29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

الله يشفيك ياللي احترقتي وكل سنة وانتم طيبين

اززززززززززززيكم يا بنانيت فين تقارير انهرده بقى كده
امبارح دوقت اشكال وانواع كحك وبيتي فور وكلام كتير وغريبة بصراحة في كل بيت عنده حاجة مميزة
بس اكتر واحدة بجد فناااااااانة اخت خطيبي الكبيرة واخدت منها المقادير بس هي كانت غريبة وكحك بس معملتش حاجة تانية واخدت طريقة الغريبة منها بجد روعة عجبني والكحك طعم قوووووي بس خشن شوية لكن طعمه جميل بصراحة

يلا كل سنة وانتم طيبين F:

بنااااااااااااااااااااات ادعولي أمانه ربنا يرفع عني ... عندي نزله معويه و مفيش حاجة بتفضل في بطني رايحة جايه علي الحمام لحد ما خلاص مش قلدرة :((

ربنا يشفيكي ويعفو عنك يا ام بودي

بنات عايزه طريقه رز الصياديه وتتبيله السمك المقلي

[BACKGROUND="70 #333333"][BACKGROUND="70 #FF9933"]شرفوني
http://forums.3roos.com/showthread.php?t=632554
[/BACKGROUND][/BACKGROUND]

يا حبيبتي يا شيري....الف الف سلااه فليكي .ربنا يشفيكي ويعافيكي
الدهني الحاحات اللي مش بتخلي الحرق يسيب اثر
زي ميبو


ام بودي..الف الف سلااه عليكي حبيبتي

سلامتك ياام بودى ربنا يشفيكى يااااااااااااارب

بيرق امل كل سنه وانتى طيبه يانور وياريت تقولى بقى على طريقه الغريبه والكحك كمان

Boody we zady;15515871:
بنااااااااااااااااااااات ادعولي أمانه ربنا يرفع عني ... عندي نزله معويه و مفيش حاجة بتفضل في بطني رايحة جايه علي الحمام لحد ما خلاص مش قلدرة :((

الف الف سلامة عليكي انا برضه جالي سخونية من نص النهار كده وعضمي مدغدغ استحميت بمية سخنة وفجأة حولتها على الساقع في ساعتها عضمي قفش
حافظي على نفسك زيي ههههههه
سلامتك يا حبيبة قلبي

عالم سمسم;15516097:
بنات عايزه طريقه رز الصياديه وتتبيله السمك المقلي

الرز يا ستي على كبايتين ونص رز ماشي
هتجيبي بصلة حلوة كده كبيرة ابشريها وفي حلة حطي زيت والبصل ورشة ملح وفلفل اسمر وشوحي لحد ما يتحرق ومتخافيش انه محروق تروحي طاشة عليه معيار المية بتاعك وتضبطي الملح وتحطي نص معلقة فلفل اسمر ونص معلقة كمون وفي ناس مبتحطش كمون انا مكنتش بحط بصراحة بس جربت الفترة الاخيرة لقيته حلو قووووي
وبس تغلي المية اسقطي الرز وسويه زي الرز العادي

التتبيلة السمك
هاتي راس توم افرميها مع قرن فلفل اخضر + معلقة صغيرة مليانة كمون + شطة + ملح نص معلقة صغيرة وتدقي كل دول لحد ما يبقى زي الكريمة
هتملحي السمك طبعا ومعاه عصير لمونة ساعة في الملح وتشطفيه كويس من الملح وبعدين تحشيه بالتتبيلة في البطن والراس ولو كبيرة السمك اعملي فيها شقوق وحطي الحشو برضه ولما تخصلي دربي كله في الدقيق واخبطي بادييكي عشان ميبقاش عليه دقيق كتير ويحرق الزيت يعني نفضيه من الدقيق وحمي الزيت واقلي بقى ولما تيجي تطلعي السمك وطي النار على الاخر عبال ما تحطي مجموعة سمك تانية عشان الفترة دي الزيت ميتحرقش مع الدقيق
وبس يا جميل

nanoo99;15516207:
سلامتك ياام بودى ربنا يشفيكى يااااااااااااارب

بيرق امل كل سنه وانتى طيبه يانور وياريت تقولى بقى على طريقه الغريبه والكحك كمان

وانتي طيبة يا حبيبتي
بصي الكحك الاجندة مش عندي دلوقتي فمش فاكرة المقادير بس هدورلك على مشاركة قديمة ليا
بالنسبة للغريبة اخدتها من طنط مقاديرها سهلة قوي
600 جرام زبدة مش متسيحة يعني قالب زبدة
300 جرام سكر بودرة
يعني السكر نص الزبدة
وكيلو دقيق
2 بياض بيض
فانيليا

