✿ التجمع الرابع لحوامل شهر ديسمبر 12-2011 ✿

السلام عليكم يابنات

أخباركم إيه ياحلوات

يارب تكونوا كلكم بخير

كل البنات علشان ما انساش حد أخباركم إيه

الف مبروك لمس لولو عقبالنا يارب

أم الأيهم العسل الحمد لله إن التحليل طلع مزبوط

أم مشمش الله يعينك ماهى دى مصيبة التجديدات عمرها ما تطلع زى ما هو

الواحد مخطط لها لازم تكبر وتزيد وتبقى موااااااااااال

وبالنسبة للشقة الحمد لله فاضل لى حاجات بسيطة وسلمى الحمد لله رحت

النهاردة ليها المدرسة والمدرسات مبسوطين منها

بس عرفت خبر وجع لى بطنى وربنا يستر لان مدرستها لما سألتها عن

إمتحانات نصف الترم قالت لى إنها إحتمال تكون على آخر ديسمبر:confused:

لسانى إنربط:worn_out:

طب اعمل إيه ياربى ربنا يسهلها قالت لى المدرسة ممكن علاجا للمشكلة

دى إنى اذاكر لها كل درس بدرسه علشان يبقى سهل وقتها على الموجودين

إنهم يراجعوا بس معاها

قلت لها ده فعلا اللى باعمله دلوقتى وربنا يهونها

دكتورة سمسمة الله ييسر لك امورك وتكملى التجهيزات

أسورة ياستى إعملى زيى إشترى ملابس داخلية للبيبى وإشترى محايد

ولاول شهر بس للخارجى بحيث إنك ما تندمى كتير

وللفات والكلام ده كله ما تشتريش الوان وأشكال مميزة للجنس

يعنى إشترى حاجات تنفع للإتنين ويادوب على قدر إستخدام اول شهر

لان بجد كل اللى بنسمعه عن إختلاف الجنس بعد الولادة يخوف ويخلى الواحد

يكون حذر جدا فى الشراء لان تجهيزات البيبهات بالذات مش رخيصة علشان

الواحد يقول مش مشكلة

بصوا يابنات دى معلومات كنت جمعتها وحطيتها للبنات فى تجمع يناير لما

إتكلمنا فى الموضوع ده وقلت انقلها لكم هنا علشان الكل يستفيد منها :



أخطاء ترتكبها النساء فترة النفاس.........



أولاً: حمل الأشياء الثقيلة.. الرحم المفروض بعد نزولو في الولادة حيرجع لوضعو وحجمو الطبيعي.. والحاجات الثقيلة في الفترة دي( فترة النفاس ) بتعوق رجوع الرحم لمكانو .. لا وكمان ممكن تسبب سقوطو (سقوط الرحم).. عشان جداً ممنوع منعاً باتاً حمل الحاجات الثقيلة في الفترة دي.. يادوب يادوب تشيلي ابنك.

ثانياً: التعرض للتيارات الباردة.. المفروض الجسم يبقى سخن ودافي عشان دم النفاس ينزل وينظف الرحم كويس من الدم.. والتيارات الباردة بتجمد الدم جوا الرحم وأحياناً بيحصل اتسداد للأنابيب.. عشان كده ممنوع منعاً باتاً في الفترة دي التعرض للبرد..حتى لو الدنيا حر معليش نتستحمل الفترة دي وبلاش التكييف بلاش خالص.. وندفي نفسنا كويس خاصة المنطقة من تحت يعني نلبس بنطلون.. وكمان نلبس جورب عشان البرد مايدخلش من الرجلين.. هي فترة وحتعدي .. نستحملها عشان مصلحتنا.. كمان البرد في الفترة دي بيوسع المهبل.

ثالثاً: شرب المشروبات الباردة .. عشان ده كمان بيجمد الدم جوا الرحم.. وبدل الحاجات الباردة نشرب مشروبات ساخنة خاصة المشروبات اللي بتنظف الرحم زي مشروب القرفة.

رابعاً: الاستحمام بالماء البارد.. ده كمان من الأخطاء الشائعة في الفترة دي.. وده غلط لنفس السبب اللي ذكرناه في النقطتين اللي فاتو.. المفروض نستحمى بالمية السخنة ومن دون مانتعرض للهوا.. يعني ندفي الحمام كويس قبل الاستحمام عشان مانبردش ويدخلناش هوا.
الموضوع الأصلى من هنا:http://go.3roos.com/jsedsjxv3ed

خامساً: الجلوس في مغطس الماء والملح.. ده بقى من الأخطاء الفادحة اللي الست بترتكبها في الفترة دي.. المية والملح فعلاً كويسين للغرز.. إنما مضرين جداً للرحم اللي بيدخولولو عن طريق المهبل .. الرحم المفروض يبقى ناشف عشان يبقى سليم والمية بتضر الرحم وبتخليه رخو وبتضر كمان المهبل اللي بيكون لسه خارج من ولادة ومتجرح وماينفعش ليه مية وملح لأن الملح كمان بيزود الافرازات .. فتلاقي الست خارجة من نفاسها وهي بتعانب من افرازات كثيرة..
نقدر بقى نعتني بالغرز بأي من المطهرات زي مطهر البيتادين.

