التجمع الأول لحوامل شهر مايو(5) 2012

كيفكم كروشات
رحت موعدي ب 12/11 والحمدلله كل شي تمام والبيبي بيسلم عليكم ,,,شكلة يلعب اكروبات في بطني ماشاءالله عليه كتير احس بالحركة ,,,انا بالاسبوع 15 والدكتورة مستغربة اني حاسة بالحركة ,,,ابني نشيط بسم الله عليه
الكروشة بدت تبين شوييييييييية

كيف النشاة ماعكم ....انا معذبني ال MORNING SICKNESS

صباااااااااح النوور على التنووور للجميع ..

اللي راحوا وماعرفوا للحين ان شاء الله بمواعيدكم الثانيه تعرفون وتفرحونه وياكم وبالنسبة للكرشة عادة تبان بشكل كبييير للبكر من الشهر الخامس ورايح وساعات يعتمد على جسم المرأة لان البعض تطلع فيهم الكرشه من الشهر الثالث حتى والبعض ماتبان تمام التمام الا في الشهور الأخيرة ..

بالنسبة للتقلب اثناء النوم انا بعد اعاني منها والحين الاحظ شي جديد وهو انسداد الأنف بالخصوص لما اكون نايمة فاعاني طول الليل ..

فجر المشارق ,, الحمدلله وماشاء الله وربي يتمم وان شاء الله على طوول يلعب اكروبات هههههه ,, وانا كنت احس بحركته قليل من الاسبوع العاشر بس محد يصدقني والسبب انه كان قريب للسطح وهذا اللي قالته لي الدكتورة وفعلا عند السونار كان يتدرب على البوكسات ههههه ..

بنات في الاسبوع 19 نكون دخلنا الخامس صح ؟؟؟ لان قمت اخربط وماعرف الا بالاسابيع !

مساء الخير يا احلى حوامل شخباركم شخبار نونواتكم .. انس كرشتي بيمت عدل واضحه هههه احسن صدقت انه اني حامل بس انتضر حركة النون للحين ما حسيت ههه .. اني اليوم جاني اسهال عدال معه مغص للحين ما راح انتضر جم ساعه اذا خف بروح المستشفى .. بنسبه اتقلب وقت النوم متعب اخاف انام على بطني انام اكثر شي على ظهري افضل .. فجر المشارق الحمدلله اطمنتين على النونو ربي يتمم لج على خير على ما اعتقد الاسبوع 19 راح ندخل الخامس..

كروشات افضل طريقه للنوم هي على الجنب الايمن او الايسر اذا حبيتي تتقلبين, بس النوم عالظهر يسبب مستقبلا ضغط على فقرات الظهر والحوض وكمان عمتي قالتلي ان النومه عالظهر تخلي الحبل السري يلتف على النونو فحاولو تتعودو من بدري على نومة الجنب وانصصصصصصصصصصحكم بمخدة الحوامل حقة مذركير مرره روعه ومريحه بالنوم=)

مشكورين خواتي

انا انا على الجانبين بس ساعات انسى روحي ومن جذي سالتكم

انا سمعت الجانب الايسر افضل لنغذية الجنين والقلب فتعودو تنامون على جانبكم الايسرر وبحاول وياكم

مشتاقه لحركة الجنين وايد ربي يحفظه ياررررررررب لي ولكم

عندي مشكلة بنات اذا احد يقدر يعطيني معلومات او يطمني

اخر موعد قالتلي الدكتورة ان المشيمة نازلة شوي

وتقول ان كثير من السيدات يصيدهم هلون

وانا دوام وحركة شوي فشنو العمل

وشنو لازم اسوي؟؟

ومشكورين والله يبعد عنا وعنكم كل ضر وشر يارررب

العيون النواعس
الراحه مهمه وسمعت وحده من الحوامل الدكتوره قالتلها هالشي بالشهر السادس يمكن ونصحتها تحشر البول شوي مو كثير طبعا لان مو زين وتسوي زي تمارين كيغل اتوقع وهي منسدحه اقري بالنت بتلقين اشيا عن كذا وان شااءالله مايخوف

السلام عليكم , شخباركم ياحلوات ؟؟ وشخبار بيبياتكم ؟؟

العيون النواعس ,, لازم تريحين واذا تحسين ان الدوام يتعب لدرجة كبيرة احسن تاخذين اجازة وان شاء الله مافي الا كل خير ..

احلى حلوة , تسلمين على المعلومة عنوني ..

الله يساعدني انا قرب دوامي واحس ان الثقل وتعب الظهر زاد !

يالله بنات خبرونه منوو راحت سوونااار ؟؟ وشنو احساسكم ؟؟

بنات بسالككم منو فيكم صارت مثلي ماتحب تطلع لبرئ البيت كلش بس تحب تجلس في البيت لأني اللي صاير لي جذي وموقادرة اتحمل الوضع وطولت عليه
هل بظل طول حملي جدي وله شلون