هتسيبي الزبدة لحد ما تسيح عادي في حرارة الغرفة او المطبخ يعني سيبيها برة
حطيها في بلاستيكة اللي هتعجني فيها وباديكي افضلي اهرسي فيها كده وقلبي لحد ما تبقى كريمة يعني مش شرط بمضرب بيض او بالمضرب عادي ورشي السكر وقلبي لحد ما يندمج
اضربي البيض بالفانيليا وربيه لحد ما يعمل رغاوي وضيفيه على الكلام اللي فات وبعدين رشي الدقيق حبة حبه وقلبي لحد ما تلاقي العجينة لمت وبقت طرية وهي كده المقادير تمام جداااااا وبس شكلي بقى وتضغطي بصوبعك في النص كده ضغطه خفيفة واخبزي وبس يا دوب يتحمر من تحت طلعي الصينية مش بتحمريه من فوق والف هنا يا جميل

شكرااااااااااااااااااااااااا يابيرق ياحبيبتى ربنا يكرمك ياارب وتكونى احلى عروسه يااااااارب
ان شاء الله هجربها لما اروح لماما ان شاء الله
بس 600 جرام دول اوزنهم ازى ؟؟؟؟؟؟؟؟؟ظ

ازيكم يا بنات عاملين ايه ... الحمد لله أنا بقيت أحسن كتير بس بجد ربنا ما يكتب علي حد يا رب ....أخبار الأكل ايه بعد رمضان و عملتوا ايه في العيد :)

ازيكو كل سنة وانتو طيبين
شيرى الف سلامة عليكى يا قمر ربنا يطمنا عليكى
أم بودى سلامتك يا قمر وممكن اللى حصلك يكون من الرنجه
انا عملت كحك تحفه وعريبة بس طبعا بمساعدة مامتى ربنا ما يحرمنى منها
بس طلع واو تقريبا أحلى كحك عملاناه لدرجة انه خلص فى 3 ايام بس هههههههههه
والغريبه بردو حلوة قوى بس الكحك واوووووووووووووووو
وامبارح طبخت
عملت لازانيا بالفراخ والبسلة وبانيه مشوى الاكل كان تحفه وجوزى عجبته اللازانيا قوى المره دى مكنش بيحبها زمان وعجبت يويو كمان

انا بقى قضيت العيد فى البيت وزهقانه وحاسه هاروح الشغل بكره أولع فى الناس اللى هناك

سارة العروسة القديمة;15519899:

صباح الخير

الف سلامة عليكى يا شيرى استعملى ميبو رائع عن تجربة ولو سمحتى اقرى الراقية الشرعية وابعدى عن الى بالى بالك خالص

ام بودى الف سلامة عليكى شفاكى الله

اما نور/ هبة حبيبة قلبنا فكل سنة وانتى طيبة يا سكرة والسنة الجاية تكونى فى بيتك يا سكرة

ام عمر عيد سعيد عليكى ومعلش محدش بيختار مكانة ربنا يهون غربتك

انا عايزة اعرف المكرونة بالباشميل والجلاش المستوين ممكن يقعدوا قد اية فى الفريزر ؟

هما بقالهم 6 ايام ممكن يقعدوا اكثر ؟

أعتقد أقصى حاجه أسبوع
وحشانى يا موزة

انتو فين يابنات
هو العيد لسه مش خلص عندكو؟؟؟؟؟؟؟؟؟؟؟؟؟؟؟؟؟

ههههههههه البنات شكلهم لسه نايميين

النهارده حأعمل مكرونة و لحمة محمرة و شوربه

ازيكم ياقمرات

العيد خلص وخلصت ايامه الحلوة

النهارده فراخ مشويه فرايز وسلطات



عايزاكم تدعولى اخرج من الحاله اللى انا فيها

غلطت وكتبت مشكله ليا فى البيت التانى اللى انتوا عارفينه وسمعت كلام حسسنى انى احط انسانه على وجه الارض

كنت محتاجه نصيحه وخدت شتيمه وتهزيق ودعاء

ربنا يسامخهم سودوا الدنيا فى وشى اكتر ماهى سوده

حسبى الله ونعم الوكيل

فراشة الإيمان;15522819:
ازيكم ياقمرات

العيد خلص وخلصت ايامه الحلوة

النهارده فراخ مشويه فرايز وسلطات



عايزاكم تدعولى اخرج من الحاله اللى انا فيها

غلطت وكتبت مشكله ليا فى البيت التانى اللى انتوا عارفينه وسمعت كلام حسسنى انى احط انسانه على وجه الارض

كنت محتاجه نصيحه وخدت شتيمه وتهزيق ودعاء

ربنا يسامخهم سودوا الدنيا فى وشى اكتر ماهى سوده

حسبى الله ونعم الوكيل

و لا يهمك يا شيري أنا رديت عليهم و أفحمتهم يا جميل دي ناس غبيه سيبك منها اللي عنده كلمة حلوة يقولها و اللي معندوش يدعي دعوة حلوة و خلاص معلش أنا حأنقلك ردي اللي كان هناك و ان شاء الله تستفيدي منه يا جميل

ليه فى ايه يافراشه؟؟؟؟؟؟؟؟؟؟؟؟؟