بيت الايمان.. بيـــ السادس عشر ـــتنا.. لشهر رمضان المبارك..

السلام عليكم..)
بعد اخر رد ليومياتي يوم الجمعه
رتبت المجلس وطلعت انا وعيالي
للصاله ورقيت فوق خليتهم
يلعبون بالسطح وانا اغسل
ملابس وطلعت لعبتهم وعقب نزلت
سويت لي شاهي وجلست
اتابع برنامج تالي الليل بالمجد
وكنت هلكاانه من العمه
قريت شوي قران وكنت منقعه
الرز والدجاج جاء زوجي وطلبته يسوي السحور واشوى وافق الله
يخليه لنا قطع ولدي السلطه
\ وكملتها انا هههه فرحان وقعد
ساعه يحوس بالخيار المهم
تسحرنا وبعد الصلاة دخلت المطبخ غسلت المواعين والباقي دخلتها
الغساله ومسحت الكاونترات
والفرن وطلعت الزباله وطلعت
غيرت للعيال وغسلت الحمام
وطلعت زبالته( لكم الكرامه) ونمت
..
السبت ..
قمت 4 كان زوجي معزوم عند الجيران عالفطور كل اللي سويته تردد
على فوق غسلت دفعتين
وسويت لي كم حبه سمبوسه
وتوست باللحمه والمايونيز مع
عصير وقهوة وتمر والسحور
صينيه رز بالقشطه والدجاج
وسلطه ونظفت المطبخ
وشيكت عالبيت ونمت
..
الاحد..
قمت 3ونص غيرت للعيال ورضععت الصغير
وعطيت الصغار حليب شوكلت ودخلت المتبخ
سويت شوربه باللحم وطلعت سمبوسه لحم
وبيتزاء بالتوست واصابع جبن بالعسل وعصير وقهوة والتمر
بعد الفطور غسلت المواعين وطاحت مني الشطه وانكسسرت خخخ وانا هواش على عيالي انتبهو لاتنكسر واخرتها انا
لا والقهر بزوليه المجلس واقوم القط القزاز وكنس بالكهرب واجيب كلور والعملاق وفيري وفررك فرك لين تلحت ايديني ويالله راح احمر وريحه شطه تخيلو عاد والزوليه بيج
وانا كان وقتي ضييييق كنت بروح لاهلي
وارقى بسرعه احط دفعه غسيل عشان لارجعت احطها بالمجفف واجهز شنطة العيال
واغلف باقي الفطور واطلع دجاج للسحور
ورجعنا 2 علطول بديت بالسحور مضغوط دجاج احمر وسلطه
وبعد الصلاة تنظيف المطبخ كااااامل وطبعا اطلع الزبايل واشيك على الحمام والصاله
وكويت ملابس زوجي الداخليه رصيتها بالدولاب ونومت العيال ونمت

الاثنين ..
قمت 4العصر غسلت شعري وروشت العيال ورقيت اغسل عباياتي وحطيتها بالمجفف ونزلت تمكيجت وسشورت ولبست
العيال وجهزت شنطتهم ورحنا
عشاء لخالي ابو زوجي الله يرحمه
ورجعنا 1ونص حطيت السحور
يسخن عالنار
وطلعت زباله الحمام تكرمون وجبت لي كاسه شاي مصددددع راسي واذاني رجع لي الالم الله يستر من العمليه يارب
....
ابتسااامه بدلع
الله يبارك بعمرك يالغلا .
دانه قلبه ..
الحمدلله على رجعه العلاقه الله يسخركم لبعض ويرزقك الذريه الصالحه انتي وبسومه واموله ..
امل مشرق ..
الله يبارك بعمرك ويسلمك يارب.
[جالكسي ..الله يبارك فيك ويسلمك من الشر..