يجننهم جمالي
وش سبب عدم الطلعه كسل ولا ايش؟! انا جاتني فتره اعشق النوم ومابي اروح اييييي مكان بس ابي اتسدح واتبطح بالعربي خخخخخ
بعدين قلت مصختها خصوصا لما بدت تخف اللوعه الحمدلله بديت اسوي رياضه وصرت انشط من قبل بكثيييير الحمدلله حاولي تدورين بشي عاليوتيوب يناسبك ,اي بعد ماكنت احب اطلع لان مجرد المشي عشر دقايق كان يخليني اتعب والهث وانا ابدااا مو متعوده هالشي بنفسي قبل كنت دايم محافظه عالرياضه بس ربي ييسر والحمدلله اني حصلت لي رياضه حلوه وتنشط وخاصه بالحوامل بالثلث الثاني واللي قاعده تعرضه بعد حامل خخخخ
التفاحه
نفس الشي رياااضه خفيفه توخر كللل التعب انا الاسبوع الجاي السونار وان شااااءالله اعرف جنس البيبي =) اذا سمحلنا يعني وماكان معطينا ظهره او شي خخخخ وبعدها باسبوعين عندي تصوير الثري دي =) احس حماس ربي يتمم للكل على خير

السلام عليكم ,,

يجننهم جمالي انا صادتني هالحالة ببداية الحمل وظلت فترة بس زوجي ماكان يرضى اني ابقى بالبيت اكثر من 3 ايام حتى ماتتعب نفسيتي اكثر وكان يطلعني حتى لو عشر دقايق دوارة بالسيارة وفعلا فاد الشي وشوي شوي راحت الحالة ,, جربي وان شاء الله تفيد ولاتخافين كل هذا من الهرمونات الحلوووة اللي عندنا هههههه ..

احلى حلوة تسلمين عيوني .. بس انا كل يوم اركب وانزل من درج بيتنا فوق الأربع مرات ! رياضه ببلاش ,, طمنينه على البيبي و بشرينه وان شاء الله مايتدلع عليكم الحلوو , بس بغيت اسأل تصوير الثري دي انتي تطلبينه و الله هم يخططون هالشي لك ؟ خاطري اشوف البيبي لاااايف ومتحيرة اسويه لو لا ..

التفاحه
هههههههه مثل حالتي ببيت اهل زوجي بس احاول اخفف طلعات ونزلات قد مااقدر لان عمتي تعصب علي خخخخ
بالنسبه للتصوير بدون مااسئل قالتلي الدكتوره اول ماتكملي 20 اسبوع بنحدد لك موعد الثري دي وبيسويه اخصائي تركي طبعا تشققت لان كنت محتاره احجز من مخي ولا كيف خخخ بس ريحتني
بس اعرف كثير يراجعون بمستشفيات ويسوون الثري دي بمستشفيات ثانيه تقدرين تدقين تحجزين مجرد ماتقولك انتي بالاسبوع ال19 او ال20 لان بعد الخامس يصير مره كبير ومايطلع مره واضح
ونصيحه كل الي سووه يقولون حللوووو خصوصا يعطونك فيديو للبيبي وصور ملونه حلوه تبين شكل النونو واضح^_^

بنات أبي أعرف اني في أي سبوع ؟ لأني مو متأكدة منو فيكم يقدر يحسب لي
آخر دورة لي 3 /8

هلا بكل الحوامل
شلونكم ان شاء الله تمام
أنا بعد ان شاء الله ولادتي في شهر 5
على حساب السونار موعد ولادتي 7/5/2012
الله يسهل علينا جميع

أحلى حلوة ,, ان شاء الله بعد كم اسبوع بتوكل على الله وبسويه وعااااد انا ياااحبي لسوالف الذكريات هههههه ولحد الآن عندي صور اول سونار لي معلقتهم قدامي ! والكل يتطنز علي بس احساس حلووو بصراحة لأن ساعات ماتحسين بالحمل ,,,

يجننهم جمالي .. موعد الولادة على حسب الموفع اللي اتبعه هو 9\5 باذن الله ...

ام الوليد ,, ربي يتمم لنا جميع ويقومنه بالسلامة ومبروووووووك الحمل ونور التجمع بالجميع

شخباركم كروشات شخبار النونوات

هلا خيوتي الحوراء ,, شخبارش ؟ ان شاء الله بخير وشخبار الحمل وياش ؟

التفاحة الجناوية;15759093:
هلا خيوتي الحوراء ,, شخبارش ؟ ان شاء الله بخير وشخبار الحمل وياش ؟

هلا خيو الحمدلله بخير النساه خفت عليي او حسيت بحركة النون بس حركه كلش خفيفه متشوقه اني اشوفه انتين خيو شخبارش شخبار الحمل وياش

ان شاء الله تشوفينه وتفرحينه بأخباره والحمدلله ان شاء الله تروح النساة وتستمتعين بالحمل في الشهور الجاية ,,

انا الحمدلله بس الاحظ ان نساة اول الشهور ردت رجعت لي بنفس القوة و احس بريح في كامل ظهري والى خاصرتي وبطني .. تقولي عمتي انه عادي بهالشهر الحامل تحس بالريح والوالدة الله يطول بعمرها ويخليها عطتني ماي النعناع وخف علي شوي ..

فكرتين تسوين ثري دي ؟؟ انا شجعتني أحلى حلووة وقلت ان شاء الله بروح مرة وحده للأترساوند والثري دي ..

اي خيو بسوي انشاء الله ثري دي بس مو احين في الشهر الثامن عشان سيسن اوضح البيبي وكون قبل الولاده حق دكره للبيبي الحين نقددر نشوف جنس الجنين بسونار العادي يبن عدل اذا كان وضعه اوكي يعني مو عاطنه ضهره بس اذا مو بين ثري دي بكون اوضح تفكرين في وين تسوينه