28 مرة نقول يا تري بتعملي الأكله دي ازاي ؟ مبدعات مصر الفمرات و شهر رمضان 1432

ميرسى يابنات على ذوقكو وكويس ان السفره عجبتكو
الفطار انهارده كان مكسيكانو ومكرونه وسلطه والعصاير كانت كركديه وبلح
وبكره ان شاء الله لو رجعت قبل الفطار هاعمل جمبرى


ادعولى يابنات جوزى بكره هايعمل عمليه
ادعولى ربنا يقومه بالسلامه ويرزقنا بالذريه الصالحه ويجعل رمضان وشه حلو علينا ياااااااااااااااااااااارب

يا رب يا تميمه يقومه بألف سلامة يا رب و يرزقكم بالذريه الصالحة قادر يا كريم

ربنا يكرمك ويتقبل منك يا ام بودى يارب
انا اسمى رشا علشان الدعوه تكمل هههههه

سلامة زوجك يارشا ربنا يقومه بالسلامة عمليه ايه؟ربنا يطمنك عليه يارب

وتسلم ايديك شكل الاكل جلو اوى

انا بقالى يومين بفطر عند ماما بس بكرة هفطر فى بيتى هعمل فراخ حد عنده طريقة جديدة وقولولى اعمل معاها ايه؟

ربنا يكرمك يا ام حموده هى عمليه بسيطه ان شاء الله
عمليه دوالى ف الخصيه ربنا يكرمه يارب ويقوم بالسلامه ياااااااااااارب ومش يشوف عمره غرفه عمليات تانى يااااااااااااااارب ويرزقنا بحق الشهر الكريم ده للذريه الصالحه يااااااااااااااااااااااارب

ra_tamima;15466714:
ربنا يكرمك يا ام حموده هى عمليه بسيطه ان شاء الله
عمليه دوالى ف الخصيه ربنا يكرمه يارب ويقوم بالسلامه ياااااااااااارب ومش يشوف عمره غرفه عمليات تانى يااااااااااااااارب ويرزقنا بحق الشهر الكريم ده للذريه الصالحه يااااااااااااااااااااااارب

ان شاء الله يقوم بالف سلامة ياحبيبتى متخافيش دى بسيطة اوى ان شاء الله وربنا يرزقكم الذرية الصالحة يارب ويكرمكم فى هذا الشهر الفضيل ويقر عينك ويسعد قلبك يارب وتبشرينا عن قريب

ra_tamima;15465861:
ميرسى يابنات على ذوقكو وكويس ان السفره عجبتكو
الفطار انهارده كان مكسيكانو ومكرونه وسلطه والعصاير كانت كركديه وبلح
وبكره ان شاء الله لو رجعت قبل الفطار هاعمل جمبرى


ادعولى يابنات جوزى بكره هايعمل عمليه
ادعولى ربنا يقومه بالسلامه ويرزقنا بالذريه الصالحه ويجعل رمضان وشه حلو علينا ياااااااااااااااااااااارب

فراشه فى بيتها;15465346:
ام بودى وتميمه تسلم ايدييييييييييييييييييييكو ماشاء الله ربنا يبارك

عاوزه طريقه جديده للبط بس غير البط بالبرتقال

انا بسلقه ولما يستوى بدهنه زبده او زيت وارش عليه ملح وفلف وادخله الفرن يتحمر بس كده عاوزه طريقه جديده بقى

المقادير
- 1 بطة
- ½ 1 كوب فريك
- 2 بصلة متوسطة مفرية
- ½ ملعقة سمن
- 1 ملعقة صغيرة صلصلة طماطم
- ملح
- فلفل
لتغطية الوجه
- 2 ملعقة كبيرة زيت
- 1 ملعقة كبيرة مربى مشمش مصفاة
- 1 ملعقة صغيرة صلصة طماطم
- 2 ملعقة كبيرة عصير برتقال
للتزيين
- وحدات من البطاطس المسلوق
- أوراق بقدونس
- 2 تفاحة حمراء

النهارده الفطار طاجن فول بالبيض المسلوق و البشامل و جبنة قريش بالخيار و الطماطم و بطاطس محمرة

بيرق أمل;15462325:
وحشاااااااااااااااااااااااااني يا ام العيال قوووووووووووي
تصدقي فعلا البهارات المطحونة بتغمق الرز وانا اقول الرز عندي ليه غامق كده
مووووووووووواه :adore:

