التجمع الأول لحوامل شهر مايو(5) 2012

لازم من الحين خيه ؟؟ و عادي ما ياذي البيبي ؟ وهل بمنطقة بس لو يصير بعد الظهر ؟

هلا خية زبدة الكاكو او زيت الزيتوت عشان يخفف من الخطوط الي تسببها تشققات الي تصير مع تمدد البطن المفروض من اول ما يبدي البطن بضهو يوميا تمسحين بطنج

صباااح النعناع والريحان لأحلى تجمع ولأحلى كروووشات بتجمعنه ,,,

شخباركم ؟؟ وشخبار بيبياتكم ؟؟

الحوراء خيوتي ان شاء الله ببتدي فيه من هالاسبوع لاني كنت اشك ان الدبة طلعت لي بس لما رحت للحفاف الا تسألني الهندية انتي حامل ! هههههه قلت لا شكله صدق طلعت وانا خبر خير ! ,,, يالله كروشات الباقيات خبرونه طلعت الكرشه لو لا وشنو احساسكم ..

ههههه خيو اني الدبه واضحه ههه من الشهر الرابع ولحين كلش كبيره بس الله يستر في الشهر التاسع...

التفاحه
انا امي امس اول مره تنتبه لكروشتي خخخخخخ بس فالصو لاني كنت لابسه جاكيت منفوخ يوم فصخته طبعا طار النص بس فيه كروشه الحمدلله
وبالنسبه للثياب خذيلك شي اوسع بس من مقاسك هذا اللي اسويه وكل شهر كذا
انا بالنسبه لي بس البناطلين لازم تكون لو وست مره هذول اوكي وخذت لي بنطلون من H&M وكذا اي شي ابيه اخذه اكبر بمقاس واحاول يكون موديل ينفع حتى بعد الحمل
الحوراء
انا يوميا بعد الشاور زبدة الكاكاو ضرووووري جدااا عشان لايطلع لنا خطوط
التفاحه
زين مره زبدة الكاكاو لك وش جابه للبيبي عشان يضره خخخخخخخخخ انا احطه على جنوبي لان احس الدبه تطلع لقدام تسحب الجلد من جنب واي مكان تحسيه ناشف او مشدود عادي

هههههههه الحوراء ربي يتمم على خير وعساها توصل للسقف اهم شي النونو بخير وسلامة خلاااص وبعدين شدراش يمكن توأم وتبشرينه ! ,,,

أحلى حلوة ,, شكلك ضعيفوونه لان صارت معاي وحده بالفحص بتاع الحمل وهي سابقتني بشهر يعني بالسادس بس جسمها ضعيف لدرجه ان حتى دبه ماطلعت لها ههههه,, ربي يتمم للجميع على خير وان شاء الله شهر الا وهي ناطه واللي مايشتري يتفرج مثل مايقولون هههههه .. وحبيبتي باخذ بنصيحتك ان شاء الله بس بسألك بالنسبة للثياب الداخلية بعد سويتي مثل الشي ؟ لان فعلا اللي مضايقني هالشي ..

وزبدة الكاكو وزيت الزيتون لازم تحطونه بعد الشاور ؟ والله عادي بدون اي شي ؟؟

التفاحه
احسن شي بعد الشاور المسامات تكون مفتحه والجلد طري وطبعا على قدام يصير مرتين لما تصير اكبر الدبه شوي ان شاء الله عالثامن وكذا
والثياب الداخليه عادي اشتري اكبر بمقاس بمقاسين لاتنصدمي بتستخدميه كله خصوصا الشهور الجايه انا الحين عندي كللللللل المقاسات هههههه لي وللزمن لان اختي نفس الشي سوت بحملها حتى اكس لارج جابت واستفادت باخر شهرين واذا تبين شي يريحك مره بعض الموديلات تكون كلها دانتيل ماتحسين فيها حتى كلش مريحه

تسلمين حبيبتي احلى حلوة وان شاء الله باخذ برايكم انتي والحوراء ,,

شخباركم وشخبار بيبياتكم ؟؟ انا هاليومين احس بالرفس في وسط الدبة و على تحت شوي ههههههه شوي صرت مزهوقه لانه قمت احس بحركاته بشكل واضح بس لما احط يدي على الدبة تتوقف ! عناد هي ,,

خبروني من حست بالحركات ؟؟

وينهم الكروشات غايبين ؟؟ من طول الغيبات جاب الغنايم .. عساكم جميع بخير وسلامة ان شاء الله

انا لحد الحين مرتين احس برفسات خفييييفه ويوم الجمعه كانت اول رفسه بالنص وقوووويه هههههه بس احساس عجيب خ خ خ خ الحمدلله يارب وربي يزرق كل المتاخرات بالحمل^_^
انا عني مشغوله ببحوث الجامعه وقلق وربي يعين

الله يساعدك ان شاء الله .. جامعه ارهاق من قلب ..
حلوووو الاحساس بالرفسات مو ؟ هههههه الله يخلي النونو ان شاء الله ...

