التجمع الرابع لحوامل شهر يناير 2012

persian_moi;15553616:

بنات بقولكم تقريري عن ام منذر اليوم رحت لها وتوني راجعة

المهم اول شي وايد ضيعنا بيتها لانه اساسا دخلت اللفة الغلط بس بعدين دليته وطلع وايد سهل مايضيع ومسكينة تعبناها معانا ولا تمللت وهي تدلينا

المهم دخلنا كان عندها حجرة مخصصة حق الفراشات وشغلها امانة اختها ام محمد عندها بضاعة اكثر واحلى نوعا ما لكن انا فضلت اتعامل مع ام منذر

المهم خلتنا نطالع على راحتنا وقالت لي انتي شنو الالوان اللي تبينها بالضبط واذا تبين رسومات او بس تطريز قلت لها ابي رسومات والوان هادئة

راوتني جم مفرش كانو حلوين بس انا مافضلت اخذ الوان زاهية مثل الاصفر والبرتقالي مع انه كان حلو , وحسيت المفارش اللي ياية على بيج احلى وارقى حتى امي قالت لي انه احلى

عقب احترنا بين مفرشين واحد صاير محايد ولونه كريمي في رسومات والثاني بيج فيه رسومات بس فيه خط واحد بيبي بلو وهذا اللي اخترته
قلت لها ابي الطقم كامل من سلة وفوط ومهاد وقماط والستاند والدشداشة مع الكبوس

عجبني الماتيريال اللي تستخدمه لدشداشة البيبي وايد ناعم وقطني حلو احلى من اللي خذته من سنتر بوينت

المهم عقب احترنا على سالفة فراش عادي او بيت الطفل بس بعدين قلت باخذ العادي وبيت الطفل باخذه من مذركير اللي فيه مسند راس احسه احسن او اذا غيرت رايي اقدر اخذ من عندها مرة ثانية لين برزت لي المفارش لانه عندها اشكال وايد جاهزة فما بتوهق

وقالت لي بين فترة والثانية اتصلي فيني تابعي معاي لانه عندي وايد اوردرات وتقريبا بتبرزه لي عقب شهر واذا حنيت عليها قبل ههههه عاد انا مافي مثلي في الحنة

الحين احس روحي صج مرتاحة ع الاقل مفرش المستشفى افتكيت منه اي وصج عجبوني جلابيات النفاس بس انا كنت ابي كم طويل ومفتوح من جدام ماكان عندها شي يعجبني جذي مع انه جفت عندها اخضر يهبل بس يد قصيرة ومصكوك من جدام

احتمال هالويكند اروح السعودية اجوف لي جلابيات استقبال ونفاس وبالمرة بجوف اسعارهم حق مفارش البيبي

وقلت المرة الياية باخذ من عندها دشداشة زيادة بعد واحتمال جلابية

لانه الخلق حلو عجبني

روحي وروحكـ;15553952:

أخييراً نزلت الصور بنات

أول شي من ماركس أند سبنسر

مادري ليش أحس الصور ملحان :celebrate:

هذول طقمـ بو 5 حبات

الحين محل بروي بالأفنيوز

حسيت ثنتينهمـ يتركبون ويا البنطلون

هذول أبوهـ ماخذنهمـ من بي إتش إس

وايد مخترش في روحهـ بصراحة :lol:

من آدمز خذيت ألوان غامقة تغيير

هذول من المحل اللي قلت لكمـ عليهـ رخيص وقوي

هذول قطن سوري بعد ماغسلتهمـ يحليلهمـ صغنونين

طقمـ أفرول أبيض مع لفة وخيط خامتهـ واايد ناعمة

هذا روب سباحة وياهـ نعال أهمـ شي ههههـ .. بس ماعجبني بعد الغسل أحسهـ تمزع ومادري شلون صار فالأفضل اني آخذ ملوت سنتربوينت

فوط صغار

تلبيسات ممية أبيض وبيج وأزرق يتركبون على كل البدلات تقريباً

يعني جواتي يعني :lol:

من سنتربوينت

البطانية اللي باطة جبد ريلي :lol:

طقمـ 5 حبات

طربال التغيير

ستاند مراضع + فراشي

ترمس + مقسمة حليب

طقمـ ماخذتهـ خالتي من تايلند
فراش كبير شوي + لحاف + مخدة + شنطة + بيجاما فانيلة وسروال + جلابية مفتوحة من جدامـ + فانيلة حفر + هاف + دسوس + قبعة

طقمـ روب حقي قلت بخليهـ للمستشفى

بيت طفل خفيف للكرف مع لفة وخيط

مهاد الدانتيل + الأفرول

بيت الطفل ماخذتهـ خالتي من محل اسمهـ العندليب على الطبيعة واايد أحلى وأرقى

وحالياً بثث :o

ماء الكافور;15554490:
بنات

اسمه فاتحين باب كل وحدة تحد الثانية شرايكم بهالطوق؟ أختي تنصحني فيه تقول زين لبعد الولادة علشان الجرح لأنها تأذت واجد خصوصا وقت الرضاعة

قلبووووو;15556056:
هلا بنات تسلمون حبايبي فرحتوني باستقبالكم حقي
انه الحمدلله احين احسن
قضضوني كل مكان كل شوي تحليل دم
ركبوا علي جيسين دم
يعووووووووووووووور تذبح مو مثل السيلان كل 5 دقايق اييج الم في اليد كنت اصيح منه
وارتجف لين اييني مع اني مو بردانه معرقه حر بس ارتجف مادري ليش
وكل شوي ايون ياخذون تحليل يمكن 5 مرات
وردوا قالوا ان فيني مرض تكسوبلازما بس نسبه بسيطه وخلوني اصرخ وودوني اشعه يجوفون الياهل اذا الله لايقوله صاده تشوهات منه
وكل سبوعين موعد عشان يجيكونه
وعقب يوم خلصت يو قالوا حقي شاكين فيني ثلاسيميا
وفروا راسي وردوا يو خذوا تحليل ولحين ماطلعت النتيجه مع ان مافيني اعراض وايد مجرد ساعات تكسر في الريول بس ماتوقع منه
يعني كل يوم تييني لطمه منهم اصرخ فيها

ونصيحه بنات قالتها لي الدكتوره ان الحامل صح يصيدها خفقان بس بالشي المعقول
انه كان يصيدني خفقان بس واااااايد قوي لدرجه ان ماقدر اتنفس ولاتحرك بس مبطله بوزي والي يجوفني يحس بدقات قلبي
لان ينجاف شلون صدري يتحرك ولين امشي يدور راسي وخاصه اذا في مجمع اذا في الطريق وهوا عادي اوكي لكن اضاءات وايد اموت من التعب ويبتدي قلبي يدق من اقل مجهود
فهذا دليل ان الدم نازل
احين دمي مارتفع وايد بس احين من قبل وصل 9
وقالو لي شهر 12 ايي حق دم بعد لان اذا تم 9 ماقدر اولد جذي على الاقل ادخل ولاده ودمي 11 ولا 12
على الله دعواتكم

افا رحتي اسوووي هههه كنت اقرى صاير علي درس شطوله ههه