وانت اكتر والله عامله ايييه

والبهارات المطحونه والصلصه بتغمق الرز انت عارفه السعوديين فى نوع كبسه بيسلقوا الرز فى ميه ببهارات صحيحه سلق بس وبعدين يحمروا بصله زى بتاعت الكشرى ويحطوها علي الوش مع الزبيب واللوز والصنوبر

الكبسه اللى بصلصه بقا اسمها مضغوط هيه دى اللى بيحطولها صلصه

.. Hopes;15462489:
ياشباب

فيه ايه عصاير يتعمل تاااني غير الكركديه والتمرهندي والعرقسوس والسوبيا وقمر الدين طبعا
انا زهقت منهم كلهم :D
ومحدش يقولي جوافه عشان عندي كتييير وزهقت برضو

فى خشاف فى بلح باللبن فى كمان موز باللبن وفى فراوله وفى فراوله باللبن وفى مانجا وفى تانى خروب وفى كيوى باليمون بيبقا تحفه اوووى وفى عصير تفاح تعمليه كمبوت وتضربيه فى الخلاط بيبقا حلو وفى كمان عصير خوخ جميييييل برضوا اعمليه كمبوت واضربيه فى الخلاط بس ده اللى فى دماغى حاليا

ra_tamima;15463406:
دى يابنات عزومه اهل جوزو
دى كبسه باللحمه بس من غير مكسرات علشان مش بنحبها ومعاها سمبوسه باللحمه ولسان عصفور وسلطه وملوخيه بس مكنتش حاطه الملوخيه علشان مش تبرد
ودى تورته ايس كريم بس طبقتين كيكه و3 ايس كريم ودى منى ليكو بقى بمناسبه رمضان
احتفالى برمضان من صنع ايديا انا وجوزو

تسلم ايدك يا قمر السفره حلوووة اوى

Boody we zady;15463432:
تميمه جميل جدا ما شاء الله عليكي

هو محدش شاف صور الأكل الا د فلورز بس!!!!!!!!!!!!!!

فلورز ... طريقه التورته يا قمر في الموقع بالتفصيل

على فكره انا كمان علقت على الاكل يا ام بودى وانت دايما مش تردى عليا مع انك بتردى على الناس كلها وقعدت فرته مبقتش اعلق بعد كده قلت رمضان كريم ورجعت علقت على الاكل والتورته
بس ركزى بس انت معاانا وهتلاقى تعليقات بالهبل ههههه

ra_tamima;15463464:
بنات عايزه منكم بقى طريقه حلوه للجمبرى علشان اول مره اعمله
هى ماما جبتهولى وقشرته ف البيت يعنى متقشر جاهز ازاى بقى اعمل كمان شوربه منه وياترى هاتبقى حلوه ولا بلاش؟؟؟؟؟؟؟؟

بصى شوربه الجمبرى الصح لااازم القشر عشان يبقا فيها طعم حلوووو اووى

فراشه فى بيتها;15465346:
ام بودى وتميمه تسلم ايدييييييييييييييييييييكو ماشاء الله ربنا يبارك

عاوزه طريقه جديده للبط بس غير البط بالبرتقال

انا بسلقه ولما يستوى بدهنه زبده او زيت وارش عليه ملح وفلف وادخله الفرن يتحمر بس كده عاوزه طريقه جديده بقى

طمطم اقولك على طريقه جديده خاااالص ابعتيهالى ههههه اكلهالك انا هههههههههههههههه

ra_tamima;15465861:
ميرسى يابنات على ذوقكو وكويس ان السفره عجبتكو
الفطار انهارده كان مكسيكانو ومكرونه وسلطه والعصاير كانت كركديه وبلح
وبكره ان شاء الله لو رجعت قبل الفطار هاعمل جمبرى


ادعولى يابنات جوزى بكره هايعمل عمليه
ادعولى ربنا يقومه بالسلامه ويرزقنا بالذريه الصالحه ويجعل رمضان وشه حلو علينا ياااااااااااااااااااااارب

العمليه سهله خااالص يا رشا متقلقيش وربنا يكرمكم ياااارب وعلى فكره عشان مش تستعجلى على الحمل برضوا متهيالى سمعت دكتور على التى فى قبل كده بيقول بيستنوا لحد 6 شهور من بعد العمليه ممكن م يحصل حمل وبيحصل بعد كده وربنا ييسرلك اللى فيه الخييير يااارب انتوكل البنات

Boody we zady;15465928:

عملت دبابيس في الفرن و بسله و رز بالشعيلريه و العصير جوافه

ابعتيلى دبوس انقنق فيه عقبال المغرب ما تاذن تسلم ايدك شكلها حلو اووووووووى

النهارد بقا وبكره وبعده هقضيها اى حاجه عشان جوزى راح عمره وانا هبقا لوحدى وموضوع الاكل ده مش بيفرق معايا