سادساً: أكل الملوخية والموز وكل الأكل اللزج عشان دي بتعمل لزوجة في الرحم وتسبب كثرة الافرازات.. عشان كده يفضل الابتعاد عن الحاجات دي خلال فترة التفاس.

سابعاً: الرجيم.. ده بقى ممنوع خالص .. الجوع ممنوع والتخمة ممنوعة..

وجمعت لكم شوية نصائح علشان الأخطاء اللى البنات بيقعوا فيها فى النفاس :

1:لو إستحميتى لازم تتدفى كويس وما تتعرضيش لأى تيار هواءوتغطى رأسك

وأذانك

2:ما تهمليش شرب المشروبات الدافئة لأنها هى اللى بتساعد بإذن الله على

تنظيف الرحم وطبعا أهمها الحلبة والقرفة بس ما تزوديش لان ممكن الزيادة

تضر أكتر ما تفيد يعنى خليك فى الوسط وأهم المشروبات الدافية اللى

هتحتاجيها فى الوقت ده هو شوربة اللحم والدجاج لازم تشربيها دافئة إلى

ساخنة برضه

3:فى ناس بتقول ربط البطن مهم وناس بتقول مش هو اللى بيفرق

اللى عايزة تربط بطنها قالوا ممكن تجيب 11 :12 متر قماش زبدة وتثنيه بعرضه

مرتين وتخيطه يعنى يبقى رفيع ولسه بطوله اللى هو 12 متر

وتبدأ تدهن بطنها بزيت دافى أو فكس جاوى(ما تسألونيش إيه هو فكس

الجاوى )وتبدأ تلف من أسفل الأرداف حتى أسفل الثديين مباشرة وتربط عقدة

وفى فكرة تانية جيبى شماغ وقصيه بالطول وخيطى الطرفين على بعض بحيث

إن طوله يزيد وتستخدميه برضه فى اللف

طبعا اللف مش هيبقى متواصل لانه هيتفك من القيام والقعدة يعنى لو

إستحميتى أو إتشطفتى إدهنى الزيت وأربطيه اللى قريته إنك ما تربطيش

بشكل قوى لأن ده ممكن يأدى لترهل البطن اكتر أربطى بطريقة تبقى وسط

فى قوتها والبنات حذروا من إستخدام المشدات على أنواعها وإنها فى النهاية

بتأدى لترهل البطن والكرشة

بس من وجهو نظرى الربط مش مفيد الأهم هو الرياضة وتمارين البطن لان

الترهل داخلى مش خارجى

4:ما تهملوش الأكل الجيد من خضروات وفواكه ماعدا الخضروات اللزجة

وإبعدوا عن المشروبات الغازية تماما والعصائر الباردة وحظنا إننا هنولد فى

الشتاء إن شاء الله يعنى الموضوع مش هيبقى صعب علينا قوى

5:الماية فى ناس حذرت من شربها بكثرة لكن من وجهة نظرى إنها مفيدة جدا

فى الفترة دى لكن ما نشربهاش باردة نشربها فى درجة حرارة الغرفة

لان الجسم بيفقد سوائل كتير فى شكل حليب الرضاعة ودم النفاس ولازم يتم

التعويض عن السوائل دى ده غير إنه مهم علشان يقيك شر ..الإمساك

6:الإمساك ثم الإمساك وآلامه فى فترة النفاس لازم تكونى مجهزة مرهم أو

ملين لمساعدتك لو إتعرضتى للإمساك لان خطورة الإمساك فى الفترة دى إنه

ممكن يتسبب لك فى فك الغرز ثانيا ممكن يتسبب لك فى نزول البواسير اللى

هتخليكى تعانى لشهور بسببها فالوقاية خير من العلاجبغنك تكثرى من أكل

الخضر والفاكهة وتشربى سوائل كتير علشان تعينك على الإمساك

ومن تجربة خاصة لى أيام نفاسى فى سلمى لما كان يصيدنى إمساك كنت

أشرب شوب كبير من مغلى السنامكى وماشاء الله فى نفس اليوم كنت

أدخل الحمام

ودى فقرة إقتبستها لكم من موضوع عن فوائد السنامكى علشان تعرفوا فايدته

معايا :