دفا الله يبارك فيك يالغلا
جالكسي كيف تنظفين باللي ؟؟ الكنبات مايجيها ماء ؟؟

دانة \
نورتي بيتك يا هلا فيك
والله يسخر كل زوجين


---------
لساتي عند أهلي كرف على مستوى بس راحه نفسيه ووناسه
وعيالي انبسسطو مع أخواني وبدأو يحاولون يتكلمون الحمد لله
الله ينطقهم بالحق والصواب ومرضاة الله تعالى

برجع بيتي قريب وشايله هم النقل والترميم والبويه والأثاث ووو
لكن الله ييسر ويبارك في الوقت والمال والجهد


----------------

الي تسأل عن آلة المصابيب شراها لي زوجي من جده 6 عيون ب95 ريال نوعيتها السيف من بن شيهون
وهنا بايعت فيها طلعت ب115 ريال

امل ياقلبي عادي اخفض على المويه وابعد الكنبات وأبدا أغسل واشطف طبعا اسوي كذا بالمناسبات

صباح الخير والنظافه والانتعاش ،،

الحمد لله بيتي يلق لققان ، خلصت الغسيل

ونظفت المطبخ وغسلت أرضيته ، وغسلت حمامي بكلور

وكنست الصاله ومسحت السيراميك بداك بالنعناع ،

وغسلت شرشف صلاتي وبخرته ، تحممت وتبخرت وبخرت البيت

وصليت ، وقبل الاذان انحرق لساني من شفط الشاهي ، يجيني رغبه

موب طبيعيه للشاهي قبل الاذان هههههههه

الحمد لله والشكر ،،،
،،،،،،،،،،،،،

جالكسي ياحبي لك ، أضيفك في اي برنامج ؟؟؟؟

وش حملتي من برامج محادثه ،،، ؟؟؟؟

أجل صحتي انتي وعيالك ههههه مثلي مره توني طالعه من النفاس

فطوم متعسره ونفسيتها زفت وتصيح عمرها سنه

وسوسو تصيح جوعانه قمت ذبيت سوسو في الارض وقعدت أصيح خخخخخ

خلود قطعتي قلبي ليش تذبينها بالارض شوي شوي
ذكرتيني باختي كلة تقول اعصب ع ولدي وارميه ع السرير
احسكم مجرمات :(
بس بصراحة ماتنلامون انا تعودت 4 سنوات من غير اطفال
احس لجو عندي جمعة اطفال قلبي يوجعني من الازعاج :)

امول ،،،

اذا رجعت بيتي بعد النفاس يجيني مثل

الاكتئاب ، واصير ماأتحمل شي على طول دمعتي على خدي

وعلى طاري الاجرام ازيدك من الشعر بيت اذا الصغير في النفاس

طفشني وقعد يعابط أخبطه على ظهره عشان يصيح مثل الناس ههههههه

لاتلوميني وانا اختك / موب كني كثرت كلام

لا عادي خذي راحتك هنا احنا نفضفض لبعض ونريح بعض
صحيح الله يعينك اشوف خواتي ، بس ماتنلامون شوفونا وقت العمه عذاب والنفسية داون وقبلها بعد

وتر ..الغساله ويرلبول اخر موديل مانزلت الا ثاني يوم رمضان
وتغسل كل شي بس القدور ماتغسل الا الاستيل
وسعرها 2800

لمعة الغسالة يبي لها تمديدات خاصة مثل الفرن الكهربائي والنشافة ؟؟ ولا عادي بالنسبة للكهرباء اقصد :)

يومياتي
البارح بعد الفطور نمت الى ساعه10
وصحيت وجلست مسنتره
غسلت الملابس والوقت يمشي بسرعه
الساعه2جلست اتابع تلفزيون الى ثلاث الفجر تسحرت
ونظفت المطبخ وغسلت المواعين
نظفت درج من دروج المطبخ كنت ماقدر افتحه من ثلاجه
حركت الثلاجه وفتحته وانفجعت
كانت حشرات مليانه ومنتشره في البيت كله
وطلع هذا كله من طحين الاسمر مليان حشرات ودود
نظفت الدرج واذان الفجر وصليت وكملت
تنظيف الى ساعه 6 جمعت الزبايل الله يكرمكم
ونزلتها تحت
وحسيت ان الحشراه فيني اخذت شور
وفركت جسمي
انتظر زوجي يجيب الكلور
علشان انظف المطبخ عميق واعقمه من الحشره
ومن بعده بنظف البيت عميق الان الحشرات انتشرت فيه
يعني اسبوع واكون نظفت البيت

هذي يومياتي البارح
اليوم
ماسويت شي جلست اقراء قران
وماسويت فطور باقي من امس اكل
انا وزوجي اكلنا خفيف ويبقى اكل كثير
وعندي كوي
وبحاول انظف وغسل الدرج
لانه وسخ مره ويفشل