بنات ردو عليا الله يكرمكم بسرعه

طلعت كيس الفراخ طلع قطع كان الكيس متقسم اساسا على انها تتعمل كنتاكى بس انا عاوزة اكل فته نفسى فيها فكدة انا محتاجة شوربة وفى نفس الوقت مش عاوزة اكل الفراخ مسلوقة قوليلى اعمل ايه؟؟؟

بس بسرعة الله يكرمكم اللى تعرف ترد عشان الحق اطبخ

ام حمودى ممكن تاخدي الرقبه و الاجنحه اسلقيها و اعملي بيها الفته
و باقي الفرخه اعملي بيها اللي انتى عوزاه

سلام عليكم يابنات
بقولكم ايه انا محتاجه طريقه حلوة للكب كيك وتكون مضمونه
كان فيه طريقه لقاء نزلتها هنا من فتره بس بصراحه انا مش لقياها خاااااااااالص
ساعدونى بقى

أم عمر هههههههههههههه تصدقي المرة دي شوفت تعليقك أهو ... الظاهر بجد كان فيه تهيس في الموقع تسلمي يا ربي

أم حمودي اسلقي حته فراخ و اعملي الباقي اللي انتي عايزياه أو اسلقيها و ادعكيها بطاطم معصورة و ليمون كتير و دخليها تحت الشوايه

banota_helwa;15467925:
سلام عليكم يابنات
بقولكم ايه انا محتاجه طريقه حلوة للكب كيك وتكون مضمونه
كان فيه طريقه لقاء نزلتها هنا من فتره بس بصراحه انا مش لقياها خاااااااااالص
ساعدونى بقى

وطريقة كب كيك مامة لقاء




3 بيضات
2 كوب دقيق
1 ونص كوب سكر
كوب لبن
نص كوب زبدة او زيت

معلقة بيكنج بودر
معلقة فانيليا

سارة العروسة القديمة;15467397:

احشية ارز او فريك بالكبد والقوانص

احشية واسلقية وبعدين حمرية
وماتنسيش الارز او الفريك يكون نصف سوا وكمان ماتكبسهوش خلية مرتاح

بط بالتفاح
1 ملعقة صغيرة فلفل حلو
- 1 ملعقة صغيرة فلفل أسود
- 1/4 ملعقة صغيرة ملح
- 150 جرام من لحم صدور البط منزوعة الدهون وخالية من العظم
- زبد
- 1 ثمرة بصل متوسطة الحجم ومفرية
- فصان ثوم مفرى
- 1 ملعقة صغيرة روزمارى طازج
- 150 جرام من صدور الدجاج المخلية مقطعة إلي أجزاء صغيرة
- 1/2 كوب حساء دجاج بدون ملح أو دسم
- 1 ملعقة صغيرة خل
- 3 ملاعق صغيرة بقدونس
- 300 جرام من التفاح مقطع إلي شرائح
- بقدونس للتزيين
- قليل من الزيت
الطريقة
- يخلط الفلفل الحلو والفلفل الأسود والملح.
- يدهن به صدور البط ، ويترك لمدة 15 دقيقة.
- تشوح صدور البط في قليل من الزبد فوق نار ذات درجة حرارة عالية وتقلب علي كلا الجانبين (وترفع من علي النار بحيث تكون غير تامة النضج).
- يوضع مكان اللحم البصل والثوم والبقدونس و الروزمارى وقطع الدجاج ثم يضاف الحساء، يترك حتى تقل نسبة الحساء إلي ثلث الكمية.
- يدهن إناء آخر بقليل من الزيت وتشوح شرائح البط فيه من جديد مع إضافة الخل ويترك فوق النار حتى ينضج لحوالى أربعة دقائق، ثم يترك جانباً.
- تضاف شرائح البط للصوص ويترك الخليط بأكمله فوق النار.
- تقدم شرائح البط ساخنة مع الصوص وشرائح التفاح

