التجمع الرابع لحوامل شهر يناير 2012

حلوه عجبتني


وايد حلوو بس شتوي وايد واحسه مو حق البحرين ههه

تقولين جذي
انه يوم اروح ادور ماجوف شي حق البنات عدل مايعجبوني بسرعه
والصبيان اجوف اشياء وايد

وانتوا تقولون العكس ههههه
ترى لي يبتوا البنت بتحسون جذي بعد

انه اكثر شي افضل 3 فراشات
واذا انتي من النوع الي يطلع وايد اخذي 2 كشخه وواحد لكرف البيت
واذا انتي ماتطلعين وايد اخذي 2 كرف البيت وواحد كشخه
لان حده الياهل لعمر 4 اشهر وعقب خلاص

اي من مذركير
لا ثياب البنات احلى لكن مافي افتر مخي وانه ادور انه بعد ذوقي شوي صعب ماحب اي شي لين البس الياهل
احبه شي مميز

موقع جيمبوري مسوي تخفيضات اذا تبون تجوفونهم

persian_moi;15559646:

لحظة جنون

هلا فيج بيننا بس وردة هي اللي ماسكة القائمة وحاليا ماعندها نت طرشي لها رسالة خاصة بتاريخ ولادتج وجنس البيبي عشان لين دخلت حتى لو عقب فترة تضيفج

بالنسبة للمركز ماعندي فكرة بس انا اجوف البنات شهريا يعطونهم مواعيد غريبة قالت لج جذي انزين جان سألتيها ليش او شنو السبب احس في سوء تفاهم في الموضوع

التجهيزات البكريات كلنا ضايعين بس انتي تابعينا وايد تكلمنا في أسئلتج وانشاءالله الخبرة يفيدونج ومن تجاربهم ماينفع تشترين شتوي يعني اخذي له قطن بس كم طويل عرفتي
والمراضع يمدحون بيجون و ايفنت اكثر شي

الفراش اكثرهم اتفقو انه 3 -4 فراشات كفاية

بالنسبة حق المواعيد سالت الدكتورتين .
بس من فرحتي لما قالوا لي عن نوع البيبي . نسيت روحي وماسالتهم ليش .
مافي مواعيد . وخلاص .!


والتجهيزات من فترة عضوة حطت التجهيزات في ورقة ومكتوب فيها كل شي .
ماادري اذا عرفتونها او لا
اللي عندها تحطها لي عشان تسهل لي التشري .

[

persian_moi;15559680:

زوزو

تسلمين حبيبتي

بس اذا سمعتي عن تخفيضات مجمع الظهران خبريني لانه اجرب شي لنا ويكون مكيف وفيه حمامات تكرمين يعني اريح للحامل

- شباحات طقمين نيوبورن و طقمين من 0 - 3

2 - اطقم القبعات والجوارب والقفازات كل شي 6 قطع كفاية

3 - قماطات العدد 6

4 - البساطات العدد 6

5 - اللحافات 3

6 - الافرولات عدد 4 نيوبورن و 6 من 0 - 3

7 - الفوط 3

8 - الفراشات عدد 3
عدد 3 طربال للتبديل




العناية


1 - طقم العناية بالطفل .. الشامبو والبودرة و اللوشن و الصابون ..

2 - فرشاة ومشط

3 - كريم التهاب الحفاظ

4 - مناديل التنظيف

5 - اعواد تنظيف الاذن

6 - ماصة تنظيف الانف

7 - قطن

8 - لهايات و مصاصات عدد 2

9 - مقص اظافر




الرضاعة


1 - 4 رضاعات ثنتين صغار وثنتين متوسطين

2 - فرشاة تنظيف المراضع

3 - جهاز شفط الصدر





المتفرقات


فراش السرير و سلة الموس
3 شنطات وحدة مع المفرش ووحدة صغيرة ووحدة كبيرة (سنتر بوينت او مذركير

أول شي بشرح لج المسميات مرة ثانية

المهاد قطعة القماش اللي يلفون فيها الجاهل واني افضلها من القطن وما افضل المهاد اللي يجي مع الفراش اللي قماشه ما ادري من ويش مصنوع

القماط هو الخيط اللي يربطون فيه الجاهل ، أما القطعة اللي يحطونها على الفراش ما ادري ويش يسمونها واني ما احبها كلش لأنها ما توقف وتغطي ديزاين الفراش واحنا نستبدلها بفوط صغيرة نحطها تحت راس الجاهل وكلما رجع او سرب الحليب وقت الرضاعة نبدلها

الحين نجي للأغراض

أولا : الثياب

1- 4 - 5 أطقم مكونة من مهاد + افرول+ قبعة وتكون الوانهم مختلفة تخصصينهم للإستقبالات والطلعات.