1) لا شك أن السنا من أفضل الملينات إن لم يكن الإطلاق ذلك لأن مفعوله لا يبدأ إلا في القولون حيث يتم تحلله بواسطة البكتريا القولونية وعليه فإنه لا يؤثر على المعدة والأمعاء الدقيقة ولا يؤثر بالتالي على امتصاص الغذاء بعد فترة الإسهال كما تفعل بعض المسهلات التي يحدث بعد استعمالها خمول لحركة الأمعاء فيحدث الإمساك بعد الإسهال مما يضطر المرء إلى معاودة استعمال المسهل والتعود عليها، كما لا يسبب السنا تقلصات في الأمعاء كما تفعل المسهلات الأخرى، كما أن من محاسن استعمال السنا أن الشخص يسطيع أن ينظم الوقت المريح لاستعماله فتأثيره المسهل لا يبدأ إلا بعد ما بين 8- 12ساعة من تعاطيه ولا يمتص من الأمعاء، ويستعمل السنا على هيئة مطبوخ أو منقوع أو على هيئة أقراص وهي متوفرة في الصيدليات.


7:فى ناس بتقول الحركة سيئة على النفساء لابد من الراحة التامة وناس

إشتكت من إن الراحة التامة والنوم على جنب واحد تسببت لهم فى جلطة

فى الوركين فالأفضل الحركة البسيطة الى تخلى الدم يجرى فى جسمك وفى

نفس الوقت ما تجهدكيش والمشى البطىء الهادىء جوه المنزل مفيد جدا

8:المكان اللى هتقضى نفاسك فيه مهم جددددددددددددددددددددا

لأن ناس كتير مرت بنفاس سىء جدا بسبب إنها قضته فى بيت اهلها

إما لأن وقت نفاسها كان وقت مناسبة كزواج أو اعياد فكان البيت دائما مملوء

بالضيوف وبالتالى مافيش مجال إنها ترتاح أو تلاقى الخدمة الملائمة لها ده غير

إنها بتضطر تقوم من أول أسبوع أو تانى أسبوع علشان تخدم نفسها وتساعد

أهل البيت

أو لان الوالدة مشغولة باهل البيت وخدمتهم أو إن الوالدة إمرأة كبيرة فى السن

والنفساء تحرج تطلب الأكل أو الخدمات وتظل بتعبها وجوعها فترات طويلة

علشان مستحية تطلب خدمتها

أو إن وجودها فى بيت أهلها كان سبب فى كثير من المشاكل اللى أثرت على

نفسيتها

كل ده من أسباب سوء الفترة دى عن بعض النساء اللى مروا بالنفاس

علشان كده مهم جدا تعرفى إذا كنتى هتبقى مرتاحة لو قضيتى نفاسك فى

بيت اهلك ولا لا وتحسبى الوقت كويس وإن كنتى هتقضى نفاسك فى البيت

فلازم قبلها تنظمى أمورك كويس

مثلا تتفقى مع خادمة بالساعة تأتى لك بالنهار وقت عمل زوجك تقوم باعمال

البيت وتحضر لك اكلك واكل أهل البيت وتروح لما ييجى زوجك من عمله

المهم ما تهملوش النقطة دى وتقولوا أنا بكرية ولازم أولد فى بيت أهلى

أو إن أنا عارفة إن الظروف فى بيت اهلى مش هتكون مناسبة بس امى مش

هتقدر تيجى تخدمنى فى بيتى

لا لازم تلاقى حل وتتكلمى بصراحة مع امك لو تتطلب الامر وتشوفى حل

توصلى ليه علشان ما تقضيش فترة تعيسة خطرة عليكى لأنك لو إتضايقتى

فى الفترة دى ممكن تدخلى فى إكتئاب ما بعد الولادة اللى ممكن يستمر

معاك شهور

9:دهان حلمات صدرك مهم جدااااااااااااااااااااااا

لان التشققات مش هتظهر غير لما تبدأى الرضاعة علشان كده مهم من

دلوقتى تواظبوا على دهان حلمات صدركم وفى ناس شكرت قوى فى كريم

كينا كومب لو حصلت التشققات فعلا تدهنيه وقبل ما ترضعى البيبى تغسلى

الحلمة كويس قوى

صبحكم الله بالخير


شخباركم صبايا



ام حور تسلمين يا قلبي ع وصفة الحليب البارد فعلا ريحني البارحه من الحرقه وتهنيت بنومتي :)




ام سلمى

تسلمي خيتو ع المعلومات المفيده