تجمع حوامل وامهات قطر لشهر رمضان المبارك لعام 1432هـ؛ الموافق لشهر اغسطس من عام 2011م

عذبه الحمدالله على السلامه ويتربى بعزكم يارب

انا جاتني الحلوه اليوم بعد طلعت روووح ههه بس ميته تعب

-%-سحابة حب-%-;15449505:
صباحكم ورد


علينا وعليج يالقاطعه
وينج اختفيتي فجأه ؟!؟!
اكلمج عالخاص ومايوصلج
طمنيني عليج

هلا فديتك أنا بخير ولله المد

ووحشتيني واايد ، ، رسايلي واايد وما اقدر ارسل ولا استلم

مسا الخير

مبارك عليكم الشهر << تو الناس


مبروك لكل الي اولدو ويتربون في عزكم والفال حق الي يتمنى:D

ماميز بليز بغيت طريقه الباستا الي بالصوص الابيض
والي بالمكس صوص
بليز طريقه مجربه واكيده

مامييييييييز :-o :-o

صباح الخير

شخباركم؟

أنا ليلي نهار ونهاري ليل مع ولدي ؛ ما يخليني ارقد ؛ ان شا الله يعتدل رقاده عقب الأربعين.

بنات بغيت محلات فساتين في الخبر ؛ تجيب فساتين مب مكرره ؛ يا ريت تردون علي بسرعه هلي هناك وبيرجعون السبت.

مرحبا ماميز


النظره الخجوله بالنسبة للباستا انتي تحبينها بشنو بدياي ولا ربيان ولا بس خضار عموما انتي فوحي المكرونه عادي وخليها على جنب وبعدين جيبي طابي كبير حطي فيه ملعقه زبده وحطي عليه فصين ثوم مبشور وخليه يتحمر شوي وبعدين حطي عليه مكعب ماجي وحطي الدياي المسلوق (صدور الدياي اللي من غير عظم سلقيها وعقب قطعيها صغار ) او حطي الربيان وبعدين حطي عليه الخضار اللي تحبينها ( مشروم -بروكلي-جزر-كوسا...اي شي تحبينه) وبعدين رشي علي البهارات الايطاليه (اورجينو - اكليل الجبل - الزعتر الناشف) وشوي فلفل اسود او احمر وشوي باربيكا وعقب صبي عليه الكريمه المخفوقه تلقينها جاهزه في الجمعيات صوب الثلاجه وخلطي مع المقادير وعقب ضيفي المكرونه وقلبيها مع الخلطه عدل واخر شي رشي عليه شوي جبن موزريلا وقدميه واذا تبينه بالمكس صوص او البنك صوص عقب ماتحطين الكريمه المخفوقه حطي قفشتين او ثلاث كبار صلصه المكرونه الحمرا الجاهزه اللي تلقينها في الجمعيات ماركه العلالي او اي ماركه ثانيه وبيطلع لج بنك صوص وبس :)

نور الدنيا
الله يحفظ لج هيالج وعيال ريلج
وتقريبا حاسة فيج
لان وحدة من خداماتي راحت والثانية باردة برود الدنيا
والحين مع رمضان والدوام
وقتي بعد الدوام في المطبخ وبعد الفطور مع اليهال
وشغل البيت
جد الله يعينج
فديت اللي يعفسون الدنيا ويعترفون وينطرون العقاب

روسبيري :-
حبيبتي شوووووكراً
اي بالدياي
ماقصرتي ....

بس سوال الباربيكا وين احصلها اي صوب
وممكن تصورينها لي

اوريجانو مب نفسه الزعتر الجاف؟

السلام علييكم

مبروك الف مبرووك

لعذية

ولموزان

ومبروك ماجابتوا والف الحمدالله ع السلامة

وربي يهون ع الكل يارب

مررررحبااا

شخباااركم


عذبه

الحمدالله ع سلاااامتج ويتربى الشيخ بعزكم

*النظرة الخجوله *;15464333:
بس سوال الباربيكا وين احصلها اي صوب
وممكن تصورينها لي

اوريجانو مب نفسه الزعتر الجاف؟

هلا حبيبتي اسمحي لي ماعرف انزل الصور بس تلقين الباربيكا في الجمعيات صوب البهارات واعتقد الاورجينو هو الزعتر بس انتي مب شرط تتقيدين شوفي صوب البهارات في الجمعيه في وايد بهارات ايطاليه اللي تجيج بعلبه خضرا في انواع وايد شوفي اللي تحبينه ممكن تحطينه عادي وفي ناس يكتفون بس بالفلفل الاسود والباربيكا انتي وذوقج

مرحبا وشحتووووووووووووووووووووني



شخباركم


وشعلووومك
قطعتكم بزي بزي بزي
والحين داير راسي وماعندي نت فالبيت متوهقه



الف مبروك لموزان ولعذبه
ويتربون الشيوخ في عزهم يارب

يؤ يؤ يؤ


صار باذنجان




صبايا ان شالله بكره بسوي بسبوسه
محتاره بين اللي بالقشطه واللي بالفستق
بقرر بكره ان شالله اي وحده بسويها

روسبيري :-
ثااانكس حوبي
انا احب الاوريجانو فبحطه ...

لولوه :-
لو انا بقولج الي بالقشطه لان ما اكل فستق
لوسمحتي نبي الصور
وبالعافيه وتسلم الايادي مقدماً

*النظرة الخجوله *;15464333:
بس سوال الباربيكا وين احصلها اي صوب
وممكن تصورينها لي

اوريجانو مب نفسه الزعتر الجاف؟

السلام عليكم بنات


البابريكا بودره حمرا تلاقينها مع البهارات !! شوففي صوب البهارات الغراش تلقينها
بس ترى مب كل الجمعيات فيها .. يمكن تلقين في اللولو الغرافه



بس على فكره اذا مالقيتي بابريكا ممكن تبدلينها بفلفل احمر بودره !!!


.........................
اما الاوريجانو .. من قال انه نفس الزعتر الله يهداكم :lol:

انا استخدمه على شغلات وايد
البتزا او المعكرونه او السلطه او ديكور للاكلات


بعد بتلقينه صوب الغريشات الي عند البهارات
اقريهم عدل بتلقينه !!
:study:

شخبااركم ماميز

شخبار تحهيزات القرنقعوووه نبي صووور ان شااءالله بنزلكن

السلام عليكم



شخباركم

ومبروك لموزان وعذبه وحمدلله عالسلامه ويتربون بعزكم ان شاء الله



ماعندي وقت كلش خدامتي اشردت ويالله يالله الحق اغسل واطبخ واشوف بنتي