2- 10 افرولات وحاولي تطقمين معاهم قبعة وجوارب.

3- 5 بدلات بيتية مكونة من سروال وفانيلة وهذا راجع لرغبتج واذا ما تبغين استبدليهم بافرولات

* مجموع الأفرولات 20 افرول وتكون السايزات 5 نيوبورن و15 من 0-3 .

4- شباحات داخلية عدد 20 ، والسايز من 0-3 لا تاخذين نيوبورن لأن واجد صغار

5- 8 مهادات مختلفة الألوان بين الأبيض والبيج والبلو بيبي علشان تطقمينهم مع باقي الافرولات

6- 3 بطانيات او لحاف

ثانيا: أغراض السباحة:

1- حوض السباحة + صندوق لأغراض السباحة

2- 3 فوط للسباحة تخلين وحدة في بيت ابوج و2 عندج + 3 فوط صغيرة لتغيير الحفاظ وحدة في بيت ابوج و2 عندج.

3- طقم السباحة ( جل شاور + بودرة+ شامبو+ لوشن+ زيت+ كريم الحفاظ+ وخصصي صابون القطع وقت تغيير الحفاظ + مناديل المعطرة + أعواد أذن + قطن + بودرة الخاصة بالسرة+ مسك الأطفال)

4- 2 طربال للتغير

5- 2 طقم مشط + قصاصة أظافر .

ثالثا: أغراض الرضاعة:

أغراض الرضاعة تعتمد عليج اذا كنتي بترضعين طبيعي أو صناعي او الإثنين، انا بكتب لج على اساس انج بتستخدمين الاثنين:

1- 2 رضاعة متوسطة للحليب ويفضل من الزجاج

2- 2 رضاعة صغيرة وحدة للماي ووحدة للأدوية الشعبية

3- ترمس للماء الساخن

4- علبة مقسم الحليب + فرشاة لتنظيف المراضع

5- فوط صغيرة للرضاعة عدد 20 فوطة

6- شفاطة الحليب

رابعا: المفارش:

1- طقم مفرش للمستشفى والاستقبالات

2- 2 مفرش

3- شنطة كبيرة + شنطة صغيرة

4- سلة او سرير صغير للنفاس

خامسا: الأجهزة :

1- جهاز النداء

2- جهاز ترمومتر لقياس درجة حرارة الطفل ويفضل ماركة بروان

هذي اللستة اللي كتبتها لي وانتون يا بنات تقدرون تضيفون عليها او تلغون منها على حسب احتياجاتكم

سلام عليكم بنات ..
بكتب لكم الاغراض اللي شريتها بالتفصيل لعيون برشونة...
15 فوطة صغيرة
6 فوط متوسطة
3 فوط كبار
3 قفازات
9 مهادات وبسطة
3 فراشات
درزن ونص جواريب
3 جواريب اللي مثل الجوتي
3 جواتي
10 صدريات للبيبي
8 مشبوكات حفرة
11 مشبوكة كم قصير
5 مشبوكات كم طويل بدون رجايل
7 مشبوكات كاملة (افرول)
4 صراولة مع فانلاتهم
بدلة للكشخة 0-3
وافرول جينز مال كشخة
3 قبعات


3 طربال تبديل
لحاف ثقيل
لحاف كورشيه
2 تقسيمة حليب
6 مراضع احجام مختلفة
لهيتين
ترمس للماء الساخن
مقياس حرارة ماركة ايفنت
مشبكين للهايات.

الاجهزة
معقم
سخان حليب
جهاز مراقبة

3 شنط لأغراض البيبي

ادوات النظافة كبيرة وميني
صندوق لأدوات النظافة
قصاصة ومبرد

وبس ... طبعا اتوقع مع الايام الجاية اهيت واستري اشياء اكثر .. باقي لي لحافين واحد ابيض وواحد باخذه ملون لأن اللي خذيته بيبي بلو..
وباقي الشفاطة ... وحوض التسبوح للبيبي مع اسفنجة التثبيت ..
اذا في شي ذكروني

هدوء؟؟

سؤال الجواتي مال النيوبورن
و0-3
يكونون رقم جم؟؟

بيكون المقاس 17 وانتي طالعي الحجم لأن يختلفون ساعات 17 يطلع عود