انا دوامي بيبدى بعد كم يوم والله يساعدني لانه شفتات من اول اسبوع ! ربي يكون بالعون

ازيكم يابنات
وحشتووني كتير
عندي برد وجسمي احسه متكسر والعطس طبعا والرشح .. الله يعين :(

اجر وعافية حبيبتي هوبس ,, انا عانيت كم يوم من هالحالة بس كنت آكل روب ( زبادي) واشرب لي عصير برتقال فرش والله يومين ولله الحمد فاد معاي بشكل كبيرررررررر وواستخدمت مطارة ماء ساخنة لانفي لانه بدون شي هو مسكر مو بعد امرض !! وسلامات حبيبتي ماتشوفي شر ان شاء الله

الله يخليكي ياتفاحه
انا بشرب برتقال وجوافه كتير عشان فيتامين سي بس احساس ان الجسم متكسر وهمدان ده صعب اوي يارب تعدي بسرعه خصوصا الجو الايام دي متقلب جداااا اوقات برد واوقات حر :(

قريت اللي فات مبروك البنوتة ماشاء الله ربي يجيبهالك بالسلامه في معادها وألف سلامه عليكي ارتاحي قد ماتقدري وان شاء الله المشيمه تترفع علطول

صدقتي هوبس , لما تكون فيك هالحالة وبالخصوص انتي حامل يعني ثقيلة ومو ناقصه شي ثاني بعد .. ربي يشفيك ويكون بميزان حسناتك و ياجرك ان شاء الله ,,

تسلمين حبيبتي وان شاء الله كلكم تبشروني بعد بخصوص بيبياتكم وربي يسلمهم و يتمم لكم على خير ياااااااااااااارب ...

هوبس عرفتي جنس البيبي لو لسه ؟؟ والكرشة اكيد طلعت صح ؟ شنو احساسك ؟ ...

الحوراء مالها حس عساها بخير ان شاء الله ,, و احلى حلوة شخبارك حبيبتي ؟

باقي البنات الغايبات لكم وحشة بتجمعنه ... شخباركم وشخبار بيبياتكم ؟

حبايب قلبي خواتي حطيت لكم بالمرفقات جداول تبين الشهور والاسابيع حتى محد يتخربط وهاذي الجداول سووها بعد ما شافوا ان الحوامل الاجانب يتخربطون ومايعرفون هم بأي شهر و مستشفياتهم تتعامل بالاسابيع فقط فمن جذي سووا لهم هالجدوال حتى يمشون عليها ويعرفون متى يدخلون شهر جديد ,,, ماطول عليكم وان شاء الله تستفيدون منه :thumbs_up::study:

والله ياتفاحه البيبي عندي عنيد حبتين قاعد مدينا ضهره ومش عارفين نتأكد
بس الدكتورة قالت احتمال تبقي بنوتة بس مش قادره تتأكد عشان مش عارفه تبص اصلا :D
والكرشه طلعت شوي صغيرين والله اصلا وزني مش بيزيد بسرعه زي ماكنت متخيله ممكن كل شهرين ازيد كيلو مثلا

التفاحه
يوووووه دوام شفتات ربي يعينك طيب مايقدرو يخلوكي حاله استثنائيه دوام واحد عدل وثابت لانك حامل خخخ
انا الحمدلله تمام متحمسه لموعدي الاسبوع الجاي باذن الله يوم الثلاثا بيكون ثري ديييي وبيعطوني جنس البيبي الصح لان نفس هوبس
هوبس
نصيحه سوي تصوير الثري دي وبسهول يعرفو جنس الجنين حتى لو معطي ظهره وربي يشفيكي ويعافيكي انا اصلا عندي حساسيه واي شي يسببلي حساسيه العن من الزكام لما اعطس اخااااف اكون زكمت ربي يعديها على خير بس انا اتي نصحتها دكتورتها تشرب بعد السادس اصغررررر ملعقه -نسميها حقة الشاي- تشرب فيها عصل وحبة بركه عشان المناعه والحمدلله استمرت عليها لازكمت ولا شي وبالعكس فيه فوايد للبيبي بعد بس طبعا بدون تكثير لان العسل مو زين مره حق الحامل ممكن لاسمح الله يسبب اجهاض عشان كذا اصغر ملعقه

احلي حلوة
انا الحمدلله بقالي كم يوم مواظبة علي العسل الابيض والليمون علي الريق الصبح
وانا بإذن الله هبتدي في السادس كمان اسبوع

الثري دي بفكر والله اسويه عشان اعرف جنس البيبي بس والله انما الدكتورة بتقولي ماله لزمة الجنس هيبان كده كده كمان كم اسبوع وهيبقي اكيد ان شاء الله

شخباركم كروشات .. صار لي يومين غايبه عنكم لان شوي تعبانه من الم الضهر ما اقدر اتحرك كلش وغير اللم البطن بعد متعب .. او عندي زكام ذلحني كلش سمربت ما مني فايده ههه.شخبار نونواتكم ..