شرائح البط على الطريقة الإيطالية

600 ج صدر بطّ.
- 100 ج ملح خشن.
- 50 ج سكر.
- بهار زهريّ.
- 10 ج معجنات التالياتلّي بالسبانخ.
- 200 ج جزر.
-100 ج جبنة بوفورت.
- 100 ج بقدونس مسطّح
- 50 ج جوز
-50 ج بذور الكزبرة
- 10 ج صلصة الجوز.
- 20 ج خردل ديجون.
- 15 ج ملح .
- 2 ج بهار ابيض.
- 5 مل خل أحمر.
- 5 مل خل كزيريس.
- 30 مل زيت الذرة.
- 15 مل زيت الجوز.
طريقة التحضير
- تنظّف صدور البط وتوضع على صينيّة ثم تغطّى بالملح والسكر والبهار الزهري وتحفظ في البراد لمدة خمس ساعات.
- تغسل قطع البط بالماء ثم تجفّف جيّدا" وتلفّ بأوراق النيلون اللاصقة وتوضع في الثلاجة.
- عندما تتجمّد صدور البط تقطّع الى شرائح رقيقة وتوزّع في طبق.
- تسلق المعجنات ويخلط الجبن مع الجوز والصلصة والمعجنات. يزيّن البط بالبهار المدقوق والكزبرة.

بط محشو بالفريك

المقادير
- 1 بطة
- ½ 1 كوب فريك
- 2 بصلة متوسطة مفرية
- ½ ملعقة سمن
- 1 ملعقة صغيرة صلصلة طماطم
- ملح
- فلفل
لتغطية الوجه
- 2 ملعقة كبيرة زيت
- 1 ملعقة كبيرة مربى مشمش مصفاة
- 1 ملعقة صغيرة صلصة طماطم
- 2 ملعقة كبيرة عصير برتقال
للتزيين
- وحدات من البطاطس المسلوق
- أوراق بقدونس
- 2 تفاحة حمراء

الطريقة
تنظف البطة وتغسل جيدا ويتبل داخلها بالملح والفلفل .
- تشوح الكبد فى ملعقة صغيرة سمن، ثم تتبل بالملح والفلفل وتقطع بعد أن تبرد مكعبات صغيرة .
- يغسل الفريك جيدا ، ثم تشوح البصلة فى 1/2 ملعقة كبيرة سمن حتى يصير لونها ذهبياً، يضاف الفريك ويقلب المقدار على نار هادئة ( 3 - 5 دقائق ) .
- يضاف قليل من الماء وصلصة الطماطم ويتبل المقدار ويغطى ويترك على نار هادئة مع رفع الغطاء من حين لآخر وإضافة قليل من الماء كلما احتاج الأمر حتى تلين حبات الفريك ، يرفع الحشو من فوق النار ويضاف إليه مكعبات الكبد ويترك حتى يهدأ .
- تحشى البطة بالحشو المعد وتكتف وتسلق مع إضافة بصلة لماء السلق وملح وفلفل ومستكه وحبهان وورق لورا .
- ترفع البطة من ماء السلق وتترك حتى تبرد .
- تعد الصلصة بخلط زيت مع مربي المشمش وصلصة الطماطم وعصير البرتقال.
- توضع البطة فى صينية مدهونة خفيفاً بالزيت ، وتصب الصلصة فوق البطة بحيث تغطيها تماماً ويوضع معها البطاطس المسلوقة والمقشرة .
- توضع فى فرن متوسط الحرارة أو تحت شواية الفرن حتى تأخذ لوناً وردياً .

- توضع فى طبق التقديم وتجمل بحبات البطاطس وأوراق البقدونس والتفاح والبطاطس المقلية .

ماتحرمش منك جزاكى الله خيرا

وربنا يرزقك الذريه الصالحه انتى ورشا وكل اللى عاوز يارب


ررشا ربنا يشفى جوزك ويقر عينكو بذريه صالحه اللهم امين

Boody we zady;15467738:
النهارده الفطار طاجن فول بالبيض المسلوق و البشامل و جبنة قريش بالخيار و الطماطم و بطاطس محمرة

ام بودى ممكن طريقة طاجن الفول بالبيض المسلوقوالبشاميل

ده بقى الحاج فول مش فول بس:D:D

بوسى ماتغلاش عليكى البطه :adore:

بس ممكن تقوليلى اكل ايه انا والعيال8o|

ميرسى يابنات ربنا يكرمكم يااااااااااااااااااااااااارب ويتقبل منكم ويرزقنى انا وساره وكل البنات ياااارب

الغدا انهارده جمبرى ورز سمك وسلطه

بنات ضرووووووووووري وبسرعة قصوىىىىىىىىى

عايزة طريقة الكحـــــــــــــك وياريت حالا عشان ان شاء الله اعجنه انهرده

نوووووووووووودى وحشتينى اوى اوى
ربنا يجازيكى خير يارب على الطريقه دى بجد
انتى متعرفيش انا دورت عليها قد ايه بجد