييييييييير لو تحبى تسمعى هدوشك منها

د.ودعه;15531681:
احلي حاجة في المصريين بيشربو الشاي عشان ينامو
ولا علم ولا ابحاااااااااااااث
قال منبهات قال
:lol::lol::lol::lol:

shoshet*himo;15532575:
يا ولاد الذين


ايه الررررررررررغي ده


بس كويس انكم بقيتوا بترغوا بدل الصحرا الليكنا فيها دي طيب حد يصفرلي كنت جيت جري والله وحكيت انا كمان قصه حياتي هههههههههههههه ودعه والله انا لو حكيت لكم بالتفصيل اللي حصلي بخصوص الحمل وكمان ايه دول 5 سنين مش 3 يعني المصيبه اكبر واطول بس الحمدلله والله ما عايزة افتكر البلاوي اللي حصلتلي هنا وفي مصر ودوخه الدكاتره الحمدلله علي كل حال ربنا يكرمني انا وكل محرومه يارررررررب


انا الحمدلله هستلم الشغل من يوم الاحد ادعولي بقا يا بنات والحمدلله جمعه وسبت اجازة والشغل من 7 ل 3 هصحي بدررررررري ابيع لبن الاول ربنا يقويني واتعود بسرعه

RAINBOW2000;15532645:
ايه كل الرغى دع يا عيال طب كان حد ينادى عليها :lol:
ربنا معاكى فى الشغل يا شوشو عاوزينك ترفعى راسنا

ودعة
المواقف اللى بتحصل من الناس دى الواحد ممكن يألف بيها كتاب ده الواحد شاف العجب و من ناس مش يتوقع منهم كده خاااالص عارفة انا بحس انهم بيتقسموا 3 انواع
نوع بيخاف و يبعد و يقطع علاقته بيكى تماما خوفا من انك بقى هتحسديهم و تحسدى ولادهم و تديهم العين المحترمة على ايه معرفش
نوع تانى بقى بتقلب معاهم بمنظرة و كان لما جابت حتة عيل جابت الديب من ديله يعنى و انها عمل حاجة خارقة للعادة و يبقى محور كلامها المعجزة العظيمة اللى عملتها على فكرة ممكن النوع الاولانى بعد ما يولد يتحول للتانى ده كانك خلاص مش هتعرفى تحسديها يعنى
النوع التالت بقى مبيقولش ولا كلمة فى وشك بس بعد ما تمشى من ادامه هاتك يا مصمصة شفايف و يا عينى و يا حرام و الجو ده و ده برضه مع اللى ما اتخطبتش و اللى ما اتجوزتش و هكذا انا اعرف واحدة بتجمع بين ال3 ما شاء الله قدرة خارقة يعنى

صباح الخير يا ولاد
اصلى لسة صاحية

ودعه انتى قدرتي ازاى تصحى بدرى كدا

دانا صاحية الساعة 2

محدش هنا ولا اية

السهر اثر عليكو

يا عيال تعبت من كتر القرايه ولما خلصت نسيت انا عايزه ارد علي مين

ساره وودعه ودارين يا رغاين طيب كلكسه الواحد يدخل يرغي معاكم شويه

امونه فجر
انا الحمد لله كويسه المغض بيروح ويجي والنهارده ميعادي عند الدكتور وهشوف امتي ممكن ارجع الاجنه

ريري
حمد الله علي سلامتك وخاولي تحافظي علي موتعيد الادويه لانها كتير وفيه ادويه مينفعش تتاخد مع ادويه تانيهويارب نفرح بيكي

شوشو
مبرررروك الشغل ربنا يكملك علي خيرر واناي اخبار التتشيط معاكي ايه

ميوي
اخبار الحمل معاكي ايه يا كتكرته وبتروحي الشغل

ماجده
وحشاني ارتاحي وخلي بالك من صحتك
كل البنات وحشتوني عاملين ايه

يا بنات مانيا بتوصيكي تدعوا لابوها لانه بالعنايه المركزه وادعوا لمامتها ربنا يعافيهم من كل سوء 

L O L Y;15531313:
ههههههههههههههه ماما برضك تقعد تكلمنى فى موضوع وبعدين ابقى موش عرفة وتايهة منها تقولى انتى استغبتى فى الحمل دة اوى على فكرة ههههههههههههههههه

هههههههههههههههههه عسل مامتك يالولي :lol::lol::lol:

mooney608;15532439:
السلام عليكم و رحمة الله و بركاته

ازيكو يا بناتيت يا رب تكونو بخير يا رب

عيوش بمناسبة الخطوبة الطويله بصى هى بصراحة أحلى أيام هى أيام الخطوبة دلع و خروج و حب عذري :) و مفيش مسئوليه أوى فكرتينى من كام يوم كنت انا و جوزى ماشيين و بنعدى الشارع فمسكت فى إيده و اول ما عدينا ساب إيدى قلتله الله يرحم لما كنت بتلكك علشان تمسك إيدى و تلزق دلوقتى ما صدقت عدينا بتسيب إيدى كأنها شبهه كان هيموت من الضحك و مسك إيدى و قالى ليه بس هو انا اطول

فكرتيني بفوزية في مسرحية سك على بناتك بس انتي عايزاه بمسك ايدك ههههههههههههههههههههههههه:lol::lol:

بس والله يا موني مش كل الخطوبات حلوة , انا خطوبتي كانت زي الزفت لاخروج ولا فسح ولا حتى مكالمات لوش الفجر والزيارة مرة في الشهر زي المساجين و كان عندي حرمان عاطفي هههههههههههههههه

لكن الجواز هو الجنة والله , حاجة تانية خالص ,عشان كده تلاقيني دايما في كل صلاة ادعي لبنات المسلمين يدوقو نعمة الجواز لانها بجد من اعظم نعم ربنا علينا

shoshet*himo;15532575:
انا الحمدلله هستلم الشغل من يوم الاحد ادعولي بقا يا بنات والحمدلله جمعه وسبت اجازة والشغل من 7 ل 3 هصحي بدررررررري ابيع لبن الاول ربنا يقويني واتعود بسرعه

وعندك كيلو لبن وصلحه ههههههههههههه:D

ربنا يعنك ويوفقك في الشغل يا شوشو و ويقدرك على صحيان الصبح

بس هو انتي هتشتغلي ايه ؟ وشغلك بعيد عن البيت ؟

لحظةحب;15533297:
انا الحمد لله كويسه المغض بيروح ويجي والنهارده ميعادي عند الدكتور وهشوف امتي ممكن ارجع الاجنه

ازيك يا لواحظ

هو انتي كنتي مجمدة كام جنين ؟ والدكتور مقالش ايه سبب ان الحمل اللي فات يسقط رغم انه المفروض عامل احتياطاته؟

ربنا يرجعك مجبورة الخاطر من عند الدكتور

لحظةحب;15533536:
يا بنات مانيا بتوصيكي تدعوا لابوها لانه بالعنايه المركزه وادعوا لمامتها ربنا يعافيهم من كل سوء

ربنا يشفي باباها ويفك كربهم يارب , ويخفف الالم عن مامتها لانها اكيد بتتالم من الكسر وبتتالم بسبب وجود جوزها في العناية المركزة :(