سؤالي
بنات اي جزاء انتم وصلتو
وكم سوره في اليوم
انا ماكان عندي مصحفه اخذته حماتي
الكبيره وماقدرت اطلبهم منهم
ومن بعد ماسافرت حماتي الصغيره اخذته
يوم الاحد والحين انا بسوره الانفااال
تتوقعون اقدر قبل العشر الاوخر من رمضان

دانة بقلبه كانت هنا

دانه حاولي تقرين في اليوم جزئين تخلصين ان شاء الله
انا الحمد لله طبقت هالطريقة وخلصت لي ختمة الحمد لله:)
ترى انتي قريبه مني بالختمة الثانية نتنافس

دنو ،،،

تداركي اللي باقي ، اطلبي مصحفك لاتستحين

والا دبري لك مصحف لاتروح الايام ، لازم يكون لك ختمه على الاقل ،،،

جوجو ،،،

ماشاء الله بارك الله ، الله يثبتك ويجعلك قدوه

،،،،،،،،،،،

اليوم قمت ٣ الاربع ، اعوذ بالله ماحسيت بنفسي

صليت الظهر وعجنت ،،

وجلست اطلع مواعين الغساله وارتبها ، أذن العصر

صليت وبديت ازين حشوة فطاير بالدجاج ، طلعت لذذذذيذذذه ،

كشنت بصل وكرنب ودجاج مفروم فرم خشن ، وحطيت فلفل اسود

وبهارات مشكله ، وفرمت بقدونس وكزبره وفلفل حار

وحشيت بها الفطاير ، وصلحت خليه ،

اليوم فطايري تذوب في الفم كأنها قطن ، / ياحبي لي بس

لاني طولت وانا اخلط الخميره مع باقي المقادير في الخلاط ،،،

وصلحت بافباستري وسقيته نستله ورشيت عليه قرفه

وعصير فراوله وقمر الدين ،

يارب لك الحمد والشكر ، اللهم ادمها من نعمه واحفظها من الزوال  

سلام

يومياتي

الاسبوع هذا حافل

قبل يومين خلصت الغسيل كله الملون والابيض
الملون بالغساله العاديه والابيض بالاتومتيك وخلصت مره وحده وارتحت
من بكره خصلت الكوي كله واخيييييرن سلة الغسيل والكوي فاااارغه الحمد لله

..

اليوم

صحيت 3 صليت الظهر

ورحت نقعت الحمام بكلور وتايد وغسلته وصليت العصر

وكنست الدرج من اول رمضان مانظفته ياخزياه خخخ ومسحته بمويه والعملاق

ومطلعه دجاج وخبز تورتيلا للفطور

جاء زوجي وشافني منكتمه عقب الكلور قال مانبي فطور حمي الفول حق امس

ارتحت اشوي

واشتهيت شاورما .. تبلت الفيليه بليمون وزبادي وفلفل اسود وزيت زيتون وشطه
وشبيت على قهوتي
وحطيت الفيليه باسياخ خشب وحمرتها وقلبتها بصينيه تيفاااال فيه زيت
لين انشويت مثل الشاورما الجاهزه
بعد مانضجت قطعتها وصلحت وحشيتها بخبز التورتيلا مع خلطة الطحينه وبقدونس مفروم وشرايح طماطم
وغلفتها بورق ساندوتش
وجهزت الفطور وارسلت ساندوتشات لاهل زوجي تحت
وافطرنا على تمر وزبادي وقشطه وفول وساندوتشات شاورما وقهوه ومويه
بعد المغرب
حطيت قهوه وكليجا توفي
راح زوجي للتراويح
وانا عبيت المكنسه مويه وكنست البيت
ورتبت خيمة الالعاب وكنستهاا ورتبت غرفة العيال
جاء زوجي حطيت شاهي والباقي من الشاورما
وطلع وانا جيتكم بعد ماصليت لي كم ركعه

مسالخير
رمضان مبارك
اشتقت لكم حيــــــــــــــل
>>لايكون نسيتوني؟؟...
ابشركم!!!!!
رجعت علاقتي باهلي لافضل..
وهم عندي الحين بلبيت
والله فرحانه حيـــــــــــــل
وسوينا عزيمه لهم
والامور رجعت لتمام...
واليوم عندي اخواني واكتب من الاب توب حق اخوي
وحقنا خربان

لشتقت لكم حيــــــــــــــــــــل...